Զարմանալի է, որ ՌԴ-ն Ռուբեն Վարդանյանին դավաճան չի համարում, երկիրը լքած ցանկացածի նա այդպես է պիտակավորում. քաղաքագետ

Քաղաքագետ Էդվարդ Անտինյանը կարծում է, որ Արցախի արտահերթ ընտրությունների հարցը օրակարգից հանելը կարևոր որոշում է, քանի որ, ըստ նրա, լարվածությունը ԼՂ-ում պահպանվում է, գեներացված է անորոշություն:

«Մեզ չհաջողվեց ցույց տալ միջազգային հանրությանը, որ Արցախում իսկական հումանիտար աղետ է, որովհետև ԼՂ պետնախարար Ռուբեն Վարդանյանն ասաց՝ ամբողջական շրջափակում չկա: Այսօր էլ արդեն տարածում են լուրեր, թե ինչպես են ռուս խաղաղապահները արցախահայերին սնունդ բաժանում: Խոսում են նաև, թե Ադրբեջանի պահանջը հանքերի հետ է կապված, և ԼՂ իշխանությունները դրան արձագանքել են նամակով ու հիմա էլ սպասում են պատասխան նամակի: Սա խոսում է այն մասին, որ սպասել, թե միջազգային հանրությունը ստեղծվածը կորակի հումանիտար աղետ և կոշտ ձևով կմիջամտի, անիմաստ է»,- «Հայկական ժամանակ»-ի հետ զրույցում ասում է նա:

Վերջինիս խոսքով՝ երբ Արցախից ասում են, թե՝ եթե ուզում եք օգնել մեզ, ռուս խաղաղապահներին միջազգային մանդատ տվեք, միևնույն ժամանակ ՌԴ-ն էլ ասում է՝ աշխարհը Ադրբեջանին ագրեսոր չի ճանաչում, որպեսզի զորք մտցնի ԼՂ առանց նրա համաձայնության, սա մեծ հակասություն է:

«Ռուսն ասում է՝ իբր զորք կմտցներ ԼՂ առանց Ադրբեջանի համաձայնության, եթե աշխարհը նրան ճանաչի ագրեսոր և օկուպանտ: Բայց քանի որ գործում է իրավիճակի հակառակ տարբերակը, Ռուսաստանն ասում է՝ մանդատ կլինի այն ժամանակ, երբ Ադրբեջանն էլ համաձայնություն տա: Իսկ նա, բնականաբար, չի համաձայնի այն մանդատին, որի արդյունքում ինքն է տուժելու»:

Անտինյանը նկատում է՝ Արցախից Հայաստանին էլ ասում են՝ օգնեք, երբ ՀՀ-ն դիմում է միջազգային հանրությանը, սկսում են ասել՝ ինչո՞ւ դա արեցիք, օգնեք Ռուսաստանին, նրա դեմ վատը մի խոսեք, նաև ասում են, թե եկեք Արցախ, տեսնեք, թե ինչ է կատարվում, նոր խոսեք:

«Տարօրինակ է՝ ինչ-որ բանի մասին խոսելու համար պե՞տք է անպայման դա աչքովդ տեսնել: Ինքս տարբեր երկրներում կատարվող իրադարձությունների մասին խոսում եմ, բայց երբեք մտքովս չի անցել, որ, օրինակ, պետք է գնամ Ամերիկա, նոր խոսեմ դրա մասին: Նման անլրջություն պետական կառավարման մեջ անընդունելի է: Հայաստանն ասում է՝ Արցախում հումանիտար աղետ է, ԼՂ-ն ասում է՝ ճանապարհները փակ չեն, կա կյանքի ճանապարհը, ՌԴ-ն ամեն բան անում է, դուք մեզ մի խանգարեք: Սրա պատճառով Ադրբեջանն իրեն իրավունք է վերապահում կրկին անջատել գազն ու անել այն, ինչ ուզում է, որովհետև միջազգային ճնշում նրա վրա այլևս չկա: Նրան չեն ճանաչում որպես ագրեսորի, փոխարենն այդ անունը ստացել է Հայաստանն ու Արցախը»,- ընդգծում է զրուցակիցը:

Վերջինիս կարծիքով՝ զարմանալի է՝ Ռուսաստանը Ռուբեն Վարդանյանին դավաճան չի համարում. չէ՞ որ նա իր երկիրը լքած յուրաքանչյուր անհատի նման պիտակավորում է տալիս. «Վարդանյանի մասին հիմա բացասականը չեն էլ խոսում: Ասում են՝ նա գնացել է Արցախը փրկելու: Սրան զուգահեռ Վարդանյանը սկսեց հայտարարություններով հանդես գալ, թե ՀՀ-ից և միջազգային հանրությունից նման վերաբերմունքի չէր սպասում: Եթե նա այսպես է արտահայտվում ու այս աստիճան չի տիրապետում ստեղծված իրավիճակին, ինչպե՞ս կարող են մարդիկ իր ասածին լուրջ վերաբերվել»:

Զրուցակցի դիտարկմամբ՝ խնդիրն այն է, որ նման վերաբերմունքի ժամանակ ՀՀ-ն պետք է Արցախին ասեր՝ գնացեք, բանակցեք, ավելի լավ եք տեսնում, թե ինչ է կատարվում, և ով է ձեր բարեկամն ու թշնամին:

«Հիմա իրավիճակն այլ է, Հայաստանը պետք է միջամտի այս ամենին ու ԼՂ իշխանությունից ստանա հստակ պատասխան՝ նրանք հումանիտար աղետի մե՞ջ են, թե՞ կա կյանքի ճանապարհը, ու, ինչպես Վարդանյանն էր ներկայացնում, նորմալ ապրում են: Կարծում եմ՝ Հայաստանն ակտիվ ձևով պետք է միջամտի այս գործին՝ ի պաշտպանություն իր քաղաքացիների, որովհետև այն հակասությունը, որը կա Հայաստանի և Արցախի իշխանությունների միջև, լուրջ է»,- նկատում է նա:

Անտինյանը, անդրադառնալով «Առավոտ» օրաթերթում հրապարակված այն արտահոսքին, որ ինքը հրաժարական է տալու, արձագանքելով դիտարկմանը, որ, ըստ լուրերի, տվյալ լրատվամիջոցը վերջինս գնել է, ասում է. «Որևէ լրատվամիջոցի հետ Վարդանյանի ունեցած գործարքների մասով ոչինչ չեմ կարող ասել, սակայն փաստն այն է, որ ոչ մի լրատվամիջոց նրան չի փրկի. այն, ինչ նա անում է, հակասության մեջ է: Ասում են՝ մեծահարուստ մարդ է, թող գումար ներդնի, օգնի Արցախին, բայց անգամ իր ներկայությունն է խնդիրներ առաջացնում այդտեղ: Ռուսաստանը չի կարող հանդուրժել, որ Վարդանյանը որևէ հաջողություն ունենա, որովհետև Ադրբեջանը ռուսից կնեղանա: Ճիշտ է, հայտարարվեց Վարդանյանի հրաժարականի մասին, սակայն հետո ասացին՝ հրաժարական չի տալիս, արդյունքում գազը փակվեց, դե թող գնա բանակցի Ռուսաստանի հետ»:

Նատալի Մկրտչյան

Տպել
2109 դիտում

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան