Երևան
16 °C
ՀՀԿ համագումարում Սերժ Սարգսյանի խիստ ոգեւորիչ ելույթը եւ դրանից մի քանի օր անց ՀՀ ազգային վիճակագրական ծառայության հրապարակած ցուցանիշները խիստ հակասության մեջ են իրար հետ:
Սերժ Սարգսյանն ասում էր՝ կարողացել ենք արդյունավետ դիմագրավել մարտահրավերներին, ապահովել տնտեսական աճ... ասում էր՝ այլեւս անցյալ է պարզապես դրսի օգնությանն ու վարկային միջոցներին ապավինելու քաղաքականությունը...: ԱՎԾ-ի հրապարակած տվյալները, սակայն, լրիվ հակառակը պնդելու հիմք են տալիս:
Արդեն նշել ենք, որ նույնիսկ սիրուն-միրուն թվեր նկարելու մեջ մասնագիտացած ՀՀ ԱՎԾ-ն այս տարվա հոկտեմբերին արձանագրել էր տնտեսական ակտիվության ցուցանիշի 7.8 տոկոս անկում անցած տարվա նույն ամսվա համեմատ: Դա ԱՎԾ-ի նախնական, այսպես կոչված՝ օպերատիվ տվյալներն էր, որը հրապարակվել էր մոտ 10 օր առաջ: Երեկ ԱՎԾ-ն արդեն հրապարակել է հիմնական զեկույցը, որտեղ այդ ցուցանիշը պահպանվել է: Տնտեսական ակտիվության ցուցանիշը տեխնիկապես տնտեսական աճի կամ նվազման տվյալը չէ, բայց սովորաբար դա գրեթե համընկնում է ՀՆԱ-ի ցուցանիշի հետ: Այնպես որ, կրկին անգամ արձանագրենք, որ մեր տնտեսությունը գահավիժում է, եւ դա ոչ մի կերպ չի տեղավորվում Սերժ Սարգսյանի ելույթում հնչած պնդումների շրջանակում: Իհարկե, 10 ամիսների կտրվածքով տնտեսական ակտիվության ցուցանիշը դեռ փոքր, աննշան աճ ունի` 0.4 տոկոս, սակայն ամսական կտրվածքով այսպիսի գահավիժումը որեւէ հույս չի տալիս, որ վերջին երկու ամիսներն էլ հաշված տարեկան տնտեսական աճ կունենանք: Դա հնարավոր կլինի միայն ԱՎԾ-ի` թվանկարչական բացառիկ հանճարի շնորհիվ:
Այսինքն, մեղմ ասած, այնքան էլ չենք դիմագրավել մարտահրավերներին, ինչպես պնդում էր Սերժ Սարգսյանը: Եվ դա ապացուցվում է այլ ցուցանիշներով եւս: Հարկերը շարունակում են նվազել: Ընդգծենք, ոչ միայն այս տարվա բյուջեով նախատեսված հարկերը ավելի քիչ են հավաքվում, այլ անցած տարվա համեմատ են ավելի նվազել: Այս տարվա բյուջեն կատարելու համար անհրաժեշտ էր, որ անցած տարվանից մոտ 5 տոկոս ավելի հարկ հավաքվեր: Հոկտեմբերին հավաքվել է 91,3 միլիարդ դրամ, անցած տարվա 93.2 միլիարդ դրամի դիմաց: ՀՀ ֆինանսների նախարար Վարդան Արամյանը մոտ մեկ ամիս առաջ կանխատեսել էր, որ այս տարվա բյուջեի եկամուտները կթերակատարվեն 60 միլիարդ դրամ: Թերակատարման այսպիսի տեմպը թույլ է տալիս պնդելու, որ բյուջեն այս տարի կստանա ավելի քան 70 միլիարդ դրամով պակաս գումար:
Ու եւս մի շատ կարեւոր «մանրուք»: Սերժ Սարգսյանը համագումարում ունեցած իր ելույթում խոսում էր աշխատավարձերի աճի մասին: Հիմա էլ ԱՎԾ-ն ներկայացրել է, որ անցած տարվա համեմատ միջին անվանական աշխատավարձը աճել է 2.4 տոկոսով: Թվում է, թե գոնե այստեղ ամեն ինչ կարգին է: Բայց ոչ ոք չի խոսում այն մասին, թե արդյոք աշխատավարձ ստացող մարդկանց թիվը աճե՞լ է: Այսինքն աշխատավարձի աճին զուգահեռ արդյոք չի՞ աճել նաեւ գործազրկությունը: Այսպիսի հստակ վիճակագրություն չկա: Սակայն կա այլ ցուցանիշ, որը կարող է պատասխանել այդ հարցին: Այս տարվա հոկտեմբերին եկամտային հարկի գծով պետբյուջե մուտքագրվել է 26 միլիարդ 494 միլիոն դրամ: Անցած տարվա հոկտեմբերին այդ ցուցանիշը 27 միլիարդ 636 միլիոն դրամ էր: Այսինքն, եկամտային հարկի գծով մուտքերը պակասել են 1 մլրդ 142 միլիոն դրամով, կամ 4.1 տոկոսով: Հիմա համադրենք. միջին ամսական աշխատավարձը աճել է, իսկ այդ աշխատավարձից գանձվող եկամտային հարկի ընդհանուր ծավալը նվազել է: Հանելո՞ւկ է սա: Ամենեւին: Նման բան կարող է լինել միայն մի պարագայում` երբ աշխատավարձ ստացող անձանց թիվը նվազած լինի, ընդ որում՝ 5-6 տոկոսով: Այսինքն, տասնյակ հազարավոր քաղաքացիներ վերջին շրջանում կորցրել են աշխատանքը «մարտահրավերներին արդյունավետ դիմագրաված» մեր երկրում:
Հիմա «պարզապես դրսի օգնությանն ու վարկային միջոցներին ապավինելու քաղաքականությունը» այլեւս անցյալի գիրկը ուղարկելու մասին: Մեր պետական պարտքը այս տարվա 10 ամիսներին աճել է 530 միլիոն դոլարով կամ ավելի քան 10 տոկոսով եւ կազմել 5.606 միլիարդ դոլար: Դրա մեջ արտաքին պարտքը 4.543 միլիոն դոլար է եւ մեկ անցած տասն ամիսներին աճել է 230 միլիոն դոլարով: Իհարկե, արտաքին պարտքի աճը ավելի դանդաղ է, բայց կառավարությունը վերջին շրջանում թեւերը քշտած մեծացնում է ներքին պարտքը, որը աճել է 40 տոկոսով եւ կազմել ավելի քան 1 միլիարդ դոլար: Գուցե սա նկատի ունի Սերժ Սարգսյանը, ասելով թե այլեւս անցյալ է դրսի օգնությանը կամ վարկային միջոցներին ապավինելը: Փաստորեն մենք պատրաստվում ենք այսուհետ ապավինել «ներսի օգնությանը», այսինքն դրամով ենք վերցնելու վարկերը, ու հետո, ասենք դրամը արժեզրկելով՝ «ներքին վարկատուներին» քցենք: Եթե Սերժ Սարգսյանը սա «ապավինելու» ավելի լավ տարբերակ է համարում, ապա թող այդպես լինի:
ՀՀԿ համագումարում այդ կուսակցության առաջնորդը խոսելով տնտեսության մասին, հայտարարեց, թե «գալիք տարիների փոփոխությունները լինելու են բեկումնային»: Բերված ցուցանիշներից պարզ է դառնում, որ իրոք կա նման հեռանկար` բեկում կարող է լինել, բայց՝ դեպի ավելի վատը: Ու նման հեռանկարը պայմանավորված է ոչ թե այս պահին արձանագրվող ցուցանիշներով, այլ նրանով, թե ինչ է տեղի ունենում մեր տնտեսության մեջ, որը գալիք տարիներին կարող է բեկում ապահովել լավ, կամ վատ իմաստով: Որպեսզի հետագայում դրական իմաստով բեկում լինի, մեր տնտեսության մեջ ներդրումները պետք է աճեն արդեն այսօր: Առաջին 9 ամիսների տվյալներով նման միտում չի արձանագրվել: Նշված ժամանակահատվածում օտարերկրյա ներդրումների ծավալը (զուտ ներհոսքը) կազմել է 27 միլիարդ դրամ, ինչը մոտ 70 միլիարդ դրամով պակաս է անցած տարվա նույն ցուցանիշից: Այսինքն այդ ցուցանիշը նվազել է մոտ 2.6 անգամ: Օտարերկրյա ուղղակի ներդրումների ծավալը նվազել է մոտ 2 անգամ: Մի խոսքով, առաջիկա «բեկումնային» տարիների շունչը արդեն զգացվում է:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ