«Օգտվել հնարավոր չէ». Երևանում հասարակական զուգարանները սակավաթիվ են և անմաքուր, ի՞նչ է առաջարկում քաղաքապետարանը

Երեւանում հասարակական զուգարանների բացակայության խնդիրը եւ եղածների ոչ բավարար սանիտարական վիճակը շարունակում են արդիական մնալ: Այժմ քանի որ զբոսաշրջության ակտիվ շրջան է, հարցն առավել ակնառու է դարձել:

Նկատենք՝ մեր քաղաքացիներից շատերն անգամ տեղյակ էլ չեն, որ Երեւանում հասարակական որոշ զուգարաններ կան, իսկ նրանք, ովքեր տեղյակ են, չգիտեն՝ դրանք որտե՞ղ են տեղակայված եւ արդյոք բարվոք վիճակո՞ւմ են, թե՞ ոչ:

Իսկ ահա զբոսաշրջիկների եւ օրվա մեծ մասը դրսում անցկացնող անձանց համար իսկապես խնդիրը լուրջ է: Նրանց փոխանցմամբ՝ գիտեն, որ եթե տվյալ պահին մտնեն որեւէ սրճարան եւ թույլտվություն խնդրեն՝ զուգարանից օգտվելու, չեն մերժի, բայց գերադասում են վճարել եւ օգտվել պատշաճ, սանիտարական նորմերին համապատասխան զուգարաններից: 

Քաղաքացիների շրջանում դժգոհություն կա նաեւ քաղաքում տեղադրված մի քանի բիոզուգարանների վերաբերյալ: Վերջիններիս փոխանցմամբ՝ դրանք անմաքուր են, տհաճ հոտ է գալիս: «Քանի որ այդ շարժական զուգարանից օգտվելու արժեքը սովորականից թանկ է՝ 200 դրամ, մտածեցի՝ մաքուր կլինի: Կոպեկը գցելուց հետո դուռը բացվեց, հոտից ինքնազգացողությունս վատացավ, անգամ օգտվել չկարողացա, ինձ մի կերպ դուրս գցեցի»,- «Հայկական ժամանակ»-ին դժգոհեց քաղաքացի Արմինե Բ-ն:

ՌԴ-ից եկած, բայց ազգությամբ հայ Ա. Կ-ի խոսքով էլ՝ մեկ անգամ է ստիպված եղել հասարակական զուգարանից օգտվել, սակայն կրկին դժգոհ է. «Աշխատում եմ սրճարանների զուգարաններից օգտվել, քանի որ անհամեմատ ավելի մաքուր ու պատշաճ վիճակում են»: Ուսանող Լ. Կ-ն էլ մարզից է գալիս Երեւան, սակայն աշխատում է չօգտվել: Երիտասարդ աղջկա խոսքով՝ անգամ տեղյակ էլ չէ, թե քաղաքի ո՞ր հատվածում կարելի է գտնել զուգարան:

Քաղաքացի Ս. Մ-ն էլ Երեւանում գործող ընդամենը երկու հասարակական զուգարանի մասին է տեղյակ, բայց աշխատում է չօգտվել: «Մի վայր, որտեղ ով ասես մտնում է եւ պատշաճ մաքրություն էլ չի ապահովվում, չի կարող վստահելի լինել»,- նշեց նա:

Քաղաքացիների բողոքների հիման վրա այցելեցինք մայրաքաղաքում գտնվող որոշ հասարակական զուգարաններ:

Երեւանի Կոմիտասի անվան պետական կոնսերվատորիայի հարակից տարածքում տեղադրված բիոզուգարանը, որի մասին արդեն բացասական կարծիքներ էինք լսել, մեր այցելության պահին չէր գործում: Կանանց համար նախատեսված հատվածի բռնակը ջարդված էր, 200-դրամանոց մետաղադրման էլ սարքը չընդունեց: Իսկ տղամարդկանց համար նախատեսված հատվածում մուտքի մոտ կանաչ լույս էր վառվում, սակայն կրկին մետաղադրամ չէր ընդունում:

ջարդած.jpg (107 KB)

Իսկ «Վերնիսաժի» սկզբնամասում գործող զուգարանն անմաքուր էր: Մեր այցելության ժամանակ տեղում աշխատող կնոջ հավաստմամբ՝ ջուր չունեին եւ անհարմար պահի էինք գնացել, սակայն չխոչընդոտեց մեր մուտքը: Լվացարաններն ու սանհանգույցները կեղտոտ էին, իսկ զուգարանի հոտը՝ տհաճ: Սանհանգույցների անմաքուր լինելը աշխատակիցը պատճառաբանեց ջրի բացակայությամբ: Սակայն նկատեցինք, որ անմաքուր վիճակը մեկ օրվա հետեւանք չէր:

Գրիգոր Լուսավորիչ եկեղեցու դիմաց՝ կանգառին հարակից զուգարանը, բավականին մաքուր էր:

Տիկին Անահիտի խոսքով, որն այդ զուգարանի մաքրման ու հսկման պատասխանատվություն է ստանձնել, երեկ մի երիտասարդ տղա, անկյունում կանգնած, հոգացել է կարիքները, իր աչքի առաջ. «Ասում եմ՝ տղա ջան, դու տնի՞ց ես հելել, մորդ տարիքի կին եմ, չե՞ս ամաչում: Փող չունես, առաջին հերթին ամոթ, որ երիտասարդ տղա ես ու չունես, երկրորդն էլ արի, ասա՝ մորաքույր, գումար չունեմ, թույլ կտա՞ք օգտվել: Հո ես չէի ասելու՝ չէ՛, գնա»:

անկյուն.jpg (117 KB)

Աշխատակցի վստահեցմամբ՝ չնայած ներսում փորձում են մաքրություն ապահովել, որպեսզի վատ հոտ չգա, սակայն հարակից տարածքը կեղտոտողները ազդում են նաեւ զուգարանի ընդհանուր հիգիենիկ վիճակի վրա:

«Լունապարկ»-ին կից գործող մեկ այլ հասարակական զուգարանի աշխատակցի պնդմամբ էլ՝ մեր քաղաքացիները թափթփված են. «Շատ դեպքերում տղամարդիկ ավելի կոկիկ են, քան կանայք»: Նրա խոսքով՝ երբեմն պատահում է, որ մայրերն իրենց երեխաների տակդիրները նետում են զուգարանում եւ գնում: «Բազմիցս զգուշացնում ենք, որ դրսում՝ հենց դիմացը, աղբամանա կա»,- գանգատվեց աշխատակիցը:

զուուու.jpg (153 KB)

Մայրաքաղաքում զուգարանների սակավության եւ առհասարակ դրանց խնդրի կարգավորման վերաբերյալ մեկնաբանություն խնդրեցինք նաեւ Երեւանի քաղաքապետարանից:

Քաղաքապետարանի Կոմունալ տնտեսության վարչության պետ Արսեն Կարոյանը «Հայկական ժամանակի» հետ զրույցում հաստատեց՝ համայնքն ունի շատ փոքր քանակությամբ սանհանգույցներ, որոնք հիմնականում հասարակական տրանսպորտի վերջին կանգառներում են, որպեսզի վարորդները կարողանան պատշաճ զուգարաններից օգտվել:

Նրա հավաստմամբ՝ վերջերս Երեւանի քաղաքապետ Հրաչյա Սարգսյանի հետ քննարկումներ են ունեցել, խնդրի կարգավորմանն ուղղված որոշակի լուծումներ առանձնացրել. «Արդեն ամբողջությամբ գույքագրել ենք քաղաքում համայնքային եւ մասնավոր բոլոր սանհանգույցները՝ գործող եւ չգործող»:

Կոմունալ տնտեսության վարչության պետի փոխանցմամբ՝ առաջիկայում նոր նախագիծ է մեկնարկելու. բոլոր տնտեսվարող սուբյեկտները, որոնք ցանկություն կունենան կառուցել սանհանգույց եւ շահագործման հանձնել, Երեւանի քաղաքապետարանը տարածք կտրամադրի: «Արդյունքում մեր քաղաքացիները հստակ կիմանան, թե որտեղ կարելի է օգտվել բարվոք սանհանգույցից, իսկ տնտեսվարող սուբյեկտների համար էլ որոշակի եկամտի աղբյուր կդառնա»,- նշեց նա:

Հարցին՝ ի՞նչ արժեք է սահմանվելու, արդյոք պահպանվելո՞ւ է գործող 100 դրամը, Կարեյանը դժվարացավ պատասխանել՝ նշելով՝ դեռ հստակ չէ: Վարչության պետը, սակայն, ասաց՝ ամեն դեպքում, զսպող չափորոշիչներ կլինեն, որպեսզի գինը շատ բարձր չլինի:

Վերջինս անդրադարձավ նաեւ մայրաքաղաքի գետնանցումներում եւ տարբեր հատվածներում տիրող հակասանիտարական վիճակին՝ նշելով. «Պարբերաբար այդ տարածքները ջրցան մեքենաներով հնարավորինս մաքրվում են, բայց կարճ ժամանակ անց իրավիճակը նույնն է դառնում: Այդ մշակույթը եւս պետք է մեր քաղաքացիների շրջանում ձեւավորվի. իհարկե, խոսքը բոլորին չի վերաբերում: Եղել են սրճարաններ, երբ սեփականատերը որոշել է, որ դրա զուգարանները ծառայեցնի նաեւ որպես հասարակական, բայց կարճ ժամանակ անց համոզվել է, որ անհնար է»:

Նրա խոսքով՝ նաեւ հաճախ ահազանգեր են ստանում շենքերի բնակիչներից շքամուտքերի հատվածը, աստիճանավանդակը զուգարանի վերածելու եւ կարիքները այնտեղ հոգալու հետ կապված: «Ակտիվացրել ենք բազմաբնակարան շենքերում դռների եւ կոդավորված փականների տեղադրման գործընթացը՝ այդ կերպով փորձելով կանխել»,- հավաստիացրեց նա:

Տպել
2340 դիտում

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի

36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան

Աշխարհի Գավաթում Հայաստանը կներկայացնի 5 ծանրորդ