Ինչպես են աշխատել Տեսչական մարմինները 2022-ին․ վարչապետին զեկուցվել է կատարողականը

ՀՀ վարչապետ Նիկոլ Փաշինյանին այսօր ներկայացվել են Կառավարությանը ենթակա Տեսչական մարմինների 2022թ. գործունեության հաշվետվությունները: 

Այս մասին տեղեկացնում է ՀՀ վարչապետի աշխատակազմի տեղեկատվության և հասարակայնության հետ կապերի վարչությունը:

Քննարկմանը մասնակցել են փոխվարչապետեր Մհեր Գրիգորյանը և Տիգրան Խաչատրյանը, Վարչապետի աշխատակազմի ղեկավար Արայիկ Հարությունյանը, Աշխատանքի և սոցիալական հարցերի, Էկոնոմիկայի, Կրթության, գիտության, մշակույթի և սպորտի, Շրջակա միջավայրի նախարարները, Տեսչական մարմինների ղեկավարները, Տեսչական մարմինների աշխատանքների համակարգման գրասենյակի ղեկավարի պարտականությունները կատարող Արմեն Դանիելյանը, պաշտոնատար այլ անձինք:

Տեսչական մարմինների ղեկավարները վարչապետին զեկուցել են 2022թ. կատարված աշխատանքների վերաբերյալ:

Առողջապահական և աշխատանքի տեսչական մարմնի կողմից իրականացվել է շուրջ 2400 վերահսկողական միջոցառում՝ բնակչության սանիտարահամաճարակային անվտանգության ապահովման, բժշկական օգնության և սպասարկման, դեղերի շրջանառության, աշխատանքային իրավունքի՝ աշխատողների առողջության պահպանման և անվտանգության ուղղություններով: Արձանագրվել է 500 խախտում, տուգանքի չափը կազմել է շուրջ 917 մլն ՀՀ դրամ:

Բնապահպանության և ընդերքի տեսչական մարմինը շուրջ 240 վերահսկողական միջոցառում է իրականացրել՝ մթնոլորտային օդի պահպանության, ջրային, հողային, ընդերքի ռեսուրսների օգտագործման ու պահպանության, կենդանական և բուսական աշխարհի օգտագործման և պահպանման, վտանգավոր նյութերի, արտադրության և սպառման թափոնների ուսումնասիրության ուղղություններով։ Ստուգումների արդյունքում արձանագրվել է 2393 իրավախախտում, կիրառվել է 99 մլն ՀՀ դրամի տուգանք, կասեցումների թիվը՝ 27: Հայտնաբերվել է ապօրինի ընդերքօգտագործման 41 դեպք: Նշված ուղղություններով իրականացվել են նաև կանխարգելիչ միջոցառումներ:

Կրթության տեսչական մարմնի կողմից նախադպրոցական կրթության, հանրակրթության, նախնական և միջին մասնագիտական կրթության ոլորտներում իրականացվել է 212 ստուգում, արձանագրվել է 1544 խախտում: 2022թ. մեկնարկել է «Աջակցություն ուսուցման կազմակերպմանը» ծրագիրը, որի շրջանակում գնահատվել են ուսուցիչների մեթոդական և տեխնոլոգիաների կիրառման հմտությունները, մասնագիտական գիտելիքները, արդյունքում տրամադրվել են կրթական գործընթացի վերաբերյալ ցուցումներ: 40 դպրոցում կատարվել է աշակերտների մնացորդային գիտելիքների ստուգում, ԿԳՄՍՆ կողմից միջոցառումներ են ձեռնարկվել կրթության որակի արդյունքների բարելավման ուղղությամբ:

Շուկայի վերահսկողության տեսչական մարմինը 568 ստուգում է իրականացրել ոչ պարենային արտադրանքի անվտանգության, չափումների միասնականության ապահովման, թանկարժեք մետաղների, ծխախոտային արտադրատեսակների, նյութական պահուստի և արտադրական կանեփի բնագավառներում, արձանագրված խախտումների թիվը կազմել է 446: Կայացվել է վարչական պատասխանատվության ենթարկելու մասին 461 որոշում, տուգանքի չափը կազմել է շուրջ 139 մլն ՀՀ դրամ: Նշվել է, որ 2022թ. ՇՎՏՄ-ն ձեռք է բերել լաբորատոր սարքավորումներ, ինչը թույլ կտա վերազինել և բարելավել ենթակառուցվածքները:

Սննդամթերքի անվտանգության տեսչական մարմինն իրականացրել է 3217 վերահսկողական միջոցառում, որի շրջանակում հայտնաբերվել է 1425 խախտում, կայացվել է վարչական պատասխանատվություն կիրառելու մասին 1212 որոշում, նշանակվել է մոտ 102 մլն ՀՀ դրամի չափով տուգանք: Սննդամթերքի անվտանգության ոլորտում իրականացված դիտարկումների շրջանակում արձանագրվել է մակնշման պահանջների անհամապատասխանության՝ 667, ժամկետանց սննդամթերքի շրջանառության՝ 229, սանիտարահիգիենիկ նորմերի չպահպանման՝ 71 դեպք: Մսի սպանդանոցային ծագման նկատմամբ իրականացվել է 270 ստուգում, խախտումների թիվը՝ 93: Գրանցվել է սննդային գործոնով պայմանավորված թունավորման 7 դեպք. ընդհանուր առմամբ, պետություն-տնտեսվարող համագործակցային աշխատանքի արդյունքում թունավորման դեպքերի թիվը նվազել է 2 անգամ, թունավորվածներինը՝ 7.5 անգամ: Կասեցվել է 78 արտադրական գործունեություն, որից 57-ն արդեն վերաբացվել են, 21-ի կողմից խախտումները շտկման փուլում են:

Քաղաքաշինության, տեխնիկական և հրդեհային անվտանգության տեսչական մարմնի կողմից իրականացվել է 1490 ստուգում՝ տրանսպորտի, էներգետիկայի և էներգասպառման, հրդեհային և տեխնիկական անվտանգության, քաղաքաշինության, գեոդեզիայի և հողօգտագործման ուղղություններով, արձանագրվել է 8943 խախտում: 1204 կրթական և 189 նախակրթական հաստատությունում իրականացվել են հրդեհատեխնիկական հետազոտություններ, բացահայտվել են համապատասխանաբար 4595 և 1337 խախտում, 338 առողջապահական օբյեկտում արձանագրվել է 2019 խախտում: Երևանում գտնվող 209 բենզալցակայանի հրդեհատեխնիկական հետազոտությունների արդյունքում արձանագրվել է 578 խախտում, 27.000-ից ավելի դիտարկում է իրականացվել տրանսպորտի անվտանգության բնագավառում, քաղաքաշինության ոլորտում բացահայտվել է 271 ինքնակամ կառույց: Կիրառվել է թվով 2760 վարչական տուգանք՝ 466 մլն ՀՀ դրամի չափով:

Տեսչական մարմինների ղեկավարներն իրենց զեկույցներում նշել են, որ հաշվետու տարում նախաձեռնվել են օրենսդրական փոփոխություններ, իրականացվել են հանրային իրազեկման միջոցառումներ, վերահսկողության գործընթացում ներդրվել են թվային գործիքներ: Տեղեկատվություն է ներկայացվել նաև կառուցվածքային բարեփոխումների և կադրային համալրվածության վերաբերյալ:

Վարչապետին ներկայացվել են նաև Տեսչական մարմինների աշխատանքների համակարգման գրասենյակի կողմից կատարված աշխատանքներն ու օրենսդրական նախաձեռնությունները: Նշվել է, որ վերլուծության արդյունքում վեր են հանվել որոշ խնդիրներ, որոնք անհրաժեշտ են դարձնում վերահսկողության ռազմավարական մոտեցումների հստակեցումը և ըստ այդմ՝ տեսչական գործառույթների, ընթացակարգերի, գործիքակազմի լավարկումը:

Հաջորդիվ ծավալվել է մտքերի փոխանակություն զեկույցների վերաբերյալ, արծարծվել են ներկայացված թեմաներին վերաբերող հարցեր, քննարկվել են հետագա անելիքները:

Վարչապետն անդրադարձել է վերահսկողության ռազմավարության խնդրին՝ կարևորելով քաղաքականությունների մշակման գործընթացի վրա տեսչական վերահսկողության արդյունքների ազդեցության գնահատումը և ստանդարտների մշակումը:

«Մենք պետք է չափանիշներ ձևավորենք բոլոր ոլորտներում, որպեսզի կարողանանք բովանդակային և որակական վերահսկողություն իրականացնել», - նկատել է Կառավարության ղեկավարը: Նիկոլ Փաշինյանը խոսել է տեսչական համակարգում թվային գործիքակազմի շարունակական ներդրման մասին, որը թույլ կտա զարգացնել համակարգերի փոխգործելիության մակարդակը և բարձրացնել աշխատանքի արդյունավետությունը:

Երկրի վարչապետն ընդգծել է մի շարք ուղղություններով բարեփոխումները շարունակելու անհրաժեշտությունը և խորհրդակցության արդյունքներով տվել հանձնարարականներ:

Տպել
321 դիտում

Կախովկայի ՀԷԿ-ի փլուզման հետևանքով Խերսոնում տուժել են հայկական համայնքի ներկայացուցիչներ

Ստեփանակերտ-Բաքու քննարկումների համար միջազգային մեխանիզմի ներդրումը հրամայական է. ԵԱՀԿ-ում ՀՀ մշտական ներկայացուցիչ

ՄԻՊ-ի աջակցությամբ քաղաքացին ստացել է չվճարված ամիսների նպաստը

Շառլ Միշելն ու Էրդողանը քննարկել են ԵՄ-ին Թուրքիայի լիիրավ անդամակցության հարցերը

Հաքան Ֆիդանն ու Բլինքենը հայ-թուրքական և հայ-ադրբեջանական հարաբերություններին առնչվող հարցեր են քննարկել

ԿԽՄԿ ներկայացուցիչներն այցելել են ադրբեջանցիների կողմից առևանգված երկու հայ զինծառայողին

Քաղաքացիների ակցիան դադարել է, գյուղում հանգիստ է. Արագածոտնի մարզպետարանը՝ Արագածավան գյուղի իրավիճակի մասին

Պարեկի ձեռքի պղպեղային օդամղիչը շրջելով՝ փչել է նրա դեմքին. 3 անձի նկատմամբ հանրային քրեական հետապնդում է հարուցվել

Ադրբեջանական կողմի խնդրանքով Վաշինգտոնում նախատեսվող քննարկումների հերթական փուլը հետաձգվում է. ԱԳՆ

ԱՄՆ դեսպանն այցելել է Տեղ համայնք, ականատես եղել սահմանին տիրող լարված իրավիճակին

Լաչինի միջանցքի հարցը կարող է հրատապ քննարկվել ԵԽԽՎ ամառային նստաշրջանում

Դատախազությունը պահանջում է Քաղաքաշինության կոմիտեի նախկին նախագահից բռնագանձել 4 անշարժ գույք և 46 մլն դրամ

Հայաստանը կարևորում է Միացյալ Թագավորության հետ ապակենտրոնացված համագործակցությունը. Ալեն Սիմոնյան

Արագածավանի միջադեպին մասնակցած պաշտոնյան ձերբակալվել է․ ՔԿ-ն դեպքից նոր մանրամասներ է հայտնել

Երևանն ու Բաքուն պետք է փոխշահավետ լուծում գտնեն հակամարտության կարգավորման համար. Լուկաշենկո

Ինչու են բարձրաստիճան պաշտոնյաներն օգտվում անվճար բժշկական ծառայություններից. պարզաբանում է Ավանեսյանը

Պաշտպանության նախարարությունը մրցույթ է հայտարարել. որ զորակոչիկները կարող են մասնակցել

Հերացու փողոցում վաղվանից կարգելվի տրանսպորտային միջոցների կայանումը

Ջրով ծածկվել եմ, մարդ ես, էլի, չշեղվեն որոշները. Նազենի Հովհաննիսյանը հանգիստն է վայելում Եգիպտոսում (լուսանկար)

1 զոհ, 2 վիրավոր. վթար Երևան-Երասխ ճանապարհին

Օտարման ոչ ենթակա հողատարածքը քաղաքացուն վաճառվելուց հետո նվիրատվությամբ գրանցվել է նախկին պատգամավորի կնոջ անունով

Ուզում եմ դառնալ թագավոր, որ վերջ դնեմ պատերազմներին. Աննա Հակոբյանը Բրյուսելում պատմել է հայ երեխայի ցանկության մասին

Անահիտ Ավանեսյանը հայտնեց, թե ինչ հարաբերություններ ունի Արսեն Թորոսյանի հետ (տեսանյութ)

ԿԳՄՍ նախարարությանը կառավարության պահուստային ֆոնդից 358.353 մլն դրամ է հատկացվել

«ՔոնթուրԳլոբալ Հիդրո կասկադ» ՓԲԸ-ն հայտարարում է հայտատուի ընտրության մրցույթ

Անցած 1 օրում բացահայտվել է հանցագործության 75 դեպք, հայտնաբերվել՝ 3 հետախուզվող

Ներկայացվել են Հարկադիր կատարումն ապահովող ծառայության մարզային բաժինների նորանշանակ պետերը

Ադրբեջանի ԶՈՒ-ն շփման գծի հյուսիսային ուղղությամբ խախտել է հրադադարը՝ կիրառելով հրաձգային զենք. Արցախի ՊՆ

Շարունակում ենք հավատալ, որ ուղիղ երկխոսությունն առանցքային է կայուն խաղաղության հասնելու համար. ԱՄՆ պետդեպ

Հունիսի 7-ի գիշերը Ադրբեջանի ԶՈՒ-ն կրակ է բացել Խոզնավարի հայկական դիրքերի ուղղությամբ. ՊՆ

Մեկ հոգի կալանավորվել է. ՆԳՆ ոստիկանությունը՝ հունիսի 3-ին Փարաքարում տեղի ունեցած դանակահարության մասին

Կոտայքում 30-ամյա վարորդը վրաերթի է ենթարկել կին հետիոտնին․ վերջինս տեղում մահացել է

Հայաստանը շահագրգռված է կայուն հիմքերի վրա դնել և զարգացնել ՄԹ հետ բազմակողմ հարաբերությունները. Ալեն Սիմոնյան

Պաշտոնանկություններ և նոր նշանակումներ. կադրային փոփոխություններ՝ ՀՀ գլխավոր դատախազությունում

Փարաքարում գովազդային վահանակը պոկվել և ընկել է արտաքին լուսավորության սյան վրա

Չեխիայի միջազգային պարաաթլետիկայի առաջնությանը Հայաստանը կներկայացնի Սարգիս Ստեփանյանը

ՀՀ ավտոճանապարհներն անցանելի են. Ալավերդի-Սանահին-Սարահարթ հատվածում կան երթևեկության սահմանափակումներ

Տևական ժամանակ լույս չի լինի Երևանի բազմաթիվ հասցեներում և 8 մարզի տարբեր համայնքներում

Քարագլխի «Կալեր» կոչվող տարածքում տեղի է ունեցել հողազանգվածի սահք. վնասվել են ճանապարհներ և պտղատու ծառեր

Աննա Հակոբյանը ելույթ է ունեցել Բրյուսելում՝ «Կին քաղաքական առաջնորդներ»-ի հոբելյանական գագաթնաժողովում (տեսանյութ)