Հաշմանդամության կարգից զրկված երիտասարդն ունի սրտի խնդիր. սոցապում դեռ ապակողմնորոշված են

ՀՀ աշխատանքի եւ սոցիալական հարցերի նախարարությունը սրտի լուրջ խնդիրներ ունեցող տղային զրկել է հաշմանդամության կարգից:

21-ամյա Գարեգին Սենեքերիմյանը 13 տարեկանում սրտի բարդ վիրահատություն է տարել եւ մինչեւ 18 տարին լրանալը ստացել է 17 հազար դրամ թոշակ: Չափահաս դառնալուց հետո, երբ փորձաքննություն է անցել կարգ ստանալու համար, աշխատանքի եւ սոցիալական հարցերի նախարարության բժշկասոցիալական փորձագիտական գործակալությունից հայտնել են, որ առողջ է ու զրկել են թոշակից:

«Տղաս 2011 թվականին վիրահատվել է, սրտի առիթմիա ունի (սրտի գործունեության խանգարում, որի դեպքում փոխվում է սրտի կծկումների հաճախականությունը` հաճախասրտություն, դանդաղասրտություն): Այդ ժամանակ սրտի ռիթմը կարգավորող ապարատ դրեցին»: Արդեն երրորդ տարին է՝ ինչ Գարեգինը թոշակ չի ստանում, մայրը՝ Նարինե Սենեքերիմյանը, ՀԺ-ի հետ զրույցում ասաց, որ բողոքելու է ու ամեն գնով տղայի հասանելիք երեք տարվա գումարը հետ է վերադարձնելու. «Երրորդ տարին է, որ երեխուս թոշակն են «ուտում» իրենք»,- պատմեց Գարեգինի մայրը:

Գարեգինը «Աստղիկ» բժշկական կենտրոնում է բուժում ստանում եւ վեց ամիսը մեկ պետք է պարտադիր բուժզննում անցնի: Մայրն ասում է՝ որոշ ժամանակ առաջ ԲՍՓ-ի (բժշկասոցիալական փորձագիտական գործակալություն) պետին է դիմում գրել, տարել, որ հանձնի, սակայն դիմումն անգամ ձեռքից չեն վերցրել: «Ասում են՝ երեխադ առողջ է. դե եթե առողջ է, թող ստորագրություն տա ԲՍՓ-ի պետը, հենց հիմա տանեմ ներկայացնեմ բժշկուհուն, ասեմ՝ հանի էդ ապարատը, ինչի՞ ես պահել երեխու վրա, եթե առողջ է: Ի՞նչ իրավունքով են իմ երեխուն երկու տարի զրկել թոշակից»,- ասաց նա:

Նարինե Սենեքերիմյանն ասում է, որ որդու սրտի ապարատը 7 տարին մեկ պետք է փոխվի: Յուրաքանչյուր 6 ամիսը մեկ պարտադիր բուժզննումներն էլ վճարովի են, բացի այդ՝ Նարինեն միայնակ մայր է: «Ապարատը դրվում է ցմահ, բազմիցս բժշկուհուն հարցրել եմ՝ հնարավո՞ր է այն հանել, ասել է՝ հնարավոր չէ: Որդուս մոտ լինում է, որ գիշերներն է սրտի կանգ լինում՝ ապարատն է միանում, լինում է՝ փողոցում քայլելուց»,- ասաց մայրը:

ՀԺ-ն զրուցեց Գարեգին Սենեքերիմյանի վիրահատությանը մասնակից եւ հետագայում վերջինիս բուժզննումն իրականացնող «Աստղիկ» ԲԿ-ի սրտաբան Մարիամ Սապոնջյանի հետ: Սրտաբանը փաստեց, որ Գարեգինն անառողջ է, բավականին բարդ վիրահատություն է տարել 13 տարեկանում, ունի պարբերաբար պարտադիր բուժզննման կարիք: Համաձայն բժշկական փաստաթղթերի՝ Գարեգինը շտապ կարգով ընդունվել է Հայաստանի Առիթմոլոգիական սրտաբանական կենտրոն, քանի որ հիվանդի մոտ ախտորոշվել է սրտի վատ աշխատանք՝ մաքսիմալ ֆիզիկական ծանրաբեռնվածության ֆոնի վրա, հեւոցներ, հաճախակի ուժեղ գլխապտույտ, չի կարողացել անգամ սենյակային պայմաններում ակտիվ լինել:

Հ.Գ. Նարինե Սենեքերիմյանը բազմիցս դիմել է եւ՛ աշխատանքի ու սոցիալական հարցերի նախարարություն, եւ՛ դրան կից ԲՍՓ, նաեւ զանգել է թեժ գիծ ծառայություն, սակայն՝ ապարդյուն: Միայն երեկ՝ հունիսի 21-ին, ԲՍՓ-ից տիկնոջն ասել են, որ ներկայացնի որդու բոլոր փաստաթղթերը, իրենք մանրամասն կուսումնասիրեն եւ սույն ամսի 26-ին Գարեգինի հերթական վերափորձաքննությունից հետո պարզ կլինի՝ կտա՞ն հաշմանդամության կարգ, թե՞ ոչ:

Մենք երկու օր անընդմեջ փորձեցինք մեկնաբանություն ստանալ աշխատանքի եւ սոցիալական հարցերի նախարարությունից, սակայն չհաջողվեց: ԲՍՓ կառուցվածքային ստորաբաժանումներում համակարգող խորհրդատու Անուշ Սիմոնյանը տեղեկացրեց, որ Գարեգին Սենեքերիմյանի փաստաթղթերն իր մոտ չեն, որ այսօր դրանք տարել են աշխատանքի եւ սոցիալական հարցերի նախարարություն, որպեսզի ուսումնասիրեն գործը:

Իսկ աշխատանքի եւ սոցիալական հարցերի նախարարությունից մենք այդպես էլ պատասխան չստացանք: Նախարար Մանե Թանդիլյանի նորանշանակ խոսնակը՝ Մանե Մադոյանը, ասաց, որ իրենց իրավասության մեջ չի մտնում քաղաքացու առողջական վիճակի մասին ինֆորմացիա տրամադրելը: Վերջինիս հավաստմամբ՝ Գարեգին Սենեքերիմյանի առողջության մասին տեղեկատվությունյուն կարող ենք ստանալ միայն նրա գրավոր համաձայնությունից հետո:

Քաղաքացի Նարինե Սենեքերիմյանն ասաց, որ ամեն անգամ իրեն քաշքշուկների մեջ են գցում, տանում բերում, ժամանակ են ձգում: «ԲՍՓ-ի աշխատողներից մի աղջիկ էր, ինձ ասում է՝ պետք է մոտը սրտի կանգ լինի, որ այդ դեպքում կարգ տան: Ասում եմ՝ դու մտածելով ե՞ս խոսում, թե՞ խոսում, նոր ես մտածում: Տղաս պիտի մահանա, որ նոր կարգ տա՞ն»,- պատմեց Նարինեն, ասաց, որ պատրաստվում է բաց նամակով դիմել Մանե Թանդիլյանին:

«Հայկական Ժամանակ»-ը Telegram-ում
Տպել
6715 դիտում

Հայր ու որդի գնացել են «Սմավերդի լիճ» կոչվող ջրամբար. տղան անզգուշաբար ընկել է ջուրը, ջրահեղձ եղել

Աստղերին արգելվել է չափազանց բաց հանդերձանքով հանդես գալ Կաննի կինոփառատոնի կարմիր գորգին

Թրամփը ժամանել է Սաուդյան Արաբիա

Կարվել են զինվորական համազգեստի նման հագուստներ. բացահայտվել է շուրջ 3 մլրդ դրամի ստվերային շրջանառության դեպք

Մարտունու մարզադաշտը վերադարձվել է համայնքին. Գլխավոր դատախազություն

Վերահաստատում եմ Սուրբ Աթոռի հետ միջպետական հարաբերությունները խորացնելու Հայաստանի հանձնառությունը. վարչապետ

Հայտնի են դպրոցականների ավարտական քննությունների օրերը

Վարդենիսի համայնքապետարանի՝ կաշառք ստանալու համար մեղադրվող պաշտոնյաների վերաբերյալ վարույթը դատարանում է

Մայիսի 13-ից Սեբաստիայի փողոցում կկատարվի երթևեկության կազմակերպման փոփոխություն

Ամուրի մարզում հայտարարվել է հրդեհավտանգ բարձր ռեժիմ. անտառային խոշոր հրդեհներ են

Հայաստանին կվերադարձվի շուրջ 100 հազար դոլար. դատարանը բավարարել է Դատախազության հայցադիմումը

Վթարային ջրանջատում Փարաքար գյուղում և Ճամբարակ քաղաքի մի մասում

Ջրվեժի հյուրանոցային համալիրներից մեկի տարածքում ձողից կախված վիճակում հայտնաբերվել է տղամարդու դի

Արևմուտքը 30-օրյա զինադադար է ցանկանում Ուկրաինային «շունչ քաշելու» հնարավորություն տալու համար. Զախարովա

Հիմնանորոգվում է Հրազդան քաղաքից Կաքավաձոր թաղամաս տանող ճանապարհը

Քոչարյանը երբեք հայրենիք չի դավաճանել, երբեք. այլ հարց է, թե որն է նրա հայրենիքը. Չախոյան

Լիբիայում սպանվել է նախագահական խորհրդի անվտանգության ծառայության ղեկավարը

Խոշոր հրդեհ Արարատի մարզի գյուղերից մեկում. այրվել են թոնրատունն ու խորդանոցը

Ուժգին քամին պոկել է տանիքի թիթեղը, հարվածել 36 շաբաթական հղիին. երեխան ծնվել է ճակատի վնասվածքով

Ամենակեղծ թեզն է, թե Ոսկեպար-Կիրանց հատվածում Ադրբեջանը ստացել է ուզածը. շատ կարևոր բան է կորցրել. Ալեքսանյան

Որոշ երեխաների մասով կարող է որոշում կայացվել առաջին դասարան ընդունել յոթ տարին լրանալու դեպքում. ԿԳՄՍ նախարար

Երևանի փողոցներից մեկում երթևեկության կազմակերպման փոփոխություն կկատարվի

Կիևը պատրաստ է Պուտինի հետ ուղիղ բանակցությունների. Զելենսկի

Քոչարյանը քաղաքական աղբանոցում է, դուրս գալու շանս չունի, «Գելափ»-ի պես կենդանուն պետք չէ հավատալ. տեսանյութ

Անկախ Հայաստանի պատմության առաջին նորակառույց ջրամբարում արդեն սկսել են ջուր կուտակել. տեսանյութ

Նոր փառահեղ էջեր կգրենք բրազիլական ֆուտբոլի պատմության մեջ. Անչելոտին՝ Բրազիլիայի հավաքականի գլխավոր մարզիչ

Ցավ եմ ապրում, երբ տեսնում եմ ընդդիմության և հասարակության որոշ շերտի հիացմունքը Ալիևի նկատմամբ. տեսանյութ

Ռոնալդուն և «Ալ Նասրի» ղեկավարությունը դադարեցրել են բանակցությունները. պատճառը հայտնի է

Ուղղությունները, որոնցով ՀՀ կառավարությունն աշխատում է ՅՈՒՆԻՍԵՖ-ի հետ, շատ կարևոր են. Խուդաթյանը՝ Վայգանդին

Տպավորված էր Հայաստանի ինքնատիպ ջերմությամբ. Արմեն Խաչատրյանը մանրամասնել է՝ ով է Լուի Ֆլիշին

Թրամփը մտադիր է մեկնել Ստամբուլ, պաշտոնական Անկարան, սակայն, տեղեկություն չունի այդ այցից

Ինչու վարչապետը գնաց Մոսկվա. ինչ մեսիջ պետք է փոխանցի Հայաստանը Եվրամիությանը. տեսանյութ

ԲՏԱ նախարարն ու Հայաստանում ԵՄ դեսպան Վասիլիս Մարագոսն այցելել են «Ինժեներական քաղաք»

Պետության գործառույթն է ապահովել արդար և մրցակցային բիզնես միջավայր. Պապոյանը՝ ՄՊՀ ներկայացուցիչներին

Պատրաստ ենք համատեղ աշխատանքի, վերահաստատում եմ մեր հանձնառությունը. Շիրակի մարզպետն ընդունել է ՄԻՊ-ին

Քարկոփ-Բագրատաշեն ուղղությամբ երթևեկությունը որոշակի ժամանակահատվածով մասնակի կսահմանափակվի

Իշխանության եկան ծակ վերնաշապիկով, կարճ ժամանակ անց դարձան Forbes-ի չափանիշներով միլիարդատերեր. Ալխաս Ղազարյան

Արարատ Միրզոյանը կմեկնի Լյուքսեմբուրգ

Մենք խլել ենք ոմանց՝ Հայաստանը ծայրագավառ դարձնելու իղձը, թույլ չենք տալու. Կոնջորյանը՝ ընդդիմությանը

Նորընտիր Հռոմի Պապի առաջին արտագնա այցի ուղղությունը հնարավոր է Թուրքիան լինի