Երևան
12 °C
Վերջին շրջանում Հայաստանն ու Ադրբեջանը կարծես փոխված լինեն տեղերով։ ԼՂ հակամարտության կարգավորման հարցում Երեւանն ավելի շատ խոսում է պատերազմական սցենարներին պատրաստ լինելու, հարձակողական մարտավարություն որդեգրելու ու անգամ նախահարձակ լինելու մասին։
Միեւնույն ժամանակ Բաքուն, շարունակելով զինատեսակների նոր խմբաքանակների գնումները՝ շեշտը դնում է խաղաղ բանակցային գործընթացի արագացման վրա, անգամ բողոքում համանախագահներին՝ արցախյան հիմնախնդրի կարգավորման գործում բանակցային ձեւաչափի փոփոխման՝ Երեւանի փորձերից։ Ասել է, թե դեմ է Արցախի՝ բանակցությունների լիիրավ կողմ դառնալուն ուղղված Հայաստանի ղեկավարության ջանքերին։
Զրկել Բաքվին ապակայունացնողի մենաշնորհից
Այս միտումը նկատվեց դեռեւս անցյալ տարի Նախիջեւանի ուղղությամբ ադրբեջանական զինված ուժերի որոշակի տեղաշարժերից ու հայկական կողմի կոշտ արձագանքից հետո։ Այնուհետեւ պաշտպանության նախարար Տոնոյանը հանդես եկավ EADaily-ին տված ծավալուն հարցազրույցով՝ նշելով․ «Հայաստանի կառուցողական դիրքորոշումը չպետք է թյուր կարծիք ստեղծի, թե Հայաստանը հանդես է գալիս խաղաղություն խնդրողի դերում: Ադրբեջանին խորհուրդ եմ տալիս այդքան վստահ չլինել նրանում, որ ինքը վերահսկում է ռազմական իրավիճակի սրման հարցը: Այնպես չի լինելու, որ միջնորդներին հաջողվելու է համոզել հայկական կողմին՝ դադարեցնել պատասխան պատժիչ գործողությունները՝ Ադրբեջանի կողմից ռազմական գործողությունների վերսկսման դեպքում: 2016-ի ապրիլյան ագրեսիայի սցենարի կրկնվելու դեպքում հայկական կողմը կարող է եւ չդիմանալ հակառակորդին շեշտակի եւ լայնածավալ հակազդելու նպատակով իր զինանոցում առկա բոլոր միջոցները կիրառելու գայթակղությանը»:
Այս հայտարարությամբ նա չսահմանափակվեց՝ հասկացնելով, որ հայկական կողմը չի սպասելու, թե առաջնագծի որ հատվածում եւ երբ է Բաքուն հաջորդ անգամ սրելու իրավիճակը։ «Ադրբեջանին թույլ չենք տալու պահպանել իրավիճակի սրման տեղը, ժամկետը եւ ծավալը որոշելու մենաշնորհային իրավունքը»,- ընդգծեց նախարարը:
Քիչ-քիչ սկսեց հասկանալի դառնալ, որ Երեւանը որոշել է փոխել զինված ուժերի գործողությունների տրամաբանությունը, որը ղարաբաղյան պատերազմի ավարտից ի վեր որդեգրել էր «պաշտպանական ռազմավարությունը»։ Ի դեպ, այս սկզբունքն ամրագրված է 2007 թ-ին հաստատված Հայաստանի Ազգային անվտանգության ռազմավարությունում։ «Հայաստանի Հանրապետության զինված ուժերը գործում են պաշտպանողական ռազմավարության սկզբունքով», - ասված է այդ դոկտրինալ փաստաթղթի «Բանակաշինություն» բաժնում։
Անցնե՞լ հարձակման
Բանակի գործողությունների ռազմավարության փոփոխման հարցում հայկական կողմը չսահմանափակվեց միայն խոսքերով։ Մամուլում հայտնվեց ռուսական Սու-30ՍՄ տիպի կործանիչների ձեռք բերման մասին լուրը, որն այնուհետեւ հաստատեց ՊՆ-ն, իսկ Դավիթ Տոնոյանը տեղեկացրեց, որ խոսքը մեկ ամբողջական էսկադրիլիա` թվով 12 ռազական ինքնաթիռ ունենալու մասին է։ Իհարկե, տեղում չի նստում նաեւ Բաքուն։ Հարյուր միլիոնավոր դոլարների հասնող ռազմական բնույթի գործարքներ են իրականացնում ԱՄՆ-ի ու Իսրայելի հետ։ Զինատեսակներ են ձեռք բերում նաեւ Ռուսաստանից ու Պակիստանից։
Ու նորից Տոնոյանը հանդես եկավ հարձակողական ռազմավարության որդեգրման մասին կոշտ հայտարարությամբ։ Սակայն այս անգամ նախարարը փոքր ինչ ավելի բացեց փակագծերը։
«․․․ Եթե մենք Սու-30ՍՄ-ի միջոցով կարողանում ենք առաջնագծից հարյուրավոր կմ հեռավորության վրա արդյունավետ խնդիրներ իրականացել, խնայել տասնյակ եւ հարյուրավոր զինվորների կյանքեր, ապա ի՞նչ թանկարժեքության մասին է խոսքը», - Հանրային հեռուստաընկերության եթերում ասաց նախարարը՝ պատասխանելով ռազմական ինքնաթիռների ձեռք բերման գործարքի թանկարժեքությանը վերաբերող քննադատություններին։
Նրա խոսքով, Հայաստանի Զինված ուժերը չեն պատրաստվում սպառազինությունների մրցավազքի մեջ մտնել և համալրվում են այնպիսի զինատեսակներով, որոնք հնարավորություն կտան չեզոքացնել հակառակորդի նկրտումները։ Նա նաեւ հավելեց, որ բանակի՝ հարձակողական ստրատեգիայի անցումն ունի լուրջ հիմքեր։ Իսկ այդ հիմքերն են «ժամանակի պահանջների ու պայմանների» փոփոխությունը։ «Փոխվում են ժամանակները եւ պայմանները, բանակը պետք է համապատասխանի ներկայի մարտահրավերներին եւ հաղթահարի դրանք։ Ուստի, մենք պարտավոր ենք գնալ այդ քայլին, քանի որ ինչպես ասում են՝ պաշտպանվող բանակը վերջում միշտ պարտվում է», - ասաց նա, այնուհետեւ պատասխանելով հաղորդավար Պետրոս Ղազարյանի հարցին՝ հարձակվելո՞ւ ենք նաև, Տոնոյանն ասաց. «Իսկ ինչո՞ւ ոչ»։
Ժամանակն է փոխել ռազմավարությունը
Պարզից էլ պարզ է, որ հայկական կողմը փոխում է բանակի գործողությունների ռազմավարությունը՝ պաշտպանական սկզբունքից անցնելով հարձակողականի։ Սակայն սա ուղղակիորեն հակասում է Ազգային անվտանգության հայեցակարգի վերոհիշյալ դրույթին։ Արդյոք ժամանա՞կն է վերանայել 12 տարի առաջ ընդունված Ազգային անվտագության ռազմավարությունը, քանի որ, ինչպես նախարարն է ասում՝ «ժամանակները փոխվել են»։
Այս նպատակով մենք հարցեր ուղարկեցինք ՀՀ Անվտանգության խորհրդի քարտուղար Արմեն Գրիգորյանին եւ ԱԽ-ի մամուլի ծառայությունից ստացանք մեր ենթադրությունը հաստատող պատասխան։
Հիմնական փոփոխությունները տեղի են ունեցել հենց Հայաստանի ներսում թավշյա, ոչ բռնի ժողովրդավարական հեղափոխության արդյունքում: Եվ այդ փոփոխությունների արդյունքում անհրաժեշտություն է եղել ներքին քաղաքականության հարցերում որոշակի վերանայումներ կատարել:
Տարածաշրջանում տեղի ունեցող բոլոր փոփոխությունները մշտապես գտնվում են մեր ուշադրության կենտրոնում: Անվտանգության հարթության մեջ տարածաշրջանը՝ բոլոր նոր զարգացումներով հանդերձ, մնում է կանխատեսելի: Հայաստանը մշտապես պատրաստ է իրավիճակի ցանկացած զարգացման:
Արդեն մեկնարկվել են ՀՀ ազգային անվտանգության ռազմավարության մեջ փոփոխություններ կատարելու նախապատրաստական աշխատանքները: Փոփոխությունների կարիքը պայմանավորված է նախ և առաջ նշված փաստաթղթի պատկառելի տարիքով, ինչպես նաև ապրիլ-մայիսին տեղի ունեցած թավշյա ոչ բռնի հեղափոխության արդյունքում ներքաղաքական կյանքի փոփոխություններով: Նոր ռազմավարությունը պետք է արտացոլի հեղափոխության արժեքները և գաղափարները, հստակեցնի ՀՀ անվտանգության ժամանակակից մարտահրավերները, ինչպես նաև այդ մարտահրավերներին արձագանքելու ուղենիշ հանդիսանա պետական համակարգի համար:
Ռազմավարության վերանայման գործընթացը լինելու է համընդգրկուն գործընթաց, որում պետք է ներգրավվեն պետական կառավարման պատկան մարմինները, փորձագիտական, գիտական հանրությունը, քաղաքացիական հասարակությունը և օրենսդիրը: Այս պատճառով այժմ դժվար է կանխատեսել, թե ինչպիսի բովանդակություն է ունենալու այդ փաստաթուղթը, բայց այն լինելու է համընդգրկուն մի փաստաթուղթ, որն արտացոլելու է մարտահրավերների հավաքական ընկալումները, ինչպես նաև դրանց արձագանքման մեխանիզմները:
Չհայտնվել դիվանագիտական ծուղակում
Թեպետ Անվտանգության խորհուրդը հաստատեց մեր ենթադրությունը եւ բանակը քիչ-քիչ անցում է կատարում հարձակողական ռազմավարության, սակայն կարեւոր է, որ հայկական կողմը, ժամանակի ռազմա-քաղաքական մարտահրավերներին կոշտ արձագանքելով՝ չհայտնվի դիվանագիտական ծուղակում։
Չի թվում, որ ՀՀ-ում տեղի ունեցած քաղաքական փոփոխություններից հետո Ադրբեջանը հենց այնպես որոշեց փոխել խաղի կանոնները՝ հանդես գալով տարածաշրջանային «Մայր Թերեզայի»՝ ասել է, թե խաղաղարարի դիրքերից։ Ոչ, խոսքը ոչ թե դավադրությունների տեսության, այլ շատ պրագմատիկ դիվանագիտական հաշվարկի մասին է։
Սկսվել է շատ նուրբ ու վտանգավոր դիվանագիտական խաղ։ Հայաստանի ղեկավարությունից բանակցային խաղի կանոնները փոխելուն ուղղված հաստատակամություն ցուցաբերելուց զատ պահանջվում է նաեւ մթության պայմաններում ականապատված դաշտում քայլելու ընդունակություն։
Ուստի հայկական կողմը, կոշտ արձագանքելով մարտահարավերներին ու որդեգրելով հարձակողական ռազմավարություն, պետք է շատ զգույշ գործի՝ դիվանագիտական ծուղակում չհայտվելու համար։
«Հայկական Ժամանակ»-ը Telegram-ում
Վենեսուելայում ազգային սուգ է հայտարարվել․ երկրաշարժերի զոհերի թիվը հասել է 1943-ի
Հանդիպում ունեցա «Քաղաքացիական պայմանագիր» կուսակցության Երիտասարդական կառույցի հետ․ Պապիկյան․ տեսանյութ
ՆԳՆ շրջիկ սպասարկման գրասենյակները ծառայություններ կմատուցեն Կոտայքի և Գեղարքունիքի մարզերում
Հայաստանում ընտանեկան բռնությունն օրենքով թույլատրելի է․ Աննա Հակոբյանը տեսանյութ է հրապարակել
Երևան-Արմավիր ճանապարհին ավտոմեքենա է այրվել․ վարորդը տեղափոխվել է ԲԿ
«Դատախազության աշխատողի օր» գրությունը և դատախազության տարբերանշանը՝ հեռուստաաշտարակի էկրանին․ տեսանյութ
Պուտինը «քցեց» Կարապետյանին, Քոչարյանին, Ծառուկյանին. ուզում են Սյունիքը ծախել, հարցերը լուծել. տեսանյութ
Վթարային ջրանջատում Վայոց ձորի մարզում․ հասցեներ
Երևանի համար հաստատվել է 650 մլն ԱՄՆ դոլարի ներդրումային փաթեթ․ Ավինյան
Ադրբեջան-Հայաստան կարգավորման գործընթացը հաջողությամբ շարունակվում է․ խաղաղությունն արդեն ձեռք է բերվել․ Ալիև
Կրտսեր պարեկի պաշտոնից առաջխաղացման կարգով նշանակումները կիրականացվեն խորհրդատվական կարծիքի հիման վրա
Որն է Սամվել Կարապետյանի «գաղտնի պլանը». հաջորդիվ ՌԴ-ն սպառնալու է, որ ռազմաբազան ՀՀ-ից կհանի. տեսանյութ
Ապօրինի ճանապարհով ձեռք բերված գույքի վերադարձը նաև արդարության վերականգնման գործընթաց է. Աննա Վարդապետյան
Եվրամիությունը հավատում է Հարավային Կովկասի խաղաղ և պայծառ ապագային. Ուրսուլա ֆոն դեր Լայեն
Եգիպտոսի դեսպանը պատրաստակամ է մշակույթի ոլորտում համագործակցության ակտիվացման առավելագույն ջանքեր ներդնել
Պուտինի վարկանիշի անկում, տնտեսական վիճակի վատթարացում․ ինչ են փաստում Gallup-ի հարցման արդյունքները ՌԴ-ում
Արծրուն Հովհաննիսյանը նշանակվել է ՊՆ պաշտպանական ազգային հետազոտական համալսարանի պետ
Նիկոլ Փաշինյանի գլխավորությամբ տեղի է ունեցել Հանրային ներդրումային կոմիտեի նիստը
Ինչպես է Չինաստանը պայքարում ծայրահեղ շոգի դեմ․ տեսանյութ
Պետականակենտրոն մոտեցումը՝ պատգամավորի երդման տեքստի հիմքում. օրենքի նախագիծը ստացել է դրական եզրակացություն
Նոր նշանակումներ ՊՆ-ում
ՍԴ-ն հեռացել է խորհրդակցական սենյակ՝ ընտրությունների արդյունքները վիճարկելու գործով որոշում կայացնելու
ՀՀ-ում գործող սուպերմարկետներից մեկի մենեջերը նկարել է իրենց աշխատակցին և նրա անունով օնլայն վարկ ձևակերպել
Վանում հանդիպել են հայ և թուրք գործարարները․ քննարկվել են սահմանային անցակետի բացման հարցերը
Սյունիքում, Արարատյան դաշում, Երևանում օդի ջերմաստիճանը կհասնի 34-36 աստիճանի. Սև ծովից ցիկլոն կներթափանցի
Universal Hospital Product-ի զարգացումը՝ Կոնվերս Բանկի աջակցությամբ
Պետական պահպանության ծառայությունը ինքնուրույն որպես հատուկ ծառայություն անպայման պետք է զարգանա․ վարչապետ
Միլանի «Ինտեր»-ը երկարաձգել է Հենրիխ Մխիթարյանի պայմանագիրը մինչև 2027 թվական
Կանանց լիարժեք մասնակցությունը երկրի կայուն զարգացման կարևոր նախապայման է. Արսեն Թորոսյան
ԱԺ փոխնախագահը գերմանացի պատգամավորների հետ քննարկել է Հայաստան-ԵՄ հարաբերություններն ու ներքաղաքական հարցեր
Հուլիսի 1-ից փոփոխվում են Երևանի կենդանաբանական այգու մուտքի տոմսերի սակագները. ովքեր կարող են օգտվել անվճար
Ապօրինի գույքի բռնագանձման համակարգն ընթացիկ հակակոռուպցիոն պայքարի կարևորագույն գործիքներից և միջոցներից է
Հակոբյանը Նյու Յորքում ներկայացրել է վերջին տարիների գործունեությունը, նախաձեռնություններն ու մարտահրավերները
Բնական գազի սակագները բնակիչների համար կմնան անփոփոխ. ՀԾԿՀ
Նիկոլ Փաշինյանն ու Միխայիլ Միշուստինը հեռախոսազրույց են ունեցել
Գրանցվեք, մասնակցեք և ստեղծագործեք, որովհետև դուք տաղանդավոր եք. վարչապետը՝ «Վարչաֆեստ»-ի մասին
Մենք ռուսական կողմի հետ TRIPP-ի վերաբերյալ քննարկում չենք վարում․ ԱԳ փոխնախարար
Իմ կարծիքով՝ ՀՀ-ում արդարությունն ու արդարադատությունը հասանելի են միայն էլիտաներին, ինչը խնդիր է. վարչապետ
ՀՀ կառավարության աջակցությամբ մեկնարկում է «Վարչաֆեստ 2026» երիտասարդական երաժշտական փառատոնը
Կապան քաղաքի Դավիթ Բեկի հուշարձանի հարակից հանգստյան գոտին կառուցված է. վարչապետ
