Չեմ բացառում, որ տասնյակ հազարավոր մարդիկ բողոքի դուրս կգան. Արմեն Աշոտյան

Հայաստանյան քաղաքական դաշտում կարեւոր իրադարձություննեը փոխարինում են մեկը մյուսին: Նախ ընտրվեց բարձրագույն դատական խորհրդի կազմ, ՍԴ անդամ, ապա ՀՀ 4-րդ նախագահ: Առաջիկայում վարչապետի ընտրությունն է եւ ինտրիգը իշխող հանրապետական կուսակցության թեկնածուի մասով դեռ պահպանվում է՝ չնայած այն հանգամանքին, որ կուսակցության առանձին անդամներ հավանական թեկնածու Սերժ Սարգսյանի մասին դրական խոսքեր են շռայլում: Սրան զուգահեռ էլ խորհրդարանական եւ արտախորհրդարանական ընդդիմության ներկայացուցիչները հայտարարում են, որ «ձեռքները ծալած չեն նստելու»՝ պայքարելու են Սերժ Սարգսյանի վարչապետությունը կանխելու դեմ: Ուշագրավ է նաեւ այն, որ քաղհասարակությունը հանդիպում է պահանջել ԵԼՔ խմբակցության ղեկավար Նիկոլ Փաշինյանի հետ՝ փողոցային պայքարի շուրջ քննարկումներ իրականացնելու համար:

ՀՀԿ փոխնախագահ, ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը ՀԺ-ին տված հարցազրույցում նշում է, որ իշխող կուսակցությունը 2018-ի վարչապետի թեկնածուի մասով պաշտոնական դիրքորոշում դեռ չունի: Արմեն Աշոտյանն ասում է՝ ՀՀԿ-ականները հայտնում են միայն անձնական կարծիքներ՝ ապագա վարչապետի պաշտոնի թեկնածության վերաբերյալ:

«Քաղաքական որոշում չկա, կա անձնական տեսակետ արտահայտելու հնարավորություն: Գնում է հանրային քաղաքական քննարկումների մի փուլ, որտեղ բոլոր կողմերը հայտնում են իրենց կարծիքները: Ես էլ կարող եմ հակընդդեմ հարց հնչեցնել՝ եթե որոշում չկա, ինչու՞ ընդդիմությունը, օրինակ, Նիկոլ Փաշինյանը, փորձում է շարժում սկսել՝ Սերժ Սարգսյանի հնարավոր վարչապետության դեմ, եթե նման որոշում չկա»,- ասաց Արմեն Աշոտյանը:

Արմեն Աշոտյանից հետաքրքրվեցինք, թե Սերժ Սարգսյանն ի՞նչ կարծիք ունի ՀՀԿ-ականների այն գնահատականների հետ, որ ինքն անփոխարինելի է: ՀՀԿ փոխնախագահը նշեց, որ անհատական գնահատականների շուրջ քննարկումներ չեն եղել: Անդրադառնալով անփոխարինելի լինելուն ասաց.

«Անփոխարինելի լինելու թեզը առաջ է գալիս այն սթափ եւ օբյեկտիվ վերլուծությունից, թե ինչ է անելու ապագա վարչապետը: Հարցերի երեք փաթեթ կա, որ կախված է լինելու նոր վարչապետից՝ անվտանգություն, արտաքին քաղաքականություն եւ սոցիալ տնտեսական զարգացում: Այս ոլորտները կադրային համապատասխան լուծումներ են պահանջելու: Անփոխարինելի լինելու թեզը բացարձակ կապ չունի պաշտամունքային ընկալումների հետ»,- ասում է Արմեն Աշոտյանը եւ ավելացնում, որ քաղաքական կուլիսներում այս պահին քննարկումներ են, իսկ ընդդիմադիր թեւն էլ, ըստ Աշոտյանի, բավականաչափ խելացի է եւ գիտի, թե ինչ ելք են ունենալու այդ քննարկումները:

«Ընդդիմությունը, չունենալով քաղաքական եւ իրավական լեգիտիմ հիմնքեր՝ գործընթացի վրա վերջնականապես ազդելու, բայցի ԱԺ-ում քննարկումներից, ելույթներից եւ քվերակությունից, փորձելու է սահմանադրական գործընթացից դուրս ապահովել քաղաքական մոբիլիզացիոն պրոցես, որովհետեւ ԱԺ-ում ներկայացված ընդդիմադիր դաշինքներից առնվազն մեկը պարբերաբար ունենում է քաղաքական դոպինգի կարիք եւ քաղաքական դոպինգի կարիքը, մասնավորապես ԵԼՔ դաշինքի կողմից ակնհայտորեն զգացվում է, երբ որ ունենալով ներքին արտահայտված տարաձայնություններ՝ օգտագործում են տարբեր քաղաքական գործընթացներ, օրինակ, նախագահի ընտրության, վարչապետի նշանակման գործընթացները»,- ասում է ՀՀԿ փոխնախագահը եւ նշում, որ ընդդիմությունն ունի քաղաքական մարտկոցը լիցքավերելու կարիք եւ այն լիցքավորում է կարեւոր քաղաքական գործընթացների շրջանակներում:

Մարտի 5-ին Ազատության հրապարակում նախատեսվում է քաղհասարակության եւ ԵԼՔ խմբակցության ղեկավար Նիկոլ Փաշինյանի հանդիպումը: ՀԺ-ի այն հարցին, թե իշխանությունը մտահոգություն չունի՞, որ արդեն քաղհասարակությունն է ընդդիմության հետ հանդիպում պահանջում՝ Սերժ Սարգսյանի վարչապետացումը կանխելու նպատակով, ՀՀԿ փոխնախագահը պատասխանեց.

«Դրական եմ համարում քաղաքացիների եւ քաղհասարակության ուշադրությունը քաղաքական պրոցեսների նկատմամբ: Սա նորմալ է եւ հարիր է ժողովրդավարական պետություններին, սակայն ճիշտ չէ, որ քաղաքացիական հասարակությունը համարում եք ընդդիմադիր, քանի որ երբ հասարակությանը բաժանում ենք իշխանականի եւ ընդդիմադիրների, այն դադարում է գոյություն ունենալուց: Նշեմ, որ Քաղաքացիական պայմանագիր կուսակցության, իսկ հետո ԵԼՔ դաշինքի հիմնադրման ժամանակ Նիկոլ Փաշինյանը հայտարարում էր, որ մեկ անգամ է փորձելու ժողովրդին տանել հրապարակ: Վստահ եմ, որ Նիկոլ Փաշինյանը ճիշտ է հաշվում իր այդ մեկ անգամի պահը: Որտե՞ղ եք տեսնում, որ հասարակությունը ուզում է դուրս գալ: Հասարակությունն ազատ է եւ պարտավոր է ունենալ կարծիք՝ երկրում տեղի ունեցող գործընթացների մասին: Ես չեմ բացառում, որ հասարակության մեջ կլինեն տասնյակ հազարավոր մարդիկ, որոնք քաղաքական լուծումներին այդ ժամանակահատվածում համաձայն չեն լինի եւ կարող են օրենքով իրենց բողոքն արտահայտել»,- ասաց Արմեն Աշոտյանը, իսկ հարցին, թե ի՞նչ արդյունքի կհասնի ընդդմությունը իր նախաձեռնությամբ, քանի որ արտախորհրդարանական Ժառանգություն կուսակցությունը եւս  պայքար է սկսում Սերժ Սարգսյանի վարչապետության դեմ, ՀՀԿ փոխնախագահը պատասխանեց.

«Ինչպես ասացի՝ սա այն փուլն է, երբ ընդդիմությունը փորձելու է լիցքավորել իր քաղաքական մարտկոցները: Ես խորհրդարանական ընդդիմությունից ակընկալում եմ, որ ընդդիմախոսելով եւ քննադատելով՝ հարստացնեն Հայաստանի քաղաքական օրակարգը՝ իրենց լիազորությունների շրջանակներում»,-ասաց նա:

Արմեն Աշոտյանը կարծում է, որ Հայաստանում ընդդիմությունը պառակտված է, որովհետեւ կա լիդերության խնդիր: «Այդ խնդիրը կա անգամ ԵԼՔ դաշինքում, քանի որ մինչեւ այս չեն բռնել միասնական կուսակցություն դառնալու ճանապարհը: Բնական է, որ նման տարաձայնություններ կլինեն արտախորհրդարանական ուժերի մոտ, եւ վստահ եմ, որ արտախորհրդարանական ընդդիմադիր որոշ ուժեր դեռ չեն հաղթահարել ԵԼՔ-ի նկատմամբ խանդի զգացողությունը, որ նրանք կարողացան մտնել խորհրդարան, իսկ մյուսները՝ ոչ: Այս խանդը ավելի է ուժգնանալու հաջորդ ընտրությունների ժամանակ, երբ հիմնական թեզը դառնալու է այն, թե ինչ արեց խորհրդարանական ընդդիմությունը ի դեմս ԵԼՔ-ի»,- ասաց նա եւ ավելացրեց, որ ընդդիմությունը պետք է ստեղծի ստվերային կառավարություն՝ ի ցույց դնելու հասարակությանը իրենց տեսակետը:

«Ինչպես արեւմտյան երկրներում է ընդդիմությունը պետք է ունենա իր ստվերային կառավարությունը, վարչապետը, որոնք պատասխանատու կլինեն կառավարության որոշումների, մշակվող քաղաքականությունների քննադատության եւ ուսումնասիրությունների համար: Սա խորհրդարանական վերահսկողության լավ գործիք կարող է դառնալ եւ Հայաստանի քաղաքական կյանքում այլընտրանքային թիմ եւ այլընտրանքային օրակարգ ձեւավորելու հրաշալի գործիք է: Կարծում եմ, որ ընդդիմությունը վաղ, թե ուշ գալու է այս ձեւաչափին: Ես մի փոքր հուշում անեմ, որ շատ ճիշտ ձեւաչափ կլինի, սա կնպաստի իրենց երկարատեւ գործունեությանը: Հասարակության համար տեսանելի կլինի, որ ՀՅԴ-ն եւ ՀՀԿ-ն բերեցին Հարկային օրենսգրքի այս փաթեթեը, իսկ ի՞նչ է առաջարկում ստվերային կառավարությունը: Մենք պետք է Հայաստանի դիրսկուրը փոխենք: Ստվերային կառավարության միջոցով հնարավոր է ստեղծել բովանդակային եւ կադրային այլընտրանք: Սա խորհրդարանական կառավարման համակարգում անուրանալի ավանդ կլինի ընդդիմության կողմից»,- ասաց Արմեն Աշոտյանը:

Նյութը տպագրվել է «Հայկական ժամանակ» օրաթերթի մարտի 3-ի համարում:

Տպել
9592 դիտում

Ռազմավարական գործընկերությունը մեծապես կարևոր է Միացյալ Նահանգների համար. ԱՄՆ պետքարտուղարի տեղակալը՝ ՀՀ ԱԳ նախարարին

ԱԺ-ի շենքը գրավելու հրահանգ է եղել, որ հարձակվեն վարչապետի, ԱԺ նախագահի, պատգամավորների վրա․ Սիմոնյան

Ստեփանավանը՝ ինտենսիվ տեղատարափից հետո. Սուրենյանը տեսանյութ է հրապարակել

Դաշնակցական մի ֆեյք ալիք մեր պատգամավորների հեռախոսահամարներն է հրապարակել, վատ բան է դա, չի կարելի. Սիմոնյան

Գալստանյանի հավաքը Բաղրամյան պողոտայում՝ 19:15-ի դրությամբ

Մենք ինչո՞ւ պետք է ժամավաճառությամբ զբաղվենք և սպասարկենք ընդդիմության կեղծ օրակարգը. Ալեն Սիմոնյան

Հնարավոր է․ Փաշինյանը՝ սահմանազատման հաջորդ փուլը Սյունիքում սկսելու մասին

1 ամիս շարունակ գիշերային ժամերին փակ են լինելու Նորք-Մարաշի որոշ փողոցներ

Ազգային ժողովի արտահերթ նիստը չի կայացել. քվորում չկա

Սուրեն Պապիկյանը մասնակցել է «EUROSATORY» միջազգային ցուցահանդեսի բացման արարողությանը

Հայաստանի կողմից ԵՄ անդամակցության հայտի վերաբերյալ հանրաքվե անցկացնելու թեմայով ԱԺ-ում սպասվում են լսումներ

Հայտարարվել է Սպանդարյան, Տոլորս և Տաթև ջրամբարներում ձկնապաշտպան կառույցների նախագծման աշխատանքների մրցույթ

Մանդատները վայր կդնեն այն ժամանակ, երբ արդյունավետ կլինի, անիմաստ մանդատները վայր դնելն ինչի՞ն է ծառայելու․ Գալստանյան

«Ժողովրդի մեջ պանիկա է՝ Զանգեզուրը տալիս են, քեզ նման թագավորը մի գրամ հող չպիտի տա»․ սյունեցին՝ վարչապետին (տեսանյութ)

Եթե մեր ժողովուրդը շատ դեմ չլինի, Հայաստանում կկառուցենք վճարովի ճանապարհներ. Նիկոլ Փաշինյան

Հետախուզվում է 30-ամյա Էդվարդ Ադամյանը

Ադրբեջանի հետ սահմանի սահմանազատման գործընթացում հնարավոր է՝ հանրաքվե լինի․ Փաշինյան

Արարատ Միրզոյանը հանդիպել է ԵՄ որոշ երկրների դեսպանների հետ

Հեռացնել մեղվափեթակները, չհավաքել սունկ, հատապտուղ. Գեղարքունիքում նախատեսվում են ծղրիդների դեմ քիմիական միջոցառումներ

Ակցիաների ընթացքում քրեական հետապնդում է հարուցվել 58 անձի նկատմամբ, 29-ի նկատմամբ խափանման միջոց է ընտրվել կալանքը. ՔԿ

Ստեփանվանի շրջակայքում առկա է պտտահողմ. Սուրենյան

Հայաստանում ամերիկյան ռազմաբազաների հայտնվելու մասին դեռ վաղ է խոսել. Նարիշկին

Գալստանյանի գլխավորած ակցիաներին մարդկանց գումար խոստանալու համար մեղադրվում է 10 անձ, կա 3 կալանավորված

«ՔոնթուրԳլոբալ Հիդրո Կասկադ» ՓԲԸ-ն հայտարարում է բաց մրցույթ

28-ամյա Լիաննա Գրիգորյանի նկատմամբ հայտարարվել է հետախուզում

Նոր թափ հաղորդել ՀՀ մարզերի և ԱՄՆ նահանգների փոխգործակցությանը․ նախագահը ելույթ է ունեցել հայ-ամերիկյան համաժողում

Գառնիկին որ առևանգեն, հետո պետք է իրենք մեզ վճարեն, որ հետ վերցնենք. Գալստանյան (տեսանյութ)

Պղծությամբ զբաղված տերտերը բարձրախոսը ձեռքը Եռաբլուրը սարքել է քաղաքական հարթակ․ Չախոյան

Բաղրամյան պողոտայում բախումների հետևանքով տուժած քաղաքացիներից 6-ը դեռ հիվանդանոցում են․ ինչ վիճակում են նրանք

Նիկոլ Փաշինյանը չնախատեսված կանգառ է ունեցել Շինուհայրում (տեսանյութ)

Կարիքն այլևս չկա․ Իսրայելի վարչապետն արձակել է ռազմական կաբինետը

Երևանում մեկնարկել է Տեղական ժողովրդավարության հարցերին նվիրված հայ-ամերիկյան համաժողովը

Արարատի մարզպետի աշխատակազմը հերքել է Տիգրանաշենը դատարկելու վերաբերյալ լրատվամիջոցներից մեկի հրապարակումը

Վազգեն Գալստանյանի քաղաքական գործընկեր Սուրեն Պետրոսյանը գնացել է երկրից. հայտնի է՝ ուր

Սյունիքում շատ խիտ ճանապարհային ցանց ենք ստեղծում․ վարչապետը հետևել է Տաթև-Աղվանի միջպետական ճանապարհի հիմնանորոգմանը

Գնդեվանք-Ջերմուկ հին ճանապարհին ժայռաբեկորներ են պոկվել. ճանապարհը երկկողմանի փակ է

Որքան ավելանում է արևմտյան վեկտորը, այնքան «ընդդիմադիր արևմտամետների» դիմադրությունը մեծանում է. Սաֆարյան

Մոսկվայում ադրբեջանցի գործարարներին պատկանող առևտրի կենտրոնը տարհանվել է․ ռումբի մասին ահազանգ է ստացվել

Հաճելի է լինել Հայաստանում՝ ԱՄՆ-ՀՀ գործընկերության նպատակներն առաջ մղելու, ավելի լավ ապագա կերտելու համար․ Ռիչարդ Վերմա

5-րդ և 6-րդ դասարանների աշակերտները կոտրել են դպրոցի բոլոր ապակիները՝ պատճառելով մոտ 1 մլն դրամի վնաս