Չբռնե՞նք սուզանավ արտադրենք. նախընտրական հրաշքներ

Բոլոր այն կանխատեսումները, որ նախընտրական այս փուլում մեր պալատական վիճակագիրները հանրությանը կհրամցնեն ցնցող ցուցանիշներ, մեղմ ասած, իրականանում են:

Երեկ ՀՀ ազգային վիճակագրական ծառայությունը հրապարակել է այս տարվա փետրվարին իր արձանագրած սոցիալ-տնտեսական նախնական տվյալները, որոնց մի զգալի մասը երկնիշ աճ են ցույց տալիս մի քանի բնագավառներում:  Այսպես ուրեմն: Պարզվում է, որ այս տարվա փետրվարին մեր երկրում արդյունաբերական արտադրանքի ծավալը անցած տարվա նույն ամսվա համեմատ աճել է 20 տոկոսով: Չէ, մի քիչ չափազանցրինք, 20 չէ, այլ 19.9 տոկոսով: Առեւտրի շրջանառությունը աճել է 10 տոկոսով: Չէ, ճիշտն ասած՝ այստեղ էլ մի քիչ չափազանցրինք` 10 տոկոսով չէ, այլ 9.8 տոկոսով: Ծառայությունների ծավալն էլ է աճել մոտ այդքանով` 9.7 տոկոսով: Արտահանման ծավալն էլ աճել է իրոք 10 տոկոսով, նույնիսկ մի փոքր ավելի` 10.1 տոկոսով: Ներմուծումը աճել է 12.4 տոկոսով...:  Ու ընդհանրապես, տնտեսական ակտիվության ցուցանիշը արդեն երկու ամիս է, ինչ 6 տոկոսից չի իջնում այն պարագայում, երբ մի քանի ամիս առաջ 0-ի մոտերքն էր: 

Մի խոսքով, մեր տնտեսությունը հրաշքներ է գործում: Պատկերացնո՞ւմ եք` արդյունաբերության աճ 20 տոկոսով: Նման տեմպերով աճում էր Հարավային Կորեայի արդյունաբերությունը «կորեական հրաշքի» տարիներին: Բայց պետք է նկատել, որ նմանատիպ հրաշքները մեզ մոտ աննախադեպ չեն: Ամեն ընտրությունից առաջ մեր պաշտոնական վիճակագիրները հանկարծ այնպիսի աճեր են հայտնաբերում, որոնք մինչ այդ չեն եղել:

2008 թվականի նախագահական ընտրություններից առաջ մեր տնտեսական ցուցանիշները կտրուկ լավացան: ԱՎԾ-ն արձանագրում էր մոտ 9 տոկոս տնտեսական աճ ամսական կտրվածքով: 2008 թվականի հունվարին արձանագրվեց 9.9 տոկոս աճ, հունվար- փետրվարին` 10.1 տոկոս:  Այն ժամանակ տնտեսական ցուցանիշներին աճ էր հաղորդում շինարարությունը, որը հետագայում վարչապետ նշանակված Տիգրան Սարգսյանը անվանեց «փուչիկ»:  Դե 2008 թվականի այդ երկնիշ աճերը ինչ- որ տեղ կարելի է բացատրել` դա համաշխարհային տնտեսական ճգնաժամից հաշված օրեր առաջ էր եւ տնտեսությունը դեռ «տաքանում էր»: Եվ կարող են հիմնավորումներ հնչել, թե այսպիսի ցուցանիշները պայմանավորված չէին 2008-ի նախագահական ընտրություններով:

Բայց արդեն 2012 թվականին, երբ Հայաստանի տնտեսությունը արդեն ճգնաժամի մեջ էր եւ ի հեճուկս տարաբնույթ հայտարարությունների՝ այդպես էլ դուրս չեկավ այդ վիճակից, մայիսին կայացած խորհրդարանական ընտրություններից առաջ սկսվեց տնտեսական հրաշք: Հունվարին ԱՎԾ-ն գրանցեց արդյունաբերական արտադրանքի 21 տոկոս աճ՝ նախորդ տարվա հունվարի համեմատ: Փետրվարին`16 տոկոս, մայիսն, հենց ընտրությունների ամսին 14 տոկոս էր աճը, իսկ ընտրություններին հաջորդած ամսին՝ հունիսին արդյունաբերության աճը կազմեց միայն 4 տոկոս: 2012 թվականին արդյունաբերության արտադրանքի աճը տարեկան կտրվածքով եղել է միայն 8 տոկոս, իսկ նախընտրական ամիսներին, ինչպես նշեցինք, առնվազն մեկուկես անգամ բարձ տեմպ է արձանագրել ԱՎԾ-ն:

Սա կարելի էր պատահականություն համարել, եթե հաջորդ տարի` 2013 թվականի փետրվարին կայացած նախագահական ընտրությունների շրջանում էլ այս նույն միտումը չարձանագրվեր: Ընտրություններին նախորդած ամսին` 2013-ի հունվարին արդյունաբերությունը, ըստ պաշտոնական վիճակագիրների, ունեցել էր 18.8 տոկոս աճ, փետրվարին` 13.8 տոկոս, դրան հաջորդած ամսին, երբ բողոքի ցույցեր էին, արձանագրեցին  15.4 տոկոս աճ, իսկ հունիսին աճն ընդամենը 3.6 տոկոս էր` մոտ 5 անգամ ավելի քիչ: Եվ ընդհանրապես, 2013 թվականին տարվա կտրվածքով արդյունաբերության աճը, պաշտոնական վիճակագրության համաձայն՝ կազմել է 6.8 տոկոս, իսկ ընտրական ամիսներին, ինչպես նշեցինք, 15-ից 18 տոկոս:

Եվ ուրեմն, առնվազն երկու անգամ ընտրությունների կապակցությամբ մեր պաշտոնական վիճակագիրները ներկայացրել են աստղաբաշխական աճեր, որոնք ընտրական թոհուբոհից հետո կտրուկ նվազել են: Եվ ուրեմն, կարելի է պնդել, որ ներկայիս աճերը նույնքան «նախընտարական են», որքան սրան նախորդած երկու համապետական ընտրությունների շրջանում արձանագրվածները:  

Ու հենց 2008 թվականից սկսած, երբ Հայաստանում պարբերաբար արձանագրվում են այսպիսի տնտեսական հրաշքներ, ավելի երկարաժամկետ կտրվածքով տնտեսության վիճակը ավելի վատանում է: Անցած 10 տարիների ընթացքում մեր Համախառն ներքին արդյունքը դոլարով արտահայտված ոչ մի կերպ չի աճում ու դոփում է 11 միլիարդ դոլարի ցուցանիշի վրա: Գուցե դա հենց նրանից է, որ մեր տնտեսական ցուցանիշները ուղղակի կախվածության մեջ են դրվում նախընտրական քարոզչության հետ եւ դառնում հենց այդ քարոզչության մի բաղկացուցիչ մասը: Ու պետք է ասել, որ դա աշխատում է: Որքան վատանում է տնտեսության վիճակը, որքան խորանում է աղքատությունը, որքան մեծանում է արտագաղթը, այնքան ավելի շատ ձայն է հավաքում իշխող խմբավորումը:   

Ու խոսքը միայն ցուցանիշներին չի վերաբերվում: Նախընտրական շրջանում հատկապես վերջին տարիներին «հայտնաբերվում են» տիեզերական մասշտաբի ծրագրեր: Թերեւս չեն մոռացվել «Արմենիկումը», Իրան-Հայաստան երկաթուղին, նոր Ատոմակայանը, նավթավերամշակման գործարանը...: Այս նախընտրական շրջանն էլ առանց մի այդպիսի «ծրագրի» չանցավ: Պարզվեց, որ չեխերը որոշել են Հայաստանում կազմակերպել «Տատրա» հայտնի բեռնատարների արտադրություն:  Ովքեր գոնե մի քիչ ծանոթ են ժամանակակից բեռնատարների կառուցվածքին, դրանց տեխնոլոգիական հանգույցներին, տեխնիկական պահանջներին, նման տեղեկատվությունը կարող է միայն մեղմ ժպիտ առաջացնել: Ժամանակին էլ նախկին վարչապետը Տիգրան Սարգսյանն էր հայտարարում թե հեսա-հեսա սկսում ենք ավտոբուսներ արտադրել:  Որ մի քիչ էլ լարենք մեր հիշողությունները, ապա հիմա մենք տրակտորներ պետք է արտադրեինք, սպորտային փոքր ինքնաթիռներ...:

նկարում` ՀՀ ազգային վիճակագրական ծառայության պետ Ստեփան Մնացակայանը

Տպել
5365 դիտում

Արցախի նախագահy Մայիսյան եռատոնի առթիվ այցելել է Ստեփանակերտի հուշահամալիր

Վլադիմիր Պուտինը Հայրենական մեծ պատերազմում հաղթանակի 76-ամյակի առթիվ ուղերձ է հղել Արմեն Սարգսյանին

Համոզված եմ, որ մենք կվերակենդանանանք և, անկասկած, կկերտենք մեր հաղթական ապագան. Արթուր Թովմասյան

Արցախում Մայիսի 9-ի միջոցառումները մեկնարկել են խաչերթով

Արմեն Սարգսյանի անունից ծաղկեպսակ է դրվել Անհայտ զինվորի հուշակոթողի մոտ

Հաղթանակի և խաղաղության տոնի առթիվ Նիկոլ Փաշինյանն այցելել է «Հաղթանակ» զբոսայգի (լուսանկարներ)

Նիկոլ Փաշինյանը Մայիսի 9-ի առթիվ շնորհավորական ուղերձներ է հղել Վլադիմիր Պուտինին և Միխայիլ Միշուստինին

Նիկոլ Փաշինյանը Եռաբլուրում հարգանքի տուրք է մատուցել հանուն Հայրենիքի կյանքը զոհաբերածների հիշատակին (լուսանկարներ)

Մենք պարտք ունենք մեր նահատակների ու նոր սերնդի առջև. Ամենայն հայոց կաթողիկոս

Շորժա գյուղում բնակելի տունէ հրդեհվել

Հաստատվել է կորոնավիրուսային հիվանդության 178 նոր դեպք. առողջացածների թիվը գրեթե եռակի է

Դավաճանած կլինենք նրանց հիշատակը, եթե չկառուցենք ամուր պետություն, որը կապահովի Արցախի վերածնունդը. Նիկոլ Փաշինյան

Նոր հաղթանակներ գրանցելու համար պետք է հիշել և արժևորել պատմական հաղթանակները. Արցախի ԱԳՆ

Նիկոլ Փաշինյանն այցելել է Եռաբլուր

Մենք պարտավոր ենք հաղթել. ՀՀ նախագահի ուղերձը Հաղթանակի և խաղաղության տոնի առթիվ

Շուշին այսօր էլ պիտի լինի հայկական վերածննդի կարևորագույն խորհրդանիշներից մեկը. Արարատ Միրզոյան

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան

Պետական սահմանում պահպանվել է օպերատիվ մարտավարական կայուն իրավիճակ

Ֆրանսիական Ալպերում ձնահյուսի պատճառով չորս մարդ է մահացել

Օտարերկրացի ապագա բժիշկները 100+33 ծառ տնկեցին «Եռաբլուր» զինվորական պանթեոնում

Իսպանիայում ՀՀ դեսպանության ներկայացուցիչները մասնակցել են նացիզմից Եվրոպայի ազատագրման օրվա միջոցառմանը

Կամո Ցուցուլյանը նշանակվել է ՀՀ ոստիկանության պետի տեղակալ

Թաղավարդ և Մեծ Թաղեր գյուղերի գերեզմանատները ոչնչացնելու դեպքերի վերաբերյալ հրապարկումներն ուղարկվել է ԱՀ ոստիկանություն

Հետախուզվողը հայտնաբերվեց Հանրապետության հրապարակում

Երևանի քաղաքապետարանի ենթակայությամբ գործող մանկապարտեզներում կվերսկսվի երեխաների ընդունելությունը

Գյումրիում կարդիականացվի փողոցային լուսավորության համակարգը

Ներքին Հանդ-Ծավ ճանապարհից 20-ամյա տղամարդ է բերման ենթարկվել

Ադրդեջանի կողմից հայկական դիրքերի գրավման փորձ չի եղել, լուրը չի համապատասխանում իրականությանը. Info chechk

Նիկոլ Փաշինյանն Արկադի Տեր-Թադևոսյանին շնորհված Հայրենիքի շքանշանը հանձնել է նրա որդուն՝ Հայկ Տեր-Թադևոսյանին

Շաբաթ և կիրակի օրերին պոլիկլինիկաներում պատվաստումների համար սահմանվել են հերթապահություններ

«Mitsubishi montero»-ն ընկել է Ասկերանի գետը. մեքենայում նաև վարորդի 80-ամյա տատն է եղել

Սփյուռքահայ բժիշկները հայրենիքի համար ծանր ժամանակահատվածում եղել են թիկունքի զինվորները

Քրեական գործ է հարուցվել Երևանում հնչած կրակոցների դեպքի առթիվ. սպանվածը 1984 թվականին ծնված տղամարդ է

Կայացել է «Երաժշտություն հանուն ապագայի» կրթաթոշակառուների համերգը

Օդի ջերմաստիճանը կնվազի 5-ից 7 աստիճանով. լեռնային շրջաններում ձյուն է սպասվում

Պուտինը Հայրենական պատերազմում հաղթանակի 76-րդ տարեդարձի առթիվ շնորհավորել է Փաշինյանին և ՀՀ քաղաքացիներին. «Արմենպրես»

Շիրակի մարզպետն ու Գյումրու քաղաքապետը հարգանքի տուրք են մատուցել հանուն հայրենիքի նահատակվածների հիշատակին

Շատինցի տղամարդն ու գյուղի անասնապահը արջ են սպանել