Երևան
12 °C
Քաղաքագետ Դավիթ Ստեփանյանի կարծիքով՝ երեկ Պրահայում կայացած Փաշինյան-Միշել-Մակրոն-Ալիև քառակողմ հանդիպումից հայ հասարակությունն այնքան էլ շատ մեծ սպասելիքներ չպետք է ունենա: Վերջինիս խոսքով՝ դրանից կարելի է քաղել մեկ պտուղ, այն է՝ սահմանի վրա եվրոպական դիտորդների տեղակայումը:
«Այս քայլը միանշանակ բխում է Հայաստանի շահերից: Ես հուսով եմ, որ այն իրականություն կդառնա, կխոչընդոտի ադրբեջանական հերթական ագրեսիան: Ալիևն այսօր ընդամենը մեկ լծակ ունի ՀՀ-ի վրա ճնշում գործադրելու մասով՝ կրակել և սպանել մեր զինվորներին: Սա է հրապարակված օրակարգի ամենաշոշափելի ձեռքբերումը: Միգուցե այլ պայմանավորվածություններ նույնպես կան, բայց դրանց մասին չի խոսվում»,- «Հայկական ժամանակ»-ի հետ զրույցում նշում է քաղաքագետը:
Ստեփանյանն ընդգծում է՝ եվրոպական դիտորդների ներկայությունը սահմանին չի գոհացնում Ադրբեջանին. «Արդեն նշեցի, որ Ադրբեջանը մեզ վրա ճնշում է գործադրում այդ կրակոցների միջոցով, իսկ դիտորդների տեղակայումը նրանց թույլ չի տա: Այդ պատճառով էլ Ալիևը չի համաձայնել, որ դիտորդական առաքելություն տեղակայվի նաև Ադրբեջանում: Սակայն այն, որ դիտորդները հայտնվելու են ՀՀ տարածքում, արդեն մեծ ձեռքբերում է մեզ համար: Հուսով եմ՝ առաքելությունը կգործի ամբողջ սահմանի երկայնքով և հնարավորություն կունենա դիտարկել ամբողջությամբ»:
Քաղաքագետի խոսքով՝ մեզ համար շատ կարևոր է, որ այդ դիտորդական առաքելությունն իր աշխատանքը կատարի հենց սահմանից, այլ ոչ թե լինի Երևանում, մի քանի ժամով այցելի սահման, քանի որ այդ կերպ Ադրբեջանը չի դադարեցնի կրակը, նրանց չի զգաստացնի:
Անդրադառնալով այն փաստին, որ այժմ հանդիպումները քառակողմ են, դրանց մասնակցում է նաև Ֆրանսիայի նախագահ Էմանուել Մակրոնը՝ զրուցակիցը շեշտում է՝ այս փաստը ի շահ Հայաստանի է գործելու: «Մակրոնն աջակցում է Հայաստանին, իր ներկայությամբ Նիկոլ Փաշինյանին քաջալերում է և՛ բարոյապես, և՛ քաղաքականապես: Իսկ թե նրա ներկայությունն ինչպես կարող է անդրադառնալ հանդիպման արդյունքների վրա, շատ վաղ է խոսել»,- ասում է նա:
Հարցադրմանը՝ կարո՞ղ ենք փաստել, որ ԵԱՀԿ Մինսկի խումբն արդեն «անցյալ է» մեզ համար, Դավիթ Ստեփանյանը նշում է՝ Մինսկի խումբը դե ֆակտո չի գործում, իսկ դե յուրե շարունակելու է գործել. «Նրա՝ դե յուրե գործելն անհրաժեշտ է և՛ ՌԴ-ին, և՛ Ֆրանսիային, և՛ ԱՄՆ-ին, քանի որ տալիս է միջնորդական մանդատ»:
Քառակողմ հանդիպումների և Ռուսաստանի արձագանքի մասին խոսելիս էլ քաղաքագետն ընդգծում է՝ այո՛, ՌԴ-ին այս հանդիպումները դուր չեն գալիս, սակայն որևէ կանխարգելիչ գործիքակազմ չունի:
«ՌԴ-ն այսօր այն վիճակում չէ, որ Եվրամիության, Արևմուտքի և ԱՄՆ-ի գործողությունները փորձի կանխել, քանի որ այդ ռեսուրսը չունի: Եթե Արևմուտքը ցանկանում է բանակցային գործընթաց սկսել հայ-ադրբեջանական հարաբերությունների ուղղությամբ, ՌԴ-ն ոչինչ անել չի կարող: Այլ հարց է, որ Ռուսաստանը շարունակում է գործոն մնալ, թե՛ Հայաստանի, թե՛ Ադրբեջանի համար նրա կարծիքը շարունակում է ունենալ որոշակի կարևորություն: Որքան հնարավոր է Հայաստանի շահերից է բխում Ռուսաստանին այս միջնորդական առաքելությունից մղել 2-րդ, 3-րդ և ավելի հեռու պլաններ: Ռուսաստանի Դաշնությունից՝ որպես միջնորդ երկրից, մենք լուրջ սպասելիքներ չպետք է ունենանք այն պարզ պատճառով, որ այսօր իրենց շահերն ավելի շատ համընկնում են Թուրքիայի ու Ադրբեջանի հետ»,- կարծում է զրուցակիցը:
Անդրադառնալով երեկ կայացած Նիկոլ Փաշինյան-Ռեջեփ Թայիփ Էրդողան հանդիպմանը՝ քաղաքագետն ասում է՝ այս հանդիպումից էլ մեծ ակնկալիքներ չպետք է ունենալ, քանի որ երեկ լրագրողների հետ զրույցում Էրդողանը հայտարարել է՝ Թուրքիան պատրաստ է բացել Հայաստանի հետ սահմանը և հաստատել դիվանագիտական հարաբերություններ միայն այն դեպքում, երբ ՀՀ-ն ու Ադրբեջանը կկնքեն խաղաղության պայմանագիր:
«Մինչև այս պայմանագիրը չստորագրվի, Թուրքիան քայլ չի անելու: Սակայն այստեղ կա նաև դրական մի կետ, այն է, որ Թուրքիան մնացած նախապայմանները՝ Եղեռնի հարցի միջազգային ճանաչումը, Ղարսի պայմանագրի ճանաչումը մղել է երկրորդ պլան և բերում է մեկ նախապայման՝ «Խաղաղության պայմանագիրը»: Այդ պայմանագրի կնքման հավանականությունն էլ բարձր է և պահպանվում է: Այսպիսով՝ հայ-թուրքական սահմանը կարող է բացվել, մենք էլ Թուրքիայի հետ կունենանք համեմատաբար ավելի լավ հարաբերություններ»,- նշում է Ստեփանյանը և շեշտում՝ այս հանդիպումները ֆորմալ բնույթ չեն կարող ունենալ մի պարզ պատճառով, որ Հայաստանը անվտանգային խնդիրների առջև է կանգնած:
«Ցանկացած նմանատիպ բանակցություններ, Արևմուտքի մեսիջները, երաշխիքներն ու քայլերը բխում են Հայաստանի շահերից, քանի որ դրանք որոշակի չափով զսպում են թուրքերի նկրտումները Հայաստանի տարածքի նկատմամբ: Որքան շատ լինեն նման բանակցությունները, այդքան լավ մեզ համար»,- եզրափակում է նա:
«Հայկական Ժամանակ»-ը Telegram-ումՎթարային ջրանջատում՝ Արարատի մարզի որոշ համայնքներում
Հարավային Կորեայի Սահմանադրական դատարանը հաստատել է երկրի նախագահի իմփիչմենթը
Կարևորում եմ ազգային փոքրամասնություն կազմող անձանց ինքնության պահպանման իրավունքների երաշխավորումը. ՄԻՊ
Քննարկվել են հայ-չեխական համատեղ հետաքրքրություն ներկայացնող հարցեր
Դիլիջանի «Լեռնային Հայաստան» առողջարան տանող ճանապարհը հիմնանորոգված է. վարչապետ
Երևանի և 8 մարզի բազմաթիվ հասցեներում մինչև 6-ժամյա հոսանքազրկումներ են սպասվում
Եվրոպացի քաղաքական գործիչները սխալվում են՝ պնդելով, որ Ռուսաստանն է Եվրոպայի գլխավոր սպառնալիքը. Վենս
Արմեն Գրիգորյանը կգործուղվի Բրյուսել
Ֆրանսիայից պահանջում ենք դադարեցնել խաղաղությանը չնպաստող քայլերը. Հաջիզադե
Վրաստանի նախագահն ապրիլին կայցելի նախ՝ Ադրբեջան, ապա՝ Հայաստան
Վերևներում տալ-առնել են անում, Մարտունն ու Վարդանիկը, եթե կոալիցիա կազմեն, երկար չի տևի. Մանուկյան. տեսանյութ
Արման Դիլանյանն ընդունել է Իրանի դեսպանին. ներկայացվել են ՍԴ-ի գործունեության առանձնահատկությունները
ԵԽ պատգամավորները Հայոց ցեղասպանության հիշատակին նվիրված նիստում դատապարտել են ԼՂ-ից հայերի բռնի տեղահանումը
ՔՊ նախաձեռնող խմբի նիստում քննարկվել է Իրական Հայաստանի գաղափարախոսության շուրջ կատարվող աշխատանքների ընթացքը
Կապիտուլյացիա է առաջարկվում, Իրանը գուցե վերածվի Սիրիայի, սա անհետևանք չի մնա ՀՀ-ի համար. Ստեփանյան. տեսանյութ
Հունաստանում ՀՀ դեսպան Տիգրան Մկրտչյանը Սոֆիա Զախարակիին է ներկայացրել Ակադեմիական քաղաքի հայեցակարգը
Մխիթար Հայրապետյանը հանդիպել է Էստոնիայի արդարադատության և թվայնացման նախարարի հետ. ինչ հարցեր են քննարկվել
Կայացել է Հայաստանի գավաթի խաղարկության կիսաեզրափակչի վիճակահանությունը
Մարտուն Գրիգորյանը՝ պատային վիճակում. Սերժ Սարգսյանը նրան խաղի մեջ էր մտցրել Վարդանիկի «տոնը փչացնելու» համար
Վստահ եմ՝ մեր համագործակցությունը տարբեր ոլորտներում կշարունակի զարգանալ. ՀՀ նախագահը՝ Վիետնամի ԱԺ խոսնակին
Կանխվել է Բռնակոթին հարակից տարածքում բռնկված հրդեհի տարածումը դեպի մոտակա բնակավայրեր և այգիներ
Հայաստանը մասնակցում է Ֆրանսիայում անցկացվող «Եվրոպական հնագիտության օրեր» ծրագրի ամենամյա աշխատաժողովին
Վարչապետը Մայքլ Էլլոուի հետ հանդիպմանը ողջունել է Siemens EDA-ի՝ ՀՀ-ում գործունեությունն ընդլայնելու ծրագրերը
«Հույսի ավան»-ի հարևանությամբ մեքենաներ են բախվել. դրանցից մեկը հարվածել է ցուցանակին և հայտնվել մայթին
Քննարկվել են ՀՀ կառավարության և Արժույթի միջազգային հիմնադրամի միջև համագործակցության հեռանկարները
Առաջարկվում է խստացնել զորակոչից և վարժական հավաքից խուսափելու դեպքերի համար նախատեսված պատիժները
Կառավարության հաշվեկշռում հաշվառված մեքենայի վարորդը տուգանվել է
Վարչապետի գլխավորությամբ քննարկվել է Ոստիկանության բարեփոխումների 2024-2026 թթ. ռազմավարական ծրագրի ընթացքը
Կոտայքի մարզում 5-րդ սերնդի ապակե ջերմատուն կհիմնվի. խրախուսվել է հերթական ներդրումային ծրագիրը
Չինաստանում ԱՄՆ դեսպանատան աշխատակիցներին արգելվել է որևէ հարաբերություն ունենալ այդ երկրի քաղաքացիների հետ
Փողոցում տեղադրված ոստիկանությանը պատկանող տեսախցիկը գողացել են
Արարատ Միրզոյանը և Մագդալենա Գրոնոն անդրադարձել են Հարավային Կովկասում խաղաղության հաստատմանն ուղղված ջանքերին
Տեսակցության ժամ չլինելու պահին փորձել է մտնել հիվանդասենյակ. ԲԿ-ում վիճաբանած տղամարդը ձերբակալվել է
Ռուսաստանին և Հայաստանին հաջողվում է պահպանել քաղաքական երկխոսության բարձր մակարդակը. Լավրովը՝ Միրզոյանին
2025-ի առաջին եռամսյակում առգրավված թմրամիջոցների քանակի շուրջ 92 տոկոս աճ է արձանագրվել
Աջակցություն կցուցաբերվի Լոռու մարզի Աշոտաբերդ թաղամասի բազմաբնակարան շենքի հրդեհից տուժածներին
Օդի ջերմաստիճանն էապես չի փոխվի. ինչ եղանակ է սպասվում առաջիկա օրերին
Փարիզում բողոքի ցույցի են դուրս եկել ուսանողներն ու մանկավարժները. ոստիկանությունն արցունքաբեր գազ է կիրառել
Վալոդիա Գրիգորյանի համար հրավառություն իրականացրածները տուգանվել են
Դիլիջանի թունելի էլեկտրամատակարարումը վերականգնվել է
© 2025 Հայկական ժամանակ
Website by MATEMAT