Երևան
12 °C
Արդեն երրորդ օրն է՝ մեկնարկել է Քաղաքացիական պայմանագիր կուսակցության նախաձեռնած #ԻմՔայլը ակցիան՝ Սերժ Սարգսյանի վարչապետացումը կանխելու համար: Կգործի՞ Նիկոլ Փաշինյանի՝ իշխանափոխության հասնելու ճանապարհային քարտեզը, քաղաքացիները կմիանա՞ն, քաղաքական ի՞նչ խմորումեր կլինեն: Այս հարցերի շուրջ զրուցեցինք քաղաքագետ Արմեն Վարդանյանի հետ:
Վերջինս «Հայկական ժամանակ»-ի հետ զրույցում ասաց, որ Քաղաքացիական պայմանագիր կուսակցության նախաձեռնած ակցիան շատ լավ նախաձեռնություն է, եւ ողջունելի է, որ սկսել են հենց մարզերից.
«Ես կարծում եմ, որ կհաջողեն մեծ բազմություն հավաքել, շատ հնարավոր է: Քաղաքացիները միշտ պատրաստ են, եթե հրապարակում ուժ տեսնեն: Հիշեցնեմ, որ ՊՊԾ գնդի գրավման ժամանակ Օպերայի հրապարակում քիչ մարդիկ էին հավաքվում, հետո, երբ տեսան՝ մեծ ուժ է, արդեն Խորենացու դեպքերի ժամանակ մինչև քսան-երեսուն հազար մարդ հավաքվում էր: Քաղաքացիական նախաձեռնությունները միանում են, քաղաքացիներն էլ կարող են միանալ, եթե լինի այդ ուժը: Շատ կարեւոր է, որ Նիկոլ Փաշինյանի թիմը կարողանա մարզերից մոբլիլիզացնել մարդկանց բողոքավոր զանգվածին»,-ասաց Արմեն Վարդանյանը:
Վերջինս նշում է, որ եթե հիմա չհաջողեն, հետագայում ավելի դժվար կլինի: Բայց հնարավոր է անսպասելի զարգացումներ լինեն, քանի որ ոչ ժողովրդավարական համակարգում լուրջ փոթորիկներ կարող են առաջանալ:
Մեր հարցին՝ ինչպե՞ս կմեկնաբանեք ԱԺ փոխնախագահ Էդուարդ Շարմազանովի՝ «Ազատություն» ռադիոկայանին երեկ տված հարցազրույցում արած մի շարք հայտարարությունները, օրինակ, որ սա Սերժ Սարգսյանի երրորդ ժամկետը չէ, երրորդ ժամկետ կլիներ, եթե առաջադրվեր նախագահի պաշտոնում, կամ որ Սարգսյանին վարչապետի պաշտոնում առաջադրելն իրենց սահմանադրական իրավունքն է, ԵԼՔ-ն էլ հնարավորություն ուներ իր բողոքը Ազգային ժողովում արտահայտել, այնինչ դուրս են եկել փողոց, եւ վերջապես որ Քաղաքացիական պայմանագրի ակցիաները հանրապետականի վրա զրո ազդեցություն կունենան, Արմեն Վարդանյանը պատասխանեց.
«Սերժ Սարգսյանին առաջադրելն, այո, իրենց Սահմանադրական իրավունքն է, բայց կա հարցի մյուս կողմը՝ քաղաքական եւ բարոյական պատասխանատվության: Շատ ժողովրդավարական երկրներում հարցի այդ կողմը ավելի մեծ նշանակություն ունի, քան սահմանադրական կողմը: Եւ եթե որեւէ քաղաքական գործիչ հրապարակավ մի բան է խոստանում, ապա կատարում է այդ խոստումը, կամ հրաժարական է տալիս: Օրինակ՝ Ֆրանսուա Օլանդը, չնայած չէր խոստացել, որ երկրորդ ժամկետ չի գնա, բայց երբ պահը եկավ, ասաց, որ չի առաջադրելու իր թեկնածությունը, քանի որ չի կատարել իր նախընտրական որոշ խոստումներ: Իսկ Սերժ Սարգսյանը 2014 թվականին հրապարակավ ասել է, որ չի հավակնելու վարչապետի պաշտոնին, ավելին՝ ինքն ասել է, որ սխալ է համարում նույն քաղաքական գործչի՝ երկու անգամից ավելի պաշտոնավարելը: Ուրեմն հասարակությունը պետք է շատ կոշտ արձագանքի, պետք է ամեն ինչ անի, որ Սարգսյանը կատարի իր խոստումը»:
Քաղաքագետը նշում է, որ թեեւ Սահմանադրական կողմը ոչ ոք չի վիճարկում, բայց չպետք է մոռանալ քաղաքական պատասխանավության մասին:
Ինչ վերաբերում է Սարգսյանի վերջին հայտարարությանը, թե նա վարչապետ կդառնա մեկ հավելումով՝ երիտասարդ լիդերներ պատրաստելու, Վարդանյանն ասաց, որ կրկին պետք է անդրադառնալ միջազգային փորձին.
«Աշխարհի բազմաթիվ նախագահներ իրենց պաշտոնավարման ժամկետի ավարտից հետո որեւէ խոշոր համալսարանում դասախոսություններ են կարդում: Սարգսյանը կարող էր այդ երիտասարդ լիդերներին այլ կերպ պատրաստել: Ինչու՞ մինչեւ հիմա չէր պատրաստում, ի՞նչն է պատճառը: Դրանք ուղղակի պատճառներ են, որպեսզի նա երրորդ անգամ ղեկավարի»,-նշում է քաղաքագետը:
Էդուարդ Շարմազանովն իր հարցազրույցում նշում է նաեւ, որ սա անձերի դեմ պայքար է, այնինչ Նիկոլ Փաշինյանը հավաստիացնում է, որ համակարգային փոփոխությունը հենց անձերից է սկսում: Արմեն Վարդանյանը համամիտ է Փաշինյանի հետ: Նրա խոսքով՝ միջազգային փորձում նման դեպքեր էլ կան, ինչպես, ասենք, Ռումինիայում.
«Օրինակ, Ռումինիայում Չաուշեսկուին մահապատժի ենթարկեցին, համակարգն անմիջապես սկսեց փոխվել: Տվյալ դեպքում ՀՀ-ում առկա համակարգը կախված է Սերժ Սարգսյանի անձից: Քանի դեռ ինքն այս համակարգի գլխին է, որեւէ փոփոխություն չի լինի»:
Քաղաքագետը հավելում է, որ այս քայլը կարող է լավ նախադեպ դառնալ.
«Նախ հետագայում քաղաքական գործիչները տեր կլինեն իրենց խոստմանը, մի բան կհայտարարեն, կանեն, եւ հետո, եթե անգամ Սարգսյանի հեռանալով համակարգը միանգամից ավելի լավը չի դառնալու, բայց սա առաջին քայլը կլինի, որին կհետեւեն հաջորդ քայլերը: Սա միայն առաջին եւ ամենակարեւոր քայլն է»,-եզրափակեց քաղաքագետ Արմեն Վարդանյանը:
ՀայԱրփի Բաղդասարյան
Նյութը տպագրվել է «Հայկական ժամանակ» օրաթերթի ապրիլի 3-ի համարում:
«Հայկական Ժամանակ»-ը Telegram-ում
Իրանի ԱԳ նախարարը հայերեն գրառմամբ շնորհավորել է Նիկոլ Փաշինյանին
Տնային կալանքի տակ գտնվող 398 քաղաքացի մասնակցել է քվեարկությանը
Սահակ Բ Մաշալյանը հանդիպել է Թուրքիայի նախագահի հետ․ ինչ հարցեր են քննարկվել
Ձեր վարչապետության նոր շրջանում մեր երկրների հարաբերությունների դինամիկ ընթացքը ավելի կզարգանա․ Փեզեշքիան
Հայաստանի ժողովուրդը քվեարկել է հանուն խաղաղության․ Փաշինյանը հեռախոսազրույց է ունեցել Անտոնիու Կոշտայի հետ
Խոստանում էր, որ ամսի 7-ից հետո տղան հետ կգա, անհամբեր սպասում ենք Ծառուկյանի որդուն․ Չախոյան
ԳԴՀ-ում ՀՀ դեսպանության հյուպատոսական բաժինը մինչև հուլիսի 31-ը անձնագրավորման արտահերթ գրանցում կիրականացնի
Գերեզմանատան մոտակայքում ավտոմեքենան բախվել է բետոնե քարին, կողաշրջվել և բռնկվել․ վարորդը հոսպիտալացվել է
Ընդդիմության «բացահայտման» շնորհիվ ՔՊ-ի ձայները միայն այս երկու տեղամասերում ավելացան 650-ով․ Ալեքսանյան
Հունաստանը հույս ունի ամրապնդել ընդհանուր արժեքների վրա հիմնված համագործակցությունը․ Միցոտակիսը՝ Փաշինյանին
Ընտրությունների արդյունքները հնարավորություն են տալու շարունակել Կառավարության քաղաքականությունը․ Միրզոյան
Երկրին կարող է հարվածել ուժեղ՝ G3 մակարդակի մագնիսական փոթորիկ․ հայտնի է՝ երբ
Շնորհակալությամբ հիշենք բոլորին, ովքեր մեզ՝ կանանցս, ընտրելու և այդ ընտրությունը պաշտպանելու իրավունք են տվել
Մոսկվան կպատժի Քոչարյանին ու Կարապետյանին. Պուտինը հանուն հաճույքի չէր ուզում, որ պրոռուսական ուժերը հետ գան
Չնայած հսկայական ճնշմանը՝ Հայաստանի ժողովուրդը ընտրել է ժողովրդավարությունը, խաղաղությունը․ Գերմանիայի կանցլեր
Կրեմլը ռուսական ԶԼՄ-ներին «բացատրել է»` ինչպես լուսաբանել ՀՀ ընտրությունների արդյունքները. MEDUZA
Լոռիում գրանցվեց ջախջախում, բայց եռագլուխների ողնաշարի․ Արեն Մկրտչյան․ տեսանյութ
Թուրքիան աջակցում է Ադրբեջան-Հայաստան հարաբերությունների կարգավորման գործընթացին. Ֆիդան
Հայտնի է՝ ինչ խափանման միջոց է կիրառվել ՌԴ-ից քվեարկության եկած Հովհաննես Սահակյանի նկատմամբ
Սերժ Սարգսյանը հրահանգել է կոչ անել չվերցնել մանդատները․ հետաքրքիր է՝ Ծառուկյանն իրեն ինչպես կդրսևորի
Տաշիրում խմած քաղաքացին ընտրատեղամասում խուլիգանություն է կատարել, միջամտել պաշտոնատար անձի գործունեությանը
Ավստրիան ՀՀ-ի կողքին է խաղաղության, տարածաշրջանային կայունության, ԵՄ-ի հետ սերտ հարաբերությունների ճանապարհին
Իսպանիան կշարունակի աջակցել Հայաստանին խաղաղության ճանապարհին. Պեդրո Սանչեսը շնորհավորել է Փաշինյանին
Կալուգացիք արդյունքները լավ չեն ընկալում, քանի որ ձայնագրությունները ուշադիր չեն լսել․ Ալեքսանյան
ՀՀ քաղաքացիներն իրենց մասնակցությամբ վերահաստատեցին՝ ժողովրդավարությունը մեր պետության անշրջելի ընտրությունն է
«Ուժեղ Հայաստան»-ի համակիր Սարատովկայի ղեկավար Գառնիկ Մարդոյանին պատկանող ապօրինի ռազմամթերքը հայտնաբերվել է
Ընտրությունների արդյունքները վկայում են Հայաստանի խաղաղ, ժողովրդավարական ապագայի մասին․ Ֆինլանդիայի ԱԳ նախարար
ՌԴ-ն սպասում է Հայաստանի խորհրդարանական ընտրությունների վերջնական արդյունքներին
Ես անհամբեր սպասում եմ Ձեզ հետ սերտ համագործակցությանը․ Հնդկաստանի վարչապետը շնորհավորել է Նիկոլ Փաշինյանին
Ես անհամբեր սպասում եմ Շվեդիայի և ԵՄ-ի համագործակցության խորացմանը Հայաստանի հետ. Շվեդիայի վարչապետ
Մարթա Կոսը շնորհավորել է Փաշինյանին և հայտարարել Հայաստան-ԵՄ աշխատանքային խմբի գործունեության մեկնարկի մասին
Հայաստանն ընտրեց շարունակականությունը և հաստատեց իր եվրոպամետ ուղղությունը. Տուսկը շնորհավորել է ՀՀ վարչապետին
Չկա գեթ մեկ քվե կեղծված լինելու արժանահավատ ահազանգ, բոլոր տեղերում իրենց վստահված անձինք են եղել. Իոաննիսյան
Նոր Արեշում տեղի ունեցած դեպքի առթիվ նախաձեռնվել է քրեական վարույթ
Առաջիկա օրերին գործարարներն ու հանրությունը կոնկրետ կլսեն. Միրզոյանը՝ դեպի ԵՄ երկրներ արտահանումների մասին
Արամ Սարգսյանի գլխավորած կուսակցությունը շնորհավորել է Նիկոլ Փաշինյանին և ափսոսանք հայտնել
Կարապետ Պողոսյանը կալանավորվել է
Սրտանց շնորհավորում եմ ՀՀ ընտրությունների հաղթանակի առթիվ՝ ի հեճուկս զանգվածային արտաքին միջամտության. Սանդու
Ուկրաինայի խորհրդարանը պատրաստ է շարունակել Հայաստանի հետ համագործակցությունը. Ստեֆանչուկը՝ Սիմոնյանին
Եկեք շարունակենք մեր ընթացքը՝ հիմնվելով այս նոր տեմպի վրա ԵՄ-ՀՀ հարաբերություններն ամրապնդելու համար. Մեցոլա
