Ահազանգում են Ստանիսլավսկու դերասանները. թատրոնը փակման վտանգի առա՞ջ է, նրանք դիմում են վարչապետին

Կոնստանտին Ստանիսլավսկու անվան ռուսական դրամատիկական թատրոնի ստեղծագործական անձնակազմի 21 անդամը կրկին ահազանգում է: Նրանք մտահոգված են եւ հայտնում են, որ ռուսական թատրոնին վտանգ է սպառանում: Մի կողմից ամիսներով թատրոնի գեղարվեստական ղեկավարի թափուր պաշտոնի անլուծելի հարցն է, մյուս կողմից՝ այդ գործում անհամապատասխան մարդկանց ներգրավվածությունը, որը կարող է ավարտվել ռուսական թատրոնի փակմամբ:

Ավելի վաղ ՀԺ-ն անդրադարձել էր այս խնդրին, տեղեկացրել, որ նախկին գեղղեկավար Ալեքսանդր Գրիգորյանի մահից հետո թատրոնն արդեն մեկ տարի է՝ առանց գեղարվեստական ղեկավարի է։

«Հունիսի 21-ի մեր ահազանգից հետո թատրոն այցելեց մշակույթի նախարար Լիլիթ Մակունցը եւ պաշտոնապես հայտարարեց, որ այսուհետ մենք պետք է ընտրեք գեղարվեստական ղեկավար: Տվեց մեզ վերջնաժամկետ մինչեւ սույն թվականի հոկտեմբերի 1-ը եւ հայտնեց, որ ինքն իրավասու չէ նշանակում կատարել։ Մակունցի հայտարարությունից հետո, երկար փնտրելով՝ մենք գտանք թեկնածու, ի դեմս ռուսաստանաբնակ ռեժիսոր Կարեն Հայկի Ներսիսյանի, սակայն մշակույթի նախարարությունը նրան մերժեց»,- հայտնեցին դրամատիկական թատրոնի դերասանները։

Ստանիսլավսկու անվան ռուսական դրամատիկական թատրոնի դերասանները վստահ են, որ Կարեն Ներսիսյանն օժտված է գեղարվեստական ղեկավարի պաշտոնի համար անհրաժեշտ բոլոր նախադրյալներով՝ երկար տարիների ղեկավարման փորձ ունի, հրաշալի ռեժիսոր է ու իր գործի մասնագետը։

«Ներսիսյանը սիրով համաձայնեց այսուհետ ապրել եւ ստեղծագործել իր հայրենիքում։ Նա մեր խնդրանքով, հուլիսի 14-ին ժամանեց Երեւան, ծանոթացավ ստեղծագործական անձնակազմի հետ։ Մենք համոզվեցինք, որ առավել քան ճիշտ ընտրություն ենք կատարել, սակայն օգոստոսի վերջին պարզվեց, որ տիկին Մակունցը սխալվել է, եւ որ օրենքով գեղարվեստական ղեկավարին թատրոնը չի ընտրում, այլ նշանակում է նախարարը»,- հայտնեցին դերասանները:

Նաեւ փոխանցեցին, որ հայտարարություն անելուց մի քանի օր անց Լիլիթ Մակունցը Ստանիսլավսկու թատրոնի դերասանուհիներից մեկի հետ պատահական հանդիպման ժամանակ ասել է, թե ցավում է, որ սխալվել է գեղարվեստական ղեկավարի ընտրության հետ կապված, եւ որ հոկտեմբերի 1-ին՝ ժամը 11-ին, բոլոր թեկնածուները պետք է ներկայանան նախարարություն, մասնակցեն հարցազրույցի, որպեսզի մինչ հոկտեմբերի 7-ը գեղարվեստական ղեկավար նշանակվի:

Նշենք, որ կայանալիք հարցազրույցի մասին մշակույթի նախարարությունը հայտարարություն էր տարածել նաեւ պաշտոնական կայքում: Սակայն, ինչպես դերասաններն են պնդում, մի քանի օր անց, մշակույթի նախարարության աշխատակիցներից մեկը զանգահարել է Կարեն Ներսիսյանին եւ հայտնել, որ նա կարող է չներկայանալ, քանի որ հարցազրույց չի լինելու։

«Մենք փորձեցինք կապ հաստատել փոխնախարար Նազենի Ղարիբյանի հետ, սակայն նա հերթական անգամ չարձագանքեց։ Չարձագանքեց նաեւ նախարարի ընդունարանը։ Արդեն չորս շաբաթ է՝ հանդիպում ենք խնդրում նախարարից, որևէ պատասխանի չենք արժանանում»,- ասացին դերասանները։ Վերջիններս նշեցին, որ ըստ իրենց հասած տեղեկությունների՝ թատրոնի գեղարվեստական ղեկավարի պաշտոնին է հավակնում նաեւ ռեժիսոր Սուրեն Շահվերդյանը։

«Շահվերդյանն իր հարցազրույցներից մեկում հայտնել է, որ հանդիպել է տիկին Ղարիբյանի հետ եւ մեծ սիրով պատրաստ է ստանձնել այդ պաշտոնը։ Ստացվում է, որ տիկին Ղարիբյանը անհատական հանդիպումներ կարող է ունենալ այս կամ այն արվեստագետի հետ, սակայն մի ամբողջ խմբի ուղղակի արհամարհում է»,-բողոքեցին դերասանները։

Ինչ վերաբերում է Սուրեն Շահվերդյանին, ապա նրանք մեծ մտահոգություն ունեն այս անձի հետ կապված, ինչն էլ բացատրում են ամիսներ առաջ «Կեսգիշերն անց» հաղորդման ժամանակ վերջինիս կողմից արված հետեւյալ հայտարարությանը. «Անկախ Հայաստանում ունենալ ռուսական թատրոն՝ ուղղակի անհեթեթություն է, այդ եւ նմանատիպ թատրոնները պետք է փակել»:

«Հարց է առաջանում՝ ինչպես է պարոն Շահվերդյանը, որն այդքան մեծ ատելությամբ է լցված մեր հանդեպ, պատրաստվում ղեկավարել այս թատրոնը»,- մտահոգված են դերասանները։ 

Սուրեն Շահվերդյանը ՀԺ-ի հետ զրույցում անդրադարձավ ապրիլ ամսին «Կեսգիշերն անց» հաղորդման ժամանակ իր կողմից հնչեցված հայտարարությանը: «Ես նկատի եմ ունեցել, որ այդ տիպի ռուսական թատրոն ունենալն իսկապես անհեթեթություն է, որովհետեւ դերասաններն այնտեղ ոչ նորմալ ռուսերենով են խոսում, եւ այդ որակի թատրոնի կարիք մենք իսկապես չունենք: Եվ այո, եթե նման որակ պետք է ապահովի, ապա ավելի լավ է չլինի»,- ասաց Շահվերդյանը, նշեց, որ այսօր էլ շարունակում է մնալ նույն կարծիքին:

Վերջինիս խոսքով՝ դերասանները եւ մամուլը ապատեղեկատվություն են տարածում եւ ճիշտ չեն մեկնաբանում իր եւ մշակույթի փոխնախարար Նազենի Ղարիբյանի հանդիպման բուն նպատակը:

«Ես հանդիպել եմ Ղարիբյանի հետ եւ նրանից խնդրել Ստանիսլավսկու թատրոնում ներկայացում բեմադրելու թույլտվություն: Նաեւ առաջարկել եմ թատրոնում իրավիճակը մի փոքր շտկելու եւ թատերական կյանքն ակտիվացնելու համար նոր ներկայացումներ անել: Եվ նրանք, ովքեր հավակնում են գեղարվեստական ղեկավարի պաշտոնին, թող ներկայացումներով հանդես գան եւ ըստ այդմ, այն մարդիկ, ովքեր իրավասու են նշանակումներ անելու, աշխատանքը դիտելուց հետո կարող են ավելի հստակ պատկերացում եւ որոշում կայացնել»,- ասաց Շահվերդյանը:

Վերջինս հայտնեց, որ արդեն թույլտվություն ունի թատրոնում ներկայացում անելու: Շահվերդյանը համոզմունք հայտնեց, որ եթե Ստանիսլավսկու անվան թատրոնի դերասաններին թույլ տան իրենց կամքով գեղարվեստական ղեկավար ընտրել, ապա նրանք չեն կարողանա օբյեկտիվ որոշում կայացնել՝ կընտրեն նրան, որն իրենց լավ ներկայացումներ կխոստանա: Ըստ նրա՝ գեղղեկավարի որոշումը պետք է կայացնի մշակույթի նախարարությունը: Եվ որ այդ կարեւոր գործը ստանձնողին չպետք է դատել Վիքիպեդիայում տեղադրված կենսագրության հիման վրա:

Մշակույթի փոխնախարար Նազենի Ղարիբյանի հետ մեզ չհաջողվեց կապ հաստատել, հայտնեցին, որ մոտ օրերս հայտարարությամբ հանդես կգան: Ստանիսլավսկու դերասանները խորապես հիասթափված են մշակույթի նախարարության անլուրջ գործունեությունից։ Համոզված են, որ Կարեն Ներսիսյանն այն թեկնածուն է, որի հետ վստահորեն կկարողանան շարունակել իրենց ստեղծագործական ուղին։ 
Նրանք ստորագրահավաք են կազմակերպել (կից ներկայացնում ենք -https://drive.google.com/folderview… ) եւ խնդրում են, որպեսզի նախարարը նկատի ունենա մեծամասնության ցանկությունը՝ այդ պաշտոնում տեսնել Կարեն Ներսիսյանին։ Վերջիններս նաեւ խնդրում են ՀՀ վարչապետին՝ հսկողության տակ առնել այս հարցը: Ստորեւ ներկայացնում ենք դրամատիկական թատրոնի այն դերասանների անուն ազգանունները, որնոք միացել են ստորագրահավաքին եւ դիմել ՀՀ վարչապետին:

1. Լիլյա Մուկուչյան (դեր-ուհի),
2. Ելենա Վարդանյան (դեր-ուհի),
3. Լալիտա Բուկիա (դեր-ուհի),
4. Լիանա Սևումյան (դեր-ուհի),
5. Վազգեն Հովհաննիսյան (դեր-ն),
6. Ելենա Եսայան (դեր-ուհի),
7. Արթուր Պետրոսյան (դեր-ն),
8. Յուլիա Ժդանովա (դեր-ուհի),
9. Արման Ղազարյան (դեր-ն),
10. Նունե Կիրակոսյան (պարուսույց.)
11. Անահիտ Գաբրիելյան (դեր-ուհի),
12. Շամցյան Աննա (դեր-ուհի),
13. Խաչատրյան Մանվել (դեր-ն),
14. Թումասյան Քնարիկ (դեր-ուհի),
15. Վերոնիկա Սարոյան(դեր-ուհի),
16. Թեհմինե Խաչատրյան (դեր-ուհի),
17. Գրիգորի Կիրակոսյան (դեր-ն),
18. Էմմա Մովսիսյան (գրիմ-նկարիչ),
19. Արեն Խաչատրյան (դեր-ն),
20. Մարինա Մարինոսյան (գրական մասի վարիչ),
21. Անուշ Սարգսյան (դեր-ուհի):

Տպել
3632 դիտում

Հուլիսի 21-23-ին Երեւանում եւ 3 մարզերում ջերմաստիճանը կհասնի մինչեւ +40-+42 աստիճանի. Սուրենյան

Երեւանում 27-ամյա տղան սպանել է մորը, դանակի հարվածներ հասցրել հորն ու ինքնավնասել իրեն

Այսօր որոշ շրջաններում սպասվում է կարճատեւ անձրեւ եւ ամպրոպ, առանձին հատվածներում՝ կարկուտ

ՀՀ ոստիկանությունը մեկ օրում բացահայտել է հանցագործության 62 դեպք

Վճարովի պայմանագրերը, որոնք մինչև հուլիսի 4-ն էին կնքվել արդեն իսկ վերակնքման փուլում են

Հրդեհ Ակնալիճ գյուղի տներից մեկում. տուժածներ չկան

Մոսկվա-Երևան ինքնաթիռը դադարեցրել է թռիչքն ու վերադարձել հետ, ուղևորները տարհանվել են, կան տուժածներ

Հրշեջ-փրկարարները Երեւանում ու մարզերում մարել են մոտ 66.87 հա խոտածածկ տարածքներում բռնկված հրդեհները

Վանում փախստականներ տեղափոխող ավտոբուս է կողաշրջվել․ 15 մարդ է զոհվել՝ այդ թվում երեխաներ

ԱԳ նախարար Զոհրաբ Մնացականյանը ելույթ է ունեցել Կրոնական հարցերով նախարարական հանդիպմանը

Շրջակա միջավայրի նախարարությունը JIKA-ի հետ համագործակցության նոր ծրագրեր է մշակվել

Արա լեռան մոտակայքում քաղաքացիները մոտոցիկլետներով իջել են ձորը և չեն կարողացել դուրս գալ

ՀՀ ոստիկանության պետի աշխատակազմի ղեկավարը կհանդիպի Շիրակի մարզի բնակիչներին

Վերջին հաշվառումից հետո Շիրակի մարզի գյուղերից նոր անօթեւան ընտանիքների տվյալներ են ստացվում

7 ոստիկան ազատվել է ծառայությունից, 2 ոստիկանի տրվել է խիստ նկատողություն (տեսանյութ)

Սիրիայի ԱՀ Մեծ Մուֆթին այցելել է Հալեպում տեղակայված հայկական հումանիտար առաքելության խմբի կենտրոն

Մինչ այժմ անտառը ծառայել է գռփելու, թալանելու, ընտրակաշառքի, քաղաքական դիվիդենտների. Տավուշի մարզպետ

Դատավոր Դավիթ Գրիգորյանի իրավունքների խախտման առթիվ փաստաբանը հաղորդում է ներկայացրել

Երևան քաղաքի Խանջյան-Նալբանդյան փողոցների խաչմերուկում այրվում է ավտոմեքենա

Արարատ Միրզոյանը հանդիպումներ է ունեցել ԱՄՆ հայկական կազմակերպությունների ներկայացուցիչների հետ