Հանրապետության բոլոր փողոցները պետք է բացել. Նիկոլ Փաշինյան. թարմացվող

16:30- տարբեր փողոցներում քայլերթերը շարունակվում են:

16:17- ԱԺ պատգամավոր Նիկոլ Փաշինյանը պատասխանել է քաղբանտարկյալների վերաբերյալ հարցերին: Նա ընդգծել է, որ նրանք հնարավորինս շուտ պետք է ազատ արձակվեն: Փաշինյանը նման հայտարարություն է արել այսօր՝ ապրիլի 26-ին, երթի ժամանակ:

«Հնարավորինս արագ, օր առաջ, ժամ առաջ պետք է ազատ արձակվեն քաղբանտարկյալները: Այդտեղ 2 կարծիք լինել չի կարող: Երբ այդ լիազորությունները հասանելի լինեն... ուղղակի ես պետք է խնդրեմ, որ եւս մի քանի օր համբերատար լինեն, որպեսզի այդ հարցերը լուծվեն»,- ասել է նա:

14:45- «Քաղաքացիական պայմանագիր» կուսակցությունը, «Մերժիր Սերժին» նախաձեռնությունը եւ ուսանողների ներկայացուցիչները գնացին ժողով անելու, քանի որ, ինչպես Փաշինյանը նշեց, առաջիկայում կարեւոր իրադարձություններ կան. մայիսի 1-ին վարչապետի ընտրություններն են: Նա ասաց, որ իրենց գործողությունների մանրամասները պետք է պլանավորեն:

14:44- Քիչ առաջ Հանրապետության հրապարակում Նիկոլ Փաշինյանը հայտարարություն արեց.

«Մենք դադարեցրինք ճանապարհների շրջափակման գործողությունը, որպեսզի այս օրը նվիրենք առանց պետհամարանիշերով մեքենաների բացառմանը: Եւ ես հույս ունեմ, որ այդ խնդիրը լուծել ենք: Այս հարցում, ըստ անհրաժեշտության, համագործակցում են նաեւ ոստիկանության հետ: Այսինքն՝ որեւէ առանց պետհամարանիշի մեքենա չի լինում, որեւէ լկտի վարորդ չի լինում, եւ սա շատ կարեւոր է:

Ժամը 16:00-ի դրությամբ Հանրապետության բոլոր ավտոճանապարհներն ապաշրջափակվում են, որպեսզի մարդիկ մարզերից գան հասնեն մեր ժամը 7-ի հանրահավաքին:

Երեւանի բոլոր ճանապարհներն ապաշրջափակված են: Եթե ապաշրջափակված չեն խնդրում եմ անմիջապես ապաշրջափակել»,- ասաց Նիկոլ Փաշինյանը:

14:31- Այսօր՝ ապրիլի 26-ին՝ ժամը 19.00 Հանրապետության հրապարակում կլինի հանրահավաք։ Գրված է Նիկոլ Փաշինյանի ֆեյսբուքի պաշտոնական էջում:

14:30- Նիկոլ Փաշինյանի առաջնորդած երթը Հանրապետության հրապարակում է:

13:40- Եթերից մեկի առաջնորդ Սարգիսը հայտարարեց, որ առանց պետհամարանիշի մեքենաներով չշրջեն, քանի որ դա խուլիգանություն է, ոչ թե հեղափոխություն: Նա նշեց, որ, եթե անօրինական գործողություններ անեն, դրանով ՀՀԿ-ից ոչնչով չեն տարբերվի: Նա ասաց, որ ամեն մեկը պետք է աշխատի իր վրա, պետք է սկսի աղբը գետնին չթափելուց:

13:29- Կանադահայ դերասանուհի Արսինե Խանջյանը եկել եւ միացել է շարժմանը:

13:06- Նիկոլ Փաշինյանը մեկնաբանություն չտվեց ՀՀԿ հայտարարության առթիվ, ըստ որի, Հանրապետական խմբակցությունն առանց նախապայմանների պատրաստ է բոլոր կողմերի հետ քննարկել ցանկացած հարց: Փաշինյանը նաեւ չմեկնաբանեց Գագիկ Ծառուկյանի հետ հանդիպումը: Նշեց, որ ամեն ինչի մասին կխոսի երեկոյան հանրահավաքի ժամանակ:

13:01- Նիկոլ Փաշինյանը բացատրեց, թե ինչու որոշվեց ճանապարհների շրջափակումը դադարեցնել.

«Ճանապարհների շրջափակումը դադարեցնում ենք, որպեսզի այդ նույն կետերում երթեւեկությունը հնարավոր լինի, եւ ակտիվիստները հետեւեն, թե արդյո՞ք երթեւեկության մեջ առանց պետհամարանիշի ավտոմեքենաներ կան, եւ եթե կան, կանգնեցնեն եւ խնդրեն, որ պետհամարանիշները տեղադրեն եւ միայն հետո երթեւեկեն: Որովհետեւ, եթե փակում ենք, մենք չենք տեղեկանում իրավիճակից, այսինքն՝ պետք է մեքենաների հոսք ապահովել տեսնելու համար կա՞ն այդպիսի մեքենաներ, թե՞ ոչ, եւ հայտնաբերելու դեպքում միջոցներ ձեռնարկեն»,- ասաց նա:

12:53- Քաղաքացիները վանկարկում են. «ՀՀԿ, հեռացի՛ր»:

12:46- Նիկոլ Փաշինյանի ղեկավարությամբ մեկնարկեց երթը Կոմիտասի պողոտայով:

12:43- Այսօր կեսօրին մեկնարկել են #ԻմՔայլը շարժման ակցիաները: ԱԺ պատգամավոր Նիկոլ Փաշինյանը հայտարարեց, որ ակցիաների ընթացքում հանրապետությունում ոչ ոք չպետք է առանց պետհամարանիշի մեքենա վարի:

«Հանրապետությունում չպետք է լինի առանց պետհամարանիշի ոչ մի մեքենա, լկտի ձեւով քշող ոչ մի մեքենա: Այսօր Հանրապետությունում եւ Երեւանում կարգուկանոնին թիվ 1 պատասխանատուն մենք ենք: Որեւէ մեկը չփորձի օգտվել առիթից եւ իր ապօրինի քմահաճույքները փաթաթի մարդկանց վզին: Չի լինելու այդպիսի բան: Բոլորին կոչ եմ անում մեր ճանապարհների շրջափակման գործողությունը դադարեցնել եւ էներգիան ուղղորդել երաշխավորելու, որ ոչ մի հատ առանց պետհամարանիշի, ոչ մի հատ անկանոն քշող, երթեւեկության կանոնները կոպտորեն խախտող ոչ մի մեքենա չի լինելու»,- ասաց Նիկոլ Փաշինյանը:

Տպել
2149 դիտում

Ստեփանավանում 81-ամյա տղամարդը ինքնասպան է եղել շենքի տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում