Երևան
18 °C
Ալեքսանդրապոլի առաջին բժշկական բազմապրոֆիլ կազմակերպությունը, որը հետագայում նաև եղել է անկախ Հայաստանի առաջին բազմապրոֆիլային հիվանդանոցը, շարունակում է մնալ անհայտ ճակատագրով:
Կումայրի արգելոցում գտնվող հայտնի Ճերմակ հիվանդանոցը պատմական նշանակության հուշարձան-շենք է: Կառույցը քայքայումից փրկելու ցանկությամբ առաջնորդված Գյումրու քաղաքապետարանը որպես հարցի միակ լուծում ամիսներ առաջ աճուրդ-վաճառքով օտարումն էր տեսել, սակայն մայիսին հայտարարված աճուրդն այդպես էլ չկայացավ մասնակիցներ չունենալու պատճառով:
Նորի մասին դեռ միտք էլ չկա:
«Հայկական ժամանակ»-ի հետ զրուցում քաղաքապետարանի գլխավոր ճարտարապետ Հենրիկ Գասպարյանն ասում է՝ երբ ուզեն, կհայտարարեն աճուրդը:
Այդ դեպքում ինչո՞ւ չի հայտարարվում՝ հարցին, Գասպարյանը պատասխանում է. «Ամեն օր կարող ենք աճուրդ հայտարարել: Գտել ենք, որ դեռևս ժամանակը չէ, գտել ենք, որ շուկան ուսումնասիրենք, կարող է նպատակային նշանակությունն էլ կարևորենք, պետք է վերանայենք դա»:
Այսինքն՝ ստացվում է, որ մայիսին քաղաքապետարանն աճուրդ-վաճառք էր հայտարարել առանց շուկան ուսումնասիրելու և առանց պատմական կառույցի նպատակային նշանակությունը կարևորելու:
Ավագանու «Ապրելու երկիր» խմբակցության ղեկավար Կարեն Մալխասյանը պնդել և շարունակում է շեշտել, որ կառույցն օգտագործվելու է միայն բժշկական ծառայությունների մատուցման համար, այնպես, ինչպես եղել է իր գոյության բոլոր ժամանակաշրջաններում:
Բայց նստել, սպասել, թե երբ կհայտնվի գնորդ, հետո էլ սպասել, թե աճուրդ լինի, որ գնորդը դա գնի, անթույլատրելի է:
«Շենքը, ըստ էության, քայքայվում է: Անհրաժեշտ է անհապաղ կոնկրետ մոտեցում ցուցաբերել, ոչ թե սպասել, թե մի օր գնորդ կհայտնվի: Եթե չկա գնորդ, գուցե համայնքի կարիքների համար օգտագործվի, կամ նորից քննարկվի վարձակալության տրամադրելու հարցը»,- ասում է Մալխասյանը:
Շուրջ 2400 քառակուսի մետր մակերես ունեցող շենքն իր 6000 քառակուսի մետր հողատարածքով գնահատված է 750 մլն դրամ, համայնքապետարանը մայիսին աճուրդի մեկնարկային գին էր սահմանել 1 մլրդ 100 մլն դրամը։ Հանվել էր աճուրդի, ըստ քաղաքապետարանի, ներդրողների բացակայության և պահպանման մեծ ծախսը հոգալու անհնարինությամբ պայմանավորված:
Աճուրդի ներկայացված կառույցը, սակայն, վարձակալներ ունի: Մի հատվածը «Կարմիր խաչ» ընկերությանն է տրամադրված, որի վարձակալության պայմանագրի ժամկետի ավարտին դեռ 10 տարի կա: Այստեղ է նաև «Հայկական կարիտաս»-ի ծրագրերից մեկի գործունեության տարածքը:
Պետք է փաստել նաև, որ մինչ աճուրդի հայտարարելը ներդրողներ էլ են եղել: Ներդրումային ծրագիրը հանրայնացրած քաղաքացիներից մեկը Գյումրու Ավստրիական մանկական հիվանդանոցի նախկին տնօրեն, ներկայում«Արմենիա» ԲԿ փոխտնօրեն Աշոտ Կուրղինյանն էր, որը 1 միլիարդ դրամի ներդրումային ծրագրով նպատակ ուներ Գյումրիում ստեղծել նմանը չունեցող առողջապահական հնարավորություններ:
Բացի դրանից, Կուրղինյանը Ճերմակ հիվանդանոցում որոշ ժամանակ առաջ տարածք էր վարձակալել, 19 միլիոն դրամի հիմնանորոգման աշխատանք կատարել, մասնավոր կլինիկա հիմնել:
Ի դեպ, նրա հետ քաղաքապետարանը վարձակալության նոր պայմանագիր չէր կնքել: Կուրղինյանին քաղաքապետարանից տեղեկացրել են, որ աճուրդի որոշում ունեցող շենքի հատվածը չեն ուզում տալ վարձակալության, քանի որ հնարավոր է՝ գնորդ հայտնվի, և վարձակալի հետ անիմաստ պայմանագիր չլինի:
Եվ, չնայած հանգամանքին, որ բժշկի ներդրումային ծրագրով առաջարկած գումարը գրեթե մոտ է քաղաքապետարանի հայտարարած աճուրդի գնին, Կուրղինյանը ևս հայտարարված աճուրդին չէր մասնակցել:
Մեզ հետ զրույցում նա ասում է՝ գինը տրամաբանական չէր, բարձր էր: Հենց դրա համար էլ ինքն ու իր կարծիքով նաև այլ անձինք չմասնակցեցին աճուրդին:
Գինը ոչ թե տրամաբանական չէ, այլ, ըստ Կարեն Մալխասյանի, մի բան էլ շատ ցածր է. «Հիմա բերեք համեմատենք: Գյումրու Ուռուցքաբանական դիսպանսերի սովորական շենքը Կառավարությունն ավելի բարձր արժեքով է ներկայացրել աճուրդի, քան պատմություն ունեցող և պատմական միջավայրում գտնվող Ճերմակ հիվանդանոցը գնահատել է քաղաքապետարանը»:
Մալխասյանն ասում է՝ մտահոգություն ունեին, որ աճուրդը չկայանալու պարագայում քաղաքապետարանը կգնա գինն իջեցնելու քայլին, ինչն իրենք թույլ չեն տա, բայց եթե գույքի գնի նվազեցում արվի, խմբակցությունը կպայքարի այնքան, որքան պետք կլինի:
Կմասնակցի՞ Կուրղինյանը նոր աճուրդի, եթե այն հայտարարվի, նա դժվարանում է պատասխանել, նշում է՝ եթե գինը նույնը մնա, կասկածում է, որ դրական որոշում կայացնի:
Աճուրդ չի հայտարարվում, բայց արդյո՞ք չկան գնորդներ ու հետաքրքրվողներ՝ հաշվի առնելով հանգամանքը, որ մինչ աճուրդը Ճերմակ հիվանդանոցի շենքին ու տարածքին տարբեր գործարարներ էին հետևում ինչպես կուլիսներում, այնպես էլ բացահայտ: Քաղաքապետարանի ճարտարապետն ավելի քան անկեղծ է այս հարցում, ասում է՝ այս պահին դաշտում որևէ մեկը չկա:
Լուսանկարները՝ «Հայկական ժամանակ»-ի
Հայաստանի հավաքականը 4։1 հաշվով հաղթեց Լատվիայի ընտրանուն
Ոստիկանությունը հրապարակել է ոստիկանին սպանած ու վիրավորած անձի նկարը. նրան որոնում են
Արմավիրում զինված անձը կրակել է ոստիկանների ուղղությամբ. մեկ ծառայող զոհվել է, մյուսը՝ տեղափոխվել հիվանդանոց
«Տելեգրամ»-ը սպառնալիք է Ուկրաինայի ազգային անվտանգության համար. Կիրիլ Բուդանով
ՌԴ-ն արգելված պահանջներ է առաջադրում ՀՀ-ին, փորձում է անտեսել Իրանի դիրքորոշումը, ճնշել նրան. Խալաթյան
Ֆրանսիայում բողոքի ցույցեր են. հազարավոր ակտիվիստներ դեմ են նոր վարչապետի նշանակմանը
Ոտքը վնասած քաղաքացուն փրկարարները սարալանջից ամենագնացով իջեցրել, մոտեցրել են շտապօգնության մեքենային
Նիդերլանդների նորանշանակ դեսպանն այցելել է Հայոց ցեղասպանության հուշահամալիր
Գնդակոծվել է Դոնեցկի շրջանի մանկական հիվանդանոցը. վիրավորների թվում երեխա կա
Փարիզ-2024. գյումրեցի պարածանրորդ Գրետա Վարդանյանը 3 անձնական ռեկորդ է սահմանել, նա 6-րդ հորիզոնականում է
Հայաստան է ժամանել Իրաքի Դաշնային գերագույն դատարանի բարձրաստիճան պատվիրակությունը
Հրդեհ Բայանդուրում. գազի բալոնից արտահոսք է տեղի ունեցել
Օդինցովոյում ավտոկանգառ է հրդեհվել. կան զոհեր
Արգենտինան Միջազգային քրեական դատարանից Նիկոլաս Մադուրոյին ձերբակալելու օրդեր է խնդրել
Հայաստան կայցելի Հունգարիայի արտաքին գործերի և առևտրի նախարար Պետեր Սիյարտոն
Համոզված եմ, որ մեր կառավարությունները կշարունակեն սերտորեն համագործակցել. Նիկոլ Փաշինյանի ուղերձը Ֆրանսիայի վարչապետին
Կայացել է Ժողովրդավարության դպրոցի 2-րդ հոսքի բացումը
ՀՀ օրգանական և դեղագործական քիմիայի գիտահետազոտական կենտրոնի հարակից շինարարությունը ժամանակավորապես դադարեցվել է
2024 թվականին երեխաների ստացիոնար բուժման համար բյուջետային հատկացումները 2019-ի համեմատ 23 տոկոսով աճել են. փոխնախարար
Հաստատվել է մշակութային արժեքների փորձաքննություն անցկացնող մասնագետների ցանկը
Որ դեպքում Արևմտյան Նեղոսի տենդը կարող է փոխանցվել մարդուց մարդուն. վարակված և բուժված մայրը կարո՞ղ է կրծքով կերակրել
Նոր Նորք վարչական շրջանի նոր զբոսայգում շների համար առանձնացված տարածք կկառուցվի (տեսանյութ)
Ավարտվել է ԱԺ «Ամառային դպրոց» 3-րդ ծրագիրը. մասնակիցները հավաստագրեր են ստացել
Հերհերի ջրամբարի մոտ մեքենաներ են բախվել. վարորդներից մեկը մահացել է
Հրապարակվել է Հայաստանի ազգային հավաքականի վերջնական հայտացուցակը Լատվիայի դեմ խաղում. ովքեր են դուրս մնացել
Ազգային փոքրամասնությունները ՀՀ կառավարության և խորհրդարանի ուշադրության կենտրոնում են. ինչ խնդիրներ կան համայնքներում
Գնել Սանոսյանը դժգոհել է Դիլիջան-Վանաձոր հատվածում իրականացվող աշխատանքների տեմպից
Օդի ջերմաստիճանը կբարձրանա 2-4 աստիճանով. առանձին շրջաններում կարճատև անձրև կտեղա
SMS-ով խախտման մասին ծանուցումը չի փոխարինում էլեկտրոնայինին. ինչպես օգտվել 20 տոկոսի բոնուսային համակարգից
Պաշտոնական այցով Հայաստան կժամանի Լյուքսեմբուրգի Մեծ Դքսության փոխվարչապետ Քսավյե Բետելը
«Զանգեզուրի միջանցքը» կեղծ է, նման պատրանքներին հետևողների համար հետևանքները ծանր կլինեն. Էբրահիմ Ազիզի
Լոռիում մեքենաներ են բախվել. ընտանիքի 4 անդամ, այդ թվում՝ անչափահասներ, տեղափոխվել են հիվանդանոց
Կոչեր Ադրբեջանին, միջազգային հանրությանը. Ցեղասպանագետների միջազգային ընկերակցությունը ԼՂ-ի վերաբերյալ բանաձև է ընդունել
Հայաստանը կարևորում է բազմաբնույթ հարաբերությունների զարգացումը. վարչապետը շնորհավորել է Բրազիլիայի նախագահին
7 միլիոն վաղաժամ մահ աշխարհում. մոլորակի բնակչության 99%-ը աղտոտված օդ է շնչում
Թեհրանը կշարունակի աշխատել Ռուսաստանից գազ ստանալու ուղղությամբ. Ջալալի
Վրաստանում 4,1 մագնիտուդ ուժգնությամբ երկրաշարժ է տեղի ունեցել
Բանվորները պահեստից հեռահաղորդակցության մարտկոցներ են գողացել․ ընկերությանը պատճառվել է խոշոր չափի նյութական վնաս
Քննարկվել է արտահանման և ներմուծման նոր ուղիներ գտնելու հնարավորությունը. Լատվիայում հանդիպել են Պապոյանն ու Վալայնիսը
Մեր քաղաքին պետք են մարդիկ, որոնք ընկեր են Երևանին ու գրքին. Տիգրան Ավինյան
© 2024 Հայկական ժամանակ