Սա աննախադեպ երեւույթ է, երբ երկրի վարչապետը պաշտպանում է որեւէ թեկնածուի, եւ այդ թեկնածուն չի հաղթում ընտրություններում

Կիրակի օրը տեղի ունեցած ընտրությունները ցույց տվեցին հեղափոխության եւս մեկ արդյունք, որ քաղաքացիների ընտրությունն անկասելի է, այսինքն՝ քաղաքացիների որեւէ ձայն չի կորսվել: Այս մասին քիչ առաջ ֆեյսբուքյան ուղիղ եթերով հայտարարեց ՀՀ վարչապետի պաշտոնակատար Նիկոլ Փաշինյանը՝ անդրադառնալով երեկ ՀՀ մի շարք համայնքներում տեղի ունեցած ՏԻՄ ընտրություններին.

«Ես ուզում եմ բոլորիս շնորհավորել կիրակի օրը տեղի ունեցած ՏԻՄ ընտրությունների կապակցությամբ: Շնորհավորում եմ նաեւ ընտրված բոլոր քաղաքապետերին եւ գյուղապետերին՝ Դավիթ Խուդաթյանին, Դիանա Գասպարյանին, Սեւակ Միքայելյանին, Գեւորգ Փարսյանին, քաղաքապետերին նշեցի, գյուղապետերը հույս ունեմ՝ չեն նեղանա: Ես ուզում եմ ասել նաեւ, որ, գիտեք՝ ես Կապանում այլ թեկնածու էի պաշտպանում, բայց այլ թեկնածու հաղթեց: Ես ուզում եմ, որ սրա գնահատականը ճիշտ տանք: Սա աննախադեպ երեւույթ է, երբ երկրի վարչապետն անձամբ պաշտպանում է որեւէ թեկնածուի, եւ այդ թեկնածուն չի հաղթում ընտրություններում: Սա ժողովրդավարության մեծագույն հաղթանակն է Երրորդ Հանրապետության պատմության մեջ: Ես իսկապես շատ էի ուզում, որ Կապանի քաղաքապետ ընտրվի Սյունիքի փոխմարզպետը՝ Նարեկ Բաբայանը, որովհետեւ համոզված եմ՝ պարոն Բաբայանը շատ տաղանդավոր, ազնվագույն մարդ է: Եւ որեւէ կասկած չկա, որ նրա մասին Հայաստանի քաղաքական կյանքում դեռ կլսենք»,- ասաց Փաշինյանը:

Նա նշեց, որ շատ կարեւոր է համարում այն, ինչ տեղի է ունեցել, որովհետեւ տեղի է ունեցել քաղաքացիների որոշում, եւ իշխանությունը որեւէ կերպ չի միջամտել այդ որոշմանը. «Իշխանությունը որեւէ քայլ չի ձեռնարկել, փորձ անգամ չի արել քաղաքացիների ընտրությունն իր ցանկությունների տրամաբանության մեջ դնելու համար: Մենք սրա համար ենք հեղափոխություն արել, եւ հեղափոխությունը հաղթել է, դուք եք հաղթել»:

Վարչապետի պաշտոնակատարն անդրադարձավ նաեւ այն կարծիքներին, թե Կապանի քաղաքապետի ընտրությունները ցույց տվեցին, որ հեղափոխական էյֆորիան սկսել է թուլանալ: Փաշինյանի խոսքով՝ ընդհակառակը՝ այդ էյֆորիան ավելի մեծացավ.

«Հեղափոխական էյֆորիան ավելի մեծացավ, որովհետեւ այդ էյֆորիայի իմաստն էն չէ, որ ես դարձել եմ ՀՀ վարչապետ: Ընտրվելուց հետո ես եկել եմ Հանրապետության հրապարակ եւ հայտարարել եմ՝ սիրելի ժողովուրդ, դուք հաղթեցիք: Բայց հաղթանակն այն չէ, որ ես ընտրվել եմ, հաղթանակն այն է, որ դո՛ւք եք որոշել՝ ով լինի ՀՀ վարչապետ: Սա է հեղափոխության իմաստը, որ դուք որոշեք՝ ով լինի քաղաքապետ Հրազդանում, Էջմիածնում եւ ամենուր: Եւ հեղափոխության էյֆորիան էս ընտրությունների արդյունքում կրկնապատկվել է, որովհետեւ մենք ցույց ենք տվել, որ չենք միջամտում: Ասում էին՝ որ պարտվելիս լինեք, կգնանք, կկեղծեք արդյունքները. ահա եւ ձեզ Կապանի քաղաքապետի ընտրությունների հիմնական քաղաքական իմաստը»,- ասաց Նիկոլ Փաշինյանը՝ հավելելով, որ իշխանության պաշտպանած թեկնածուներից երկուսն այս ընտրություններում չեն հաղթել:

«Իսկ ի՞նչ կլիներ, եթե ոչ մեկը չհաղթեր: Ոչինչ չէր լինի, որովհետեւ հեղափոխության նպատակը եղել է այն, որ դուք լինեք իշխանություն եւ դուք եք իշխանություն, դուք եք իրավասու որոշել ամեն ինչ, որպեսզի ամեն անգամ ստիպված չլինեք դուրս գալ փողոց: Եթե որեւէ ընտրության դուք որոշեք, որ ես չպիտի լինեմ վարչապետ, ես չեմ լինի վարչապետ»,-ասաց ՀՀ վարչապետի պաշտոնակատար Նիկոլ Փաշինյանը:

Տպել
4638 դիտում

Բացահայտվել է Երեւանի բնակարաններից մեկից կատարված գողությունը

Վարդենյաց լեռնանցքը փակ է կցորդիչով բեռնատարների համար, մարդատարների համար՝ դժվարանցանելի

Երեւանի տներից մեկում գազի բալոնի արտահոսքից 3 քաղաքացի է թունավորվել

Թուրքիան Հայաստանի հետ սահմանին լայնամասշտաբ զորավարժություն է անցկացնում (լուսանկարներ)

Իսրայելի վտանգավոր արկածախնդրությունը կարող է բերել տարածաշրջանում ռազմական հակամարտության. Իրանի ԱԳ նախարար

Քննչական կոմիտեի նախագահն ընդունել է ԱՄՆ դեսպանության թմրամիջոցների դեմ պայքարի ծրագրի տնօրենի պատվիրակությանը

Քննարկումներ մրցակցության ոլորտի օրենսդրական խնդիրների շուրջ

Սուրբ Աթոռում ՀՀ դեսպանը հանդիպում է ունեցել Սուրբ Աթոռի պետությունների հետ հարաբերությունների քարտուղարի հետ

Ստեփանծմինդա-Լարս ավտոճանապարհը ժամը 20:30-ի դրությամբ բաց է տրանսպորտային բոլոր միջոցների համար

Ըստ մեղադրանքի՝ Արմեն Գևորգյանը այլ գործողություններով օժանդակել է Ռոբերտ Քոչարյանին սահմանադրական կարգը տապալելու համար

Վնասել ու կոտրել են գեներալ Մանվել Գրիգորյանի մայրական տունը, տակնուվրա արել ամեն ինչ ներսում

Փոխնախարար Մանե Ադամյանն ընդունել է ֆրանսիական Airbus ընկերության ներկայացուցիչներին

Փրկարարներն ավտոմեքենան դուրս են բերել արգելափակումից

Վերակառուցման և զարգացման եվրոպական բանկի նախագահը կայցելի Հայաստան

ՔԿՀ-ում գտնվող Արթուր Վարդանյանին անհրաժեշտ է տեղափոխել քաղաքացիական հիվանդանոց. ՄԻՊ

Նազարբաեւը որոշել է լուծարել Ղազախստանի կառավարությունը

ՌԴ դեսպանը ԱԺ պատգամավորների հետ քննարկել է հայ-ռուսական համագործակցությանն առնչվող հարցեր

Ավինյանն ընդունել է Ավստրիական զարգացման համագործակցության Հարավային Կովկասի գրասենյակի ղեկավարին

Որպես ի՞նչ է Սաշիկ Սարգսյանը 18,5 միլիոն դոլար «նվիրաբերում» պետությանը, որպես «չայեվո՞յ»

ՊԲ հրամանատարը հետևել է զորամասերից մեկի՝ «բարձր» մարտական պատրաստականության աստիճանի պարապմունքներին