Ժողովուրդը կարող է գոհ լինել, որ անկախ է․ Գալուստ Սահակյան

Այսօր ԱԺ-ում ՍԴ անդամի ընտրությունների ժամանակ լրագրողների հարցերին պատասխանեց ՀՀԿ խմբակցության պատգամավոր Գալուստ Սահակյանը։

Նա նշեց, թե չի կարծում, որ հայ ժողովուրդն ինչ-որ բանից դժգոհ է, եւ դա լրագրողների տեսակետն է։ Սահակյանի խոսքով՝ հայ ժողովուրդն ուզում է ընդամենը շատ լավ ապրել:

Դիտարկմանը`թե պարբերաբար հնչում է, որ Սերժ Սարգսյանն անփոխարինելի է, Սահակյանն արձագանքեց. «Նման տեսակետ գոյություն չունի, ես կարծում եմ, որ առաջինը ես եմ դա արձագանքել լրագրողների մոտ, առաջարկություն եմ արել եւ այդ առաջարկությունը պահպանելու եմ, այդպիսի խնդիր գոյություն չունի, թե ինչ-որ մի տեղ կա, որ միայն մեկ մարդ է արժանի, ես գտնում եմ՝ այս պահին արժանի է Սերժ Սարգսյանը»: 

«Սա այն ժամանակաշրջանն է, երբ հանրապետականն իր որոշումը պիտի կայացնի, իհարկե, ես հավատում եմ, որ իր որոշումը կկայացնի այնպես, ինչպես ես նախապես ասել էի: Դրա համար ես այս պահին հարմար չեմ գտնում այս իմաստով շատ երկար խոսել: Ես ինքս գտնում եմ, որ Սերժ Սարգսյանը պետք է առաջիկայում կարողանա շարունակել իր աշխատանքը, եւ որ ասում եք՝ այսօր ժողովուրդը դժգոհում է, չնայած ես դրա հետ համաձայն չեմ, պետք է մեր ժողովուրդը հնարավորություն ունենա ավելի ամուր, ամրակուռ երկիր ունենա»,- ասաց Սահակյանը։

Դիտարկմանը, թե նրա քաղաքականության արդյունքում է այս իրավիճակը հասունացել, Սահակյանը արձագանքեց. «Յուրաքանչյուր ժողովուրդ արժանի է նրան՝ ինչը, որ ձեռք է բերել: Երբեք չմտածեք, որ իշխանությունները նրա համար են, որ ժողովրդի համար հստակ ճանապարհ բացեն, ինքը ժողովուրդն է իր հստակ ճանապարհը բացում, իսկ այդ ամենի համար իշխանությունները պետք է այնպես աշխատեն, որ ժողովրդի հետ միասին կարողանան այդ ճանապարհը բացեն, որը սպասում ենք բոլորս»: Սահակյանը նշեց, որ ՀՀԿ-ում այս պահին վարչապետի թեկնածուների քննարկումներ չկան, երբ լինի՝ յուրաքանչյուրն իր կարծիքը կհայտնի։

Հարցին, թե հնարավո՞ր է Սերժ Սարգսյանը չցանկանա վարչապետ լինել, Սահակյանը պատասխանեց. «Չեմ ուզում այդ մասին մտածել, որովհետեւ մտածում եմ, որ կկարողանամ արգումենտներն այնպես ներկայացնել, որ ե՛ւ Սերժ Սարգսյանը, ե՛ւ ՀՀԿ-ն կհավատան»։

Հարցին, թե ժողովուրդը ինչի՞ց պետք է գոհ լինի, Սահակյանը նշեց, որ ժողովուրդը կարող է գոհ լինել, որ անկախ է։ Դիտարկմանը՝ թե ժողովուրդն անկախ է, բայց՝ աղքատ, Սահակյանն արձագանքեց. «Աղքատությունը մի կողմի վրա դրեք եւ պիտի կարողանաք շատ կարդալ, որ հասկանաք՝ անկախությունն այլ բան է, աղքատությունը այլ բան է, հարստությունն այլ բան է: Այն ժողովուրդը, եթե անկախության ճանապարհով չի գնում, նա ընդհանրապես համաշխարհային մասշտաբով եւ մարդկության հիմնական ճանապարհներից դուրս մնացող ժողովուրդ է»:

Հարցին, թե ինչո՞ւ են իշխանություններն ընկել հարստության հետեւից, Սահակյանը պատասխանեց. «Եթե նման բան կա, դուք պետք է այդպիսի մարդկանց քննադատեք, բայց դա կապ չունի Հայաստանի անկախության հետ»:

Տպել
1471 դիտում

Քաղաքացիների՝ տարբեր մեսենջերներից օգտվելու իմաստը ես չեմ հասկանում․ դրանք աբսուրդային մտքեր են․ Ռուստամ Բադասյան

Գեղարքունիքի մարզում սահմանվել են հսկիչ անցակետեր

9 տարի առաջ էկրանավորված «Վարակում» ֆիլմը կարծես ներկայացնում է մերօրյա կորոնավիրուսային իրականությունը

«ԳեոՊրոՄայնինգ» ընկերությունը տրամադրել է հումանիտար օգնություն իր ներկայության մարզերին

Հայբիզնեսբանկը հրավիրում է բոլորի ուշադրությունը

Ոստիկանների նկատմամբ բռնություն գործադրելու մեջ մեղադրվողը կալանավորվել է. ընտանիքը հնարավորություն չունի գրավը մուծելու

Բակո Սահակյանը հանդիպել է ՀՀ հեռուստատեսության եւ ռադիոյի հանձնաժողովի պատվիրակության հետ

Ո՛չ, Մասիս Մայիլյանի ձայներն իր ձայներն են, Սամվել Բաբայանինը չեն. ՀՀ ԱԺ պատվիրակության գնահատականը՝ ԱՀ ընտրություններին

«Շիրակ» ֆուտբոլային ակումբը 150 համակարգիչ նվիրեց Շիրակի մարզի դպրոցականներին

Ժամը 15-ի դրությամբ 264 անձի նկատմամբ կազմվել է վարչական իրավախախտման վերաբերյալ արձանագրություն (տեսանյութ)

Մահացել է Օպերային թատրոնի երգչուհի Աննա Սարդարյանը. նրա մոտ հայտնաբերվել է թոքաբորբ

Հայաստանի եւ Իսրայելի մասնագետների միջև կկազմակերպվի տեսաժողով կորոնավիրուսի համավարակի հաղթահարման թեմայով

Պաշտոնաթող նախագահն արդեն ամենաբարձր պաշտոնն է․ Արայիկ Հարությունյանը Բակո Սահակյանին պաշտոն տալու մասին

Տնտեսական գործունեության արգելված և թույլատրված տիրույթները՝ ըստ պարետի որոշման

Պարետի որոշումից հետո նախատեսվածից ավելի ուղեւոր տեղափոխելու համար 68 վարորդի նկատմամբ արձանագրություն է կազմվել

16, 9, 3, 3, 2. Արցախի խորհրդարանի 33 մանդատների նախնական բաշխում

Բացի Ադրբեջանից, բոլորի հետ պատրաստ եմ համագործակցել․ Արայիկ Հարությունյան

Երթևեկել մենակ, կարելի է նաեւ գործընկերների հետ կամ ընտանիքի անդամների հետ՝ հարազատությունը հավաստելով փաստաթղթերով

Կորոնավիրուսի դեմ պայքարի համար նոր ստեղծվող ենթահամակարգը կարիք ունի բուժաշխատողների. նախարար

Համաշխարհային ֆուտբոլի աստղերի ամենաբարձր աշխատավարձերը. նման թվեր կարող են այլեւս գոյություն չունենալ