«Քառյակ Մեդիա»-ի սեփականատերերի համեստ ունեցվածքը. կհրապարակվի՞, թե ինչ միջոցներով են ձեռք բերել «Թերթ.am»-ը

Վերջին ամիսներին հայկական մեդիա դաշտում ակնառու փոփոխություններ են կատարվում: Փոխվում են լրատվամիջոցների սեփականատերերը: Օրինակ, Ռոբերտ Քոչարյանի մերձավորներից մեկը գնեց ՀՀԿ-ին պատկանող «Արարատ» հեռուստաընկերությունը եւ այն ռեբրենդինգից հետո այժմ եթեր է դուրս գալիս «5-րդ ալիք» անունով: Եթե ոչ դե յուրե, ապա դե ֆակոտ փոխվեցին նաեւ մի քանի առցանց լրատվամիջոցների սեփականատերեր:

Մի քանի օր առաջ հայտնի դարձավ, որ հիմնադրվել է «Քառյակ Մեդիա» ընկերութուն, որն էլ Հայաստանի ամենամեծ մեդիա հոլդինգից՝ «Պանարմենիանից» գնել է «Արմնյուզ» հեռուստաընկերությունը, «Լավ» ռադիոն եւ «Թերթ.am» լրատվական գործակալությունը: «Հայկական ժամանակ»-ն այս մասին գրել էր դեկտեմբերի 30-ին, իսկ ահա «Քառյակ Մեդիա» ընկերության սեփականատեր, ՀՀԿ-ական նախկին պատգամավորներ Միհրան Հակոբյանը, Սամվել Ֆարմանյանը, Կարեն Բեքարյանը եւ Արման Սաղաթելյանն այդ մասին հայտարարություն տարածեցին՝ պաշտոնապես հաստատելով մեր տեղեկությունները:

Երեկ «Հայկական ժամանակ»-ը փորձեց «Քառյակ Մեդիա» ընկերության սեփականատերերից պարզել, թե նրանք ինչ միջոցների հաշվին են ձեռք բերել այդ լրատվամիջոցները: Միանշանակ պարզ է, որ «Թերթ.am» կայքը եւ «Արմնյուզ» հ/ը-ն մեդիադաշտում հայտնի բրենդներ են եւ հնարավոր չէր դրանք գնել էժան: Սակայն, այս թեմայի շուրջ տեղեկություններ չկարողացանք ստանալ, որովհետեւ նախկին պատգամավորներից երեքը խոստացան հարցազրույց տալ մի քանի օրից, իսկ մեկն ընդհանրապես չպատասխանեց մեր զանգերին: Թեեւ, եթե նախկին պատգամավորներն այդ հայտարարությունը տարածելով ցանկացել են ընդգծել, որ իրենց լսարանի հետ բաց եւ թափանցիկ են, ապա ճիշտ կլիներ նաեւ նշել, թե ինչ միջոցների հաշվին են գնել եւ որքան են վճարել: Այդ տվյալները կարող են համարվել կոմերցիոն գաղտնիք, սակայն դա ամենեւին պարտադիր չէ:

ՀԺ-ն Հեռուստատեսության եւ ռադիոյի ազգային հանձնաժողովի անդամ Տիգրան Հակոբյանից հետաքրքրվեց՝ մեր օրերում արդյո՞ք հեշտ է մեդիա գնելը: «Չեմ կարող հստակ բան ասել, բայց հաշվի առնելով «Արմնյուզի» տեխնիկական հագեցվածությունը եւ իր տեղը տեղեկատվական դաշտում, բավականին մեծ գումարներ կարժենա: Հ/Ը գնահատելը շատ դժվար է, աշխարհում մեթոդաբանություն ընդհանրապես չկա՝ ինչ գին սեփականատիրոջ հետ պայմանավորվեն: Նայած, թե ինչի հետ են առնում՝ շենքի, տեխնիկայի հետ, թե՝ ոչ: Անձնակազմը մնալու է, թե՝ ոչ»,- ասաց նա:

Ի դեպ, նշենք, որ «Արմնյուզ» հեռուստաընկերությունը, «Լավ» ռադիոն եւ «Թերթ.am» լրատվական գործակալությունը դեռ շարունակում են իրենց գործունեությունը ծավավել «Պանարմենիան» մեդիա հոլդինգի տարածքում: Մեր աղբյուրներից տեղեկացանք, որ աշխատակազմին տեղափոխման հետ կապված որեւէ բան դեռ չեն ասել:

Այնուհանդերձ, անդրադառնալով լրատվամիջոցների առք ու վաճառքին, արձանագրենք, թե «Արմնյուզ» հեռուստաընկերությունը, «Լավ» ռադիոն եւ «Թերթ.am» լրատվական գործակալությունը  ձեռք բերած անձիք պատգամավոր լինելու ընթացքում ինչ եկամուտներ են հայտարարագրել:

Արման Սաղաթելյանը 2017 թվականին, երբ ստանձնել է ԱԺ պատգամավորի պաշտոնը, հայտարարագրել է JEEP WRANGLER Sahara մակնիշի ավտոմեքենա, 8 մլն դրամը գերազանցող երկու ժամացույց: Իսկ տարեկան հայտարարագրի համաձայն՝ ունի 8,5 մլն դրամ, 28,5 հազար ԱՄՆ դոլար եւ 151 հազար եվրո: Նույն ժամանակահատվածում Կարեն Բեքարյանը հայտարարագրել է մեկ բնակարան, երկու հանձնած փոխառություն՝ 30 մլն եւ 27 մլն դրամի: Տարեկան հայտարարագրում էլ դրամական միջոցները կազմում են 6, 8 մլն դրամ: Միհրան Հակոբյանը պաշտոնը ստանձնելիս ունեցել է 31 հազար եվրո ու 6,8 մլն դրամ: Սամվել Ֆարմանյանը պաշտոնը ստանձնելիս ունեցել է հողամաս, երկու բնակարան, TOYOTA CAMRY 2.4 մակնիշի ավտոմեքենա: Տարեկան հայտարարագրում էլ դրամական միջոցները նշված են 15 հազար ԱՄՆ դոլար եւ 500 հազար դրամ:

«Քառյակ Մեդիա» ընկերության հայտարարությունից հետո ֆեյսբուքում աղմուկ բարձրացավ, թե ինչու Հեռուստատեսության եւ ռադիոյի ազգային հանձնաժողովը չի վերահսկում այդ գործընթացները: Հեռուստատեսության եւ ռադիոյի ազգային հանձնաժողովի անդամ Տիգրան Հակոբյանը ՀԺ-ի հետ զրույցում նշեց, որ հեռուստառադիոընկերության սեփականատիրոջ փոփոխությունը կատարվում է առանց հանձնաժողովի իմացության:

«Մեր խնդիրն այն է, որ ցանկացած ընկերություն պահպանի այն պայմանները, որոնց հիման վրա մենք իրենց լիցենզիա ենք տալիս: Ցանկացած հեռուստաընկերություն, անկախ իր կարգավիճակից՝ ՍՊԸ, թե ՓԲԸ, իրավունք ունեն փոխել սեփականատիրոջ, քանի որ այն բիզնես է: Մեզ տեղեկացնում են միայն այն ժամանակ, երբ ընկերության գործադիր տնօրենն է փոխվում, որովհետեւ մեր առջեւ պատասխանատու է ընկերությունը, ոչ թե սեփականատերը: Հ/Ը-ների վաճառքի ժամանակ, որ ասում են, թե ուր է նայում հանձնաժողովը, հանձնաժողովը իր տեղում է, նայում է գործընթացներին: Այդ մարդիկ, որ նման կերպ են խոսում, գտնվում են այն ժամանակներում, երբ մինչեւ Բաղրամյան 26-ից դաբրո չստանային, որեւէ փոփոխություն չէին կարողանում անել: Հիմա այդպիսի բան չկա: «Արմնյուզի» վաճառքի հետ կապված օրենքի խախտում չկա:

Գործունեությունը մենք վերահսկում ենք: Լիցենզիան տրվում է իրենց զարգացման ծրագրի հիման վրա: Հիմա, եթե նոր տերերը սկսեն փոփոխություն անել, այդ ժամանակ մենք քայլեր ենք ձեռնարկում, մինչեւ անգամ լիցենզիայից զրկումը: «Արմնյուզին» լիցենզիա է տրվել, որպես տեղեկատվական հեռուստաընկերության: Այն, ինչ խոստացել է հ/ը-ն, մինչեւ արել է, եթե նոր սեփականատերերն էլ պահպանեն, մենք որեւէ խնդիր չենք ունենա»,- ասաց նա:  

Տիգրան Հակոբյանը «Հայկական ժամանակ»-ի հետ զրույցում միաժամանակ նշեց, որ առաջիկայում լինելու են օրենսդրական փոփոխություններ եւ իրենք առաջարկելու են, որ սեփականտերը իր ընկերությունը վաճառելուց առաջ՝ առանց համաձայնություն ստանալու, հանձնաժողովին տեղեկացնի, թե որ ընկերությանն է վճառվելու: «Սա արվում է ոչ թե նրա համար, որ մենք թույլատրենք վաճառեն կամ չվաճառեն, այլ տեղեկանանք, որ վաճառում են: Այս օրենսդրական բացը կա»:

Տպել
2102 դիտում

Երևանում հարձակվել են բժշկական համալսարանի դասախոսի վրա, ծեծի ենթարկել, վնասել նրա մեքենան

Վանաձորի փողոցները սահադաշտի են վերածվել. քաղաքապետի պարզաբանումն ու մարզպետի դժգոհությունը

Փակ ու դժվարանցանելի ճանապարհներ, բուք, մերկասառույց ու ձյուն. ՀՀ ճանապարհները՝ 23:00-ի դրությամբ

Երեւանում ավտոմեքենան հարվածել է գազի խողովակին. գազի արտահոսք է եղել

Ի՞նչ ունեցվածք է հայտարարագրել կաշառք ստանալու եւ փողերի լվացման մեջ մեղադրվող ՀՀԿ-ական Արամ Հարությունյանը

Կարևորվեց երկխոսության խթանումը Աֆրիկյան Միության հետ. հանդիպել են ՖՄԿ գլխավոր քարտուղարն ու ԱԳ նախարարը

Գյումրու ոստիկանները հայտնաբերել են սիգի ապօրինի առեւտրով զբաղվող 4 անձանց

Նիկոլ Փաշինյանը շնորհավորական ուղերձներ է ստացել Էստոնիայի և Լատվիայի վարչապետներից

Մոսկվայի օդանավակայաններում 51 չվերթ է հետաձգվել ու չեղարկվել. ինչ պատկեր է «Զվարթնոց»-ում

Համացանցում կեղծ տեղեկատվություն է տարածվում. դպրոցների եւ մանկապարտեզների աշխատանքները չեն դադարեցվել

«Մանսուրյան- 80» միջոցառումների նախապատրաստական շրջանն արդեն մեկնարկել է. Երևանը կշնչի «կենդանի դասականի» երաժշտությամբ

Հրանտ Մարգարյանը իրավիճակին չի տիրապետում. «Իմ քայլի» երիտասարդ պատգամավորների պատասխանը

Երեւանի մի շարք մանկապարտեզներում նորոգվում եւ կահավորվում են տարիներ շարունակ չօգտագործված սենյակները

Աշոցք-Բավրա ճանապարհահատվածը ուժեղ բքի և ցածր տեսանելիության պատճառով դժվարանցանելի է

Զորակոչվելուց հետո բռնության է ենթարկվել հրամանատարի կողմից. Զինծառայողը շտապ բուժօգնության կարիք ունի

Մշակույթի նախկին նախարարների օրը սկսվել ու վերջացել է «պաշտոնական հանգուցյալների» պանիխիդայի մենյուն կազմելով

ՀՀԿ-ն ակտիվանում է. Սերժ Սարգսյանը վաղը Մելիք Ադամյան 2-ում նիստ է անցկացնելու

Ռաֆայել Քոթանջյանի նկատմամբ կատարված կողոպուտի հեղինակներից մեկը Վրաստանի քաղաքացի է

Դասերը չեն դադարեցվի. առողջապահության նախարարության հայտարարությունը

Ըստ Սերգեյի՝ Միքայելյանի մասին կատակին հավատացել են, քանի որ նրանից նման որոշում սպասում են