Քննարկվել է «Մասնագիտական կրթության և ուսուցման մասին» նոր օրինագծի նախնական տարբերակը

ՀՀ կրթության, գիտության, մշակույթի և սպորտի նախարարությունում քննարկվել է «Մասնագիտական կրթության և ուսուցման մասին» օրենքի նախագծի նախնական տարբերակը, որի նպատակն է կարգավորել նախնական արհեստագործական և միջին մասնագիտական կրթության ոլորտը` ապահովելով նոր ինստիտուցիոնալ մոտեցումներ և թիրախային զարգացում:

Քննարկմանը մասնակցել են ՀՀ ԿԳՄՍ նախարար Վահրամ Դումանյանը, նախարարի տեղակալներ Ժաննա Անդրեասյանը և Կարեն Թռչունյանը, Մասնագիտական կրթության որակի ապահովման կենտրոնի (ՈԱԱԿ) տնօրեն Ռուբեն Թոփչյանը, Մասնագիտական կրթության և ուսուցման զարգացման ազգային կենտրոնի (ՄԿՈՒԶԱԿ) տնօրեն Տաթևիկ Գասպարյանը, Հանրապետական մանկավարժահոգեբանական կենտրոնի տնօրեն Արաքսիա Սվաջյանը, ԿԳՄՍ նախարարության լիցենզավորման գործակալության, հանրակրթության, արհեստագործական և միջին մասնագիտական, բարձրագույն և հետբուհական կրթության վարչությունների և այլ ստորաբաժանումների ներկայացուցիչներ, նախագծի մշակման գործընթացում ներգրավված միջազգային կառույցների փորձագետներ:

Կարևորելով քննարկումը` ԿԳՄՍ նախարար Վահրամ Դումանյանը նշել է, որ մշակվող նոր նախագիծն աշխատանքային փուլում է, դեռևս չի հրապարակվել իրավական ակտերի e-draft.am հարթակում:

«Հաշվի առնելով, որ մշակվող փաստաթուղթը հիմնարար օրենք է լինելու արհեստագործական և միջին մասնագիտական կրթության ոլորտի համար, մենք կարևորում ենք, որ աշխատանքային տարբերակը լայնորեն քննարկվի շահագրգիռ բոլոր կողմերի հետ և ծագող բոլոր հարցերը ստանան պատասխան ու մինչև հրապարակվելն ունենան հիմնավորում»,- նշել է Վահրամ Դումանյանը:

Նախարարի տեղակալ Ժաննա Անդրեասյանը ներկայացրել է նոր նախագծով առաջարկվող հիմնական մոտեցումները, նշել է, որ գործող «Նախնական մասնագիտական (արհեստագործական) և միջին մասնագիտական կրթության մասին» ՀՀ օրենքն ընդունվել է 2005 թվականին, որի մի շարք դրույթներ այս տարիների ընթացքում խմբագրվել և լրամշակվել են:

Նոր օրենքի նախագծի մշակումները Գերմանիայի միջազգային համագործակցության ընկերության (GIZ) և «Շվեյցարիայի եկեղեցու oգնություն» (HEKS/EPER) կազմակերպության փորձագիտական աջակցությամբ սկսվել են մոտ երկու տարի առաջ:

Ըստ Ժաննա Անդրեասյանի` ներկայացվող նախագծի նախնական տարբերակը քննարկվել է թիրախային տարբեր խմբերի, այդ թվում՝ ՄԿՈՒ հաստատությունների տնօրենների, ոլորտի փորձագետների, սոցիալական գործընկերների, պետական այլ գերատեսչությունների մասնակցությամբ: Քննարկումներ են նախատեսվում նաև գործատուների հետ:

«Ակնկալում ենք, որ վերջնական տարբերակում կունենանք նաև հարակից օրենքներում փոփոխություններ կատարելու առաջարկներ, որոնք կքննարկվեն միասնական փաթեթով»,- նշել է Ժաննա Անդրեասյանը` ընդգծելով, որ «Մասնագիտական կրթության և ուսուցման մասին» օրենքի նախագիծը, որն ամբողջությամբ նոր փաստաթուղթ է, համահունչ է կրթության՝ մինչև 2030 թվականը զարգացման պետական ծրագրի նախագծին:

Պետության քաղաքականությունը ոլորտում միասնական դարձնելու նպատակով առաջարկվում է հրաժարվել ուսումնական հաստատությունների համար գործող օրենքում կիրառվող «քոլեջ» և «ուսումնարան» տեսակավորված ձևակերպումներից և անցում կատարել միասնական «քոլեջ» բնորոշմանը` նկատի ունենալով, որ այնտեղ կարող են իրականացվել ինչպես միջին մասնագիտական, այնպես էլ արհեստագործական կրթական ծրագրեր:

«Նոր նախագիծն ինստիտուցիոնալ մեխանիզմներ է առաջարկում աշխատանքի վրա հիմնված ուսուցման և դուալ կրթության մոդելի համար, որը 2017 թվականից սկսած փորձարկվել է 10-ից ավելի հաստատություններում և առկա է բավարար փորձ: Առաջարկվող լուծումները հիմնված են դրական փորձի վրա, որոնք նախագծի շրջանառության փուլում կարող են լրամշակվել»,- նշել է Ժաննա Անդրեասյանը:

Ըստ փոխնախարարի` նախագծի նոր կարգավորումները մեծացնում են մասնագիտական կրթության և ուսուցման համակարգի ներառականությունը, որն այս ոլորտում դեռևս լուրջ խնդիր է: Հստակեցվում են որակավորումների ոլորտային շրջանակի (ՈՈՇ) և կրեդիտային համակարգի ներդրման մեխանիզմները, ինչը կօգնի ճանաչելի դարձնել կրթական ծրագրերի արդյունքը` ապահովելով համադրելիություն և փոխանցելիություն կրթության այլ մակարդակներ: Ըստ այդմ` քննարկվող նախագիծը որոշակի առնչություններ և հատման կետեր ունի նաև հանրակրթության ու բարձրագույն կրթության ոլորտները կարգավորող օրենքների հետ:

«Պետք է ներդրվի հաստատություններում աշխատողների մասնագիտական զարգացման և վարձատրության բարելավման փոխկապակցության համակարգ: Այս խնդիրը հընթացս կլուծենք` ընթացիկ փոփոխություն կատարելով գործող օրենքում, նաև հասկանալով, որ նոր նախագծի ընդունումն ավելի երկար ժամանակ է պահանջելու»,- նշել է Ժաննա Անդրեասյանը:

Նրա խոսքով` ՄԿՈՒ ոլորտում նույնպես նախատեսվում է դասավանդողների ատեստավորում, որի արդյունքների հիման վրա կբարձրացվեն նաև աշխատավարձերը:

«Ընթացիկ և հրատապ մի շարք այլ հարցերի լուծումներ ևս կիրականացվեն գործող օրենքի փոփոխությամբ` նոր օրենքին թողնելով հիմնարար փոփոխությունները»,- նշել է Ժաննա Անդրեասյանը` մասնավորապես առանձնացնելով պետական պատվերի ձևավորման հարցը:

Քննարկման մասնակիցներին «Մասնագիտական կրթության և ուսուցման մասին» օրենքի նախագծով առաջարկվող հիմնական փոփոխություններն ու նորույթները ներկայացրել են փորձագետներ Նորա Սարգսյանը և Մարինե Հակոբյանը:

Առաջարկվող փոփոխությունների և նոր կարգավորումների վերաբերյալ ծավալվել է ակտիվ քննարկում: Քննարկումներն ու նախագծի լրամշակման աշխատանքները կշարունակվեն:

Տպել
637 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում