Շների մասնատված ու կրակված մարմիններ են հայտնաբերվել Գյումրիում. համայնքապետարանը հերքում է կատարվածում իր առնչությունը

14/02/2022 schedule18:45

Շաբաթ-կիրակի Գյումրիում գլխատված ու մասնատված մարմիններով շներ են հայտնաբերվել, իսկ այսօր արդեն՝ կրակոցի հետքերով կիսասատկած վիճակում:

Գյումրիում տեղի ունեցած սարսափելի դեպքերը սկզբում համացանցում, այնուհետև արդեն կենդանասերների խմբերում բարձրաձայնելուց հետո շներին հայտնաբերած քաղաքացիները դիմել են Ոստիկանություն, ներկայացրել համապատասխան հաղորդումներ:

Գլախատված շան գլուխն իր շքամուտքում (Մովսես Խորենացի 2-րդ շենք) տիկին Մանուշակն է հայտնաբերել, իսկ զույգ ոտքերը՝ հաջորդ օրը՝ տան դռան դիմացից:

«Շան գլուխը գտել եմ մեր մուտքի մեջից, ռեմենը՝ վզին: Դրել եմ տոպրակի մեջ, պահել եմ: Իմ շանը դուրս եմ թողնում ես, գնաց ու էդ ոտքերը բերեց: Ես սկզբից ուրիշ բան էի մտածում, ասացի՝ երևի մորթել են, մսի տեղ են ծախել, բայց որ ոտքերն էլ բերեց, ուրեմն միսն էլ վրան է, շներն ուտում են: Էսօր շատ շներ են քաղաքում խփում, ու կմտածեմ՝ ոչ թե գլուխները կտրած են, այլ խփել, թողել են, շներն էլ սոված են, կերել են: Ու կերածի տեղերով է, հավասար կտրած չեն, ոնց որ քաշքշել են, որտեղ բարակ է եղել, կտրել է: Դա ո՛չ մսի գործ անողի բան է, ո՛չ գլուխ կտրողի: Կրակողը մեկն է: Կա՛մ քաղաքապետարանից, մարզպետարանից, կա՛մ մեկը, ում երեխուն վախեցրել են, կա՛մ չգիտեմ էլի»,- մեզ հետ զրույցում պատմեց Մանուշակը:

Գյումրեցի Հեղինեն էլ «Հայկական ժամանակ»-ին տեղեկացրեց այսօր առավոտյան շներին կրակելու և մայթերին անօգնական թողնելու մասին: Նա նշեց, որ մինչև հիմա հոգեպես ճնշված վիճակում է, կիսասատկած կենդանու ձայնն ականջներում է, տեսքն էլ չի կարողանում մոռանալ:

«Առավոտյան աշխատանքի գնալիս հենց Տիգրան Մեծ ռեստորանի դիմաց (Տերյանի 49), տեսա շանը կրակված, ու ահավոր վիճակում եմ: Արդեն որերորդ կենդանին է կա՛մ կրակված, կամ գլխատված: Քաղաքապետարանն է, մարզպետարանն է, չիդեմ, ես անգամ սրբազանի մոտ կգնամ, իրենք իրավունք չունին աչք փակեն էս ամեն ինչի վրա: Անտանելի է, ամեն մայթին մի խփված կենդանի, երեխեքն էլ կտեսնին էս ամեն ինչը»,- ասաց Հեղինեն:

Համացանցում ևս մեղադրանքներն ուղղված են Գյումրու համայնքապետարանին: Նախկինում համայնքապետարանի հետ պայմանագրային պայմանավորվածությամբ Գյումրիում շների ստերջացումն իրականացնում էր «My vet» կլինիկան: Այսօր նույն աշխատանքը կատարում է այլ ընկերություն:

Գյումրեցիներից շատերն են վստահեցնում, որ քաղաքի տարբեր փողոցներում արդեն մի քանի օր է՝ սպանված շների դիեր ու կիսասատկած կենդանիներ կան:

Գյումրու փոխքաղաքապետ Դավիթ Առուշանյանը ևս այդ մասին լսել է, բայց միանշանակ հերքում է կատարվածում համայնքապետարանի մասնակցությունը: Մեզ հետ զրույցում ասաց՝ իրենք էլ են անհանգստացած կատարվածից: «Մենք հանձնարարել ենք, որ դիմեն Ոստիկանություն, որպեսզի հասկանանք՝ ինչ է կատարվել»,- շեշտեց Առուշանյանը:

Հարցին՝ ունի՞ արդյոք համայնքապետարանը կենդանիներին կրակրելու միջոցով վնասազերծելու հրահանգ, փոխքաղաքապետը դա ևս հերքեց:

«Բնականաբար, մենք կրակելու հանձնարարական որևէ մեկին չենք տվել: Մենք շներին ստերջացնում ենք: Լաբորատոր քննություն են անցնում կենդանիները, վտանգավորություն ներկայացնող շները սրսկմամբ քնեցվում են: Կազմակերպությունը, որը հիմա զբաղվում է այդ աշխատանքով, իմ կարծիքով, նման փորձ ունեցել է, բոլոր փաստաթղթերն առկա են, և իրավունք ունեն նման գործունեություն ծավալելու»,- տեղեկացրեց Գյումրու փոխքաղաքապետը:

Կան նաև խոսակցություններ, որ կենդանիներին փողոցում դաժանաբար վնասազերծում են, օրինակ՝ պարանով կապելու, քաշելու տարբերակով: Տեղեկությունը չհերքեց նաև Դավիթ Առուշանյանը:

«Բնականաբար, շուն կա, որ համոզելով, սիրելով, հետը խաղալով մտցնում ես մեքենա, շուն կա, որ պետք է բռնես հատուկ սարքավորումով, որը շան համար վտանգավոր չէ: Ավելի լավ է էդ մեթոդներով, որոնք օրենքի սահմաններում են, ավելի լավ է կիրառենք, տանենք, հետազոտենք կենդանիներին, որոնք որ վտանգավոր են: Այո՛, պետք է քնեցվեն: Ես չեմ վախենում դա ասել: Եթե մենք դա չենք անում, արդեն դանակը ոսկորին է հասել, ու մարդիկ կսպանեն»,- ասաց փոխքաղաքապետը:

Նա նաև տեղեկացրեց, որ առկա բոլոր հրապարակումները ոստիկանության հետ համագործակցության արդյունքում կպարզաբանվեն, որպեսզի հասկանալի լինի՝ դրանք ի՞նչ տեսանյութեր և լուսանկարներ են, ե՞րբ և որտե՞ղ են արվել:

Համայնքապետարանում այս հարցով նաև խորհրդակցություն է կայացել: «Մեկ անգամ ևս վստահեցնում ենք, որ մեր կողմից որևէ կառույցի կամ անհատի շների հետ նման կերպ վարվելու հանձնարարական չկա: Մեր առաջնային խնդիրը մարդկանց անվտանգության ապահովումն է՝ առանց որևէ օրենք խախտելու»,- շեշտեց Դավիթ Առուշանյանը:

Գյումրիում ներկա պահին մոտ 2700 շուն կա, որից 2020-21 թթ. ստերջացվել են գրեթե 1600-ը: Այնուհետև գործընթացը դադարեցվել է՝ որոշակի հետազոտության նպատակով:

«Մենք մի պահ դադարեցրինք ստերջացման պրոցեսը: Տեսանք, որ համայնքապետարանը շատ լուրջ գումար է ծախսել, 2 տարի ստերջացում է կատարվել, սակայն խնդիրը լուծվելու փոխարեն ավելի է խորանում: Էսօր ավելի արդիական է խնդիրը, քան 2 տարի առաջ, երբ ստերջացում չէինք անում: Այսինքն՝ մի բան սխալ էր: Հասկացանք, որ խնդիրը միայն ստերջացմամբ չի լուծվի: Նաև զուգահեռ քնեցում պետք է լինի, որ հնարավոր լինի էդ թափը պահել»,- բացատրեց Առուշանյանը:

Նոր ընկերությունը 500 շան ստերջացման հանձնառություն ունի այս պահին, բայց նպատակ կա թիվը համալրել ոչ թե մեկ տարում, այլ ավելի սեղմ ժամկետում, քանի որ, ըստ փոխքաղաքապետի, եթե 365 օրում ընդամենը 500 շուն ստերջացվի, այդ ժամանակամիջոցում ավելի շատ նոր շներ կծնվեն:

«500-ի ավարտից հետո կանցնեն հաջորդ 500-ին: Մեկ տարում պետք է կարողանանք քաղաքի բոլոր շներին ստերջացնել: Այլ ելք չկա: Քնեցվելու ենթականերն էլ կքնեցվեն: 30 մլն դրամ կա հատկացված, բայց եթե կարիքը լինի, կրկին կտրամադրվի գումար: Սա պարտադիր լուծվելու ենթակա խնդիր է»,- ասաց Դավիթ Առուշանյանը:

ՀՀ ոստիկանությունից էլ «Հայկական ժամանակ»-ին տեղեկացրին, որ այս պահին հաղորդում կամ ահազանգ չի ստացվել, հրապարակումը կուսումնասիրվի:

Կենդանասեր Հրանտ Դավոյանն էլ մեզ հետ զրույցում նշեց, որ այսօր կրակված հայտնաբերված շներից 2-ին կտեղափոխեն Երևան՝ կլինիկայում բուժելու նպատակով:

273692373_1535127710197997_4961530126248665689_n.jpg (58 KB)

273473258_497176111794099_4706649985364677813_n.jpg (78 KB)

Սամսոն Մատինյան

Լուսանկարները՝ համացանցից

Տպել
3508 դիտում

Դատավորների ընդհանուր ժողովը ՍԴ դատավորի թեկնածու է ընտրել

Բրյուսելում կայանալիք հանդիպումը ինչի կարող է «դրդել» Հայաստանին․ ինչ է հայտարարել Ադրբեջանի ԱԳՆ-ն

Արտույտի ապօրինի որս է կատարվել․ ԲԸՏՄ-ն առգրավել է որսագողերի զենքերը

Վարչապետն ընդունել է Հայաստանի ամերիկյան համալսարանի նախագահին․ անդրադարձ է կատարվել ծրագրերին և նախաձեռնություններին

Crocus City Hall-ի ահաբեկչությունից հետո պատահաբար այնտեղ հայտնված և մարդկանց փրկած 35-ամյա Կարեն Ենգիբարյանը մահացել է

Կրակը մարելուց հետո այրված շինությունում տղամարդու դի է հայտնաբերվել

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին