Ի՞նչ է նշանակում՝ պաշտոնյան կաշկանդվում է. ԲՀԿ-ականները դեմ են կառավարության որոշմանը

Մամուլի հրապարակումները, լրագրողների շփումները եւ վերլուծությունները ազատ պետք է լինեն: «Հայկական ժամանակ»-ի հետ զրույցում նման կարծիք հայտնեց Ազգային ժողովի Ծառուկյան խմբակցության քարտուղար Վահե Էնֆիաջյանն՝ անդրադառնալով այսօր կառավարության նիստում ընդունված այն որոշմանը, որ ապրիլից կառավարության նիստերը դառնում են դռնփակ:

«Մամուլը պետք է անկաշկանդ լինի եւ պատահական չէ, որ 4-րդ իշխանություն ձեւակերպումն է բնութագրում լրատվամիջոցներին: Գտնում եմ, որ ճիշտ մոտեցում չէ: Հասկանում եմ, որ կան հարցեր, որոնք ազգային անվտանգության, արտաքին քաղաքականության հետ են կապված, բայց վերցնել կառավարության ամբողջ գործունեությունը սահմանափակել լրագրողների համար, ես անընդունելի եմ համարում»,- ասաց Էնֆիանջյանը:

Պատգամավորի խոսքով՝ յուրաքանչյուր պաշտոնյայի, քաղաքական գործչի համար հրապարակային գործունեությունը պետք է լինի առաջնահերթություն:

«Այս առումով նման ձեւակերպումներն էլ եմ անընդունելի համարում: Ի՞նչ է նշանակում, որ որոշ պետական գործիչների համար մամուլի ներկայությունը կաշկանդող է: Մենք բոլորս ամբողջ բովանդակությամբ պետք է տեսնենք, թե ինչպիսի քննարկումներ են ընթանում Ազգային ժողովում, ինչպիսի՞ օրակարգային հարցեր կան, արդյո՞ք այդ հարցերը ներդաշնակ են այսօրեկան Հայաստանի Հանրապետության խնդիրների հետ: Ի վերջո, պետք է մի կարեւորագույն հանգամանք էլ հաշվի առնենք, որ ամբողջ աշխարհում մամուլի, խոսքի ազատության հետ կապված ամենատարբեր սանդղակներում վերլուծություններ են արվում եւ ՀՀ-ում պարբերաբար որպես առիթ հանդիսանալով բարձրաձայնում ենք այն, որ մեր երկրում կա խնդիրների մասին բարձրաձայնելու հնարավորությունը»,- ասում է Ծառուկյան խմբակցության քարտուղարը:

Ծառուկյան խմբակցության մեկ այլ պատգմավոր՝ Նաիրա Զոհրաբյանն այս նախագիծը եւս լրագրողների աշխատանքի սահմանափակում է համարում: Նա, անդրադառնալով արդարադատության նախարար Դավիթ Հարությունյանի այն պարզաբանմանը, թե՝ որոշ նախարարներ իրենց կաշկանդված են զգում լրագրողների ներկայության ժամանակ, ընդգծում է, որ այդ տրամաբանությամբ կարող են նաեւ ԱԺ լիագումար նիստերը դռնփակ դարձնել, քանի որ կլինեն պատգամավորներ, ովքեր կրկին կկաշկանդվեն լրագրողներից:

«Այսքան ժամանակ, որ լրագրողները մոնիտորից հետեւել են նիստերին, որքանո՞վ է խանգարել կամ խոչընդոտել կառավարությանը, որքանով է այն առաջացրել ինչ-որ խնդիրներ, որ հիմա մտահոգություն է առաջացել սահմանել այդ դրույթը եւ անցնել դռնփակ ռեժիմի: Սա սահմանափակում է եւ մենք խնդիրներ կունենանք մամուլի ազատության, միջազգային տարբեր կազմակերպությունների հետ, որոնց օրակարգում խոսքի ազատության հասանելիությունն է»,- ասում է Նաիրա Զոհրաբյանը եւ միաժամանակ տեղեկացնում, որ կառավարության ղեկավարը ցանկացած պահի կարող է ոլորտային նախարարների հետ փակ նիստեր հրավիրել:

Հետաքրքիր զուգադիպությամբ այս օրինագիծը եթե ընդունվի, ապա գործելու է ապրիլից՝  նոր վարչապետի ղեկավարման շրջանից: Նաիրա Զոհրաբյանը դժվարացավ ասել, թե սա ինչքանով կապ ունի նոր վարչապետի համար արվող փոփոխությունների հետ, բայց նշեց, որ երբեմն պատկան մարմինները փորձում են սիրաշահել վերադասին եւ հանդես են գալիս ինչ-որ նախաձեռնությամբ:

«Ես, որպես երկար տարիների փորձ ունեցող լրագրող, կարող եմ ասել, որ պատկան մարմինները փորձում են Հռոմի Պապից ավելի կաթոլիկ լինել ու իրենք հանդես են գալիս նոր նախաձեռնություններով, որպեսզի սիրաշահեն այս կամ այն պաշտոնյային»,- եզրափակեց Նաիրա Զոհրաբյանը:

«Կառավարության կառուցվածքի եւ գործունեության մասին» օրենքի նախագիծը կառավարության այսօրվա նիստում հավանության արժանացավ եւ օրենքով սահմանված կարգով կներկայացվի ԱԺ: Օրենքի նախագիծը կառավարության նիստում ներկայացրեց արդարադատության նախարար Դավիթ Հարությունյանը: Թվարկելով առաջարկվող փոփոխությունները՝ նախարարը նշեց նաեւ, որ օրենքով սահմանվել է, որ կառավարության նիստերը դռնփակ կանցկացվեն: Միեւնույն ժամանակ նա հիշեցրեց, որ կառավարության ղեկավարը պետք է ապահովի կառավարության գործունեության հրապարակայնությունը:

Մանրամասները՝ տեսանյութում:

Տպել
2057 դիտում

Ադրբեջանում ազատազրկված Կարեն Ղազարյանի հայրն այցելել է ադրբեջանցի սահմանախախտին, պատմել որդու պատմությունը

Հավատացրել են, որ աղբի պատճառը ոչ թե ծույլ կոմունալշիկներն են, այլ փնթիության հանդեպ մեր հակվածությունը. Հ. Կարապետյան

Խոշոր ավտովթար Վանաձորում. բախվել են 2 մարդատար ու բեռնատարը. կա զոհ, վիրավորներ (լուսանկարներ)

Դավիթ Տոնոյանը հանձնարարել է դիմել ՀՀ զինվորական դատախազություն

ՀՀ ֆուտբոլի հավաքականում ով է ամենաթիթիզը, շատակերը, կատակասերը (տեսանյութ)

Հայաստանի և Ուկրաինայի ԱԳ նախարարները կստորագրեն 2019-2020թթ. երկկողմ խորհրդատվությունների ծրագիրը

Հայ մարմնամարզիկները 2 մեդալ նվաճեցի Դոհայի աշխարհի գավաթի խաղարկությունում

Քրգործ է հարուցվել նախկին նախարարի վարորդին անօրինական 9 մլն դրամ փոխանցելու կասկածանքով

Ղափլանյանի անվան դրամատիկական թատրոնը կվերանորոգվի. Երեւանի բյուջեն լրամշակվել է

«Ուտում ենք Խաչիկյանի հետ». Վազգեն Խաչիկյանի հաղորդումը

ՀՀ վարչապետը Կասպրչիկի հետ քննարկել է ԼՂ հակամարտության կարգավորման բանակցային գործընթացին առնչվող հարցեր

Ծագումով հայ Մեդվեդեւան բրոնզե մեդալ է նվաճել գեղասահքի ԱԱ-ում

Երեւանում 49-ամյա տղամարդն ինքնասպան է եղել՝ այսօր գնած որսորդական հրացանով

Իրականացվել էր 29 փոփոխություն, բայց ոչ մի բարեփոխում. նախկին լրագրող Աժ պատգամավորները՝ ՀՌ օրենքի քննարկմանը

ՖԱՖ-ը կոչ է անում միավորվել ու աջակցել ՀՀ ֆուտբոլի հավաքականին (տեսանյութ)

Շատ եմ խնդրում դասվարներին և ծնողական խորհուրդներին ուշադիր լինել. նախարարը՝ ողբերգական դեպքի մասին

Բանակցելու իրավունքի մանդատը. Զորի Բալայանն էլ Ռուսաստանին կոչ արեց «գալ եւ տեր կանգնել Արցախին»

Գորիս-Սիսիան ավտոճանապարհին մառախուղ է, տեսանելիությունը 10-15 մետր է

Աղբահանման և աղբի վերամշակման աշխատանքները համակարգող խումբը սկսում է աշխատանքը

Հայկի՝ իմ երկար տարիների ընկերոջ նկատմամբ պարտավորություն ունեմ. փոխքաղաքապետը՝ մշակույթի ոլորտը համակարգելու մասին