ԵԼՔ դաշինքում շարունակվում են քննարկումները՝ Սերժ Սարգսյանի վերարտադրության դեմ պայքարի ճանապարհային քարտեզի մշակման մասով: ԵԼՔ-ի պատգամավոր, Քաղաքացիական պայմանագիր կուսակցության անդամ Արարատ Միրզոյանը ՀԺ-ի լրագրողի հարցին պատասխանելով նշեց, որ քննարկվում է քայլերի հաջորդականության հսկա փաթեթ, սակայն մինչեւ քննարկման ավարտը դաշինքի ոչ մի անդամ բանակցությունների ընթացքից չի խոսելու: «Հանգամանալից, փաստարկումներով հագեցած քննարկումներ են ընթանում, ինչպես դաշինքի ներսում, այնպես էլ երեք կուսակցություններում»,- ասաց Արարատ Միրզոյանը:

Քաղհասարակության եւ Նիկոլ Փաշինյանի հանդիպման ժամանակ, ըստ Միրզոյանի, որոշակի հարցերի պատասխաններ են տրվել: Պատգամավորը չի բացառում, որ նման հանդիպումները կարող են շարունակական բնույթ կրել, սակայն քաղհասարակության եւ դաշինքի համագործակցության մասով Միրզոյանն ասում է. «Քաղհասարակությունը մի մարմին չէ, ինչպես ԵԼՔ դաշինքը եւ խոսել այդպիսի պայմանավորվածության մասին, կարծում եմ, որ իմաստ չունի, որովհետեւ քաղհասարակության մի խումբը կարող է հավանել գործողությունների ծրագիրը, իսկ մյուսը՝ ոչ: Եթե ընտրվի փողոցային պայքարի տարբերակը եւ ճանապարհը, ապա մենք բոլոր նրբերանգները կհրապարակենք: Մարդիկ, որ ընդգրկված են քաղհասարակություն ներկայացնող խմբերի մեջ, կամ անհատ քաղաքացիները կարող են իրենց մասնակցությունն ունենալ»,- ասում է Արարատ Միրզոյանը:

Անդրադառնալով ՀՀԿ փոխնախագահ Արմեն Աշոտյանի այն տեսակետին, որ չի բացառվում տասնյակ հազարավոր քաղաքացիներ բողոքի դուրս կգան փողոց, Միրզոյանը ենթադրեց. «Իշխանությունը չի անում այն, ինչը նորմայի սահմաններում է, եւ, պատկերավոր ասած, չափն անցնում է իշխանություն պահելու գործում եւ հասկանում են, որ դա կարող է հանգեցնել զանգվածային ընդվզման»,- ասում է ԵԼՔ դաշինքի պատգամավորը:

Արմեն Աշոտյանը ՀԺ-ին տված հարցազրույցում  նշել էր, որ ընդդիմությունը փորձելու է սահմանադրական գործընթացից դուրս ապահովել քաղաքական մոբիլիզացիոն պրոցես: Միրզոյանից հետաքրքրվեցինք՝ հնարավո՞ր է, որ իշխանությունը ԵԼՔ-ի փողոցային պայքարը որակի հակասահմանադրական քայլ եւ կրկնի 2008 թվականի մարտի 1-ի գործողությունները:

«Եթե լինի փողոցային շարժում, ապա կարծում եմ, որ իշխանություններն ամեն ինչ անելու են, որ մարդկանց հետ պահեն այդ շարժումից»,- ասաց Միրզոյանը եւ պատասխանելով ՀԺ-ի հարցին, թե ինչու՞ է փողոց դուրս գալը քննարկման առարկա դարձել, նշում է.

«Տարբեր կուսակցությունների կողմից տարբեր մոտեցումներ են քննարկվում: Լավ է, որ կա քննարկում, կարծում եմ մարդիկ կզայրանային, որ նման պոտենցիալ հետեւանքներով լեցուն հարցում ԵԼՔ-ը միակարծիք լիներ: Սա շատ լուրջ հարց է, որը պետք է հանգամանալից քննարկել»,- պարզաբանեց Միրզոյանը:

Արարատ Միրզոյանը խոսելով, հատկապես վերջին շրջանում ՀՀԿ-ականների կողմից Սերժ Սարգսյանին գովերգելու խոսքերին ասաց, որ այս կերպ նրանք փորձում են բարձրանալ ղեկավարի աչքին, ինչպես արվում էր սովետական տարիներին: «Այս տարբերակով գուցե հասարակության ռեակցիան են շոշափում»,- կարծում է Միրզոյանը:

Արարատ Միրզոյանից նաեւ հետաքրքրվեցինք, թե ինչո՞ւ հայաստանյան քաղաքական դաշտում միասնականություն չկա եւ սա այն դեպքում, երբ տարբեր ընդդիմադիր ուժեր հայտարարում են, որ պետք է թույլ չտալ Սերժ Սարգսյանի ղեկավարման երրորդ շրջանի մեկնարկը: Միրզոյանը նշում է, որ ընդդիմադիր ուժերը տարբեր ճանապարհներ են տեսնում այդ գործընթացը սկսելու եւ ավարտելու համար:

«Ինչպես կարող է միասնություն լինել, երբ մարդիկ տարբեր ճանապարհներ են տեսնում, տարբեր մեթոդներ, տարբեր վերջնական նպատակներ: Մեկն ընդունում է զինված ապստամբությունը, մյուսը՝ ոչ բռնի քաղաքացիական անհնազանդությունը եւ այլն: Շատ նորմալ է, որ մարդիկ տարբեր են մտածում եւ կրկին շատ նորմալ է, որ մարդկանցից շատերը միանում են, իսկ շատերը՝ ոչ: Ես չեմ կարծում, որ սա է հաջողության գրավականը»,- ասաց ԵԼՔ խմբակցության պատգամավոր Արարատ Միրզոյանը:

Այնուամենայնիվ, եթե ԵԼՔ-ում վերջնական համաձայնության հնարավոր չլինի գալ, ապա կլինե՞ն պատգամավորներ կամ դաշինքի առանձին կուսակցություններ, որոնք ինքնուրույն կնախաձեռնեն փողոցային պայքարը: Արարատ Միրզոյանն այս հարցի վերաբերյալ նշեց. «Ես ինքս, օրինակ ինչ-որ քայլ, այնուամենայնիվ, պետք է անեմ այս նույն տրամաբանությամբ: Մի մշտադիտարկում անեմ՝ սա անհատական հանդուրժել-չհանդուրժելու հարց է, անհատական ինչպես իմ եւ բոլոր քաղաքացիների համար: Պետք չի սա վերագրել ինչ-որ հավաքական միստիկ կերպարի: Ամեն մարդ պետք է որոշի՝ թույլ տալի՞ս է, որ Սերժ Սարգսյանը երրորդ անգամ վարչապետ դառնա, թե՞՝ ոչ»,- նշեց Արարատ Միրզոյանը:

Մամուլում տեղեկություններ հայտնվեցին, որ ԵԼՔ դաշինքը Նիկոլ Փաշինյանի հետ ներքին համաձայնության է գալու: Մասնավորապես, այն մասով, որ դաշինքի մեջ ներառված ոչ բոլոր ուժերը դուրս կգան փողոց, սակայն վարչապետի պաշտոնի առաջադրվելու հարցում կաջակցեն Նիկոլ Փաշինյանին: «Լուսավոր Հայաստան» կուսակցությունից Գեւորգ Գորգիսյանը ՀԺ-ի հետ զրույցում նշում, որ վարչապետի թեկնածու պարտադիր առաջադրելու են, բայց դեռ դաշինքում այդ թեմայով քննարկումներ չեն եղել: Իսկ այն տեղեկությանը, թե հանրավոր է, որ դաշինքը Փաշինյանին սատարի վարչապետի թեկնածության հարցով, բայց ոչ բոլորը նրա հետ փողոց դուրս գան, Գորգիսյանն ասաց. «Չեմ կարող այդ հարցին պատասխանել, քանի որ փողոց դուրս գալու կամ չգալու հարցը կախված Սերժ Սարգսյանի առաջադրվելու հետ, քննարկվում են»,- նշեց նա:

Փողոց դուրս գալու մասով Գորգիսյանը եւս նշում է, որ քննարկումներ են ընթանում, դաշինքն իր առջեւ, ըստ Գորգիսյանի խնդիր է դրել՝ նախորդ ընդդիմությունների սխալները չկրկնել:

«Մարդկանց հիասթափության չենք տանելու, այս իսկ պատճառով մեր բոլոր անելիքները պետք է լինեն կշռադատված եւ հիմնավորված: Հիմա քննարկումներ են, թե ինչ արժի անել եւ ինչ չարժի անել»,- ասում է Գորգիսյանը, իսկ հարցին, թե ԵԼՔ-ն ի՞նչ է անելու, որ հասարակությունում հիասթափություններ չլինեն, Գորգիսյանն ասում է՝ այդ մասով քննարկումների ավարտից հետո կխոսեն: Իսկ, թե երբ է ԵԼՔ-ի սցենարը պարզ դառնալու, Գորգիսյանը չի հստակեցնում, նշում է մինչեւ վարչապետի ընտրությունը պարզ կլինի, նա չբացառեց, որ քննարկումը կարող է ձգվել մինչեւ ապրիլ: Այս մասով, թեեւ նկատենք, որ ԵԼՔ խմբակցության ղեկավար Նիկոլ Փաշինյանը հայտարարել է, որ մեկ շաբաթից պարզ կդառնա դաշինքի քննարկման արդյունքը:

Տեղեկություններ կան, որ ԵԼՔ-ում ընդգրկված ուժերի ներկայացուցիչներից ոմանք կողմ են փողոցային պայքարին, մյուսները՝ ոչ: Գորգիսյանն այս մասով պարզաբանեց. «Դաշինքում ցանկացած հարցի շուրջ կան տարբեր մոտեցումներ: Դա բնական է եւ նորմալ, որ կարող են լինել տարբեր մոտեցումներ: Շատ հարցերի շուրջ ենք մենք ունեցել նման քննարկումները:

Դիտարկմանը՝ քաղհասարակությունը ԵԼՔ-ի հետ ինչ-որ հույսեր է կապում փողոցային պայքարի մասով, արդյո՞ք սա դաշինքի քննարկումների ժամանակ հաշվի առնում են, Գորգիսյանը նկատեց. «Մի քանի հոգի ակտիվիստներ, որոնք ԵԼՔ-ի հետ կապ չունեն՝ ոչ ընտրել, ոչ էլ՝ սատարել: Այս քաղհասարակության անդամների մի մասը միշտ քննադատել է ԵԼՔ-ին: Նրանցով ԵԼՔ-ին սատարող քաղաքացիներին պետք չի դատել»,- ասաց պատգամավորը:

Նյութը տպագրվել է «Հայկական ժամանակ» օրաթերթի մարտի 9-ի համարում:

Տպել
3446 դիտում

Ուժեղ քամին Վանաձորում հսկա եղևնիներ է տապալել (լուսանկար)

Տղամարդը մեքենայով հետապնդել, միտումնավոր հարվածել է քաղաքացու «ՎԱԶ 217230»-ին, ավտոտնակին, այնուհետ կրակել ու հեռացել

Հարսի աչքերին նյութ են փչել, պարանոցից հափշտակել խաչով շղթան. սկեսուրն ահազանգել է ոստիկանություն

Սրբազան հոր մեծահոգության շնորհիվ էր, որ Սուրենը եկավ և մեզ հետ քայլեց․ Գառնիկ Դանիելյան

Ոնց է հնարավոր՝ տղամարդը առաջնորդին «բիձա» ասի, դերասանուհուն՝ «ք...ձ», իրենց իսկ նախագահին էլ՝ «պահպանակ». Սաֆարյան

Որպես վարչապետ լավն ես, գոհ ենք, բայց մի քիչ թույլ ես, ասեմ՝ ինչի համար. քաղաքացին՝ Նիկոլ Փաշինյանին (տեսանյութ)

Արայիկ Հարությունյանը մասնակցել է «Աշխարհահռչակ հայեր. Փարաջանովի ծննդյան 100-ամյակ» թեմայով նամականիշերի մարմանը

Հանրությունը քննարկում է 3 պսևդո գործիչների գզվռտոցը, այս երկրին օդ ու ջրի պես նորմալ ընդդիմություն է պետք. Իոաննիսյան

Կայացել է Հայաստանի և Լիտվայի ԱԳ նախարարների առանձնազրույցը

Օգտագործել են իբրև թե ՌԴ-ում նոտարների վավերացրած կեղծ փաստաթղթեր. հափշտակել են անժառանգ տարեցների բնակարանները

Ադրբեջանը չի պատասխանել ՀՀ-ի` 1 ամսում խաղաղության պայմանագրի ստորագրման առաջարկին, նոր պահանջներ է առաջադրել. Միրզոյան

Անկում տարադրամի շուկայում. ինչ փոփոխություններ են արձանագրվել հունիսի 20-ին

Ucom-ը ուսանողական ծրագիր է անցկացնում ամառային արձակուրդի ընթացքում

Արարատ Միրզոյանն ընդգծել է լիտվացի գործընկերոջ ներդրումը ՀՀ-ԵՄ հարաբերությունների խորացման գործում

Մեքքայում սաստիկ շոգի հետևանքով արդեն մահացել է հաջի ավելի քան 1000 ուխտավոր

Միրզոյանը հույս է հայտնել, որ իր այցը Լիտվա նոր շունչ կհաղորդի նաև ԵՄ ձևաչափով համագործակցությանը

ՔԿԾ-ն մեկնաբանել է «Արմավիր» ՔԿՀ-ում ծեծկռտուքի մասին լուրերն ու նշել՝ ինչու է ազատվել վարչության պետը

Սյունիքում հրդեհ է բռնկվել կցորդիչով բեռնատարում

Բուլղարիայի խորհրդարանի նախագահ է ընտրվել Ռայա Նազարյանը

Ծովինար Մովսիսյանը՝ Կոմիտասի անվան պետական կոնսերվատորիայի ռեկտորի պաշտոնակատար

Նուռնուս գյուղի ամառանոցներից մեկի լողավազանում հայտնաբերվել է տղամարդու՝ ջրահեղձ եղած մարմին

Մեկնարկել է Արարատ Միրզոյանի այցը Լիտվա

Երևանցիներն առաջիկայում նոր հանգստի գոտի կունենան Արաբկիրում

«Սուբվենցիոն ծրագրի հայեցակարգն ու գաղափարաբանությունը գուցե փոխենք». վարչապետը՝ փոխվարչապետին

Տեղահանված, իրենց բնակության վայրը կորցրած անձինք մշտապես պետք է լինեն պետության հոգածության ներքո. Վահե Ղազարյան

Հայտնի է՝ Հայաստանը քանի «CAESAR» հրետանային համակարգ է ձեռք բերել Ֆրանսիայից և երբ դրանք կժամանեն

ՌԴ ԱԳՆ-ն հայտարարել է Կապանում գլխավոր հյուպատոսություն բացելու ծրագրերի մասին՝ նշելով ժամկետներ

ՔԿ ճանապարհատրանսպորտային հանցագործությունների քննության բաժինը նոր ղեկավար ունի

Յունիբանկի երկու Visa քարտապաններ կմեկնեն Փարիզ՝ Օլիմպիական խաղերը դիտելու

Շարժումը մարում է, և բոլորը հակահերոսի փնտրտուքի մեջ են․ Սուրեն Պետրոսյանի առաջին մեկնաբանությունը «անհետանալուց» հետո

Կիմ Չեն Ընը Պուտինին 2 հազվագյուտ կորեական որսորդական շուն է նվիրել (լուսանկար)

Հայաստանի ֆուտբոլի հավաքականը նահանջել է ՖԻՖԱ-ի դասակարգման աղյուսակում

Վերականգնվել է հանցագործությամբ պետությանը պատճառված առանձնապես խոշոր չափերի՝ շուրջ 439 միլիոն ՀՀ դրամի վնասը

Տեղեկատվական շտեմարանների հետազոտման արդյունքում իրացման շրջանառությունները թաքցնելու նոր հանգամանքներ են հաստատվել․ ՊԵԿ

Դադարեցվելու է ՀՀ կենտրոնական բանկի բանկային հաշիվների կենտրոնացված ռեեստրի աշխատանքը

ԱԽ քարտուղարն ու Ֆրանսիայի նախագահի խորհրդականն անդրադարձել են տարածաշրջանային անվտանգային իրավիճակին

Եթե ես լինեմ դավաճան, ձեր աչքերին ո՞նց կնայեմ, ո՞նց կգամ ձեր մեջ կկանգնեմ. Փաշինյան (տեսանյութ)

Կյանքից հեռացել է դերասանուհի Վիոլետա Գևորգյանը

Ինքնագլորներով երթևեկության քաոտիկ իրավիճակները կհաղթահարենք անհրաժեշտ կարգավորմամբ․ վարչապետ

Հակոբ Արշակյանի գլխավորած պատվիրակությունը պաշտոնական այցով գտնվում է Պեկինում