Ազգային անվտանգության սպառնալիք է. ԱՄՆ դեսպանը Կարեն Կարապետյանի մասին

Այսօր լրագրողների հետ զրույցում Հայաստանում ԱՄՆ դեսպան Ռիչարդ Միլսը խիստ տարօրինակ, սենսացիոն հայտարարություն է արել:

Aravot.am-ի փոխանցմամբ, խոսելով Կարեն Կարապետյանի մասին, նա ասել է. «Առայժմ ինչ լսել եմ վարչապետից՝ կոռուպցիայի խնդրին առաջնահերթություն տալու հարցում, հուսադրող է: Կարծում եմ՝ նա արձագանքում է այն խնդիրներին, որոնք լսում է հայ ժողովրդից, հայկական լրագրությունից՝ կոռուպցիայի դեմ պետք է պայքարել: Կոռուպցիայի դեմ պետք է պայքարել նաեւ, քանի որ այն կարող է խոչընդոտել Հայաստանում բիզնեսի աճին եւ ներդրումներին: Կոռուպցիան կարող է նաեւ խնդիր հանդիսանալ ազգային անվտանգության համար, քանի որ կոռումպացված պաշտոնյաներին, կոռումպացված գործարարներին Հայաստանից դուրս կարող են հնարավորություն ընձեռել Հայաստանում տեղի ունեցող զարգացումների վրա ազդեցություն ունենալ: Կարծում եմ՝ վարչապետը տեղյակ է եւ մտահոգված է այս ամենի մասին: Ես ասել եմ վարչապետին, որ Միացյալ Նահանգների դեսպանությունը եւ կառավարությունը պատրաստ է իր հետ աշխատել եւ ցանկացած հնարավոր ձեւով աջակցել իրեն»:

Պատրաստ ենք աշխատել իր հետ, կաջակցենք, նրա մոտեցումները հուսադրող են. դեսպանի խոսքի այս հատվածները լիովին հասկանալի են:

Բայց  ի՞նչ է նշանակում հետեւյալ միտքը. «Կոռուպցիան կարող է նաեւ խնդիր հանդիսանալ ազգային անվտանգության համար, քանի որ կոռումպացված պաշտոնյաներին, կոռումպացված գործարարներին Հայաստանից դուրս կարող են հնարավորություն ընձեռել Հայաստանում տեղի ունեցող զարգացումների վրա ազդեցություն ունենալ»:

Ի՞նչ է ուզում սրանով ասել Հայաստանում Միացյալ Նահանգների դեսպանը: Հիշեցնենք, մինչեւ բոլորովին վերջերս Կարեն Կարապետյանը Հայաստանից դուրս խոշոր պաշտոնյա էր: Վարչապետի պաշտոնում նշանակվելով, նրան հնարավորություն է ընձեռվել ազդեցություն ունենալ Հայաստանում տեղի ունեցող զարգացումների վրա: Կարապետյանը երկար տարիներ բարձր պաշտոն է զբաղեցրել Ռուսաստանում, որտեղ ըստ արեւմտյան կենտրոնների բոլոր հետազոտությունների, պետական համակարգն ամբողջությամբ թաղված է կոռուպցիայի մեջ: Այսինքն՝ արեւմտյան մտածողության տեսակետից, լինել ՌԴ-ում բարձրաստիճան պաշտոնյա, մեխանիկորեն նշանակում է լինել կոռումպացված պաշտոնյա:

Եթե ճիշտ ենք ըմբռնում Ռիչարդ Միլսի մտքերի ընթացքը, ուրեմն նա Կարեն Կարապետյանին համարում է ռուսական կոռումպացված պաշտոնյա, որին Հայաստանի վարչապետ նշանակելն ազգային անվտանգության սպառնալիք է: Բնականաբար, այս հայտարարության հասցեատերը միայն Կարապետյանը չէ: Սա նաեւ Սերժ Սարգսյանին ուղղված խոսք է, որովհետեւ ի վերջո Կարապետյանին նա է հրավիրել Հայաստան:

Արդեն գրել ենք, որ Կարապետյանն ապրիլյան պատերազմի արդյունքում Ռուսաստանի կողմից Հայաստանում ներդրված անձ է, որի միսիան 2018-ից հետո Հայաստանում Ռուսաստանի կողմից լիովին վերահսկելի իշխանություն ձեւավորելն է: Կարծիք էինք հայտնել նաեւ, որ առաջին անգամ ԱՄՆ-ն եւ Եվրոպան ՌԴ-ի կողմից Հայաստանին քաղաքականապես ստրկացնելու փորձերին չեն միջամտում: Հակառակը, տպավորություն կա, թե Արեւմուտքը առհասարակ այս հարցում ձեռքերը լվացել է եւ քաշվել մի կողմ:

Երեկ հայտնի դարձավ, որ հերթական անգամ մերժվել է «Հազարամյակի մարտահրավերներ» ծրագրին մասնակցելու`Հայաստանի հայտը: Սա Հայաստանից «հրաժարվելու» ապացույցներից մեկն է: Հիմնավորումը, թե ՀՀ-ն չի համապատասխանում ծրագրի չափանիշներին`արդար կառավարում, կոռուպցիայի դեմ պայքար եւ այլն, թույլ են: ԱՄՆ կառավարությունը «Հազարամյակի մարտահրավերներ» եւ մյուս բոլոր նմանատիպ ծրագրերով աշխատում է աշխարհի տարբեր վատ կառավարող եւ կոռումպացված իշխանությունների հետ նրանց «Ճիշտ ուղի» վերադարձնելու համար: Այդ ծրագրերը նման նպատակի համար էլ մշակվում են: Եւ, եթե Հայաստանը հետեւողական կերպով դուրս է մնում դրանցից, նշանակում է կա՛մ այլեւս անհույս է ՀՀ-ի իշխանություններին ճիշտ հունի վրա դնելը, կա՛մ Հայաստանն այլեւս ԱՄՆ-ի հետաքրքրությունների տիրույթում չէ: Հնարավոր է` եւ մեկը եւ մյուսը:

Բայց ի՞նչ փոխվեց, ինչո՞ւ դեսպանը հանկարծ բարկացավ եւ Կարեն Կարապետյանի հասցեին նման սենսացիոն հայտարարություն արեց: Դիվանագիտական կանոններով Միլսի խոսքերն իսկապես սուր են, մնում էր միայն անունը հնչեցներ, եւ դա այլեւս դիվանագիտական հայտարարություն չէր լինի:

Հնարավոր է` սա ազդակ է, որ առաջիկայում ԱՄՆ-ն ամեն դեպքում դիտորդի կարգավիճակով չի հետեւի ՌԴ-ՀՀ պայքարին, որտեղ Հայաստանի դիրքերը հասկանալի պատճառներով շատ խոցելի են: Ձեւակերպումը, որ վարչապետի պաշտոնում Կարապետյանի նշանակումն ազգային անվտանգության հարց է, դիպուկ է, թեեւ հեռու ենք այն մտքից, որ ԱՄՆ-ին Հայաստանի ազգային անվտանգությունը հուզում է:

Ավելի հավանական է, որ ԱՄՆ-ում վերանայում են Հարավային Կովկասում իրենց քաղաքականությունը եւ գալիս այն եզրակացության, որ այստեղ միանգամից երկու պետություն եւ մեկ տարածքային վեճ ՌԴ-ի լիակատար վերահսկողությանը «հանձնելը» հեռանկարային իմաստով խոհեմ չէ:

Ամեն դեպքում, ստեղծված իրավիճակում Հայաստանը կարող է ՌԴ-ԱՄՆ հակամարտությունից օգուտներ քաղել, որքան էլ որ դա բարդ է թվում: Հիշեցնենք, մի քանի օր առաջ տեղի ունեցավ Սերժ Սարգսյանի եւ ԱՄՆ նորընտիր փոխնախագահ Մայք Փենսի հեռախոսազրույցը: Շատ հնարավոր է, որ Ռիչարդ Միլսի հայտարարությունն այս զրույցի տրամաբանական շարունակությունն է: 

Տպել
27229 դիտում

Ժաննա Անդրեասյանը՝ դպրոցներում երկարօրյա ծառայությունների մասին

Հայաստանի տարածքում նամակի առաքումը 70 դրամից հասել է 230-ի. միջազգային առաքման սակագներն առավել սարսափեցնող են

Նորամարգ համայնքում ֆուտբոլի դաշտ է կառուցվել

Տարիների թշնամանքից հետո Իրանն ու Սաուդյան Արաբիան բանակցություններ են սկսել. հաշտեցման 2 պատճառ ունեն

Գեղանիստում խաչքար է կանգնեցվել պատերազմում հերոսացած տղաների հիշատակին

ՊՆ-ում նշվել է պաշտպանության կոմիտեի կազմավորման 30-ամյակը (լուսանկարներ)

Կարեն Կիրակոսյանն ընդգրկվել է ՊՆ զինծառայողների բնակարանային ապահովման հերթացուցակում․ ՄԻՊ (տեսանյութ)

Ես ափսոսում եմ, որ մենք էդ շարժման մեջ էինք. էլ ՀԱԿ չկա, Լեւոն Տեր-Պետրոսյանը թաղեց. ՀԺԿ քարտուղար

Շիրակի մարզում կորոնավիրուսի դեմ արդեն պատվաստվել է 807 քաղաքացի

«Օրենքով գող» Շահումյանցի Ժիրոյին մեղադրանք է առաջադրվել. նրան կալանավորելու միջնորդություն է ներկայացվել դատարան

Խաղաղապահ զորախումբը վերադարձել է Հայաստան

Այսօր ձերբակալված «օրենքով գողը» Շահումյանցի Ժիրոն է. գործով անցնում է նաև Կիլիկիացի Հարութիկը

Անահիտ Ավանեսյանն աշխատանքային այցով եղել է Տավուշի մարզում

ԱԺ-ն մայիսի 10-ին արտահերթ նիստ կգումարի. օրակարգում վարչապետի ընտրությունն է

Պարգևատրվել են ՊՆ ռազմական ոստիկանության մի խումբ աշխատակիցներ

Լուրերը, թե նախագահը հովանավորում է տարբեր ուժերի և կոչ է անում բոյկոտել ընտրությունները, կեղծ են․ նախագահի աշխատակազմ

ՀՀ զինված ուժերի գլխավոր շտաբի պետն այցելել է զորամասեր

Ուխտավորի երկյուղածությամբ կմոտենանք այս անկյանը. Գյումրու 2-րդ դպրոցում բացվեց նահատակված հերոս աշակերտների անկյուն

Մեքենայում վիճաբանելուց հետո 36-ամյա կինը ատրճանակից կրակոցներ է արձակել․ Shamshyan.com

Մանկապարտեզները 100 տոկոսով պատրաստ են ընդունելու երեխաներին. Հակոբ Կարապետյան

Ալենն իր կյանքում միշտ էր պատերազմում ու պայքարում, բայց՝ գրքով ու գրչով. պայքարող Ալենի մասին գիրք է հրատարակվել

Ժամանակավոր դադարեցվում է Ցեֆտոնուս դեղափոշի ներարկման լուծույթի շրջանառությունը

Ավտոմեքենաների համարանիշների հափշտակությունը կքրեականացվի. միայն Երեւանում արձանագրվել է 306 դեպք

Հանվել է երկարօրյա ծառայությունների եւ արտաուսումնական խմբակների կազմակերպման արգելքը, բայց սահմանվել են նոր կանոններ

Անահիտ Ավանեսյանն ընդունել է Չինաստանի դեսպան Ֆան Յունին․ կողմերն անդրադարձել են պատվաստումային գործընթացին

Աննա Հակոբյանը և Լենա Նազարյանը ներկա են գտնվել Վանաձորի N25 հիմնական դպրոցի նորոգված մարզադահլիճի բացման արարողությանը

Դժվար է լինելու, բայց ոչ անհնարին. հունահռոմեականների վիճակահանությունը օլիմպիական վարկանիշային մրցաշարում

Տեր-Պետրոսյանի հրապարակած հայտարարության տեքստը Սարգսյանը տեսնում է առաջին անգամ․ Սերժ Սարգսյանի գրասենյակի արձագանքը

ԱԺ-ն երկրորդ ընթերցմամբ ընդունեց «Ընտրական օրենսգրքի» փոփոխությունների փաթեթը

Կորոնավիրուսային հիվանդության դեմ պատվաստումների շեմն անցել է 10 հազարը

Հայաստանի տարբեր մարզերում ընթանում են ճանապարհների բարեկարգման աշխատանքներ (տեսանյութ)

Գերիների ազատ արձակման հարցում ուժեղացող միջազգային ճնշման ներքո Ադրբեջանը փորձում է առաջ քաշել կեղծ օրակարգեր․ ԱԳՆ

Ստեփանակերտ-Ասկերան ճանապարհին ավտոմեքենան գլորվել է և հայտնվել Կարկառ գետում․ վարորդը մահացել է

Արմեն Սարգսյանը մայիսի 8-ից կգտնվի կարճատեւ արձակուրդում, որը կանցկացնի Մոսկվայում

«Նախապես ասեմ՝ մերժելու ենք...». Նիկոլ Փաշինյանի խորհրդականի հումորային արձագանքը՝ Տեր-Պետրոսյանի առաջարկների շարքին

Մոդուլային դպրոցներ կկառուցվեն Մեդովկա և Հագվի համայնքներում, նաեւ մոդուլային մանկապարտեզ՝ Սպիտակ համայնքում

Վահրամ Դումանյանը Շուշիի Ղազանչեցոց մայր տաճարի վերաբերյալ նամակ է հղել ՅՈՒՆԵՍԿՕ-ի գլխավոր տնօրենին

Լեւոն Տեր-Պետրոսյանը օրեր առաջ հանդիպել է Սերժ Սարգսյանին եւ առաջարկել ՀԱԿ-ՀՀԿ դաշինք ստեղծել

Ոչ նախկիններին ենք սպասարկել, ոչ ներկաներին ենք սպասարկում, ոչ էլ ապագաներին ենք սպասարկելու. Վազգեն Ռշտունի

Գեղամ Հովեյանը ընտրվեց Հաշվեքննիչ պալատի անդամ