Իշխանություններն ընտրողին զրկել են քվեաթերթիկը անվավեր դարձնելու հնարավորությունից

Պարզվում է, առաջիկա խորհրդարանական ընտրություններին քվեաթերթիկն անվավեր համարելու տարբերակները նվազեցվել են: Օրինակ, եթե ընտրողը նույն քվեաթերթիկում երկու թեկնածուի անվան դիմաց է համապատասխան նշում կատարում, ապա այն վավեր է համարվում, պարզապես այս դեպքում քվեարկությունը որեւէ թեկնածուի օգտին չի գրանցվում, բայց փոխարենը գրանցվում է այն կուսակցության օգտին, որին ներկայացնում է տվյալ թեկնածուն:

Հիշեցնենք, առաջիկա խորհրդարանական ընտրություններին մասնակցող յուրաքանչյուր ուժի համար Կենտրոնական ընտրական հանձնաժողովն առանձին քվեաթերթիկ է տպագրելու: Իսկ ընտրություններին մասնակցում են ինը ուժեր՝ հինգ կուսակցություն եւ չորս դաշինք:

Նրանցից յուրաքանչյուրի համար տպագրված քվեաթերթիկում լինելու են տվյալ ընտրատարածքում տվյալ ուժի ռեյտինգային թեկնածուների անունները: Ընտրողը պետք է իրեն տրված այդ ինը քվեաթերթիկներից վերցնի իր նախընտրած ուժին պատկանող քվեաթերթիկը եւ քվեարկի դրա երկրորդ էջում նշված թեկնածուներից որեւէ մեկի անվան դիմաց: Բայց եթե հանկարծ չկողմնորոշվի, թե ում օգտին քվեարկի կամ մեկից ավելի նախընտրած թեկնածուներ ունենալու պարագայում նրանց բոլորի անվան դիմաց էլ համապատասխան նշում անի, միեւնույն է, այն վավեր է համարվելու եւ գնալու է արդեն տվյալ թեկնածուներին ներկայացնող ուժի կամ դաշինքի օգտին: Նախկինում նման պրակտիկա չի եղել: ԿԸՀ նախագահ Տիգրան Մուկուչյանը մեզ հետ զրույցում ասաց, որ նախկինում նման փորձ չի եղել, քանի որ ընդամենը մեկ քվեաթերթիկ է եղել, եւ այդ մեկի վրա նշված են եղել բոլոր ուժերը ներկայացնող թեկնածուների անունները: Այսինքն, ընտրողը միաժամանակ չէր կարող իր ձայնը տալ երկու քաղաքական ուժերի ներկայացուցիչներին: Սա՝ մեծամասնական ընտրակարգի դեպքում: Իսկ համամասնականի դեպքում ընտրողը չէր կարող միաժամանակ երկու կուսակցության կամ դաշինքի օգտին քվեարկել:

Հիմա մեծամասնական ընտրակարգին փոխարինելու եկած համամասնական-ռեյտինգայինն այդ հնարավորությունը չի տալիս: Եվ դա, ըստ Տ. Մուկուչյանի, բխում է հարյուր տոկոսանոց համամասնական ընտրակարգի տրամաբանությունից, որը ներդրվել է 2015թ. սահմանադրական փոփոխությունների արդյունքում: «Քանի որ քվեաթերթիկն իրենում ներառում է երկու գործառույթ՝ կուսակցության եւ տարածքային թեկնածուին տրվող քվե, այդպիսով եթե նույն քվեաթերթիկում երկու թեկնածուի օգտին է քվեարկություն կատարվում, դա համարվում է կուսակցության օգտին վավեր քվեաթերթիկ»,- ասաց նա:

Փաստաբան Նորիկ Նորիկյանը նույնպես գտնում է, որ իշխանությունները հենց համամասնական ընտրակարգն ու կուսակցություններն են կարեւորել, որ նման հնարավորություն են ընձեռել: «Եթե ընտրվել է այնպիսի իրավակարգավորում, որ ընտրատարածքային ցուցակներում ընդգրկված մեկից ավելի անձանց դիմաց կատարված քվեարկությունը չպետք է հանդիսանա անվավեր, ուրեմն գերակա է համարվել ընտրողի կողմից կուսակցության ընտրած քվեաթերթիկը: Իսկ թե դրանից հետո նա քանի հոգու կընտրի, դա քիչ է կարեւորվել: Սա մանեւր է, որ առաջնահերթությունը տրվի համամասնական ցուցակին»,- հավելեց նա:

Հայտնի է, որ նոր ներդրված այս ընտրակարգը կուսակցություններին կամ դաշինքներին ուղղակի ընտրելու հնարավորություն չի տալիս: Ընտրողը պետք է ընտրի որեւէ թեկնածուի, որի օգտին գրանցված քվեն էլ մեխանիկորեն գնալու է այն ուժի օգտին, որի ռեյտինգային կամ տարածքային ցուցակում էլ նա ընդգրկված է: Միաժամանակ որեւէ թեկնածու առանց որեւէ կուսակցության կամ դաշինքի ցուցակում ընդգրկվելու չի կարող մասնակցել ընտրություններին: Այդպիսով, իշխանություններն այնպիսի մեխանիզմ են ներդրել, որ իրենց ռեյտինգային թեկնածուների օգտին գրանցված յուրաքանչյուր ձայն իրենց բաժին հասնի: Եվ եթե քվեարկությունն այնպես է ստացվել, որ որեւէ թեկնածու ձայն չի ստանում, միեւնույն է, այդ քվեաթերթիկը գրանցվում է տվյալ ուժի օգտին:

Այդպիսով, իշխանությունները ընտրողին զրկել են չգրված մի իրավունքից՝ քվեաթերթիկն այդ եղանակով անվավեր դարձնելու հնարավորությունից: Գաղտնիք չէ, որ ընտրողն ինչ-ինչ՝ ընտրակաշառք վերցնելու, վարչական կամ թաղային լծակների ազդեցության արդյունքում երբեմն չի համարձակվում պահանջված քվեարկությունը չկատարել: Կատարած քվեարկությունն ապացուցելու համար երբեմն ընտրողին ստիպում են քվեաթերթիկը բջջային հեռախոսով նկարել ու պատկերը ցույց տալ պահանջողին: Նման դեպքերում ընտրողը կարողացել է նկարելուց հետո քվեաթերթիկն անվավեր դարձնել՝ նշում կատարելով նաեւ երկրորդ թեկնածուի կամ ուժի օգտին: Մեր ընտրական գործընթացներում տարիներ շարունակ կիրառվել է նաեւ «կարուսելի» փորձը, երբ արդեն ցանկալի թեկնածուի կամ ուժի օգտին քվեարկած քվեաթերթիկը դրսում տալիս են ընտրողին, որ նա դա դնի ծրարի մեջ ու գցի քվեատուփ, փոխարենը գաղտնի դուրս հանի իրեն տրված քվեաթերթիկը:

Նման դեպքերում գիտակից, բայց ինչ-որ ազդեցություն կրող ընտրողը կարողացել է արդեն քվեախցում եւս մեկ թեկնածուի կամ ուժի անվան դիմաց նշում կատարելով՝ քվեաթերթիկն անվավեր դարձնել: Այս նոր ընտրակարգն ընտրողին զրկում է այդ «իրավունքից»: «Նախ ընտրության գաղտնիությունը երաշխավորվում է թե՛ Սահմանադրությամբ, թե՛ ԸՕ-ով, հետեւաբար նկարելը եւ հանել՝ տարածելը, անգամ մեկ հոգու ցույց տալը ընտրական իրավունքի գաղտնիության կոպտագույն խախտում է: Այնուամենայնիվ, մեր իշխանությունները հաշվի առնելով նաեւ այդ հանգամանքը, որ հնարավոր է երկրորդ թեկնածուի անվան դիմաց քվեարկելով՝ քվեաթերթիկն անվավեր դարձնել՝ գնացել են այդ «սողանցքը» փակելու ճանապարհով: Այսինքն, ընտրողը զրկվել է անգամ այդ հնարավորությունից»,- ասաց Ն. Նորիկյանը:

Վերջինս նաեւ համոզված է, որ այս ընտրություններից հետո իշխանությունները փոխելու են Ընտրական օրենսգիրքը: «Այս ընտրական համակարգը մեր երկրում նախադեպ է: Հետեւաբար սա մեզ համար ոչ միայն նորույթ է, այլեւ վստահ եմ, որ այս ընտրություններից հետո բազմաթիվ շիլաշփոթների պայմաններում արմատապես փոխելու են օրենսգիրքը, հատկապես ռեյտինգային ընտրակարգը: Իսկ շարժական կամ տեսողական խնդիր ունեցող մարդկանց համար դա շատ դժվար է լինելու: Կտեսնեք, թե դա ինչ ընտրական քաոս է առաջացնելու»,- եզրափակեց նա:

Տպել
16166 դիտում

Մարտի 21-ին Հայաստանին է մոտենալու հաջորդ սառը ցիկլոնը. սպասվում է առատ ձյուն, քամու ուժգնացում

Զախարովան արձագանքել է ՀՀ վարչապետի խոսքերին

Պատկերված անձը որոնվում է նախաձեռնված քրեական վարույթի շրջանակներում (տեսանյութ)

Fly Arna-ի լիցենզիան կասեցված է. ՏԿԵ փոխնախարար

Իրանից ժամանած 7 բեռնատարում հայտնաբերվել է ցեմենտի մեջ թաքցված հսկայական քանակությամբ ծխախոտ (տեսանյութ)

ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը

Տրոլեյբուսը հայտնվել է խրամուղում. շինարարը կտուգանվի (տեսանյութ)

Նիկոլ Փաշինյանը շնորհավորել է Վլադիմիր Պուտինին

Վարչապետի որոշմամբ` նշանակվել է ՊԵԿ նախագահի առաջին տեղակալ

Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին

«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով

Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են

Նիկոլ Փաշինյանը «TikTok»-ում նոր շարք է սկսել (տեսանյութ)

Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան

Պակիստանում երկրաշարժ է գրանցվել

Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 դի, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը