Վիգեն Սարգսյանը թանկ վճարեց ԱԺ-ում իր ելույթի համար. խմբագրական

Անցյալ շաբաթվա խորհրդարանական ելույթով պաշտպանության նախարար Վիգեն Սարգսյանը հաճելիորեն զարմացրեց բոլորին: Նա խոսեց բանակին վերաբերող նոր օրինագծի շուրջ ընդդիմության, կամ, ավելի ճիշտ՝ «Ելք» խմբակցության քննադատությունների մասին, եւ որպեսզի ջախջախի այդ քննադատությունը, անուն առ անուն անդրադարձավ խմբակցության ներկայացուցիչներին: Հարց բարձրացրեց, թե ինչպե՞ս է Էդմոն Մարուքյանը ծառայությանը զուգահեռ սովորել, ինչո՞ւ է Արարատ Միրզոյանը ՊՆ-ից պատվոգիր վերցրել՝ առանց բանակում մեկ օր անգամ ծառայելու, Մանե Թանդիլյանի անունը տվեց, Նիկոլ Փաշինյանի: Բնականաբար, Վիգեն Սարգսյանի բարձրացրած հարցադրումների եւ մեղադրանքների պատասխանները շատ չուշացան, որովհետեւ նշված անձինք տարբեր հարթակներով սպառիչ մեկնաբանություններ տվեցին Վիգեն Սարգսյանի հարվածների կապակցությամբ:

Այս ամբողջ պրոցեսն ահագին հետաքրքիր էր, որովհետեւ Հայաստանում սովորաբար ընդդիմությունն է արխիվներից իշխանության ներկայացուցիչների վրա տարբեր կոմպրոմատներ պարունակող դոսյեներ հանում, իշխանությունը նախընտրում է իր ձեռքի տակ եղած կոմպրոմատները տակից խաղացնել, որ բանը հրապարակային ելույթների չհասնի:

Վիգեն Սարգսյանի ելույթի ամբողջ հմայքն այն էր, որ մի պահ տպավորություն ստեղծվեց, որ Հայաստանում էլ կարող են քաղաքական հրապարակային թեժ բանավեճեր ծավալվել, եւ դա լինի ոչ թե ընդդիմության մենախոսություն, այլ երկկողմանի պրոցես: Բայց սա, թերեւս, կլինի որեւէ իշխանավորի վերջին նման փորձը, իսկ կոնկրետ Վիգեն Սարգսյանը դեռ երկար կհիշի ԱԺ-ում իր փայլուն-տապալված ելույթը, որովհետեւ պարզվեց, որ Պաշտպանության նորաթուխ նախարարը ամենավերջին մարդն է Հայաստանում, որ կարող է որեւէ մեկին մեղադրել բանակում չծառայելու համար:

Սեյրան Օհանյանի կինը՝ Ռուզաննա Խաչատրյանը, շաբաթ օրն անդրադարձավ ԱԺ քննարկումներին. «Աչքիս զարնում է մի բարձրաստիճան պաշտոնյա, որ ինքնագոհ, մատը թափ տալով, ճառում է զինվորական ծառայության, զորակոչի հավասարության և պետության համար կարևորագույն այլ հարցերի մասին: Ակամա հիշողություններս ինձ մոտ 18 տարի հետ են տանում. ես աշխատում էի Էրեբունի բժշկական կենտրոնի ֆրանսիական ատամնաբուժարանում և բժշկել եմ այդ մարդուն, անձամբ ճանաչում եմ մոտ 25 տարի: Հիշում եմ՝ ինչպես էր այն ժամանակ խուսափում բանակից, հիշում եմ՝ ինչպես էր ռազմական ոստիկանությունը փնտրում իրեն. հայրը դիմել էր նրա ընկերուհուն, որը զինվորական բարձրաստիճան պաշտոնյայի խորհրդական էր, որպեսզի վերջինս ոստիկանական հետապնդումից ազատի որդուն: Այդ ժամանակ ես բուժում էի նաև այդ աղջկա ատամները և հիշում եմ՝ ինչպես հոգատար ընկերուհին, եթե չեմ սխալվում, այն ժամանակ պաշտպանության փոխնախարար Շիրխանյանի օգնությամբ փրկեց նրան պատժից»: Ռուզաննա Խաչատրյանը Վիգեն Սարգսյանի անունը չի գրել, բայց պետք էլ չէր, որ գրեր, որպեսզի պարզ դառնար, որ խոսքը Պաշտպանության նախարարի մասին է:

Եվ սա խայտառակություն է: Ցանկացած այլ երկրում նման հրապարակումից հետո ի վիճակի չլինելով 18 տարեկանում բանակ չգնալու օրինականությունն ապացուցել՝ նախարարը հրաժարական կտար: Հայաստանում նման դեպքերում գործում է ջայլամի սինդրոմը, Վիգեն Սարգսյանն այժմ գլուխը կմտցնի ավազի մեջ, մի որոշ ժամանակ անտակտ լրագրողներից հեռու կմա, որպեսզի ոչ ոք իրեն Ռուզաննա Խաչատրյանի գրառման վերաբերյալ անտակտ հարց չուղղի, համբերատար կսպասի, մինչեւ ամեն ինչ մոռացվի եւ նորից կանցնի «Ես եմ» եւ «Պատիվ ունեմ» ծրագրերի իրականացմանը:

Ուղղակի հաջորդ անգամ ԱԺ-ում պաշտպանության նախարարը ավելի զգույշ կլինի եւ որեւէ մեկի դոսյեն հանելուց առաջ կմտածի՝ իսկ արժե արդյո՞ք:

ՊՆ-ն երեկ ստիպված եղավ արձագանքել Ռուզաննա Խաչատրյանի գրառմանը եւ հայտարարեց, որ խոսքը չէր կարող լինել Վիգեն Սարգսյանի մասին, որովհետեւ նա երբեք հետախուզման մեջ չի եղել, «կատարել է հայրենիքի պաշտպանության իր սահմանադրական պարտքը` ծառայելով ՀՀ Զինված ուժերում որպես սպա»:

ՊՆ-ն վերջին նախադասությամբ նկատի ունի, որ Վիգեն Սարգսյանը ժամկետային զինծառայությունն անցել է ՊՆ-ում, Պաշտպանության նախարար Սերժ Սարգսյանի ռեֆերենտը լինելով: «Ելք» խմբակցության ղեկավար Նիկոլ Փաշինյանը երեկ ԱԺ-ում այս փաստը հիշատակելով՝ պնդեց, որ զորամասում ոչ մի օր չծառայած, բայց նախորդ գարնանը որպես կամավոր առաջնագիծ մեկնած պատգամավոր Արարատ Միրզոյանը Վիգեն Սարգսյանից քառակի ավելի է մարտական ծառայություն անցել։ «Եվ ուրեմն, եթե ՊՆ Վիգեն Սարգսյանը ծառայել է ՀՀ Զինված ուժերում, ուրեմն Սերժ Սարգսյանի երկարամյա քարտուղարուհին՝ Սաթիկը (ազգանունը ցավոք չգիտեմ, անունը քանիցս շոշափվել է մամուլում) Հայրենական Մեծ պատերազմի վետերան է»,- ավելի ուշ ՖԲ-ում գրեց Նիկոլ Փաշինյանը: 

Իսկ ֆեյսբուքյան մի օգտատեր գրել էր․ «Ես աշխարհում միայն մի երկիր գիտեմ, որտեղ Պաշտպանության նախարարի թարգմանիչը վերջում դառնում է Պաշտպանության նախարար»: 

Վիգեն Սարգսյանի ելույթն իսկապես թանկ նստեց նրա վրա: Եվ ափսոս, որ Հայաստանում դեռ երկար իշխանություն-ընդդիմություն հավասարը հավասարի՝ սուր բանավեճի ականտես չենք լինի:

Տպել
16268 դիտում

«Վարչապետի գավաթ» սիրողական կրոսավազքի հայտերի ընդունման վերջնաժամկետը հոկտեմբերի 26-ն է. ԿԳՄՍՆ

Այս շաբաթ Երևանում իրականացվել է 2830 ստուգայց, արձանագրվել՝ 184 խախտում. ԱԱՏՄ

ՀՖՖ-ն կվերանորոգի ՖԻՄԱ-ի խաղադաշտը. կհիմնադրվի Խորեն Հովհաննիսյանի անվան ֆուտբոլի դպրոց (տեսանյութ)

Գոնսալո Ֆուրնիեն և Իսպանիայի Մեծ իշխան Գեորգի Միխայլովիչ Ռոմանովն այցելել են Մատենադարան (լուսանկարներ)

44-օրյա պատերազմում զոհվածի մայրը հղիության 20-րդ շաբաթում մահացել է COVID-19-ի հետևանքով. ԱՆ

Ինչ ունեցվածք է հայտարարագրել ՀՀ մարդու իրավունքների պաշտպան Արման Թաթոյանը

Առողջապահության նախկին նախարարները միասնական են կորոնավիրուսի հաղթահարման մոտեցումներում

ՆԱՏՕ-ի համար Հայաստանը վստահելի եւ արժեքավոր գործընկեր է. Խավիեր Կոլոմինա Պիրիզ

ժողովուրդը ոչինչ չի մոռացել և նախկին իշխանությունների վերադարձը թույլ չի տա. Ստեփանավանի քաղաքապետի ՔՊ թեկնածու

Գնել Սանոսյանը Հայաստան է հրավիրել Լիտվայի կապի և տրանսպորտի նախարար Մարիուս Սկուոդիսին

Մեծ Մանթաշում ներհամայնքային ճանապարհը կառուցվում է տուֆով սալարկման եղանակով

Այս տարվա 3-րդ եռամսյակում լրագրողների նկատմամբ ֆիզիկական բռնության 3 դեպք է գրանցվել. Աշոտ Մելիքյան

Երևան-Սևան ավտոճանապարհին մեքենան բախվել է արգելապատնեշին. ուղևորը տեղում մահացել է

Ոստիկանության բաժիններում քաղաքացիները «Կալաշնիկովի» ինքնաձիգներ ու զինամթերք են հանձնել (տեսանյութ)

ՄԻՊ-ն արձագանքել է Պաշտպանության նախարարության հայտարարությանը

ՀՀ կառավարությունն ու Ֆրանսիան առաջիկայում կմշակեն համատեղ գործողությունների ու ծրագրերի «ճանապարհային քարտեզ»

Հայտնաբերվել են դիմակ չկրող վարորդներ ու ուղևորեր, կազմվել են վարչական արձանագրություններ

Հայաստանն ու Շվեդիան կհամագործակցեն Արդարադատության նախարարության բարեփոխումների օրակարգի շուրջ

ԱԱԾ-ն հայտնաբերել և կանխել է պետությանն առանձնապես խոշոր չափերով վնաս պատճառած ընդերքօգտագործման չարաշահումներ

Արցախի պետական նախարարը պատասխանատուների հետ քննարկել է կորոնավիրուսային վիճակն Արցախում

Ադրբեջանը թաքցնում է գերիների իրական թիվն ու պահման վայրերը. Արարատ Միրզոյանն ընդունել է Ժիլ Կարբոնյեին (լուսանկարներ)

Կոտայքի մարզի 39-ամյա բնակչին մեղադրանք է առաջադրվել՝ ծանր մարմնական վնաս պատճառելու համար

Կայացել է Բոլոնիայի գործընթացի հետամուտ խմբի խորհրդի նիստը

62.5%-ով ավելի հարկ` նախորդ տարվա համադրելի ժամանակահատվածի համեմատ. Ամերիաբանկ

Մեկնարկել է եռօրյա հրամանատարաշտաբային զորավարժություն (լուսանկարներ)

Դավթաշենի կամրջի տակից դուրս է բերվել 54-ամյա քաղաքացու դին (լուսանկարներ)

ՊՆ-ն ՄԻՊ գրասենյակին կոչ է անում ձեռնպահ մնալ չճշտված տեղեկություններ տարածելու մոտեցումից

Դիպլոմներ են ստացել Արդարադատության ակադեմիայի 2021 թվականի դատախազի թեկնածուները (լուսանկարներ)

«Հայաստան» խմբակցության պատգամավոր Դավիթ Սեդրակյանը վայր է դնում մանդատը. ցուցակում հաջորդը Առուշ Առուշանյանն է

Արմեն Գրիգորյանը Հելենե Սանդ Անդրեսենի հետ զրույցում կարևորել է ԵԱՀԿ ՄԽ դերը ԼՂ հիմնախնդրի կարգավորման գործընթացում

Տարեդարձը՝ առանց զույգի․ Քիմ Քարդաշյանը 41 տարեկան է

Գործընկերություն՝ հանուն բնապահպանության. Գնիշիկ բնակավայրում վայրի ծառատեսակներ են տնկվել. Վիվա-ՄՏՍ (լուսանկարներ)

Եվրոպայում չպետք է լինեն բաժանարար գծեր, բազմաթիվ մարտահրավերներ չեն ճանաչում պետական սահմաններ. Սիմոնյան (տեսանյութ)

Հայաստանը նվեր է ստացել 620.400 դեղաչափ «Մոդեռնա» ընկերության «Սպայկվաքս» պատվաստանյութ

UCOM-ն առաջարկում է ձեռք բերել տան անվտանգությունն ապահովող XIAOMI խելացի հավաքածուն

Բացահայտվել է 44-օրյա պատերազմի մասնակիցների անվան տակ հափշտակություններ կատարած հանցավոր խումբ. ՔԿ

Արմավիրում հողի մակերևույթին կդիտվի -2…-4 աստիճան ցուրտ. առանձին շրջաններում սպասվում են տեղումներ

Երևան-Սևան ավտոճանապարհին մեքենաներ են բախվել. տուժածը հոսպիտալացվել է

Երևանի որոշ հասցեներում կդադարեցվի գազամատակարարումը

Արթուր Թովմասյանն ընդունել է Արտակ Զեյնալյանին. քննարկվել են միջազգային ատյաններում տարվող աշխատանքները