Մեր մեղքը. ազգային-արդյունավետ կառավարում․ Նիկոլ Փաշինյանի հոդվածը

Վարչապետ Նիկոլ Փաշինյանը Facebook-ի իր էջում վերահրապարակել է «Հայկական ժամանակ» թերթում 2006 թվականի օգոստոսի 16-ին հրապարակված «Մեր մեղքը. ազգային-արդյունավետ կառավարում» վերտառությամբ իր գրած հոդվածը։

«Սիրելիներ, այս հոդվածը գրել եմ 2006 թվականի օգոստոսին: Տպագրվել է «Հայկական ժամանակի» օգոստոսի 16-ի համարում: Վարչապետ ընտրվելուց հետո ամեն շաբաթ հիշում էի էս հոդվածի մասին, ու որոշեցի ձեզ էլ ներկայացնել: Ներկայացնում եմ ստորեւ, առանց փոփոխության:

Վերնագիր-Մեր մեղքը. ազգային-արդյունավետ կառավարում»,- գրում է Փաշինյանն ու մեջբերում հոդվածն ամբողջությամբ․

«Ամառային մի օր Իջեւանի մեր տան բակում նստած միտք էի անում պետության արդյունավետ կառավարման մասին: Փորձում էի հասկանալ, թե ինչու, այնուամենայնիվ, հնարավոր չի լինում մեր երկրում պետական արդյունավետ կառավարում իրականացնել:

Եւ այն ժամանակ, երբ ուր որ է` պետք է եզրակացնեի, որ դրա մեղավորը, ասենք, օրինակ՝ Ռոբերտ Քոչարյանն է, աչքս ընկավ մեր ծիրանի ծառին: Ամառվա այդ օրը, երբ հանրապետությունում ծիրանի բերքահավաքի ամենաթեժ շրջանն էր, մեր ծառի վրա ոչ մի ծիրան չկար:

Եւ սա բնական է, որովհետեւ ծիրանը Իջեւանում բերք չի տալիս: Անգամ խոսակցություն կա, որ Իջեւանում ծիրանը 17 տարին մեկ է բերք տալիս: Այս խոսակցությունը, սակայն եւ ուրիշների, կամ ավելի ճիշտ՝ մեր պապերի դառը փորձը մեզ չի խանգարել, որ մենք մեր այգու լավագույն տեղում երկու հատ ծիրանի ծառ տնկենք: Ու ամեն գարուն մեր ծիրանի ծառը ծաղկել է` ծաղկի 70 տոկոսը ցրտահարվել է, 20 տոկոսը կարկուտն ու անձրեւն են տարել, 10 տոկոսն էլ որդն է կերել:

Եւ այդպես, ամեն անգամ մենք չենք ընդունել մեր սխալը եւ մեզ հույս ենք տվել, որ հաջորդ տարի կարկուտ չի լինի, ցուրտ չի լինի, անձրեւ քիչ կգա: Բայց ամեն տարի նույնը կրկնվել է, որովհետեւ եղանակը, այնուամենայնիվ, շատ մեծ տատանումներ չի տալիս, ու այսպես թե այնպես՝ ամեն տարի հիմնականում նույնն է կրկնվում:

Եւ ահա, մեր ծիրանի ծառը ստիպեց ավելի լրջորեն մտածել արդյունավետ պետական կառավարման մասին եւ դա անել սեփական օրինակով: Հարցը հետեւյալն է. մեզ` մեր ընտանիքին, բաժին է հասել այս փոքրիկ, երեք-չորս հարյուր քառակուսի մետրանոց հողակտորը: Դա մի տարածք է, որտեղ մենք ե՛ւ նախագահ ենք, ե՛ւ վարչապետ. կառավարիչ՝ կարճ ասած:

Եւ խնդիրը հետեւյալն է. ինչքանո՞վ ենք մենք արդյունավետ իրականացնում մեզ բաժին հասած տարածքի կառավարումը եւ ինչքանո՞վ ենք այն կարողանում ծառայեցնել ինքներս մեր բարեկեցությանը: Հարցը կարեւոր է ոչ միայն բարեկեցության, այլեւ արդյունավետ կառավարումը մեր մեջ որպես մտածելակերպ, գենետիկ կոդ սերմանելու իմաստով:

Որովհետեւ, եթե այսօր դու կառավարիչ ես 400 մետր հողակտորի եւ արդյունավետ չես կառավարում այն, ինչպես կարող ես երկիրը արդյունավետ կառավարել, եթե հանկարծ հայտնվես երկրի կառավարչի կարգավիճակում: Ու չէ՞ որ ՀՀ ամեն քաղաքացի կառավարման փորձը ձեռք է բերում առաջին հերթին իր տնտեսության, այգու, տնամերձի կառավարմամբ, ու սա այն քաղաքացին է, որ նախագահ, վարչապետ, նախարար լինելու իրավունք ունի:

Կարճ ասած, այն ժամանակ, երբ ես Հայաստանի անարդյունավետ կառավարման համար հզոր մեղադրանքներ էի պատրաստվում տեղալ, ասենք, պայմանականորեն՝ Ռոբերտ Քոչարյանի եւ նրա թիմի վրա, մեր ծիրանի ծառը ինձ համոզեց հանգիստ թողնել Քոչարյանին ու նրա ավազակախմբին:

Եւ եկեք նայենք, թե ինչպես ենք մենք կառավարում մեր տնամերձը: Գանք վերեւից. բալի ծառ, որն, ըստ էության, երբեք բերք չի տալիս. հիվանդ է, ի՞նչ է` չգիտեմ: Կեռասի ծառ, որ մեծ հաշվով երբեք բերք չի տալիս՝ նույն պատճառով, ինչ որ ծիրանը: Կարալյոկ. երկու ծառ. այստեղ ամեն ինչ կարգին է: Հետո կողք-կողքի շարված են սեւ ու դեղին սալորի ծառեր:

Սրանք այն ծառերն են, որոնք Իջեւանի պայմաններում հոյակապ բերք են տալիս, բայց մենք այդ ծառերը այնպես ենք լցրել իրար գլխի, որ նրանց, ըստ էության, զրկել ենք բերք տալու հնարավորությունից:

Հիմա գանք մեր տնամերձի բոստանային մասին. այստեղ ցանված են լոլիկ, վարունգ, լոբի, պղպեղ: Ամեն տարի համտեսում ենք մեր բոստանի բերքն ու իրար համոզում, թե շատ համով է: Բայց այսքան տարի չենք էլ նկատել, որ լոլիկը իջեւանյան մեր բակում հասունանում է այն ժամանակ, երբ շուկայում այն լինում է 60-100 դրամ, ու, փաստորեն, գուցե շատ ավելի ձեռնտու է այն գնելը: Նույնը, ըստ էության, կարելի է ասել նաեւ մյուս մշակաբույսերի մասին:

Կարճ ասած, ակնհայտ է, որ մեր տնամերձը խայտառակ անարդյունավետ է կառավարվում: Ցանկապատի վրայով նայում եմ մեր հարեւանների տնամերձներին՝ նույն վիճակն է: Ու այսպես, երկրում անարդյունավետ են կառավարվում հարյուր հազարավոր տնամերձներ, եւ այս պայմաններում անհասկանալի է, թե ինչու պետք է երկիրը արդյունավետ կառավարվի: Ինչի՞ հաշվին:

Ելք կա

Բնականաբար, մեր տնամերձի արդյունավետ կառավարման հարցը ես բարձրացրի մեր ընտանիքում: Ներկայացրի բոլոր փաստարկները` ծիրանի, կեռասի, լոլիկի եւ մյուս բաների մասին: Ոչ մի հակափաստարկ չհնչեց: Սկսեցինք մտածել ելքի ուղիների մասին:

Եղբայրս, որ գյուղատնտես է, արեց թերեւս ամենաօպտիմալ առաջարկը. անհրաժեշտ է տնամերձի ողջ տարածքով տնկել սեւ սալորի ծառեր եւ լրջորեն զբաղվել դրանց մշակմամբ: Հիմնավորումը հետեւյալն է. սեւ սալորը Իջեւանի պայմաններում հոյակապ բերք է տալիս, բուժման կարիք չունի, եւ դրա չիրը շուկայում մեծ պահանջարկ ունի ու թանկ արժի:

Սա իսկապես հոյակապ գաղափար է: Նշանակում է՝ հենց աշնանը այգին պետք է մաքրել ամեն տեսակ այլ ծառերից, գտնել լավ տնկիներ եւ ողջ տարածքը տրամադրել 6-8 սեւ սալորի ծառերի: Բայց մի փոքր պրոբլեմ կա. այս ամենը պահանջում է կամք, աշխատանք, համառություն: Համ էլ անհրաժեշտ է սալորաչիր անելու ձեւը սովորել, հետո էլ անհրաժեշտ է այդ սալորաչիրը իրացնելու ուղիներ փնտրել: Լավ, լավ, վերջ տվեք. ո՞վ էդքան զահլա ունի:

Համ էլ մեզանից այգեգործ ու առեւտրական դուրս չի գա: Ահա այսպես. հաջորդ մարտին մեր ծիրանը կրկին կծաղկի, ու ծաղիկը ցուրտը կտանի, մեր կեռասը կչեչոտի ու այդպես էլ կեռաս չի դառնա: Մեր լոլիկը կհասնի օգոստոսի վերջին, ու ես՝ մի շաբաթ-կիրակի Երեւանից ժամանած լրագրողս, կհամտեսեմ այն, եւ թարմ լոլիկի հոտը ինձ կտանի դեպի իմ մանկության խորքերը, կհիշեցնի իմ կյանքի մոռացված դրվագներ, որոնք անսահմանորեն կհուզեն իմ հոգին:

Ահա այսպիսի տխմար արժեքների գերին ենք ես ու մեր ժողովուրդը»:

Նիկոլ Փաշինյան

«Հայկական Ժամանակ»-ը Telegram-ում
Տպել
6271 դիտում

Հայաստանում ԲՏԱ ոլորտն աստիճանաբար դառնում է առաջնորդող. Հակոբ Արշակյանի ելույթը ԱՏՁՄ 24-րդ համաժողովին

Ռուսաստանի և Ուկրաինայի հարցերով ԱՄՆ հատուկ ներկայացուցիչ Քիթ Քելլոգը ժամանել է Կիև. տեսանյութ

Մի քանի տարածաշրջանում ձյուն է տեղում. բքի և ցածր տեսանելիության պատճառով Վարդենյաց լեռնանցքը դժվարանցանելի է

Ստեղծվել է ազգային անվտանգության ռազմավարության վերանայման աշխատանքները համակարգող միջգերատեսչական հանձնաժողով

Վարչապետը 50 մլն դրամ և ավել հարկ վճարած ընկերությունների ղեկավարներին հրավիրում է աշխատաժողովի. մանրամասներ

Որքան ավելի ազնվորեն ենք վերաբերվում մեր անցյալին, այնքան ավելի ամուր հիմք ենք դնում ապագայի համար. Հակոբյան

Դու մի վատ հուշ ես սերժական, միշիկական անցյալից, վերացող տեսակ. Ալեն Սիմոնյանը՝ Թագուհի Թովմասյանին

Կարևորվել է ՎԶԵԲ-ի դերը Հայաստանում. փոխվարչապետն ընդունել է Ալկիս Դրակինոսի գլխավորած պատվիրակությանը

Անկում տարադրամի շուկայում. ինչ փոփոխություններ են արձանագրվել փետրվարի 19-ին

Ադրբեջանի նախագահի օգնականը և Իսրայելի վարչապետը տարածաշրջանային իրադարձություններ են քննարկել

Սպասվում է Հայաստանում վենչուրային նոր ֆոնդերի մուտք և մասշտաբային ծրագրերի իրականացում. Արշակյան

ՔԿԾ պետը և ԵԽ երևանյան գրասենյակի ներկայացուցիչը շրջայց են կատարել «Արթիկ» և «Վանաձոր» ՔԿՀ-ներում

Վարդապետյանը սահմանված ժամից շուտ աշխատավայր ներկայացած 30 աշխատակցի թումանյանական երկտողով գրքեր է նվիրել

Գագիկ Սուրենյանը գրառում է կատարել

Մի քանի օր շարունակ ՀՀ ամբողջ տարածքում սպասվում են ձյան առատ տեղումներ, մերկասառույց, բուք, քամու ուժգնացում

Բացառիկ իրադարձություն. Հայաստանում առաջին անգամ փաստագրվել է բտիկաթև կիվիվի բնադրումը. մանրամասներ

Համընդհանուր հայտարարագրման համակարգում սոցիալական կրեդիտների վերադարձի շրջանակն ընդլայնվել է

Հունվարին Հայաստան է եկել շուրջ 140 հազար զբոսաշրջիկ. հայտնի է՝ որ երկրներից են ամենաշատն այցելել

Արագածոտնում «Օպել»-ը դուրս է եկել երթևեկելի գոտուց և գլխիվայր հայտնվել դաշտում. կան տուժածներ

Սաստիկ բքի և ցածր տեսանելիության պատճառով Վարդենյաց լեռնանցքը որոշ մեքենաների համար դժվարանցանելի է

Ջրասուզակներն ու փրկարարները որոնում են Կիևյան կամրջից գետը նետված քաղաքացուն

Վարչապետը հայտնել է գաղափարախոսական ուղերձով ժողովրդին դիմելու մասին

Ինչ գիրք է նվիրել ցմահ դատապարտյալը արդարադատության նախարար Սրբուհի Գալյանին

Գլխավոր դատախազությունը պարզաբանում է տարածել ՌԴ քաղաքացի Էմիլ Թորոսյանի արտահանձնման վերաբերյալ

Ի՞նչ գրքեր են կարդում վարչապետն ու Աննա Հակոբյանը, ի՞նչ գիրք են նվիրելու և կցանկանային նվեր ստանալ. «Զարկերակ»

Ռուբեն Մխիթարյանը հայտարարել է, որ «Դոգ»-ի հետ նույն դաշտում են խաղում. տեսանյութ

Գյումրիի նախկին համայնքապետը հետախուզվում է. նա որդու հետ օտարել է մասնավորեցման ոչ ենթակա «Սև Բերդ» ամրոցը

Սպիտակ տունը տեսանյութ է հրապարակել՝ ցուցադրելով ձեռնաշղթաներով միգրանտների արտաքսումը. տեսանյութ

Ստեփանծմինդա-Լարս ճանապարհի մի մասում երթևեկությունը կիրականացվի անկանգառ, 2 հատվածում այն սահմանափակվել է

Գիրք նվիրելու օրը գրքեր գնեցի եւ նվիրեցի. վարչապետ. տեսանյութ

Հայրապետյանը և ԱՄԷ պաշտպանության հարցերով պետնախարարը պայմանավորվել են ընդլայնել փոխգործակցությունը

Մենք Կիևին տրամադրել ենք 350 մլրդ դոլար, որտե՞ղ է այդ գումարը, ո՞ւր է այն գնում. Թրամփ

Ուժեղ բքի և ցածր տեսանելիության պատճառով Ալագյազից Գեղադիր ճանապարհը դժվարանցանելի է

Թռիչք գրքի թևերով. Բվիկն ու Իդրամը խթանում են սերը ընթերցանության հանդեպ

Մեկնարկել է համահայաստանյան «Իսկական հերոսը» շարադրությունների մրցույթը

Վարորդը տարեց մարդուն կոշտ ձևով դուրս էր հրավիրել, այդ մարդն անվճար փաթեթ ստացավ․ Գալջյան

ՌԴ-ում երիտասարդը 18-րդ հարկից ընկել է մեքենայի վրա և ողջ մնացել. տեսանյութ

Հրդեհված ճաշարանը վերանորոգվել և նոր գույքով համալրվել էր նախորդ տարի. ՊՆ

Վալոդյա Գրիգորյանը տապալել է Փարաքարի բյուջեի հաստատման նիստը՝ մեծ վնաս հասցնելով համայնքին. հայտարարություն

ՊՆ N զորամասի ճաշարանում բռնկված հրդեհը մարվել է. տուժածներ չկան