N5 եւ N203 երթուղիների հակամարտությունը շարունակվում է. մեկը մյուսի պատճառով վնասներ է կրում

Երեւանի N5 երթուղային ավտոբուսը, որի ուղեգիծն անցնում է Կենտրոնական ավտոկայարանից մինչեւ Ջրվեժ, շարունակում է չաշխատել կամ գրեթե չաշխատել, ու այդպես է արդեն մոտավորապես 20 օր: Ավտոկայարանում երեկ ուղեւորները որոշակի ժամանակ սպասելուց հետո սկսում էին հետաքրքրվել ու պարզում էին, որ իրենց անհրաժեշտ վայրը հասնելու համար ստիպված են այլընտրանքային տրանսպորտ գտնել:

N5 երթուղին գործում է քաղաքապետարանի ենթակայությամբ, որտեղից ավելի վաղ պարզաբանել էին, որ ավտոբուսների չաշխատելու պատճառը վարորդների դժգոհությունն է, ինչն էլ իր հերթին կապված է «Էջմիածին-Երեւան-Էջմիածին» միջմարզային N203 միկրոավտոբուսային երթուղու հետ, որը սպասարկող տրանսպորտային միջոցները ուղեգիծը Երեւանի ավտոկայարանում ավարտելու փոխարեն հասնում են մինչեւ մետրոպոլիտենի «Երիտասարդական» կայարան, Աբովյան պուրակ, ինչի պատճառով խաթարվում է մասնավորապես N5 ավտոբուսային երթուղու բնականոն աշխատանքը: Ասել կուզի՝ ներքաղաքային այս երթուղում նկատվում է ուղեւորահոսքի նվազում:

Ավտոկայարանում մեր հարցումների ժամանակ պարզ դարձավ, որ N203 երթուղում աշխատում են երկու տեսակի ու մակնիշի տրանսպորտային միջոցներ՝ «Գազել» եւ «Գազել Նեքստ»: Մինչեւ Աբովյան պուրակ հասնում են միայն երկրորդ խմբի ավտոմեքենաները, եւ ուղեվարձն արժենում է 300 դրամ: Այն դեպքերում, երբ երթուղին ավարտվում է ավտոկայարանում, տոմսը 250 դրամ է:

«Էջմիածին-Երեւան-Էջմիածին» երթուղու աշխատակիցները նկատում էին, որ ուղեգիծն ավտոկայարանից հետո շարունակելը, իսկ հետո վերադառնալը շատ հարմար է ուսանողներին, որովհետեւ նրանք դրա շնորհիվ խնայում են ժամանակ, նյարդեր եւ գումար: Այսինքն՝ Էջմիածնից գալով Երեւան՝ ավտոկայարանում չեն իջնում, տրանսպորտ չեն փոխում եւ ստիպված չեն լինում դասի հասնել գերբեռնված ավտոբուսով, իսկ 100 դրամ վճարելու փոխարեն լրացուցիչ վճարում են 50 դրամ: Նույնը՝ նաեւ Երեւանից Էջմիածին վերադառնալիս: Երթուղու աշխատակիցները վստահեցնում էին, որ հավելյալ այդ ճանապարհն անցնելով՝ կանգառներից ուղեւորներ չեն վերցնում՝ մյուս երթուղիների աշխատանքը չվնասելու համար եւ լրացուցիչ ծառայություններ են մատուցում միայն Էջմիածնից իրենց փոխադրած ուղեւորներին: Նկատում էին նաեւ, որ տվյալ ուղեգծով անցնող այլ երթուղիներից դժգոհություններ չեն լինում, եւ բողոքները ստացվում են միայն քաղաքապետարանի ներկայացուցիչներից, որոնք ընդհուպ ընդհարման են գնացել իրենց հետ:

Զրուցեցինք նաեւ N33 երթուղու «Գազելներից» մեկի վարորդի հետ: Նա նկատեց, որ Էջմիածնից Երեւան ժամանած եւ այլ ուղղություններով ճանապարհը շարունակող ուղեւորահոսքի նվազում իրենք չեն նկատում, որովհետեւ նախկինում էլ նրանք օգտվել են, ըստ էության, միայն N5 ավտոբուսից:

Ինչպես ավտոկայարանում մեզ փոխանցեցին, Էջմիածնից ամեն օր Երեւան է փոխադրվում մոտավորապես 250 ուսանող եւ նույնքան էլ, փաստորեն, վերադառնում: Այսինքն՝ N5 ավտոբուսային երթուղին զրկվել է օրական 500 ուղեւորից: Դա նշանակում է, որ խոսքը վերաբերում է ընդհանուր առմամբ 50 հազար դրամ կազմող ուղեվարձին: Երեւանի քաղաքապետարանի պաշտոնական կայքում հրապարակված տվյալների համաձայն, աշխատանքային օրերին երթուղում շարժակազմի թվաքանակը 13 է: Այսինքն՝ ստեղծված այս իրավիճակում նրանցից յուրաքանչյուրի դեպքում օրական եկամուտը կրճատվում է մոտ 4 հազար դրամով: Վարորդների օրվա պլանը կազմում է մոտավորապես 60 հազար դրամ:

Բայց անկախ այս թվաբանությունից ու կրճատված եկամտի մեծ կամ փոքր չափից, նշվում է, որ N203 միկրոավտոբուսները ավտոկայարանում երթուղին ավարտելու փոխարեն Երեւանի կենտրոն են հասնում՝ լիցենզիայի պահանջները խախտելով:

Տրանսպորտի, կապի եւ տեղեկատվական տեխնոլոգիաների նախարարությունից չեն հերքում միջմարզային երթուղու խախտման հանգամանքը: Փոխադրումների քաղաքականության բաժնի պետ Դավիթ Մելքոնյանը հաստատեց, որ N203 երթուղին սպասարկելու համար տրամադրված լիցենզիան նախատեսում է, որ Երեւանում դրա վերջնակետը պետք է լինի Կենտրոնական ավտոկայարանը: «Խախտումը արձանագրում է ընդհանուր առմամբ տրանսպորտային տեսչությունը, բայց մենք այդ հարցը պատրաստվում ենք քննարկել Երեւանի քաղաքապետարանի հետ: Կքննարկենք, մյուս շաբաթվա ընթացքում կտեղեկացնենք»,- ասաց նա: Երթուղային գիծն, ըստ բաժնի պետի, երկարեցվել է բացառապես ուսանողներին օգտակար լինելու նպատակով: Հարցին, թե նրանցից բողոքնե՞ր են ստացվել, ինչի համար այդպես է որոշվել, թե՞ այլ պատճառ կա, Դավիթ Մելքոնյանը պատասխանեց. «Առանձնապես որոշում չկա: Մենք այդ հարցը պատրաստվում ենք քննարկել քաղաքապետարանի հետ: Կքննարկենք, հետո պաշտոնական հաղորդագրություն կտարածենք: Ինչ վերաբերում է այն հանգամանքին, որ մետրոյի «Երիտասարդական» կայարան են հասնում միայն «Գազել նեքստ» մակնիշի միկրոավտոբուսները, նախարարության պաշտոնյան պատճառաբանեց. «Որովհետեւ դրանք ավելի բարձր դասի մեքենաներ են եւ նոր են»:

Տպել
9355 դիտում

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան