Վարչապետը եւ Տարոն Մարգարյանն անուշադրության են մատնել ազատամարտիկի ոտնահարված իրավունքը

«Հայկական ժամանակ»թերթի խմբագրությանը

Ազատամարտիկ՝

Վլադիկ Ռաֆայելի Աբրահամյանից

Հասցե` Ծովակալ Իսակովի պողոտա, 36/72 բն.

 

 

                                                         ԴԻՄՈՒՄ

     Հայտնում եմ Ձեզ այն մասին, որ արդեն 20-րդ տարին է, ինչ թիվ 28 /նախկինում 98/ երթուղու տնօրենն եմ: Ժամանակին երջանկահիշատակ Վազգեն Սարգսյանն է ինձ հանձնարարել, որ հետևեմ երթուղու գործունեությանը:

Այդ ժամանակ մեր երթուղում տարբեր մասնագիտությունների գծով աշխատում էր 13 ազատամարտիկ, որից յոթը` վիրավոր: Այդ օրվանից մինչ օրս պետական բյուջե եմ մուծել 500 միլիոնից ավելի ՀՀ դրամ: Այսինքն, բոլոր պետական պարտավորությունները կատարել եմ ժամանակին և 100 տոկոսով:

Մի քանի տարի առաջ բժշկական համալսարանի ղեկավարության կողմից եկան և քանդեցին մեր երթուղու՝ Զեյթունի ուսանողական թաղամասի 6-րդ կորպուսի մոտ գտնվող վերջնականգառի պետական դիսպետչերանոցը: Բազմիցս բանավոր և գրավոր դիմեցի պետական մարմիններին, սակայն ոչ մեկն էլ ոչինչ չարեց: Հարկադրված  դիսպետչերանոցը տեղափոխեցի Բ2 թաղամասի 79 շենքի դիմաց կամ այժմյան հասցեով` Իսակովի պ.  32 շենքի դիմացի վերջնականգառ  /Ախպարաշենից ներքև/:

  Այս տարի էլ մի քանի շաբաթ առաջ եկան քաղաքապետարանի թույլտվությամբ  /չնայած չեմ հավատում, թե քաղաքապետը տեղյակ է տարածքից/ քանդեցին  մեր վերջին եղած վերջնականգառը` կրպակի հետ միասին և սկսել են շինարարություն  անել՝ փակելով Իսակովի պողոտայի հիշյալ 32 շենքի լրիվ ֆասադը: Մեր միկրոավտոբուսները հարկադրված կանգնում են  Ախպարաշենի և Բ2 թաղամասը կապող փողոցի մեջտեղում` ստեղծելով վթարային իրավիճակ: Արդեն 4 վթար է գրանցվել հիշյալ տարածքում:

Դիմել եմ թեժ գիծ, ապա բանավոր և գրավոր՝ քաղաքապետարանի ղեկավարությանը: Ինձ ասել են՝ գնա մի տեղ գտի և կանգնիր կամ Եռաբլուր կամ Արգավանդի խաչմերուկ, որտեղ հիսունից ավելի միկրոավտոբուսներ և ավտոբուսներ են կանգնում: Բացարձակ անտարբեր կամ կամ զրո պատասխան: Դիմել եմ Վարչապետին, ՀՀ նախագահի վերահսկողության ծառայություն /երկու անգամ/, Արմենիա հեռուստաընկերության «Սուր անկյուն» հաղորդաշարին, Գագիկ Շամշյանին, սակայն քար լռություն: Ոչ մի պաշտոնյա կամ որևէ աշխատակից չի գալիս տեսնելու, թե ինչ ավերակ են արել այդ տարածքում:

Մեր ուղևորները` աշխատավորը, ուսանողությունը և թաղամասի ողջ բնակչությունը բազմաթիվ տարիներ արդեն սովորել են այդ կանգառից օգտվելուն:

Հիշյալ վերջնականգառի հարակից հինգ հազար քմ տարածքում  մոտ  500 000 մեքենա հող եմ լցրել, կանաչապատել և ծաղկապատել,  որը տեսնելուց հետո Ձեր ուշադրությանը կարժանանա: Որպես ՀՀ հողագիտության և աքրոքիմիայի գ/հ ինստիտուտի գյուղաշխատող 39 տարի շարունակ ուսումնասիրել եմ ՀՀ ողջ հողային ծածկույթի վարելաշերտում բույսերին մատչելի ջրալույծ կալիումի  դարավոր ապահովվածությունը և այս տարի  /2017թ./ իմ առաջարկով վարչապետ պ-ն Կարեն Կարապետյանի և գյուղնախարարության պաշտոնյանների պայմանավորվածությամբ չեղարկել եմ կալիումական պարարտանյութերի ներկրումը Հայաստան, օգուտ տալով Հանրապետությանը մոտ 3.3 միլիարդ ՀՀ դրամ:  

Պետք է նշեմ նաև, որ ազատամարտիկ եմ: 1988-1994թթ. օգնել եմ Սպիտակի աղետյալներին, ՀՀ սահմանամերձ գոտու  /Նոյեմբերյան, Գորիս, Վայք, Լաչին/ և Արցախի /Ստեփանակերտ, Շուշի, Մարտակերտ, Աղդամ/ զինվորականներին և ժողովրդի համար տարել եմ բազմաթիվ անձնական և մի քանի պետական օգնություններ/սննդամթերք, դեղորայք, վառելանյութ, շինանյութ և այլն/, որոնց ընդհանուր գումարը կազմում է հարյուրավոր միլիոնավոր դրամներ: Աղդամի հրամանատարությանը նվիրել եմ իմ երկու սեփական «Վիլիս» ավտոմեքենաները: Գործնական օգնություն եմ ցուցաբերել Ալավերդի քաղաքի գազից թունավորված աշակերտներին` տեղափոխելու, փրկելու, Բալահովիտի դեպքերին և Սև ծովում վթարված ինքնաթիռի ուղևորների փոխադրումը Լենինական, Կիրովական, Երևան և այլն:

1989-1994թթ. մասնակցել եմ Լաչինի միջանցքի հսկողությանը, ՀՀ սահմանների պաշտպանությանը և Արցախի ազատամարտին: Առաջին և միակ հաղթական դրոշը գեներալ-մայոր Սամվել Սաֆարյանի ներկայությամբ ես եմ բարձրացրել Աղդամ քաղաքի ալրաղաց կոմբինատի վրա:Կազմակերպել ենք Նորիկ Մուշեղյանի հետ Անդրանիկ Օզանյանի ծննդյան 140 ամյակը, իսկ արքեպիսկոպոս Մեսրոպ Աշչյանի և ՀԱԲ-ի զինվոր Վարդանի /Քյասիբ/ հետ Սոսե մայրիկի ամուսնու Արևմտյան Հայաստանից բերված մեծ ֆիդայապետ Սերոբ փաշայի գերեզմանի մասունքների հուղարկավորությունը Եռաբլուր պանթեոնում:

Հաշվի առնելով իմ ծառայությունները մեր հայրենիքին  /Արցախը ներառյալ/ ինձ պարգևատրել են `

  1. ՀՀ պաշտպանության նախարար Վազգեն Սարգսյանի 1996թ. դեկտեմբերի 20-ի թիվ 586 հրամանագրով «1992-1994թթ. մարտական գործողությունների մասնակցի կրծքանշանով»:
  2. 1997թ.«Զորավար Անդրանիկ» հայոց համազգային միության կողմից` «Զորավար Անդրանիկ»:
  3. 2007թ. «Արցախի մայրական երախտագիտության»,
  4. 2010թ. ԵԿՄ-ի կողմից հուշամեդալով,
  5. 2013թ. ՀՀ պաշտպանության նախարար Սեյրան Օհանյանի  կողմից` «ՀՀ  բանակի կազմավորման 20-ամյակի կապակցությամբ»,
  6. 2013թ. միջազգային անվտանգության ասպետաց ակադեմիայի կողմից «Հայրենիքի պաշտպանության փառքի»,      
  7. 2014թ. հունվարի 21-ի ՀՀ նախագահ Սերժ Սարգսյանի ՀՀ-6-Ա հրամանագրով`«Մարտական ծառայության մեդալով» և շքանշաններով:
  8. «Երևանջուր» /Վիոլյա/ ընկերության կողմից  20/02/2017թ.  Եռաբլուր պանթեոն ջուր անցկացնելու համար պարգևատրվել եմ ոսկեմեդալով:

Ուստի դիմում եմ Ձեզ՝ հաշվի առնել իմ խնդրանքը և ծառայությունները հայրենիքին, և ձեր տպագրած նյութերով պարտավորեցնել  Երևանի քաղաքապետարանին և Մալաթիա-Սեբաստիա թաղապետարանին, ապամոնտաժել շինությունը  և  թույլատրեն  տեղ հատկացնել  20  տարի գործող  թիվ 28 երթուղուն մեր նախկին կանգառում /որտեղ աշխատում են մոտ 30 տարբեր մասնագետներ/ վերջնականգառի համար, կամ Իսակովի 32  շենքի դիմաց: Դիմումս  չավարատած, իմացանք, որ չբավարարվելով այսքանով,  մեկ ուրիշ անհատի հող են հատկացրել տվյալ հասցեին մոտ բենզալցակայանի հարևանությամբ ջրագծերի վրա, որտեղ էլ պետք է քանդեն և հանեն 5 տարի առաջ մեր կողմից տնկված 4 ընկույզի ծառերը: Խնդրում եմ հաշվի առեք նաև այս հանգամանքը:

 Դիմող` Ազատամարտիկ, ԵԿՄ անդամ, Գյուղատնտեսական գիտությունների թեկնածու ավագ գիտաշխատող Վ. Ռ. Աբրահամյան

Տպել
3013 դիտում

Հայաստանի ֆուտբոլի հավաքականը պարտվեց Եվրո 2020-ի ընտրական 1-ին խաղում

Կրակոցներ Լոռու մարզում. 3 քաղաքացի տեղափոխվել է հիվանդանոց, որոնցից երկուսը հայր ու որդի են

Փոցխ ու ձեռնոց նաեւ ԵՄ դեսպանին. Պյոտր Սվիտալսկին Գյումրիում միացել YIC-ի շաբաթօրյակին

Վարդենյաց լեռնանցքը կցորդիչով բեռնատարների համար դժվարանցանելի է

Առանձնատնից գողություններ կատարածներն անչափահասներ էին. նրանք ձերբակալվել են

Զինծառայողները եւս մասնակցել են համապետական շաբաթօրյակին

Ոստիկանությունը հայտնաբերել եւ բերման է ենթարկել ավտոլվացման կետից ավտոմեքենա փախցրած անձին

Հայաստանն ընտրվել է ՄԱԿ-ի Կանանց կարգավիճակի հարցերով հանձնաժողովի նախագահող

Համալասարանական հիվանդանոցների ղեկավարները ներկայացրել են կատարված աշխատանքները

ՀԱՊԿ գլխավոր քարտուղարի հարցի շուրջ կառույցի ներսում քննարկումները շարունակվում են. ՀՀ ԱԳՆ

Թուրքիայի նախագահ Ռեջեփ Թայիփ Էրդողանը ապրիլի 8-ին կայցելի Ռուսաստան

Մենք պետք է մեր շրջապատի մաքրությունն ապահովենք ամենօրյա աշխատանքի միջոցով․ Սուրեն Պապիկյան

Ռոբերտ Քոչարյանը 5-րդ գանգատն է ներկայացրել ՄԻԵԴ՝ կալանավորման դեմ բողոքը անհապաղ չքննելու վերաբերյալ

Արցախի պողոտայում բախվել են ավտոմեքենաներ. կա տուժած

Արմավիր քաղաքում լայնամասշտաբ ծառատունկ է իրականացվել․ նպատակ ունեն քաղաքում երկրորդ զբոսայգին հիմնել (լուսանկարներ)

Արտակարգ իրավիճակների նախարարության աշխատակիցները հանրապետության ողջ տարածքում ակտիվ մասնակցել են շաբաթօրյակին

Լոռու մարզի դատախազությունում խորհրդակցություն է եղել բնակարանային գողությունները նվազեցնելու թեմայով

ՀՀ քննչական կոմիտեի աշխատակիցները մասնակցել են համապետական շաբաթօրյակին

Շիրակի մարզպետն ու Գյումրու քաղաքապետը վաղ առավոտից են բահերով զինված

ՄԻՊ ներկայացուցիչները չհայտարարված այցեր են կատարել «Նուբարաշեն» եւ «Վարդաշեն» ՔԿՀ-ներ