Սպանության մեսիջը հանրությանը` լֆիկներին դեմ գնալուց գլխիդ կկրակեն

Ամիսներ առաջ հայտնի դարձավ, որ Սամվել Ալեքսանյանի ընկերության նախկին աշխատակիցներից մեկը` Ձկնկուլ մականունով Արմեն Իսրայելյանը կոնֆլիկտի մեջ է մտել Ալեքսանյանի հետ: Այս մասին պատմեց ինքը` Իսրայելյանը «Armtimes.com»-ի տեսախցիկի առաջ: Կոնֆլիկտի էությունը հետեւյալն էր. Իսրայելյանը ինչ-ինչ պատճառներով 60 հազար դոլարի «շտրաֆի» տակ է ընկել, ու քանի որ այդքան գումար չի ունեցել, Ալեքսանյանը տարբեր մեթոդներով նրան ստիպել է իր բիզնեսները` հացի փուռ, վարսավիրանոց, ավտոմոյկա, հանձնել իրեն:

Իսրայելյանը չի համակերպվել այս իրավիճակի հետ, համարելով, որ ոչ ոք իրավունք չունի իրենից խլել իր սեփականությունը: Ամիսներ տեւած կոնֆլիկտի ընթացքում նա առեւանգվել եւ ապօրինի պահվել է Ալեքսանյանին պատկանող տարածքում, իրավապահների կողմից բերման է ենթարկվել: Նրա մայրը ցանկացել է գնալ նախագահական նստավայր եւ որդու նկատմամբ տեղի ունեցող ապօրինության մասին հասցնել առաջին դեմքին, ինչը չի արել միայն որդու խնդրանքով: Նամակներ է գրել ՀՀ նախագահին, դատախազին եւ կրկին չի ուղարկել որդու խնդրանքով: Ի վերջո որեւէ այլ ելք չտեսնելով, այս ընտանիքը դիմել է լրատվամիջոցների օգնությանը:

Հունիսի 17-ին այս ամբողջը ներկայացնելով, Իսրայելյանը իր եւ Սամվել Ալեքսանյանի հեռախոսազրույցներից այնպիսի դրվագներ է պատմում, որտեղ Ալեքսանյանն անուղղակիորեն սպառնում է նրան` «Արի Հայաստան, արի էդ հարցերը լուծի, որ գնացիր, ի՞նչ, պրծա՞ր», «Որ գնացիր, գիտես դու պրծա՞ր, փրկվա՞ր»: Իսրայելյանը ասում է, որ այն ամենը, ինչ իրենից խլել է Ալեքսանյանը, ինքը ետ է վերցնելու: «Ես սրանով չեմ սահմանափակվելու, կանեմ ավելին, կդիմեմ ավելի վերեւներ: Ու ինքը թող չմոռնա, որ իրա մոտ աշխատել եմ 2002 թվականից մինչեւ 2015 թիվը, առավոտից իրիկուն իրա հետ եմ եղել եւ ամեն ինչ գիտեմ»,- ասում է Իսրայելյանը: Նա խոսում է ընտանիքի անդամներին տված «չիպի» մասին, որտեղ, ենթադրվում է, իր ունեցած ինֆորմացիան է շարադրած եղել: «Իմ հետ մի հատ բան կատարվեց, Ալեքսանյանն ա»,- ասում է Իսրայելյանը:

Երեկ հայտնի դարձավ, որ Արմեն Իսրայելյանը Ռուսաստանում սպանվել է: Դա տեղի է ունեցել Սամվել Ալեքսանյանի դեմ հրապարակային ցուցմունք տալուց ուղիղ 4 ամիս անց. Իսրայելյանը խոսել է հունիսի 17-ին, եւ ըստ չճշտված տեղեկությունների, սպանվել հոկտեմբերի 17-ին: Հնարավոր մարդասպանը հետախուզվում է, եւ տարօրինակ զուգադիպությամբ նրա անունը Սամվել է:

Բոլոր զուգադիպությունների եւ հարցերի պատասխանը, իհարկե, պետք է տան իրավապահները: Սակայն անկախ այն հանգամանքից, թե ինչ կպարզվի իրավապահների գործողությունների արդյունքում, այս դեպքը կարող է խորը եւ շատ վտանգավոր հետք թողնել ՀՀ քաղաքացիների գիտակցության եւ ենթագիտակցության վրա:

Հավանականությունը, որ քննությունը կհայտնաբերի «չիպը» եւ դրանում առկա տեղեկատվությանն ընթացք տրվի, զրոյական է: Շատ ավելի հավանական է, որ չիպը Իսրայելյանը վաղուց անձամբ հանձնած լինի Ալեքսանյանին, քանի որ հունիսի 17-ի հրապարակումից հետո այն աստիճան ահաբեկված էր, որ տարբեր լրատվամիջոցներով հայտարարում էր, թե ինչ ասել է, չի համապատասխանում իրականությանը, սթափ չի եղել եւ այլն:

Այսինքն, այսօր արդեն կարելի է արձանագրել, որ անկախ գործի քննությունից, հանրության գիտակցության մեջ տեղի ունեցածը ամրապնդվելու է հետեւյալ կերպ. ինչ-որ մեկը փորձեց դեմ գնալ Մալաթիա- Սեբաստիայի տեր ու տիրակալ Սամվել Ալեքսանյանին եւ մահկանացուն կնքեց վարձու մարդասպանի արձակած կրակոցից:

Սա, կարծում ենք, ազգային անվտանգության հարց է, քանի որ հանգեցնելու է ՀՀ քաղաքացիների գիտակցության զանգվածային ստրկացման: Իսկ նրանք, ովքեր չեն ցանկանալու ապրել մի երկրում, որտեղ Սամվել Ալեքսանյանի դեմ երկու խոսք ասելուց հետո գլխիդ կրակում են, ընտանիքներով լքելու են Հայաստանը:

Այս երկու աղետալի զարգացումները հնարավոր կլիներ կանխել միայն մի պարագայում, եթե Իսրայելյանի հայտարարած փաստերը համոզիչ կերպով հերքվեին կամ հաստատվեին, եւ դրանց եւ սպանության միջեւ հնարավոր կապի կասկածները փարատվեին: Կանխատեսելու համար՝ իրադարձությունները առաջին, թե երկրորդ ուղղությամբ կզարգանան, շատ բան պետք չէ, ընդամենը պետք է մի հարցի պատասխանել. 2017 թվականի ընտրություններից առաջ Սամվել Ալեքսանյանի հովանավոր Սերժ Սարգսյանին ո՞րն է ձեռնտու, որպեսզի Մալաթիայի, Երեւանի մյուս համայնքների, Հայաստանի մարզերի ու քաղաքների ընտրողներն էլ ավելի ստրկացած գիտակցությա՞մբ լինեն, թե՞ հակառակը:

Առաջինի դեպքում ամեն ինչ կարվի, որպեսզի հասարակության լայն շերտերի մեջ հնարավորինս ամրապնդվի համոզմունքը, որ Ալեքսանյանի ու նրա նմանների դեմ դուրս գալը կյանքի համար վտանգավոր է: Երկրորդ տարբերակն անգամ ձեւակերպելն իմաստ չունի:

Տպել
13506 դիտում

Բողոքի ակցիա Գյումրու լոկոմոտիվային դեպոյում. մարդատար եւ բեռնատար գնացքները չեն շահագործվի նաեւ վաղը

Բակո Սահակյանը հանդիպել է Ռոհինջա ժողովրդի առաջնորդ, նախորդ տարվա «Ավրորա»-ի մրցանակակիր Չո Լա Աունի հետ

Իջևան-Դիլիջան ավտոճանապարհի 5-րդ կմ-ի մոտակայքում այրվել է վագոն-տնակ

Սիրիայի հյուսիսում հրադադարից հետո 120կմ շառավղով տարածքը կանցնի Թուրքիայի վերահսկողության տակ

Յուրաքանչյուր զոհվածի հիշատակին՝ մեկ սոսենի. Արայիկ Հարությունյանի հայտարարությունը

Ապօրինի ծառահատման բացահայտում Սյունիքում․ հարուցվել է քրեական գործ (տեսանյութ)

Անցկացվել են մարտական պատրաստության համալիր պարապմունքներ

1,5 միլիարդ դրամ է վերադարձվել 2006 տնտեսվարող սուբյեկտի․ Նիկոլ Փաշինյան

Վթար Էջմիածին-Շահումյան ավտոճանապարհին. կա 2 տուժած

Ա. Միրզոյանը ցավակցական հեռագրեր է հղել ՌԴ Դաշնային ժողովի Դաշնության խորհրդի եւ Պետդումայի նախագահներին

Արման Սարգսյանի հրամաններով ոստիկանապետեր են ազատվել զբաղեցրած պաշտոններից

Երեւանում ծառի ճյուղն ընկել է ավտոմեքենաների վրա

ՀՀ ՊՆ վարչական համալիրում անցկացվում են հավաք-պարապմունքներ

Վարչապետն ընդունել է Ֆրանսիայի Օվերն-Ռոն-Ալպ շրջանային խորհրդի նախագահի գլխավորած պատվիրակությանը

Ա. Բաբլոյանը ներգրավվել է որպես կասկածյալ, իսկ Ա. Բաբայանին կալանավորելու միջնորդություն է ներկայացվել. ՀՔԾ

«Վանաձորի օր» տոնակատարության ծրագիրը պատրաստ է. «Գաթա բենդ», Արամ MP3, հրավառություն

Նախագիծ, որով զինծառայողն իրավունք կունենա իրեն տրված կարգապահական տույժը բողոքարկել. արդյո՞ք սա կգործի

Շատ ուրախ եմ, որ իմ լավ ընկերը հաղթեց ընտրություններում եւ շարունակելու է ղեկավարել բարեկամ Կանադան. վարչապետ

74-ամյա Եվգենի Պետրոսյանը մարզվում է 30-ամյա սիրելիին դուր գալու համար (տեսանյութ)

Նախարարների աշխատավարձ-պարգեւավճարը կկազմի 1.5 մլն դրամ, փոխնախարարներինը՝ 1 մլն դրամ. Կարապետյան