Նորատուսցի Հայկոյի սպանության գործով մեղադրյալի նկատմամբ մի քանի անգամ մահափորձ է կատարվել

Գեղարքունիքի նախկին փոխմարզպետ Անդրանիկ Հակոբյանի որդու՝ Հայկ Հակոբյանի սպանության գործով մեղադրյալ Մեխակ Հակոբյանի, նրա ընտանիքի անդամների ու բարեկամների կյանքին վտանգ է սպառնում:

Այս մասին մեզ ահազանգեց Մեխակ Հարությունյանի մայրը՝ Անուշ Հակոբյանը, նշելով, որ պարբերաբար սպառնալիքներ են հնչեցնում իր ազգականների ու բարեկամների հասցեին, որի հետեւում կանգնած են փոխմարզպետի քրոջ որդիները՝ քրեական հեղինակություններ Արա եւ Ալիկ Բանդուրյանները:

Տիկին Անուշն առաջին անգամ է խոսում որդու հետ տեղի ունեցած դեպքի, սպառնալիքների եւ դատավարության մասին:

Բանն այն է, որ նորատուսցի Հայկոյի սպանությունից հետո Նորատուսում լարված իրավիճակը չի հանդարտվում: Իրավիճակն այն աստիճան թեժացավ, որ օրեր առաջ Սեւանի դատարանի բակում սույն գործով նիստից առաջ զինված միջադեպ տեղի ունեցավ տուժող կողմի եւ ամբաստանյալ Մեխակ Հակոբյանի հարազատների միջեւ: Միջադեպն ավարտվել էր կրակոցներով: Ամբաստանյալի հարազատներից մեկը կրակոցներ էր արձակել Գեղարքունիքի փոխմարզպետ Անդրանիկ Հակոբյանի հորեղբոր որդու՝ Ռաֆիկ Հակոբյանի ուղղությամբ: Նախկին փոխմարզպետի հորեղբոր որդին հրազենային վիրավորում էր ստացել ծնկի հատվածում: Այս գործով մեղադրյալը Անուշ Հակոբյանի եղբայրն է:

Նա ասաց, որ մեկ ու կես տարի է՝ դատավարություն է ընթանում, սակայն ոչ մի նիստ նորմալ չի ընթացել. պատճառը գյուղում ստեղծված վախի մթնոլորտն է: «Վախի մթնոլորտում են պահում (նկատի ունի տուժող կողմին-հեղ.) ամբողջ գյուղը՝ վախեցնելով, որ ինչ-որ բան կանեն: Բացի այդ՝ Գեղարքունիքի նախկին փոխմարզպետը նույն որդու քաղաքականությամբ հավաքում է Հայկի ընկերներին ու գնում խանգարում դատական նիստերը»,- ասաց Մեխակի մայրը: Վերջինս նշեց, որ մի քանի անգամ այդ խումբը մահափորձ է իրականացրել Մեխակ Հարությունյանի նկատմամբ, մասնավորապես, ըստ տիկին Անուշի՝ հարձակվել են Մեխակին տեղափոխող ոստիկանական մեքենայի վրա, փորձել շրջել այն. «Երբ մեքենան «Սեւան ՔԿՀ»-ից դատարան է տեղափոխել Մեխակին, փորձել են շուռ տալ մեքենան, որի մեջ գտնվել է ե՛ւ Մեխակ Հարությունյանը ե՛ւ ոստիկանության անձնակազմը: Հետո սկսեց այդ նույն խումբը սկզբում խանգարել դատերը մինչ նիստը դռնփակ անելը, հարձակվում էին Մեխակի, փաստաբանի վրա, փորձում ծեծել, հայհոյել: Իրենց հետ զենք-զինամթերք են բերել: Դատավորը սա տեսնելով՝ որոշել է փակ դատական նիստ անել»,- պատմեց Անուշ Հակոբյանը:

Խոսելով օրեր առաջ Սեւանի դատարանի բակում տեղի ունեցած զինված միջադեպի մասին, նա ասաց, որ 30 վկա կա, բայց ոչ մեկ չի համարձակվում գնալ դատարան, վկայություն տալ: Հունիսի 8-ին Մեխակ Հարությունյանի պապը՝ Բորիկ Հակոբյանը, գնացել է դատարան՝ վկայություն տալու, սակայն մեքենայից իջնելուն պես, ըստ տիկին Անուշի՝ տուժող կողմի հարազատները ծեծի են ենթարկել նրան: «Մեքենայից չիջած՝ հարձակվել էին 70 տարեկան մարդու վրա, ծեծի էին ենթարկել, գլուխն արնահոսության մեջ, որդին չդիմանալով նման տեսարանին՝ որսորդական հրացանով կրակել ա, որ վախեցնի տվյալ անձնավորությանը՝ Ռաֆիկ Հակոբյանին, նա է հարձակվել հոր վրա ու այդ ամենը ոստիկանության աշխատակիցների աչքի առաջ: Ի սկզբանե էլ վտանգ է եղել: Անդրանիկ Հակոբյանը, զանգելով սրա նրա ընտանիք, ասում է՝ եթե իմ որդին լիներ ձեր փոխարեն, կգնար, կխփեր, դուք պետք է գաք, ինձ հետ ա տեղի ունեցել այդ դեպքը, ի՞նչ կապ ունի, ձեզ էլ կլնի: Վախեցնում է իր քրոջ որդիներով՝ Արա, Ալիկ Բանդուրյաններով, որոնք իրենց գործողությունը ցույց տվեցին մարտի 25-ի դեպքով (այդ օրը «Արմավիր» ՔԿՀ-ում մահափորձ էր իրականացվել Մեխակի նկատմամբ,-հեղ.) ապացուցեցին, որ իրենք էլ այդ նույն վայրագությամբ առաջ են գնում»,- նշեց մեղադրյալի մայրը:

Մեր հարցին, թե ինչ հարաբերությունների մեջ է եղել որդին սպանված Հայկ Հակոբյանի հետ մինչ դեպքը, նա ասաց, որ դեպքից հետո է միայն իմացել, որ Հայկ Հակոբյանը մոտ երկու տարի անընդհատ Մեխակին ծեծել է, նվաստացրել շրջապատի մեջ, սեռական հայհոյանքներ հնչեցրել. «Հայկը իր թիկնազորով ու ոհմակով որոշել էր շատ շատերի, ինչպես մարզում շատերին են վախեցրել, այնպես էլ փորձել է իմ որդու նկատմամբ ուժ կիրառել՝ ծեծելով անընդհատ իր մեքենայի վրա քաշելով, շրջապատի մեջ նսեմացնելով, սեռական բնույթի հայհոյանքներ տալով: 2 տարի անընդմեջ նույն ձեւ ա վարվել որդուս հետ»,- ասաց նա:

Մեխակ Հարությունյանի նկատմամբ 2017 թվականի մարտին «Արմավիր» ՔԿՀ-ում տեղի ունեցած մահափորձի պատվիրատուի անունը դեռ իրավապահների համար շարունակում է անհայտ մնալ: Ըստ մամուլում շրջանառվող տեղեկությունների՝ մահափորձի հետեւում կանգնած է հենց Նորատուսցի Ալիկ Բանդուրյանը: Նույնն էլ մեր զրույցում պնդեց նաեւ մայրը. «Պատվիրատուն Ալիկ Բանդուրյանն է, նման տեղեկություն ունեմ, էն թվում, էն դարում չենք ապրում, որ դա անհնարին լինի ապացուցել, գաղտնալսումները որ հանեն, կտեսնեն. կապ չունի, որ ինքը բանտում է: Հիմա էլ տեղեկացել ենք որոշ աղբյուրներից, որ հենց Ալիկը բանտում նստած հրաման է արձակել մի քանի հոգու նկատմամբ մահափորձ կատարել, խոսքը մեր բարեկամների մասին է: Մենք դեպքից հետո լքել ենք գյուղը եւ Հանրապետությունից դուրս եկել: Հիմա էլ գնում գալիս ենք, տարբեր տեղեր ենք ապրում: Մեր հարազատների նկատմամբ են հոգեբանական ճնշում գործադրում, իջեցնում են մեքենայից, ծեծի ենթարկում, մեքենաներ են ջարդում, այրում: Այս ամենը մնում է անպատիժ: Ես վստահ եմ, որ այս ամենի հետեւում Բանդուրյան եղբայրներն են կանգնած: Անընդհատ ձգձգում են դատավարությունը, որպեսզի շուտ չբացահայտվի, թե ով է եղել Հայկ Հակոբյանը, ում միջոցով ինչ հանցագործություններ է կատարել»,- մեր զրույցում մանրամասնեց Անուշ Հակոբյանը: Նա իրավապահների ուշադրությունն է հրավիրում այս ամենի վրա:

Զրուցեցինք, նաեւ Գեղարքունիքի նախկին փոխմարզպետ Անդրանիկ Հակոբյանի ներկայացուցիչ Հովսեփ Սարգսյանի հետ: Վերջինս մեր զրույցում անդրադառնալով Հակոբյանի կողմից վախի մթնոլորտ ստեղծելուն՝ ասաց. «Մեխակ Հարությունյանի վերաբերյալ գործով դատավոր է փոխվել, նախորդ դատավորը նշանակվել է Վերաքննիչ դատարանի դատավոր, իսկ նոր դատավորն ընդամենը երկրորդ դատական նիստն է արել եւ, ըստ էության, մենք դատաքննության չենք անցել: Առաջին դատավորի նախագահությամբ մենք անցել էինք դատաքննության փուլին՝ վկաների հարցաքննության եւ որեւէ խնդիր չի եղել վկաների ներկայանալու կամ ցուցմունք տալու մասով: Այս անգամ վկաների հարցաքննության դեռ մենք չենք անցել, ես չգիտեմ՝ դատարանը իրենց ծանուցում ուղարկե՞լ է ներկայանալու համար, թե՞ ոչ: Բայց մենք դեռ նրանց հարցաքննությանը չենք անցել եւ նրանց նկատմամբ ճնշում գործադրելու փաստ ինձ հայտնի չէ: Ինչ վերաբերում է գյուղում ստեղծված մթնոլորտին՝ ես անկեղծ այդ հարցին նույնպես չեմ կարող հստակ պատասխանել, որովհետեւ ես էդ գյուղի հետ առնչություն չունեմ, չեմ կարող ասել՝ ինչ մթնոլորտ է տիրում»: Անդրադառնալով Մեխակ Հարությունյանին տեղափոխող մեքենայի վրա հարձակման դեպքին՝ փաստաբանն ասաց, որ նման դեպքի մասին չի լսել, ոչ էլ տեղեկություն ունի:

ՀՀ քննչական կոմիտեի նախագահի խորհրդական Սոնա Տռուզյանը երեկ մեր զրույցում ասաց, որ Մեխակ Հարությունյանի դեմ մահափորձի գործի անջատված մասով նախաքննությունը դեռ շարունակվում է: Այս գործով պատվիրատուի ով լինելու մասին դեռ խոսք չկա:

Տպել
7580 դիտում

Գյումրիում կախված վիճակում ռուս զինծառայողի դի է հայտնաբերվել. հարուցվել է քր. գործ, դեպքով զբաղվում է հայկական կողմը

Տավուշում շրջվել է զինվորներին տեղափոխող «Կամազ»-ը. ժամկետային 7 զինծառայող է տեղափոխվել զին. հոսպիտալ. Shamshyan.com

Բարձրագույն խմբի ձևաչափ և «լեգեոներների» սահմանափակում. Արմեն Մելիքբեկյանը դիմել է ակումբների նախագահներին. ՀՖՖ

«Ազգերը տարբեր են, բայց զգայուն մարդը բոլոր տեղերում էլ նույնն է»

ԲԴԽ և ՀՀ դատարանների պահուստային ֆոնդից կորոնավիրւսի դեմ պայքարի միջոցառումների համար հատկացվել է 14 մլն 740.000 դրամ

Հրազդանի կիրճում հետախուզվող է հայտնաբերվել և բերման ենթարկվել

ՍԱՏՄ-ն Երևանում 72 ժամով 3 հանրային սննդի օբյեկտի աշխատանք է կասեցրել. խախտվել է պարետի՝ նարգիլե օգտագործելու արգելքը

Վերահսկողական աշխատանքներ են իրականացրել Գեղարքունիքի մարզի Վարդենիս և Մարտունի քաղաքներում

Սարսանգի ջրամբարում 11 և 14-ամյա երեխաներ են ջրահեղձ եղել. գտնվել է նրանցից մեկի դին. «Արցախպրես»

Հրդեհ է բռնկվել Երևանի ամառանոցներից մեկում

Կասեցվել է «Սուրմալու» և «Փեթակ» առևտրի կենտրոների աշխատանքը. ՇՎՏՄ

Նախկին «սահմանադրական կարգի» շահառուները

Երևանի բնակարաններից մեկում տեղի է ունեցել գազի արտահոսք՝ հրդեհի բռնկմամբ

Հուլիսի 3-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 3028 դեպք (տեսանյութ)

Գոշավանքի մոտակայքում մեքենան գլխիվայր շրջվել է. 28-ամյա տուժածը հոսպիտալացվել է

Ինձ ձեզնից միայն ծափեր են պետք, այնքան, մինչև ափերդ թմրի. այսօր Մհեր Մկրտչյանի ծննդյան օրն է

ԱՀ պաշտպանության նախարար Ջալալ Հարությունյանն ամփոփել է անցկացված մարտավարական զորավարժությունների արդյունքները

Արտակարգ դրության իրավական ռեժիմի կանոնները խախտելու փաստերով արդեն 63 հազար արձանագրություն է կազմվել (տեսանյութ)

Արցախի ժողովրդի կողմից ընտրված իշխանությունները լիազորված են անհրաժեշտ մանդատով՝ առաջ տանելու խաղաղ գործընթացը

Աճառյան փողոցում մեքենաներ են բախվել. հոսպիտալացվել է վարորդներից մեկը