Խոսքը Ջրաշեն համայնքից իբր ապրիլյան քառօրյայի զոհի մասին է, երբ Ջրաշենից զոհեր չեն եղել. Լոռու նախկին մարզպետ

Իմ հեղինակությունը կեղծիքով ու պոպուլիզմով չեմ վաստակել… Կեղծ պոպուլիզմի մի՛ տրվեք, կեղծ դիվիդենտներ մի հավաքե՛ք: Դրանք շատ շուտ փշուր-փշուր կլինեն:

Այս մասին ֆեյսբուքյան իր էջում գրել է Լոռու նախկին մարզպետ Արթուր Նալբանդյանը՝ ի պատասխան ներկայիս մարզպետ Անդրեյ Ղուկասյանի այն մեղադրանքների, որոնց համաձայն ապրիլյան քառօրյայի մասնակիցների օգնություն է յուրացվել, ստորագրություն կեղծվել:

Նախկին մարզպետի գրառումն ամբողջությամբ ներկայացնում ենք ստորեւ.

««Սրբապղծություն» բարձրագոչ վերտառությամբ գրառումը ոչ միայն «մեղմ ասած» վրդովմունքի առիթ դարձավ, այլև, ի տարբերություն ոմանց, մարդկային ու տղամարդկային արժանապատվությանս ոտնահարման լուրջ մարտահրավեր էր ինձ համար:

Ինձ ճանաչողները լավ գիտեն, որ ինչ-ինչ, բայց դա անել ես թույլ չեմ տա որևէ մեկի՝ անկախ իր պաշտոնական դիրքից ու սեռային պատկանելությունից (լինի՝ արական, իգական, թե՝ չեզոք):

Իսկ հիմա՝ ըստ էության: Լոռու ներկայիս մարզպետը, ըստ իմ ունեցած տեղեկությունների, դիմել է Լոռու մարզի դատախազությանը՝ ուսումնասիրելու նախկին մարզային իշխանությունների կողմից մարզպետի տնօրինմանը հանձնված սոցիալական աջակցության ֆոնդից քաղաքացիներին հատկացված գումարների հասցեականությունը: Ու գործը դեռևս նախաքննության փուլում՝ Ա. Ղուկասյանը հայտարարում է, որ բացահայտում է արված և պնդում (կրկնում եմ գործը նախաքննության փուլում է, իսկ նախաքննական գաղտիք բացահայտելը պատժելի արարք է), որ նախկին իշխանությունները ապրիլյան պատերազմում զոհված ընտանիքի համար դուրս գրված 50.000 դրամի դիմաց տրամադրել են 30.000 դրամ: Ստոր կեղծի՛ք և սուտ: Նախ՝ ինչու է մարզպետը տիրապետում նախաքննական գաղտնիքին և օրենքի պահանջները խախտելով՝ հրապարակայնացնում այն: Երկրորդ՝ մարզպետը հավանաբար միտումնավոր է կեղծ լուրեր տարածում կամ լիարժեքորեն չի տիրապետում տեղեկատվությանը… 
Ինչպես կարողացա պարզել մարզպետի նախկին օգնականներից և տեղակալից, ովքեր հարցաքննվել էին, խոսքը վերաբերել է միայն Ջրաշեն համայնքից իբր ապրիլյան քառօրյայում զոհ ունեցող մեկ ընտանիքի: Վստահեցնում եմ ձեզ՝ ապրիլյան քառօրյայում Ջրաշեն համայնքից, փառք Աստծո, զոհեր չենք ունեցել: 

Եվ ինչ՝ որևէ մեկը կարծում է, որ մարզպետարանի որևէ մի աշխատակից իրեն թուլ կտար նման ստոր քայլի դիմել, այն էլ՝ այն դեպքում, երբ շատուշատ ընտանիքների աջակցություն էր ցուցաբերվում անձնական միջոցներից: Հուսամ՝ արձագանքողներ կլինեն…

Որոշ մարդիկ ի վերջո պետք է դադարեն իրենց հեղինակության բարձրացման փորձերը այլ մարդկանց հեղինակազրկելու միջոցով: Դա ձեզ մոտ չի ստացվի: Ես իմ հեղինակությունը վաստակել եմ տարիներով, իմ նվիրումի ու աշխատանքի միջոցով: Ձեզ նույնպես խորհուրդ եմ տալիս արդյունք ենթադրող աշխատանքով ու բարի, կրկնում եմ, բարի գործերով կերտել ձեր հեղինակությունը:

Կեղծ պոպուլիզմի մի՛ տրվեք, կեղծ դիվիդենտներ մի հավաքե՛ք: Դրանք շատ շուտ փշուր-փշուր կլինեն: Այսօր շատերդ մերժված եք անգամ ձեր կուսակիցների կողմից(հաճախ ենք ստիպված լինում կարդալ ձեր «յուրայինների»՝ ասածս հաստատող գրառումները), և այժմ փորձ եք անում շահել ժողովրդի վստահությունը և ստի միջոցով ամրապնդել ձեր դիրքերը: Այդպես չի լինում: Ես դեռ հավատում եմ, որ իրավական համակարգը մեր երկրում գործում է և սուտ լուրեր, զրպարտություններ տարածելը դեռ քրեորեն պատժելի արարքներ են :

Իսկ ես շարունակում եմ գլուխս բարձր քայլել իմ երկրի, իմ մարզի, իմ քաղաքի փողոցներով, որովհետև հարգված ու սիրված եմ շատերի կողմից ու իմ հեղինակությունը կեղծիքով ու պոպուլիզմով չեմ վաստակել»:

Հիշեցնենք, որ Լոռու մարզպետ Անդրեյ Ղուկասյանը այսօր հայտնել էր, որ վերջերս դիմել է Լոռու մարզային դատախազություն՝ ուսումնասիրելու նախկին մարզային իշխանության կողմից այսպես կոչված մարզպետի ֆոնդից սոցիալական աջակցություն ստացած անձանց ցուցակները:

Մարզպետը հայտնում էր, որ առաջին բացահայտումն արդեն արված է, հարուցված է քրեական գործ։ Նախկին իշխանության ներկայացուցիչները, պարզվում է, ապրիլյան պատերազմում զոհվածի ընտանիքին ըստ փաստաթղթի տրամադրել են 50.000 դրամ, իրականում, սակայն, հատկացվել է 30.000, ստորագրվել 50.000 դրամի դիմաց՝ կեղծելով զոհվածի հարազատի ստորագրությունը:

Տպել
912 դիտում

Օրվա կադրը. չինացի զբոսաշրջիկը Հայաստանից 2 մլն 380 հազար դրամի կոնյակ է տանում (լուսանկար)

Քննարկվել է նոր մարզադաշտ կառուցելու հարցը, հնարավոր է՝ մի քանիսը կառուցվեն. Գ. Լոռեցյան

Դատական համակարգի բարեփոխումները կենսական են ՀՀ ապագայի համար. ԵՄ դեսպանների հայտարարությունը

Լիլի Մորտոն լքել է Women’s Club-ը

Չինական ընկերությունը պատրաստ է ներդրում անել ՀՀ-ում «Ազգային» ստադիոնը կառուցելու համար

Ոստիկանապետը հանդես է եկել որակումներով, որոնք զուրկ են որևէ հիմքից և հարիր չեն պաշտոնյային. ՊՎԾ

Վանաձորում իրավիճակը լարվում է. գործադուլ անող վարորդները կփակեն քաղաքի գլխավոր փողոցները. ԼՐԱՑՎԱԾ

Կարծում եմ՝ ձեզ համոզեցի, որ ես ո՛չ ընկրկող եմ, ո՛չ վախեցող. ԵՊՀ-ն հրապարակել է Արամ Սիմոնյանի հրաժարականի ելույթը

Դատախազությունը Ռոբերտ Քոչարյանի և մյուսների գործով 2 բողոք է ներկայացրել

Վերաքննիչը մուտքագրել է Վահե Գրիգորյանի բողոքը Քոչարյանի և մյուսների գործը ՍԴ ուղարկելու որոշման դեմ

Հայկական Վերածնունդը սատարում է դատական հեղափոխությունը

ԱԺ նախագահը խորհրդարանական լսումներ է հրավիրում Անցումային արդարադատության հեռանկարները Հայաստանում թեմայով

Կոչ եմ անում շրջանավարտներին ձեռնպահ մնալ մեքենա վարելուց. Ճանապարհային ոստիկանության պետի ուղերձը

Կան շատ բաներ, որ տենց չեն եղել. Քրեական հեղինակություն Նորատուսցի Արան չընդունեց մեղադրանքը

Վճռաբեկ դատարանի դատավորները Քոչարյանի գործով քննադատում են ՍԴ-ին

Փաստաբան Ալեքսանդր Սիրունյանը Քոչարյանի գործով դատավորի դեմ հանցագործության մասին հաղորդում է ներկայացրել

Կալիֆորնիայի նահանգային սենատը Հայաստանի հետ առևտրային ներկայացուցչություն բացելու օրինագիծ է ընդունել

Ծանոթանալու են Հայաստանի զբոսաշրջային հնարավորություններին, կատարելու նկարահանումներ. շվեյցարացի լրագրողներ են եկել ՀՀ

Բռնցքամարտի ընտրանու մարզիկները պատրաստ են բոյկոտել Եվրոպական խաղերը, խնդրում են վարչապետի օգնությունը

Քաղաքացիական հասարակության հետագա զարգացումը մեզ համար սկզբունքային նշանակություն ունի. Արարատ Միրզոյան