Դպրոցականներին գնահատականը նվիրե՞լ, թե՞ չնվիրել. այս է խնդիրը

Դպրոցականների ավարտական քննությունները միասնական-կենտրոնացված ընթացակարգով անցկացնելու մասին կրթության եւ գիտության նախարարի հայտարարությունը ոլորտի ներկայացուցիչների ու փորձագետների շրջանում միանշանակ չի ընդունվել: Շատերը դա շտապողականություն են որակավորում ու կարծիք հայտնում, որ ավարտական արդյունքները խոշորացույցի տակ առնելուց առաջ պետք է կրթական միջավայրը բարելավել եւ պայմաններ ստեղծել որակյալ կրթություն ապահովելու համար:

Նախարար Արայիկ Հարությունյանը օրեր առաջ մեկնարկած օգոստոսյան խորհրդակցությունների ընթացքում տնօրեններին տեղեկացրել էր, որ նախատեսվում է ավարտական քննություններն այսուհետ անցկացնել դպրոցից դուրս՝ Գնահատման եւ թեստավորման կենտրոնի վերահսկողությամբ: «Ես նախորդ տարի գնացել էի մի քանի ավարտական քննության, եւ այն տնայնավարությունը, որ կար այդ քննությունների ժամանակ, համարում եմ անթույլատրելի: Մենք կարծում ենք, որ այսկերպ ավարտական քննություններ անցկացնելը ամենեւին չի արտացոլում աշակերտների իրական գիտելիքները: Ես ձեզ խնդրում եմ, որ բոլոր աշակերտներին, հատկապես ավարտական դասարանների, տեղեկացնեք սրա մասին, որպեսզի մայիսին նրանք փաստի առաջ չկանգնեն եւ ամենեւին հույս չունենան, որ տիկին Պողոսյանը, պարոն Պետրոսյանը նախկինի պես հնարավորություն են ունենալու ավարտական քննությունների ժամանակ իրենց օգնելու: Նրանք պետք է ինքնուրույն հանձնեն իրենց քննությունները»,- ասել էր Արայիկ Հարությունյանը:

Կրթության փորձագետ Սերոբ Խաչատրյանը նախարարությանն առաջարկում է չշտապել դպրոցների ավարտական քննությունները կենտրոնացված անցկացնելու հարցում։ «Նախ, պետք է ավելացնել ներդրումները, բարելավել կրթության կազմակերպման գործընթացը, հետո նոր խստացնել արդյունքի վերահսկումը։ Ժամանակակից աշխարհում հիմնական ներդրումներն արվում են գործընթացը բարելավելու ուղղությամբ։ Բացի այդ, կարեւոր է նոր ուսումնական տարին սկսել հաճելի նորություններով, որպեսզի ուսուցիչները ոգեւորված մտնեն դասարաններ։ Ուսուցչի բարձր տրամադրությունը մեծ դեր ունի որակյալ կրթության ապահովման գործում»,- ՖԲ իր էջում կարծիք է հայտնում նա՝ առաջարկելով լուրջ քննարկումներ կազմակերպել։

Մեկ այլ փորձագետ՝ Անահիտ Բախշյանը, դրական է գնահատում նախանշվող փոփոխությունը: «Շատ կարեւոր քայլ է անում պարոն Հարությունյանը: Առաջին տարում կազմակերպելը դժվար կլինի, բայց այն կհաղթահարվի, միայն թե իսկապես 12-ամյա պարտադիր կրթության համար միջին մասնագիտական ու արհեստագործական ուսումնական հաստատությունները, հատկապես մարզերում, հասանելի չեն գյուղերում ապրող երեխաների համար, ու նրանք չեն կարող օգտվել միջնակարգ դպրո՞ց, թե՞՝ միջին մասնագիտական կրթություն այլընտրանքից: ...այս քայլը կխթանի աշակերտների կրթության որակի նկատմամբ դպրոցների տնօրենների պատասխանատվության ավելի բարձր աստիճան, մնում է լուծել ուսուցչին պատվաբեր աշխատավարձ տալու եւ ժամանակակից դպրոցի պահանջներին համապատասխան մանկավարժական կադրերի պատրաստման խնդիրները: Իհարկե ուրախ կլինեմ մասնակցել այդ քննարկումներին»:

Սերոբ Խաչատրյանի կարծիքն ընդունում կամ իրենց անհամաձյանությունն են հայտնում համակարգի տարբեր ներկայացուցիչներ: Քնարիկ Հարոյանը հիշեցնում է, թե ինչ բարձիթողի վիճակում է կրթությունը. «Պարզապես անհրաժեշտ է հսկողությունը խստացնելը: Անհասկանալի է՝ ուսուցիչներն ինչու՞ են խուճապի մատնվել: Աշխատել է պետք, ուրիշ ոչինչ: ...Թող ուսուցիչները իրենց ակադեմիական գիտելիքները կատարելագործեն, իսկ աշակերտները պարտադիր սովորեն. արդյունքը կլինի ակնառու...Թե չէ պարզ է, որ շատերին էր ձեռնտու թեթեւ աշխատելը կամ ընդհանրապես չաշխատելը: Կրթությունը, որը կոլապսի մեջ է, հաստատ պետք է փրկվի»: «Ես չէի ասի, որ ուսուցիչները թեթեւ են աշխատել, ճիշտ հակառակը՝ գերծանրաբեռնված են աշխատել ու պարտադրված աշխատել են ձեւի, ոչ թե բովանդակության վրա: Խնդիրը խուճապը չէ, խնդիրը մտահոգությունն է: Որքանո՞վ է ճիշտ վերջից սկսելը: Հենց աշակերտի համար է նաեւ մտահոգությունը, որ անկախ իր ունակություններից պարտադիր սովորելու է մինչեւ 12-րդ դասարանը»,- հակադարձում է Նաիրա Բարիկյանը:

Այսպիսով, բախվում են դպրոցականների ավարտական քննությունները միասնական տարբերակով ու պետության աչալուրջ հայացքի տակ անցկացնելու վերաբերյալ թեր եւ դեմ կարծիքները: Բայց մի բան ակնհայտ է՝ համաձայն չլինել, որ քննությունների ժամանակ գնահատականը պետք է չնվիրել ու որ այն պետք է արտացոլի աշակերտի իրական գիտելիքը, նշանակում է կողմ լինել, որ շարունակվեն ներկայիս ավանդույթները եւ այդ քննություններն այնքան էլ գիտելիքի ստուգում չլինեն: Այնինչ նախարարը խոսել է ընդամենը չափազանցված գնահատականներ չնշանակելու մասին:

Անդրադառնալով խնդրի վերաբերյալ քննարկումներ հրավիրելու պահանջին՝ կրթության եւ գիտության նախարարության լրատվական ծառայությունից պատասխանեցին, որ դրանք անպայման կազմակերպվելու են: Համապատասխան քննարկումներ առայժմ անցկացվել են միայն գերատեսչության ու կառուցվածքային ստորաբաժանումների մասնագետների հետ:

Տպել
14847 դիտում

Վաղվանից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին