Բաղրամյան 26-ի դռները բաց էին երեխաների առաջ. ամանորյա միջոցառում՝ Աննա Հակոբյանի նախաձեռնությամբ (լուսանկարներ)

Դեկտեմբերի 27-ին Բաղրամյան 26-ի դռները բաց էին Հայաստանում ապրող հարյուրավոր երեխաների ու նրանց ծնողների առջեւ: ՀՀ վարչապետի տիկին Աննա Հակոբյանի նախաձեռնությամբ 7-13 տարեկան երեխաների համար կազմակերպվել էր ամանորյա միջոցառում:

Բաղրամյան 26-ում Աննա Հակոբյանը հյուրընկալել էր մանկատան սաների, սիրիահայերի, սահմանամերձ գյուղերի, Արցախյան հերոսամարտում զոհված ազատամարտիկների, պատերազմում անհայտ կորածների, Ապրիլյան մարտական գործողություններում զոհված զինծառայողների երեխաների: Վարչապետի պաշտոնակատարի տիկինն իր երկու դուստրերի՝ փոքրիկ Արփիի եւ Շուշանի հետ շրջեց սրահում եւ շփվեց միջոցառմանը մասնակից շուրջ 300 երեխաների հետ: 

«Հավաքվել ենք միասին՝ գյուղից, քաղաքից, տարբեր վայրերից, որպեսզի միասին անցկացնենք այս օրը, միասին ցտեսություն ասենք 2018թ-ին եւ դիմավորենք 2019-ը: Մենք այստեղ ենք, որպեսզի ուշադիր լինենք միմյանց նկատմամբ, որպեսզի ընկերանանք իրար հետ, սիրենք իրար եւ հաջորդ ողջ տարվա ընթացքում կապ պահենք իրար հետ: Մենք չենք եկել այսօր պարզապես ժամանակ անցկացնելու ու գնալու, եկել ենք իրար հետ ծանոթանալու, ընկերանալու եւ ամբողջ տարի իրար հետ կապի մեջ լինելու համար»,-նշեց Աննա Հակոբյանը:

Վարչապետի տիկինը կոչ արեց բոլոր փոքրիկներին՝ լինել անկաշկանդ ու ազատ, խաղալ, եւ հնարավորինս վայելել իրենց նվիրված օրը: Աննա Հակոբյանը շնորհավորեց բոլորի գալիք նոր տարին: Վստահաբար նշեց, որ փոքրիկներից յուրաքանչյուրի համար 2019 թվականը լինելու է նորանոր ձեռքբերումների եւ հաջողությունների տարի:

Միաժամանակ նա վստահություն հայտնեց, որ անցնող տարում երեխաները եղել են խելացի, լավ են սովորել եւ մեկ տարի ավելացրել են լավ մարդ դառնալու իրենց ճանապարհին: Աննա Հակոբյանը հորդորեց երեխաներին՝ եկող տարի էլ նույնն ավելի մեծ ջանքով անել, եւ ասաց, որ փոքրիկներից յուրաքանչյուրը խոստանա լավ սովորել եւ լինել պարատաճանաչ:

Ամանորյա միջոցառման ընթացքում փոքրիկներին ուրախացնելու համար նախատեսված էին տարատեսակ հնարքներ՝ աճպարարություն, զվարճանքի շոուներ, երգ ու պար, հյուրասիրություն, ինքնամոռաց խաղեր: Երեխաների տրամադրությունը գերազանց էր, ուրախությունից այս ու այն կողմ էին թռչկոտում:

Երեխաների տրամադրության տակ էին լաբորատոր փորձեր կատարելու մի քանի պարագաներ, որոնց միջոցով նրանք սովորեցին ստանալ արհեստական ձյուն, գունավոր պատկերներ եւ կրակ: Աճպարարական հնարքների ցուցադրությունն ու շոու ծրագրերն ավելի էին մեծացնում փոքրիկների ուրախությունը:

Տավուշի մարզի Ոսկեպար գյուղից եկած 11, 12 եւ 13-ամյա աղջիկները «Հայկական ժամանակ» -ի հետ զրույցում ասացին, որ անչափ ուրախ են, քանի որ առաջին անգամ են իրականում տեսնում իրենց սիրելի Աննա Հակոբյանին, փոքրիկներն անչափ հուզված ու շփոթված էին:

Հրազդան քաղաքի բնակիչ Անահիտն իր 5-ամյա փոքրիկի հետ եկել էր երեխաների զարգացման կենտրոնից: Անահիտի որդին կենտրոնի աջակցությամբ է բուժում ստանում: Ասաց, որ ամեն ինչ հասկանում է, սակայն չի խոսում: «Այսօր մեր տիկին Աննա Հակոբյանի շնորհիվ ենք այստեղ, 2 օր առաջ էլ գնացել էինք տիկնիկային թատրոն, փոքրիկիս այնտեղ էլ շատ դուր եկավ: Տրամադրությունը շատ բարձր էր, այստեղ էլ է ուրախ, պարզապես մի փոքր ճանապարհից է հոգնել»,-ասաց Անահիտը:

Տոնական օրվա ավարտին երեխաներին այցելեցին Ձմեռ պապն ու ձյունանուշը, որոնք փոքրիկների համար նվերներ էին բերել: Յուրաքանչյուր երեխա այսօր անմոռանալի օրվա հիշողություններից բացի իր հետ տարավ նվեր AWI տեսակի մեկական ժամացույց եւ Grand Candy շոկոլադներ: 

Տեսանյութ՝

Տպել
1875 դիտում

Բռնաբարություն, թմրանյութեր, կողոպուտ, կաշառակերություն. մեկ օրում բացահայտվել է 79 հանցագործություն

Հրդեհ Արցախի տնկարանային տնտեսության տարածքում. մեկ մարդ ստացել է այրվածքներ և հոսպիտալացվել

Պուտինն ավելի խելացի էր Ղրիմի և այլ հարցերում, քան Օբաման. Թրամփ

Վրաստանի վարչապետ Մամուկա Բախտաձեն պաշտոնական այցով կմեկնի Բելառուս

Անհատական բարձր ցուցանիշներ. ՊՆ ՌՈ զինավտոտեսչության զինծառայողները մասնակցել են «Ճանապարհային պարեկ» մրցույթին

Ջերմուկում վարչապետին դիմավորեցին «Ամուլսարն առանց հանքի» վանկարկումներով․ Փաշինյանը հանդիպում է շենքերի բնակիչների հետ

Հայկական Վերածնունդ սփյուռքյան կազմակերպությունը կոչ է անում Ամուլսարի խնդիրը լուծել հանրաքվեով

Կան ծխացող օջախներ. Արայի լեռան ստորոտում հրդեհաշիջման աշխատանքները շարունակվում են

ՄԻՊ-ն աշխատանքային խումբ է գործուղել Ջերմուկ. քննարկումներ կլինեն Գնդևազի բնակիչների հետ

Նիկոլ Փաշինյանն արդեն Ջերմուկում է. նա խոսում է տեղի բնակիչների հետ (տեսանյութ)

Վարչապետ Նիկոլ Փաշինյանը մեկնում է Ջերմուկ

Թուրքիայից Հունասատան փախստականների հոսքը եռապատկվել է. Times

106 մարտական հաշվարկ և 5 օպերատիվ խումբ պայքարել են խոտածածկ տարածքներում բռնկված 99 հրդեհի դեմ

Արեւելյան բազար. կյանքը զաբոռից այս կողմ

Թացը չորից ջոկելու «հարցարվեստը». սոցհարցումների սեզոնը բացվեց

Թիավարության աշխարհի առաջնություն. հայ թիավարողները կիսաեզրափակչում են

Ամփոփում. երբ մարդը դառնում է 286 տարեկան

Մեր ժողովուրդը քիչ չի աշխատում, բայց աղքատ է, ինչո՞ւ, որովհետեւ անարդյունավետ է աշխատում. տնտեսագետ

Տավուշում տեղի ունեցած վթարից տուժած 11 զինծառայողները որևէ լուրջ վնասվածք չեն ստացել. Ա. Հովհաննիսյան

ԱՆ նախկին պաշտոնյաների ապօրինությունների հետևանքով պատճառվել է առանձնապես խոշոր չափի վնաս (տեսանյութ)