Ալթունյանի խորհրդականը կոռուպցիոն սկանդալում. դատախազությունը կմիջամտի՞

Պետական գնումներին մասնակցող «Խաչպար» ընկերությունը ահազանգում է, որ հերթական անգամ բախվել է պաշտոնատար անձանց բիզնես շահերին եւ արհեստականորեն դուրս է մնացել գնման գործընթացից: Այս անգամ հնարավոր կոռուպցիոն սխեմայի կիզակետում է առողջապահության նախարարի խորհրդական Ղուկաս Ուլիխանյանը: Վերջինս Երեւանի Նոր Նորք վարչական շրջանի ղեկավար Արմեն Ուլիխանյանի եղբայրն է եւ ԵԿՄ վարչության անդամ:

Վերջերս Մեղրիի ԲԿ-ն եւ Աբովյանի ծննդատունը ախտահանիչ նյութերի մրցույթ են հայտարարել, որտեղ հաղթող է ճանաչվել «Խաչպար» ընկերությունը, սակայն մրցույթի տեխնիկական բնութագրում օրենքի խախտմամբ նշվել է, որ ախտահանիչ նյութը պետք է լինի «Անիոս» ֆիրմայի արտադրանքը: Նախկինում էլ է բնութագրերում գրվել ապրանքանիշի անուն, սակայն ԲԿ-ները նախապատվությունը տվել են ցածր գին առաջարկող ընկերություններին: «Խաչպար» ընկերության տնօրեն Սմբատ Բալասանյանը «Հայկական ժամանակ»-ի հետ զրույցում ասաց, որ հաղթող ճանաչվելուց հետո տեղեկացրել են, որ երեք ընկերություն է հայտնվել եւ ինչ-որ վերլուծություն են ներկայացրել ԲԿ-ներին: Դրանք են՝ «Արմենֆոն», «Վարո» եւ «Մագտոնի» ՍՊԸ-ները: Իրավաբանական անձանց ռեգիստրի տվյալներով, «Վարո» ՍՊԸ-ի հիմնադիրը առողջապահության նախարարի խորհրդական Ղուկաս Ուլիխանյանի որդին՝ Վարազդատ Ուլիխանյանն է: «Արմենֆոն» ՍՊԸ-ն  ֆրանսիական «Անիոս» ընկերության պաշտոնական ներկայացուցիչն է Հայաստանում: 2017 թվականին, երբ «Անիոս»-ի ներկայացուցիչները Երեւանում էին, նրանց էր ուղեկցում անձամբ Ղուկաս Ուլիխանյանը: «Մագտոնի» ՍՊԸ-ն նույնպես կապ ունի Ղուկաս Ուլիխանյանի հետ:

Լուսանկարում՝ Լեւոն Ալթունյանը եւ Ղուկաս Ուլիխանյանը Անիոս ընկերության երեւանյան ներկայացուցչությունը բացելու ժամանակ, 2017 թվական, մարտ

«Խաչպար» ընկերությունը ռուսական «Ինտերսան» ընկերության պաշտոնական ներկայացուցիչն է Հայաստանում: Ընկերությունը դիմել է մայր ձեռնարկությանը եւ ստացել է գիտական հանրության կողմից ախտահանիչ նյութերի վերաբերյալ կատարված հետազոտություն: Հետազոտության արդյունքների հիման վրա Երեւանում սեմինարներ են կազմակերպվել: Սմբատ Բալասանյանի խոսքով, Ղուկաս Ուլիխանյանի ընկերությունների կողմից հիվանդանոցներ ներկայացված վերլուծությունները հակասում են գիտական մակարդակում կատարված վերլուծություններին: Հիվանդանոցներում հիմք են ընդունել Ուլիխանյանի օգտին կազմված վերլուծությունները: «Երբ որ մենք իրենց նյութերը համեմատում ենք ռուսական գիտական շրջանակների հետազոտությունների հետ, պարզվում է, որ այդ նյութերը տուբերկուլոզի հարուցիչին չեն ոչնչացնում: Նման էֆեկտ չունեն, չեն սպանում: Իրենք գրել են, որ հերիք չի սպանում են, մի հատ էլ դրանք սպանելու ժամկետներն են նշել»,- ասաց Սմբատ Բալասանյանը՝ նշելով, որ եթե իրենց ներկայացրած նյութերը տուբերկուլոզի հարուցիչին սպանելու հատկություն չունեն, նշանակում է, որ 10 տարուց ավելի է՝ «Անիոս» ֆիրմայի ախտահանիչ նյութերը վաճառվել են պետությանը եւ էֆեկտ չեն տվել: «Երբ նայում ենք առողջապահության նախարարության վիճակագրությունը, տեսնում ենք, որ 10 տարվա մեջ տուբերկուլոզը «բարգավաճել է», չնայած դրա դեմ պայքարին: Սրանց մեջ ես ուղղակի կապ եմ տեսնում, մինչեւ վերջին 3 տարին մեր շուկայում չի եղել այլ ախտահանիչ նյութ: Դա ես համարում եմ ազգային անվտանգությանը վերաբերող ահազանգ: Խնդրում եմ՝ սա դատախազությունն ընդունի որպես հաղորդում»,- ասաց «Խաչպար» ՍՊԸ-ի տնօրենը:

Հիվանդանոցները հրաժարվել են «Խաչպար» ընկերության առաջարկած ախտահանիչներից եւ հաղթող են ճանաչել Ուլիխանյանի ընկերությունների առաջարկները: «Այդ ընկերությունները փաստացի պատկանում են Ղուկաս Ուլիխանյանին, որը հանդիսանում է առողջապահության նախարարի խորհրդականը»,- ասաց Սմբատ Բալասանյանը:

Վերջինս պետական գնումների մրցույթներում գնման ենթակա ապրանքների անվանումները նշելու վերաբերյալ դիմել էր դատախազություն: Գլխավոր դատախազության պետական շահերի պաշտպանության վարչության պետ Վ.Ռաֆայելյանը քրեական գործի հարուցումը մերժել էր: Միեւնույն ժամանակ, գլխավոր դատախազության կողմից հաղորդում էր ներկայացվել առողջապահության նախարարին, որպեսզի բացառեն գնումների գործընթացում կոնկրետ ապրանքանիշի կամ տնտեսվարողի առավելություն տալու հնարավորությունը: Փաստացի դատախազության գրության պահանջը չի կատարվել:

Գլխավոր դատախազության գրությունը

Այսքանով դեռ չի ավարտվում նախարարի խորհրդականի գործունեության դեմ անհաջող պայքարը: Նախորդ տարի «Խաչպար» ընկերությունը գնումների գործընթացի վերաբերյալ առաջարկներ էր հղել վարչապետ Կարեն Կարապետյանին, որն էլ դրանք հասցեագրել էր առողջապահության նախարար Լեւոն Ալթունյանին: Լեւոն Ալթունյանը պատասխանել է տնտեսվարողի նամակին, սակայն անհայտ ճանապարհներով այդ պատասխանը հայտնվել է Ալթունյանի խորհրդականի ընկերությունների ներկայացուցիչների ձեռքում: Ղուկաս Ուլիխանյանի մարդիկ այդ պատասխաններն օգտագործում են հենց «Խաչպար» ընկերության դեմ այն բուժհաստատություններում, որոնց հայտարարած մրցույթներին մասնակցում է Սմբատ Բալասանյանի ընկերությունը:

«Պարոն նախարար, ինչպե՞ս է այս մասնավոր գրությունը հայտնվել ձեր խորհրդականին պատկանող ֆիրմաների ներկայացուցիչների մոտ: Ինչպե՞ս են նրանք այդ պատասխանը որպես նախարարության կարծիք ուղարկում բուժհաստատություններին եւ ճնշում գործադրում գնահատող հանձնաժողովների վրա»,- հարց բարձրացրեց Սմբատ Բալասանյանը՝ նշելով, որ տեղի ունեցած խախտումների վերաբերյալ ինքը բողոքներ է ներկայացրել գնումների բողոքարկման խորհուրդ եւ վստահեցրեց, որ այդ բողոքները աճելու են, եթե որեւէ բան չփոխվի:

Նյութը տպագրվել է «Հայկական ժամանակ» օրաթերթի փետրվարի 23-ի համարում, 2-րդ էջում:

Տպել
3847 դիտում

Արդյոք միգրանտներն իրենց հետ հիվանդություննե՞ր են տանում Եվրոպա. ԱՀԿ-ն հերքում է

ՄԻՊ-ն առաջարկներ է ներկայացրել մատչելի բնակարան զինծառայողներին ծրագրի վարկավորման կարգի եւ պայմանների վերաբերյալ

Սուր շնչառական վարակներով պայմանավորված հոսպիտալացման դեպքերը նվազել են. ԱՆ

ՀՀ վարչապետին շնորհավորական ուղերձ է հղել Ուզբեկստանի նախագահը

Երևանի քաղաքապետը պարգեւատրել է աշխատակիցներին 474 միլիոն դրամի չափով, տնտեսել՝ շուրջ 7 միլիարդ դրամ. հաշվետվություն

Նախարար Հակոբ Արշակյանը ընդունել է ԿՏՀ գլխավոր քարտուղար Նուրիդին Մուխիդինովին

Սիրիան սպառնում է ՄԱԿ-ի ԱԽ-ին՝ Իսրայելին չզսպելու դեպքում Թել-Ավիվի օդանավակայանին կհարվածեն

Ոստիկանները հայտնաբերել են մի քանի տասնյակ մեքենաներից գողություններ կատարած անձանց

Անցկացվել են ՊՆ մասնագետների հավաքներ՝ ցուցադրական պարապմունքների տեսքով

Թուրքիան բնութագրվում է լրագրողների ամենամեծ բանտ աշխարհում. «Լրագրողներ առանց սահմանների»

Վայոց Ձորի, Լոռու, Տավուշի մարզերում հրշեջ-փրկարարները մարել են խոտածածկ տարածքների հրդեհները

ՀՀ տարածքում կան դժվարանցանելի և փակ ավտոճանապարհներ, Լարսի ճանապարհը բաց է

Անցկացվել են Հակաօդային պաշտպանության ստորաբաժանման համալիր մարզումներ

Լոռու մարզում բախվել են ВАЗ 2106-ը և ВАЗ 2110-ը. կան վիրավորներ

Երևանում և 3 մարզում այսօր էլեկտրաէներգիայի մինչեւ 6-ժամյա պլանային անջատումներ կլինեն

ԵԱՏՄ տարածքում կա ավելի քան 60 խոչընդոտ, որոնք թույլ չեն տալիս ինտեգրացիոն գործընթացների զարգացումը. վարչապետ

ՀՀ մարդու իրավունքների պաշտպանի մոտ կայացել է երեխաների մասնակցությամբ քննարկում

ԵՊՀ հոգաբարձուների նոր խորհուրդը օրակարգային հարց կդարձնի՞ ռեկտորի հետագա պաշտոնավարման նպատակահարմարությունը

Շիրակի մարզպետի տեղակալը պաշտոնից ազատվելու դիմում է գրել

Դատավոր Արսեն Նիկողոսյանի տրամադրվածությունն ակնհայտ էր. Մանվել Գրիգորյանի պաշտպանները ստացել են դատարանի որոշումը