ՀՀ-ի համար կարո՞ղ է ընդունելի լինել առանց մեղադրական դատավճռի գույքի բռնագանձման ինստիտուտ ներդնելը․ վարչապետ

ԵԽԽՎ գարնանային նստաշրջանի լիագումար նիստում այսօր խորհրդարանի ներկայացուցիչներից մեկը ՀՀ վարչապետին հարց ուղղեց Հայաստանում գրավադրման հետ կապված խնդիրների վերաբերյալ՝ նշելով, որ դա շատ կարեւոր խնդիր է համարում։ Պատգամավորը Փաշինյանին մասնավորապես հարցրեց՝ ի՞նչ է կարծում ՀՀ վարչապետը, ինչպե՞ս կարելի է ավելի լավ օգտվել միջազգային փորձից այս ոլորտում։

Փաշինյանն արձագանքեց, որ շատ կարեւոր է, որ նման հարց հնչեց հենց ԵԽԽՎ-ում, որովհետեւ հիմա Հայաստանում քննարկումներ են ընթանում, թե արդյոք մեր երկրի համար կարո՞ղ է ընդունելի լինել առանց մեղադրական դատավճռի գույքի բռնագանձման ինստիտուտի ներդրումը․

«Սրա վերաբերյալ Հայաստանում կան բավականին լուրջ մտահոգություններ՝ նաեւ նախկին կառավարության ներկայացուցիչների շրջանում։ Ես շատ կարեւոր եմ համարում արձանագրել, որ այս պրակտիկան ոչ միայն միջազգայնորեն ընդունված պրակտիկա է, այլ ըստ էության 2015 թվականից գտնվում է Հայաստանի ստանձնած միջազգային պարտավորությունների շրջանակում, այդ թվում՝ ԵԽԽՎ-ի առաջ։ Ես ուզում եմ նշել, որ այդ մեխանիզմի մասին հիշատակում կա հանցավոր ճանապարհներով ստացված եկամուտների լվացման հետախուզման, առգրավման եւ բռնագրավման ու ահաբեկչության ֆինանսավորման դեմ պայքարի մասին ԵԽ կոնվենցիայում, կոռուպցիայի դեմ ՄԱԿ-ի կոնվենցիայում։ Եւ, ըստ էության, այս մեխանիզմի վերաբերյալ Հայաստանը որոշակի պարտավորություններ է ստանձնել ԵԽ մանիվալ հանձնախմբի կողմից 2015 թվականին»,-ասաց ՀՀ վարչապետը։

Նա նշեց, որ անձամբ իր տեսակտեից՝ դա մի մեխանիզմ է, որ Հայաստանում իսկապես կարող է եւ պետք է կյանքի կոչվի․

«Բայց, ինչպես ասացի, ՀՀ-ն ժողովրդավարական երկիր է, այստեղ որոշումները միանձնյա չեն կայացվում, եւ այս ինստիտուտի վերաբերյալ մենք պետք է ունենանք լայն քննարկումներ եւ այդ քննարկումների արդյունքում պիտի կայացնենք որոշում, եւ, իհարկե, շատ օգտակար կլինի նաեւ այս հարցում ԵԽ-ի հետ մեր համագործակցույթունը, որպեսզի, քավ լիցի, հանկարծ որեւէ մեկը չփորձի սա մեկնաբանել կամ օգտագործել որպես հետապնդումների գործիք, որովհետեւ, ինչպես ասացի, այդ էջը մեր երկրում անշրջելիորեն փակված է»,- պատասխանեց Նիկոլ Փաշինյանը։

Տպել
1109 դիտում

ՀՀ նախագահ Արմեն Սարգսյանը կմասնակցի «Դոհա ֆորում-2019»-ին

Ռուսաստանում անոմալ եղանակ է սպասվում. РИА Новости

«Սևան» քրեակատարողական հիմնարկում թմրամիջոցների իրացման դեպք է կանխվել

Օդի ջերմաստիճանը կբարձրանա 5-ից 7 աստիճանով

«Արաբկիր»բկ-ում քաղաքացին գլխով հարվածել է բժշկին. Արսեն Թորոսյանն իրավապահներին կոչ է արել գտնել եւ պատժել մեղավորին

Դալար գյուղի բնակիչը վճարային տերմինալ է գողացել

Դեկտեմբերի 8-ից 14-ը հայ դիրքապահների ուղղությամբ արձակվել է 1500 կրակոց

Կենտրոնական իշխանությունը ՏԻՄ ընտրությունների ժամանակ այլեւս չի ճնշում, երբեմն էլ չի հաղթում

Նախաքննության ընթացքում առիթ կունենաք ասելու, թե ով է այդ «ընդհանուր ընկերը». Անդրանիկ Քոչարյանը՝ Ռուբեն Հայրապետյանինն

Մյունխեն-Երևան չվերթով հետախուզվող է Հայաստան վերադարձել

Ադիգեայի ՆԳՆ կողմից հետախուզվողը կամավոր ներկայացել է ոստիկանության Վաղարշապատի բաժին

Հրդեհ Սարատովկայում

Արագածոտնում նվազել են ավազակային հաձակումներն, աճել՝ բնակարանային գողության դեպքերը. դատախազն ամփոփել է 2019 թվականը

Կոռուպցիայի դեմ պայքարի քաղաքական հետեւանքները

«Անարդար է, ես ոչ մի վատ բան չեմ արել». Դոնալդ Թրամփը հնարավոր իմփիչմենտի մասին

Ստեփանավանում 2500 հակ անասնակեր է այրվել

Wizz Air-ը Գյումրիի «Շիրակ» օդանավակայանից չվերթներ կիրականացնի Լոնդոն և Փարիզ

ՀՀ տարածքում կան դժվարանցանելի ավտոճանապարհներ

ՀՀ ճանապարհներին ավտոմեքենաներ են արգելափակվել

Վրաստանում 2020-ին աշխատավարձերն ու թոշակները կավելանան