Հուսամ՝ Պարեկային ծառայությունը կվերցնի Ոստիկանության լավագույն ավանդույթները և կլրացնի նախկին թերությունները. Փաշինյան

ՀՀ վարչապետ Նիկոլ Փաշինյանը Ոստիկանության օրվա առթիվ Վանաձորում մասնակցել է Պարեկային ծառայության Լոռու մարզի ստորաբաժանման աշխատանքի մեկնարկին նվիրված միջոցառմանը:

Այս մասին տեղեկացնում է ՀՀ վարչապետի աշխատակազմի տեղեկատվության և հասարակայնության հետ կապերի վարչությունը:

Վերջինիս ներկա են գտնվել նաև փոխվարչապետ Համբարձում Մաթևոսյանը, Պաշտպանության նախարար Սուրեն Պապիկյանը, Ազգային անվտանգության ծառայության տնօրեն Արմեն Աբազյանը, Արդարադատության նախարար Կարեն Անդրեասյանը, Տարածքային կառավարման և ենթակառուցվածքների նախարար Գնել Սանոսյանը, Ազգային ժողովի Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, Մարդու իրավունքների պաշտպան Քրիստինե Գրիգորյանը, Պետական եկամուտների կոմիտեի նախագահ Ռուստամ Բադասյանը, Հայաստանում Եվրոպական միության պատվիրակության ղեկավար, դեսպան Անդրեա Վիկտորինը, ԱՄՆ արտակարգ և լիազոր դեսպան Լին Թրեյսին և այլք:

Կառավարության ղեկավարը հանդես է եկել ելույթով, որում նշել է.

«Ոստիկանության հարգելի ծառայողներ,

Կառավարության, իրավապահ մարմինների, գործադիր իշխանության, օրենսդիր իշխանության հարգելի անդամներ,

Հարգելի դեսպաններ,

Սիրելի հայրենակիցներ,

Այսօր Լոռու մարզի համար նշանավոր օր է՝ մեկնարկում է Պարեկային ոստիկանության ծառայությունը: Շատ խորհրդանշական է, որ Ոստիկանության օրը մենք 2022 թվականին դիմավորում ենք այսպիսի նորամուծությամբ:

Նախ ուզում եմ Ոստիկանության բոլոր ծառայողներին շնորհակալություն հայտնել այս ընթացքում իրենց կատարած ծառայության համար: Հատկապես՝ վերջին տարիներին մենք շատ բարդ իրադարձությունների միջով ենք անցել, և պետք է արձանագրել, որ այս ընթացքում Ոստիկանությունը մնացել է իր բարձրության վրա՝ մի կողմից մեր իրավապահ և հատուկ մյուս ծառայությունների հետ պաշտպանելով իրավակարգը, Սահմանադրական կարգը, մյուս կողմից՝ հնարավորություն է տվել, որ քաղաքացիները լիարժեք իրացնեն իրենց իրավունքները:

Հույս ունեմ, որ Պարեկային ծառայությունը կվերցնի մեր Ոստիկանության բոլոր լավագույն ավանդույթները և կլրացնի այն բոլոր թերությունները, որոնք մենք նախկինում ունեցել ենք: Ըստ էության, Պարեկային ոստիկանությունը շատ խորհրդանշական ծառայություն է, որովհետև մի կողմից այստեղ ընդգրկված են Ոստիկանության երկարամյա աշխատողներ, մյուս կողմից՝ քաղաքացիներ, որոնք Ոստիկանության հետ որևէ առնչություն չեն ունեցել կամ առնչություն են ունեցել որպես քաղաքացի:

Սա նշանակում է, որ Պարեկային ոստիկանությունն իրադրություններին կարող է նայել երկու կողմից, իրադրությունները հասկանալ երկու կողմից և իրադրությունները հասցեագրել հավասարակշռված, բայց վճռական: Ես ցանկանում եմ սա հատկապես ընդգծել՝ օրենքի, իրավունքի, Սահամանդրական կարգի, քաղաքացիների անվտանգության ապահովման տեսակետից, հանցավորության դեմ պայքարում, կարգուկանոնի պաշտպանության, սկսած՝ երթևեկության կարգուկանոնից, վերջացրած՝ առօրյա կարգուկանոնով Ոստիկանությունը պետք է լինի վճռական և հաստատակամ:

Այսօր ավտոմեքենաների թվի էական աճի արդյունքում ավելացել են ավտովթարները, մեծ քանակությամբ քաղաքացիներ են ամեն տարի զոհվում ճանապարհներին, վիրավորվում: Ես սա ինչո՞ւ եմ ընդգծում, որ մարզային փուլում Պարեկային ոստիկանությունը ծառայություն է իրականացնելու նաև մայրուղիների վրա: Եվ հատկապես ակնկալում եմ, որ մայրուղիների վրա ծառայությունն իրականացվի պատշաճ մակարդակով:

Ուզում եմ հատկապես ևս մի բան ընդգծել. մենք սկզբունքային պայքար ենք տանում կոռուպցիայի դեմ: Դա վերաբերում է բոլորին՝ կառավարությանը, քաղաքական իշխանությանը, իրավապահ մարմիններին և Ոստիկանությանը: Ցանկանում եմ հույս հայտնել, որ Պարեկային ծառայությունը, ընդհանրապես՝ Ոստիկանությունը, զերծ կլինի կոռուպցիայից:

Այսօր Սուրբ Զատկի ճրագալույց է, և ես ուզում եմ բոլորիդ հիշեցնել Նոր Կտակարանի խոսքերը, երբ ասվում է, որ հնարավոր չէ միաժամանակ ծառայել Աստծուն և մամոնային. մամոնան տվյալ դեպքում դրամն է: Իսկ Աստծուն ծառայել, նշանակում է ծառայել իրավակարգին, օրենքին, ժողովրդին, Սահմանադրական կարգին, օրինականությանը:

Քաղաքացիները Հայաստանի Հանրապետությունում իրենց մի կողմից պիտի զգան ազատ, մյուս կողմից՝ պիտի հասկանան, որ այդ ազատությունը պահպանում և պաշտպանում է իրավակարգը, օրինականությունը: Ես այս գործում բոլորիս մաղթում եմ հաջողություն և հատկապես՝ ձեզ, Ոստիկանության հարգելի ծառայողներ, որովհետև այս գործի առաջին գծում հենց դուք եք:

Այսօր շնորհակալություն հայտնելով մեր ոստիկանությանը ծառայության համար, ես ուզում եմ, որ մենք կրկին հիշենք ոստիկանության այն ծառայողներին, ովքեր զոհվել են 44-օրյա պատերազմի ընթացքում, ովքեր զոհվել են Ղարաբաղյան առաջին պատերազմի ընթացքում, ովքեր զոհվել են Հայրենիքի պաշտպանության դիրքերում, ովքեր զոհվել են օրենքը և իրավունքը պաշտպանելիս, հանցավորության դեմ պայքարելիս: Խոնարհում և գնահատանք նրանց նվիրվածությանը»:

Մեկ րոպե լռությամբ հարգանքի տուրք մատուցելուց հետո վարչապետը ևս մեկ անգամ շնորհակալություն է հայտնել բոլոր այն մարդկանց, մարմիններին, ովքեր իրենց նպաստն են բերել Հայաստանի Հանրապետության պարեկային ոստիկանության ներդրման աշխատանքներին:

«Այժմ Շիրակի և Լոռու մարզերում մենք գործարկում ենք Պարեկային ծառայության աշխատանքը, բայց հենց այս պահին էլ Պարեկային ոստիկանության հավակնորդների ընդունելությունը Տավուշի, Գեղարքունիքի, Արագածոտնի և Կոտայքի մարզերում շարունակվում է: Ես ուզում եմ քաղաքացիական անձանց և հատկապես կանանց կոչ անել ակտիվորեն մասնակցել ընդունելությանը, ինչը նշանակում է, որ նրանք հինգ ամիս ուսումնառություն կանցնեն Ոստիկանության ակադեմիայում, ապա որակավորման քննություն հանձնելուց հետո, կանցնեն ծառայության:

Պարեկային հարգելի ոստիկաններ, այսօր ձեր ծառայության առաջին օրն է, բարի ծառայություն՝ ի շահ Հայաստանի Հանրապետության, Սահամանդրական կարգի, օրինականության, քաղաքացիների իրավունքների և ազատությունների»,- եզրափակել է վարչապետ Փաշինյանը:

Տպել
1291 դիտում

Ասում են` չեն կռվի այդ հրամանատարության ներքո, բայց հանկարծ սկսում են բահ ու քլունգ գնել, ի՞նչ փոխվեց. Հովհաննիսյան

Կրթվելու և մշակույթին էլ ավելի մոտ լինելու «խրամատը» ևս ամուր պետք է լինի․ կայացավ գրքի երևանյան փառատոնի բացումը

Հայ-ադրբեջանական սահմանին իրադրության փոփոխություն չի արձանագրվել. ՊՆ

ՀԱՊԿ-ում նույնպես արձանագրվել է, որ Հայաստանում կառույցի նկատմամբ հանրային որոշակի տրամադրություններ են փոխվել. Փաշինյան

«ԳեոՊրոՄայնինգը» շարունակում է համայնքներում համալրել կոմունալ ծառայությունների սպասարկման տեխնիկական պարկը

Հրապարակումները, որոնք եղել են հնդկական մամուլում, ՀՀ-ի կողմից չեն հերքվել, լրացուցիչ բան ասել չեմ կարող. վարչապետ

Դիտորդական առաքելության նպատակներից մեկը սահմանի իրադրության վերաբերյալ անաչառ տեղեկատվության փոխանցումն է. վարչապետ

Երաշխավորված անվտանգությունը կարող է ապահովել միայն համապարփակ խաղաղությունը. Նիկոլ Փաշինյան

Նիկոլ Փաշինյանը հայտնեց, թե ինչու չեն հրապարկվում Ադրբեջանի հրահրած վերջին ագրեսիայի հետևանքով զոհվածների անունները

Կիևը արագացված կարգով դիմում է ՆԱՏՕ-ին անդամակցելու համար. Զելենսկի

Իշխանությունը և անձամբ ես գիտակցում ենք երկրի ճակատագրի հանդեպ պատասխանատվությունը և պատրաստ ենք այն կրել. վարչապետ

Արտակ Բեգլարյանի նախագահությամբ գումարվել է թվայնացման խորհրդի նիստ

Անահիտ Ավանեսյանն ու ԱՄՆ-ում ՀՀ պատվավոր հյուպատոսը քննարկել են առողջապահության ոլորտում փոխգործակցության հեռանկարները

Սեպտեմբերի 28-ին զոհված Հովհաննեսը վերջին անգամ հեռախոսով ծառայող որդու և կնոջ հետ է խոսել, կինը լսել է պայթյունի ձայնը

Հայ պատգամավորների պատվիրակությունը հանդիպումներ է ունեցել Լեհաստանի Սեյմում

Իրավիճակը Լարսում կարգավորվել է․ Վրաստանի ՆԳՆ

Վկա և տուժող երեխաների մասնակցությամբ քննչական և այլ գործողությունները կկազմակերպվեն «մեկ պատուհան» սկզբունքով

Վարդենիս-Սոթք ավտոճանապարհին վթարի է ենթարկվել բլոգեր Արսեն Հակոբյանը. վերջինիս վիճակը ծանր է

ԱԳ նախարարն ընդունել է Հայաստանում Իրանի դեսպանին ու նորանշանակ գլխավոր հյուպատոսին, ստացել վերջինիս արտոնագիրը

ՏԻՄ ընտրություններին քարոզչության դրդելու առթիվ վարույթի շրջանակում կալանավորվել է նաև Բերդ համայնքի ղեկավարի տեղակալը

Դոնբասը, Զապարոժյեի ու Խերսոնի շրջանները պաշտոնապես հաստատվեցին որպես ՌԴ մաս. Պուտինը ստորագրել է հրամանագրերը

ԵԱՏՄ անդամ պետությունների մաքսային ծառայությունների միավորված կոլեգիայի նիստի շրջանակում ստորագրվել է 19 որոշում

Շիրակի մարզպետարանում քննարկվել են սուբվենցիոն ծրագրերի արդյունավետության, մարզի քաղպաշտպանությանը վերաբերող հարցեր

Աբովյան քաղաքի Դարանի փողոցի վերջնամասում այրվել է ավտոմեքենա

Ջերմաստիճանը հոկտեմբերի 1-2-ը աստիճանաբար կնվազի 2-4 աստիճանով

Դոլարի փոխարժեքը նվազել է. ՀՀ կենտրոնական բանկը հրապարակել է նոր փոխարժեքներ

Տարբեր ժողովուրդների մշակութային տարրերի ցուցահանդեսին ՀՀ-ն մասնակցել է հայկական ժանյակի ցուցադրությամբ

Հանրայինն իրավական գործընթաց է սկսել, որպեսզի վերականգնի «Կյանք ու կռիվ» ֆիլմը ցուցադրելու իր հեղինակային իրավունքները

Դավիթ Բեկ գյուղի մոտակայքում այրվել է 10 հա խոտածածկ տարածք

Ինչ կարող է անել սփյուռքը այս իրավիճակում. Էդմոն Մարուքյանը գործողությունների ծրագիր է ներկայացրել (տեսանյութ)

Երևանում կայացել է առևտրատնտեսական համագործակցության հարցերով հայ-բելառուսական միջկառավարական հանձնաժողովի 16-րդ նիստը

Քննարկվել են երկրի անվտանգությանը վերաբերող հարցեր. «Դուրս ՀԱՊԿ»-ից միության անդամը՝ Քոչարյանի հետ հանդիպման մասին

Պետություն կառուցել՝ սա ենք մենք պարտք Անմահներին. Աննա Հակոբյան (լուսանկարներ)

Ոստիկանները որսագողության դեպք են բացահայտել

Վնասվել է Արշակունյաց պողոտայով անցնող միջին ճնշման ստորգետնյա գազատարը

Տնտեսական ակտիվության ցուցանիշը կազմել է 13.9%. նախարարությունը հրապարակել է օգոստոս ամսվա մակրոտնտեսական ցուցանիշները

Վերջին մեկ շաբաթում Մոսկվա-Երեւան քանի չվերթ է իրականացվել «Զվարթնոց» օդանավակայանից

ՀՀ քննչական կոմիտեն որոնում է տեսագրության մեջ պատկերված անձին

Քննարկվել են հայ-մեքսիկական մշակութային համագործակցության հարցեր

Զինծառայողը կալանավորվել է տնամերձ հողամասում նռնակը պայթեցնելու դեպքի առթիվ նախաձեռնված վարույթի շրջանակում