Խոշոր բիզնեսը՝ ընդդեմ փոքրի. ինչո՞ւ է Արմեն Ամիրյանը զրկում մարդկանց օրվա հացից

70-ամյա Ժենյա Մարգարյանն ու դուստրն արդեն մի քանի տարի պայքարում են իրենց շենքի ու «Հայաստան» կինոթատրոնի հարեւանությամբ գտնվող ընտանեկան փոքր բիզնեսը՝ Անդրանիկի 50/5 հասցեում գործող «Անտառային ձայներ» խանութը պահպանելու համար: Ժենյա Մարգարյանի դուստրը՝ Արաքսյա Հակոբյանը, ՀԺ-ի հետ զրույցում հայտնեց, որ մշակույթի նախարար Արմեն Ամիրյանի համահիմնադրությամբ ստեղծված «Արմեն Ակոբ» ՍՊԸ-ն ցանկանում է վերցնել իրենց օրինական 104 քմ տարածքով խանութը՝ հիմնավորելով, որ այդ տարածքը համադրվում է «Հայաստան» կինոթատրոնին պատկանող հողամասի տարածքի հետ:

Արդեն 4 տարի Հակոբյանների ընտանիքն իրենց խանութի տարածքը պահպանելու համար դատական քաշքշուկների մեջ է: Շինությունը՝ ներկայիս խանութը, դեռեւս 1997-1998 թվականներին կառուցել է Արաքսյա Հակոբյանի հայրը՝ երջանկահիշատակ Գագիկ Հակոբյանը: Իսկ Գագիկ Հակոբյանի կողմից այդ շինությունում ծավալած ձեռնարկատիրական գործունեության մասին փաստում են 1998 թվականից կատարված վճարները՝ զբաղեցրած տարածքի օգտագործման, վարձավճարի մուծման, հողի հարկի վճարման, կոմունալ վճարների անդորրագրերի առկայությունը:

Հակոբյանների խանութը

Թեեւ այն օրինական է, առկա է սեփականաշնորհման վկայական, այդուհանդերձ «Հայաստան» կինոթատրոնի շենքի նախկին սեփականատեր «Արմեն Ակոբ» ՍՊԸ -ն վարչական դատարանում վիճարկել է Երեւանի քաղաքապետարանի որոշումը, որով խանութի տարածքը օրինական կարգով տրվել է Հակոբյանների ընտանիքին: Վարչական դատարանում՝ դատավոր Հրաչ Այվազյանի նախագահությամբ, 4 տարի տեւած դատական պրոցեսը լուծվել է հօգուտ «Հայաստան» կինոթատրոնի շենքի նախկին սեփականատիրոջ:

«Կինո Հայաստանի» շենքը

Հակոբյանների ընտանիքի ներկայացուցիչ՝ փաստաբան Գեւորգ Մկրտչյանը, որոշումը բողոքարկել է Վերաքննիչ վարչական դատարանում: Գեւորգ Մկրտչյանը մեզ հետ զրույցում նշեց, որ գործը քննվում է 2014 թվականից: Առաջին ատյանում գործի քննության ընթացքում դատարանը երկու անգամ քննությունը հայտարարել է ավարտված, սակայն նորից վերսկսել է, այդ ընթացքում փոխվել է նաեւ դատավորը, սակայն 2017 թվականի նոյեմբեր ամսին «Արմեն-Ակոբ» ՍՊԸ-ի հայցը, այնուամենայնիվ, բավարարվել է, իսկ Հակոբյանները ներկայացրել են վերաքննիչ բողոք:

Թեպետ հայցը ի սկզբանե ներկայացված է հենց քաղաքապետարանի դեմ, իսկ դրա բացասական հետեւանքները կրում են Հակոբյանների ընտանիքը, սակայն նույնիսկ բավարարված պահանջի պայմաններում, քաղաքապետարանը վերաքննիչ բողոք չի ներկայացրել, դրանով կրկին ապացուցելով այն հանգամանքը, որ Երեւանի քաղաքապետարանը բախտի կամ, այսպես ասած, «արդարադատության» քմահաճությանն է թողել Հակոբյանների անվամբ դեռեւս 2003 թվականին օրինականացված շինության ճակատագիրը, իսկ դրան զուգահեռ, նաեւ այս ընտանիքի գոյության աղբյուրը:

Մայիսի 11-ին տեղի ունեցած վերաքննիչ բողոքի քննությանը Երեւանի քաղաքապետարանի ներկայացուցիչը չէր ներկայացել, ինչպես նաեւ բողոքի վերաբերյալ գրավոր չէր հայտնել իր դիրքորոշումը: Իսկ «Արմեն Ակոբ» ՍՊԸ-ի ներկայացուցիչը՝ փաստաբան Սյուզաննա Մալխասյանը, բողոքի վերաբերյալ առարկություններ չէր բերել: Ավելին՝ վերջինս այդ դատական նիստին հայտարարեց, որ Երեւանի քաղաքապետարանն էլ առարկություններ չունի:

«Փաստաբան Սյուզաննա Մալխասյանն այնքան էր համոզված իրենց հաղթանակում, որ նույնիսկ ինքը բողոքի վերաբերյալ առարկություններ չէր բերել, երբ հայտարարեց, որ Երեւանի քաղաքապետարանն էլ առարկություններ չունի: Երեւանի քաղաքապետարանի եւ «Արմեն Ակոբ» ՍՊԸ-ի նման գործելաոճի եւ վարքագծի գնահատականները թողնում եմ ձեզ, բայց նկատենք, որ Երեւանի քաղաքապետարանը, հանդիսանալով տվյալ գործով պատասխանող եւ որպես վարչական մարմին, կրելով որոշակի պարտականություններ, դրանք ուղղակի անտեսում է, եւ հարց է առաջանում՝ հօգուտ ո՞ւմ»,- մեզ հետ զրույցում ասաց Հակոբյանների ներկայացուցիչ Գեւորգ Մկրտչյանը:

Գեւորգ Մկրտչյանն առանձնացրեց մեկ կարեւոր հանգամանք եւս, որ գործով չկան թույլատրելի ապացույցներ, դատարանը առաջին ատյանում պատշաճ չի գնահատել եղած ապացույցները, հիմնվել է միայն իր կողմից նախապես ընդունված, սակայն չհաստատված հանգամանքների վրա: «Շատ կարեւոր է այն հանգամանքը, որ դատարանը չի  գնահատել նախկինում քաղաքապետարանի կողմից կայացված որոշումը, ըստ որի՝  հայցվորին պատկանող հողամասը չի կազմում 5000 քմ, այլ 3923 քմ է: Դատարանն այդ ապացույցը չի գնահատել որեւէ կերպ»,- ասաց Մկրտչյանը: Նրա վկայությամբ՝ Երեւանի քաղաքապետարանը, հանդիսանալով պատասխանող կողմ, չի կատարել իր պարտականություններն ամբողջությամբ՝ մասնավորապես, չներկայանալով դատական նիստերին.

«Այսօրվա դատական նիստում էլ հայցվորը վկայակոչեց այն հանգամանքը, որ փաստորեն քաղաքապետարանը ընդունում է այդ վճիռը: Ստացվում է այնպես, որ բացասական հետեւանքները ոչ թե քաղաքապետարանն է կրում, այլ Ժենյա Մարգարյանը: Քաղաքապետարանի մարտավարությունը  շատ պարզ է՝ չի խառնվում որոշումներին, թեպետ որոշումը ինքն է կայացրել, բայց թողնում է «Արմեն Ակոբ» ՍՊԸ-ին եւ Ժենյա Մարգարյանին: Մի կողմում կանգնած է մեծ  բիզնեսը՝ «Հայաստան» կինոթատրոնը, մյուս կողմում՝ Ժենյա Մարգարյանի փոքրիկ տաղավարը, որի հաշվին ինչ-որ հարցեր են լուծվում: Այս կերպ, մեծ բիզնեսը խոչընդոտում է մանր բիզնեսի զարգացմանը»,- ասաց Գեւորգ Մկրտչյանը:  

Նշենք, որ «Արմեն Ակոբ» ՍՊԸ-ն իր գործունեությունը սկսել է նույն «Հայաստան» կինոթատրոնի շենքում՝ Անդրանիկի 74 հասցեում, ունեցել է 21 հիմնադիր, այդ թվում նաեւ՝ Արմեն Ամիրյանը, սակայն նրա գործունեությունն այժմ դադարեցված է: Գեւորգ Մկրտչյանը նշեց, որ կինոյի շենքը «Արմեն Ակոբ» ՍՊԸ-ի կողմից օտարվելուց հետո՝ 2014 թվականից են առաջացել հիմնական խնդիրները, քանի որ տարածքը նշված է եղել 5000 քմ, սակայն փաստացի տարածքն այդքան չի կազմել, այլ պակաս՝ 3923 քմ:

Գեւորգ Մկրտչյանը նշեց, որ 5000 քմ-ի նկատմամբ սեփականության իրավունքը ճանաչվել է 2006 թվականին, իսկ խանութի սեփականատեր Գագիկ Հակոբյանի 104 քմ մակերեսով խանութինը ավելի վաղ՝ 2003-ին: 

Մեր այն հարցին, թե արդյո՞ք «Արմեն Ակոբ» ՍՊԸ-ն «Հայաստան» կինոթատրոնին կից տարածքներն էլ նման ճանապարհով է ձեռք բերել՝ փաստաբան Մկրտչյանը պատասխանեց, որ կառաջնորդվի միայն փաստերով եւ կնշի այն, որ դատական տեղեկատվական համակարգում այս ընկերության կողմից նաեւ այլ անձանց դեմ կան ներկայացված հայցեր, որոնք լուծվել են հօգուտ «Արմեն Ակոբ»-ի:

Փաստորեն, Ժենյա Մարգարյանի դեպքը «Արմեն Ակոբ» ՍՊԸ-ի բիզնեսի ճանապարհին հայտնված առաջին «խոչընդոտներից» չէ, այլ կարելի է ասել՝ հերթականն է: Նշենք, որ «Արմեն Ակոբ»-ը Արմեն Ամիրյանի կողմից հիմնվել է 2000 թվականին, իսկ 2010 թվականին հեռուստաալիքը վաճառվել է «Հոպար Մեդիա» ընկերությանը, եւ այդ հաճախականությամբ սկսվել հեռարձակել նորաստեղծ ATV հեռուստաալիքը։

Ավելի վաղ ՀԺ–ն անդրադարձել էր ՀՀ մշակույթի նախարար Արմեն Ամիրյանի՝ պաշտոնատար անձանց էթիկայի հանձնաժողով ներկայացրած իր եւ ընտանիքի անդամների նախորդ տարվա եկամուտների եւ գույքի հայտարարագրից ստացված տեղեկատվությանը, համաձայն որի՝ անցյալ հարկային տարում Ամիրյանի եկամուտները կազմել են 83,242,138 ՀՀ դրամ եւ 180.000 ԱՄՆ դոլար:

Դիմելով իրավասու մարմիններին՝ փաստաբան Մկրտչյանն ընդգծեց մի կարեւոր հանգամանք. «Իմ մոտ տպավորություն է, որ դատարանը չի ուզում ինչ-որ անձանց ցավ պատճառել, բայց ու՞մ հաշվին, դիմացինի: Քաղաքապետարանն այսօր Ժենյա Մարգարյանի հաշվին լավություն է անում «Արմեն Ակոբ»-ին: Վերջինս նաեւ արձանագրեց մեկ ցավոտ փաստ, որ հասել ենք այն իրավիճակին, երբ արդարությունը պահելն արդեն դիտարկվում է բարի կամքի դրսեւորում:

Հակոբյանների ամբողջ բակի եւ հարեւանության անունից ՀԺ-ի հետ խոսեց հարեւանուհի Սվետլանա Մաթեւոսյանը՝ ասելով. «Մենք բոլորս էլ տեսել ենք, թե տարիներ շարունակ էդ փոքր հողակտորից ինչպես է խանութ սարքել, բռերով հողը քանդել է, դատարկել, երկար ժամանակ տեղը ազատագրել՝ նոր ինչ-որ բան է սարքել Գագիկը, որը հիմա չկա:

Մենք վստահ ենք, որ սթրեսների ու այդ ամենի հետեւանքն արդյունք էր նրա առողջության կտրուկ վատթարացման եւ վաղաժամ մահվան: Այսօր էլ կինն ու աղջիկը հանապազօրյա հացի խնդիր են լուծում, որը պարզապես իրավունք չունեն իրենց ձեռքից վերցնել»,- ասաց Սվետլանա Մաթեւոսյանը: Իսկ ընտանեկան փոքր բիզնեսի պատասխանատուն՝ Արաքսյա Հակոբյանը, վստահեցրեց, որ պայքարելու են մինչեւ վերջ, եթե Հայաստանում ոչինչ չստացվի, ապա գործը մինչեւ Եվրոպական դատարան են հասցնելու:

Տպագրվել է «Հայկական ժամանակ» օրաթերթի մայիսի 15-ի համարում:

Տպել
19501 դիտում

Արմեն Սարգսյանին հավատարմագրերն է հանձնել Հայաստանում Սիերա Լեոնեի առաջին դեսպանը

Հայ-վրացական պետական սահմանի Սադախլո-Բագրատաշեն անցման կետի կամրջի շինաշխատանքները շարունակվում են

ՆԱՏՕ-ի գլխավոր քարտուղարի ներկայացուցիչը հանդիպել է Վրաստանի նախագահին. հաջորդ կանգառը Հայաստանն է

Երևան-Երասխ ճանապարհին վրաերթի հետևանքով 40-ամյա տղամարդ է մահացել

Սենատի Արտաքին հարաբերությունների հանձնաժողովը հաստատել է Անկարայում ԱՄՆ-ի նոր դեսպանի թեկնածությունը

Վանո Սիրադեղյանի հուղարկավորության կազմակերպման նպատակով ստեղծվելու է կառավարական հանձնաժողով

Հայաստանում սպասվում է բացասական ջերմաստիճան. որոշ տեղերում կլինի մինչև -3-ից -4 աստիճան ցուրտ

Այս հանգստյան օրերին Հայաստանում առաջին անգամ կանցկացվի «Դդմի տոն»

Ամենակարևորը աշխարհի վրա հետք թողնելն է. Ստամբուլում ոգեկոչել են պոլսահայ լուսանկարիչ Արա Գյուլերի մահվան 3-րդ տարելիցը

Աղասի Մարգարյանը նշանակվել է Ազգային ժողովի նախագահի օգնական

ԱՄՆ կոնգրեսականները նախատեսում են քրեական պատասխանատվության ենթարկել Թրամփի նախկին օգնականին

Սիերա Լեոնեի նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալին

Բժշկական գենետիկայի և առողջության պահպանման կենտրոնում արցախցիների համար անվճար հետազոտություններ կլինեն

2022 թվականի հունվարի 1-ից ջրի սակագինը հնարավոր է բարձրանա. ՀԾԿՀ նախագահ

Տաթևում վերահաշվարկից հետո ՔՊ-ի քվեներն ավելացել են 9-ով, «Շանթ» դաշինքինը՝ 4-ով, «Ապրելու երկիր» կուսակցությանը՝ 1-ով

Ծովինար համայնքում առաջին անգամ կանցկացվի «Թոնրատոն» փառատոնը

Վաղը 10 ժամ գազ չի լինի Արագածոտնի մարզի մի շարք հասցեներում

ՀԱՊԿ քաղաքական եւ միջազգային համագործակցության հարցերի հանձնաժողովի նիստը կանցկացվի Երեւանում

Այսօրվա վթարի հետեւանքով «Արմենիա» ՀԲԿ տեղափոխված 10 տուժածներից 3-ի վիճակը ծայրահեղ ծանր է՝ վիրահատում են

Հաճախորդները կարող են ապառիկ գնումներ կատարել ՎՏԲ բանկի ավելի քան 600 գործընկեր կազմակերպությունների վաճառակետերում

Կորոնավիրուսի վարակակիրների թիվը կտրուկ աճել է. հաստատվել է 2066 դեպք 1 օրում

Տիգրան Բարսեղյանը կարող է փոխել ակումբային գրանցումը. «Աստանան» փոխարինող է փնտրում

Արցախում կորոնավիրուսի 35 նոր դեպք է գրանցվել. 14 հիվանդի վիճակը գնահատում է ծայրահեղ ծանր

Ահաբեկչություն Դամասկոսի կենտրոնում. զոհվել է առնվազն 14 սիրիացի զինվորական (լուսանկարներ, տեսանյութ)

Պտղունք համայնքին 11 միլիոն դրամ վնասի պատճառման մասին գործը դատարանում է. մեղադրվում է համայնքի ղեկավարը

ԱԻՆ-ը հաստատում է Երևան-Գյումրի ավտոճանապարհին «Գազել»-ի կողաշրջվելու հետևանքով 5 զոհի, 13 տուժածի մասին

Հարկային և մաքսային վարչարարության ոլորտներին առնչվող հարցեր են քննարկել Ռուստամ Բադասյանն ու Լին Թրեյսին

Ինչ կոալիցիաներ կկազմվեն Գյումրիում. ինչպես են տրամադրված ընտրություններում անցողիկ շեմը հաղթահարած կուսակցությունները

ՀՀ կենտրոնական բանկը սահմանել է նոր փոխարժեքներ

ՍԱՏՄ տեսուչները լայնածավալ ստուգայցեր են իրականացրել մայրաքաղաքի խոշոր խանութներում

Երազանքը ոչինչ է առանց աշխատանքի ու պայքարի. ՔՊ-ի Կապանի թեկնածուն առաջիկայում կներկայացնի ծրագիրը

Երևանի, Արագածոտնի ու Կոտայքի որոշ հասցեներում 3-6 ժամով հոսանքազրկումներ կլինեն

Երևան-Գյումրի ճանապարհին «Գազել» է շրջվել. կա 5 զոհ, 12 վիրավոր

Նոր Խարբերդ գյուղի 6-րդ փողոցի տներից մեկում կրակ է նկատվել. մեկնել է փրկարարական երեք մարտական հաշվարկ

Հայ-ռուսական միջտարածաշրջանային 8-րդ համաժողովի շրջանակում այսօր անցկացվել է լիագումար նիստ

Թմրանյութ է հայտնաբերվել անչափահասի գրպանում (տեսանյութ)

Մալիշկայի համայնքապետարանը հրավիրում է համայնքային սեփականություն հանդիսացող հողամասի աճուրդ վաճառքի

Գառնիում ասֆալտապատվել են ներհամայնքային ճանապարհներ և արդիականացվել է լուսավորության համակարգը

Քովիդի դեմ պատվաստումային ցուցանիշով Հայաստանը զիջում է իր հարևաններին. վիճակագրություն

Բաքվից վերադարձած բոլոր տղաները Շիրակի մարզից են․ Նազելի Բաղդասարյանը «Մուրացան» բժշկական կենտրոնում է