Արցախը մի ժամանակ եղել է բանակցային կողմ, եւ հետեւաբար այդ ֆորմատն ընդունելի է եղել շահագրգիռ կողմերի համար․ Ա․ Դավոյան

Հայաստանի եւ Արցախի Անվտանգության խորհուրդների՝ Արցախում տեղի ունեցած նիստը կարեւորագույն հարցերի պատասխաններ տվեց։ Այս մասին այսօր «Հայկական ժամանակ»-ի հետ զրույցում ասաց ԱԺ «Իմ քայլը» խմբակցության պատգամավոր Արփի Դավոյանը։

Պատգամավորը նշեց, որ նիստի սկզբում վարչապետ Փաշինյանի հայտարարությունը եւս շատ հարցերի պատասխանեց, եւ այն ուղղված էր ոչ միայն միջազգային հանրությանը, Ադրբեջանին, այլ նաեւ ՀՀ այն քաղաքացիներին ու քաղաքական ուժերին, որոնք ամեն օր ասում են, թե Նիկոլ Փաշինյանը պատրաստվում է «հողերը հանձնել»․

«Այս հայտարարությունը ուղղված էր նաեւ մարդկանց, որոնք զբաղված են Արցախն Ադրբեջանին հանձնելու թեմայի շուրջ դատարկ քննարկումներով, այդ թվում՝ նախկին իշխանության ներկայացուցիչներին, որոնք ամեն օր իրենց ուղիղ եթերներով, հարցազրույցներով համոզում են, թե հիմա հողերը կհանձեն։ Քիչ է մնում՝ երդվեն, որ Նիկոլ Փաշինյանը վաղը հանձնելու է Արցախը»,-մեր զրույցում ասաց Արփի Դավոյանը։

Նա նկատեց, որ ելույթի առաջացրած արձագանքները դեռ կտեսնենք, որովհետեւ դա մեկ օրվա համար չէր, այլ երկար ժամանակվա համար մեսիջներ էր պարունակում՝ ուղղված հարցի շահագրգիռ բոլոր կողմերին։

Նիկոլ Փաշինյանը ԱԽ իր ելույթում ասաց, որ Ադրբեջանի ժողովուրդը նույնքան խաղաղասեր է, որքան Արցախի ժողովուրդը։ Սրա հետ մեկտեղ, հայտնի է, որ Ադրբեջանում դեռ վաղ տարիքից քաղաքացիներին ներկայացնում են, թե Արցախն ադրբեջանական տարածք է, եւ որ հայերն իրենց թշնամի են։ Մեր հարցին, թե արդյո՞ք սա չի հակասում Փաշինյանի վերոնշյալ պնդմանը, եւ Ադրբեջանի ժողովուրդն իսկապե՞ս խաղաղասեր է, Արփի Դավոյանը պատասխանեց․

«Չկա ժողովուրդ, որը խաղաղասեր չլինի, որովհետեւ պատերազմը դեռեւս ոչ մեկին երջանկություն չի բերել։ Իսկ այն, ինչ մենք տեսնում ենք, որ Ադրբեջանն ասում է, թե Հայաստանը թշնամի է, դրանք պրոպագանադա են միայն, համզոված եմ, որ չկա ժողովուրդ, որը խաղաղասեր չլինի, հետեւաբար նաեւ ադրբեջանցիները»։

Ինչ վերաբերում է Մինսկի խմբի համանախագահների հայտարարությանը՝ պատգամավորը նկատեց, որ այն գրեթե ստանդարտ հայտարարությունների շարքից էր, որոնք ամեն անգամ Ալիեւ-հայկական կողմ բանակցություններից առաջ լինում են․

«Տվյալ դեպքում Փաշինյանի հետ հանդիպումից առաջ տարածել են գրեթե սովորական հայտարարություն, որտեղ, այո, կային քննարկման ենթակա հատվածներ, որտեղ կոչ են անում, հորդորում են հետեւել մինչ այժմ ամրագրված սկզբունքներին, եւ այլն, բայց պետք չէ նաեւ այդ հայտարարությունից հետեւություններ անել, որ նորից գալիս ենք այն կետին, որ հիմա հողերը հանձնելու են»։

Մեր հարցին, թե կարո՞ղ ենք ինչ-որ ժամանակահատված նախանշել, որից հետո Արցախը կվերադառնա բանակցությունների սեղանի շուրջ, Արփի Դավոյանն ասաց, որ դա մեկ ամսում լուծելու հարց չէ, բայց ոչ էլ տարիների․

«Չեմ կարծում, թե մի քանի տարի կշարունակվեն այս ձեւաչափի բանակցությունները, սակայն ոչ էլ մեկ ամսում լուծելիք հարց է։ Բայց որ Արցախը դառնալու է բանակցային կողմ, այլ տարբերակ չկա, հակառակ դեպքում բանակցային գործընթացը փակուղի է մտնում։ Պետք է փաստել, որ Արցախը մի ժամանակ եղել է բանակցային կողմ, եւ հետեւաբար այդ ֆորմատն ընդունելի է եղել շահագրգիռ կողմերի համար։ Արցախի՝ բանակցություններին մասնակից դառնալուն խոչընդոտելը հակասում է դրան»,-եզրափակեց «Իմ քայլը» խմբակցության պատգամավոր Արփի Դավոյանը։

Տպել
1313 դիտում

Վանում փախստականներ տեղափոխող ավտոբուս է կողաշրջվել․ 15 մարդ է զոհվել՝ այդ թվում երեխաներ

ԱԳ նախարար Զոհրաբ Մնացականյանը ելույթ է ունեցել Կրոնական հարցերով նախարարական հանդիպմանը

Շրջակա միջավայրի նախարարությունը JIKA-ի հետ համագործակցության նոր ծրագրեր է մշակվել

Արա լեռան մոտակայքում քաղաքացիները մոտոցիկլետներով իջել են ձորը և չեն կարողացել դուրս գալ

ՀՀ ոստիկանության պետի աշխատակազմի ղեկավարը կհանդիպի Շիրակի մարզի բնակիչներին

Վերջին հաշվառումից հետո Շիրակի մարզի գյուղերից նոր անօթեւան ընտանիքների տվյալներ են ստացվում

7 ոստիկան ազատվել է ծառայությունից, 2 ոստիկանի տրվել է խիստ նկատողություն (տեսանյութ)

Սիրիայի ԱՀ Մեծ Մուֆթին այցելել է Հալեպում տեղակայված հայկական հումանիտար առաքելության խմբի կենտրոն

Մինչ այժմ անտառը ծառայել է գռփելու, թալանելու, ընտրակաշառքի, քաղաքական դիվիդենտների. Տավուշի մարզպետ

Դատավոր Դավիթ Գրիգորյանի իրավունքների խախտման առթիվ փաստաբանը հաղորդում է ներկայացրել

Երևան քաղաքի Խանջյան-Նալբանդյան փողոցների խաչմերուկում այրվում է ավտոմեքենա

Արարատ Միրզոյանը հանդիպումներ է ունեցել ԱՄՆ հայկական կազմակերպությունների ներկայացուցիչների հետ

Անշարժ գույքի կադաստրի պետկոմիտեի 5 ստորաբաժանումները կմիավորվեն մեկի մեջ, որը կտեղակայվի Վանաձորում

Արցախի խորհրդարանը կգումարի արտահերթ նստաշրջան

Հակոբ Արշակյանը Թեհրանում մասնակցում է «Սմարթ Իրան» կոնֆերանսին

ՀԱՕԿ-ը որոշել է էլ ավելի աբսուրդային քայլեր ձեռնարկել. բռնցքամարտի ֆեդերացիայի նախագահ

Մարդու իրավունքների պաշտպանն ընդունել է ՀՀ-ում Ֆրանսիայի արտակարգ և լիազոր դեսպանին

Իջեւանում «բողոքի ակցիաների» հրահրման գործում իր դերն ունի ԱԺ նախկին կարկառուն ՀՀԿ-ական պատգամավորներից մեկը

Առանց միացյալ ջանքերի չեմ պատկերացնում, որ որևէ տեղ կհասնենք. Զարեհ Սինանյանն այցելել է «Ռուսաստանի հայերի միություն»

Այս պահին ոստիկանության տեսադաշտում 36 մարդ կա, որոնցից 22-ը բերման են ենթարկվել. Օսիպյան