Ինչո՞ւ էր անհրաժեշտ, որ այդ մարդիկ Հայաստանից հեռանան, որպեսզի դառնան աշխարհահռչակ երաժիշտ. վարչապետ

Այսօր ՀՀ կառավարության հերթական նիստում կրթության եւ գիտության նախարար Արայիկ Հարությունյանը ներկայացրեց Հայաստանի Հանրապետության բարձրագույն ուսումնական հաստատությունների 2019/2020 ուսումնական տարվա՝ ըստ մասնագիտությունների պետության կողմից ուսանողական նպաստների ձեւով ուսման վարձի լրիվ փոխհատուցմամբ (անվճար) եւ ուսման վարձի մասնակի զեղչի կիրառման իրավունքով (վճարովի) առկա ուսուցմամբ բակալավրի ու անընդհատ եւ ինտեգրացված կրթական ծրագրերով ընդունելության տեղերը հաստատելու մասին որոշման նախագիծը:

Նախարարը տեղեկացրեց, որ բակալավրի համար հատկացվել է 2600 տեղ, մագիստրոսական 1300 տեղ եւ ասպիրանտական տեղերի համար 140 տեղ: Նա ընդգծեց, որ ի թիվս այլ գործոնների, այս տեղերը հաշվարկելիս հիմք է ընդունվել նաեւ առկա պահանջարկը, բուհերի առանձնահատկությունները, կառավարության ծրագիրը, գերատեսչությունների, այդ թվում մարզպետարանների առաջարկները:

«Անվճար տեղերը ընդունվողների մոտ 15 տոկոսն է: Սփյուռքահայ ուսանողների ընդունելության համար հատկացվել է 70 տեղ, ՊՆ-ին՝ 374 տեղ, Ոստիկանության կրթահամալիրին՝ 55, ԱԻՆ-ի ճգնաժամային կառավարման ակադեմիային՝ 60»,ասաց Արայիկ Հարությունյան:

Վարչապետը հիշեցրեց, որ կառավարության գերակայությունը տեխնոլոգիական ոլորտում գյուղատնտեսությունն ու զբոսաշրջությունն են:

«Մենք ուշադիր պետք է լինենք, որ իներցիոն երեւույթները սովորական չդառնան: Երբեմն մենք չենք կարողանում հոդաբաշխ բացատրել, թե ինչու ենք այս ոլորտում այդքան անվճար տեղ հատկացնում»,- ասաց վարչապետը եւ հավելեց, որ չնայած դրան՝ իներցիան փոխելու համար որոշակի ճանապարհ պետք է անցնել հենց իներցիայի հետ:

«Հաջորդ տարի այս որոշումը պետք է կայացվի բոլորովին ուրիշ վերլուծությունների հիման վրա, համալսարաններին նեղացնելու քաղաքականությունից պետք է դուրս գանք: Մի քիչ կոպիտ է ստացվում, բայց մեր երկրում համալսարանները մեր հանրությանը բավարար չափով նեղացրել են հիմա ոչ-ոքի է, պետք է այս տրամաբանությունից դուրս գանք եւ երկարաժամկետ մտածենք»,- ասաց վարչապետը: Նա նաեւ նշեց, որ համալսարաններն արդեն պետք է իշխանության ձեռքին գործիք չլինեն, ապաքաղաքականացվեն:

«Մենք որոշակի երաշխիքներ պետք է ապահովենք, որ բուհն ավարտած ուսանողի աշխատանք գտնելու շանսերը բարձր լինեն, այսօր միջազգային ասպարեզում ներառված բուհերի համար դա կարևոր չափանիշ է: Մենք պետք է այս տրամաբանությամբ շարժվենք, այնպես որ, եկեք պայմանավորվենք, որ մենք այս որոշումը կայացրինք, քիչ թե շատ բնականոն ընթացքը ապահովեցինք, բայց պետք է նվիրվենք մյուս տարի այս նախագիծը բովանդակային առումով ձեւափոխելուն»,- ասաց վարչապետը:

Նախարարը նշեց, որ մյուս բուհերի համար փոքր թիվ է կազմում նախատեսված փոփոխությունը եւ միայն արվեստի բուհերի առումով կարելի է նեղացրած համարել:

Վարչապետն արձագանքեց, որ արվեստի բուհերին էլ պետք չէ նեղացնել, պետք է փիլիսոփայությունը փոխել. «Մշակութային քաղաքականությունը պետք է փոխենք եւ այլ տրամաբանության վրա դնենք: Օրինակ երաժշտության ասպարեզում մենք այսօր ունենք երիտասարդ այնպիսի անուններ, ինչպիսին օրինակ՝ Սերգեյ Խաչատրյանը, Նարեկ Հախնազարյանը եւ այլն: Մեզ պետք է մի պարզ հարցի պատասխան. ինչո՞ւ էր անհրաժեշտ, որ այդ մարդիկ Հայաստանից հեռանան, որպեսզի դառնան աշխարհահռչակ երաժիշտ: Մենք պետք է ստեղծենք պայմաններ, որպեսզի այստեղ մարդկանց հնարավորություն տանք, որ դառնան աշխարհահռչակ երաժիշտ»:

Վարչապետը նշեց, որ արվեստի բուհերի խնդիրները նույն կառավարության խնդիրներն են: «Իսկ ո՞վ է ասել, որ արվեստի բուհերի խնդիրներն ավելի կարեւոր են արվեստի բուհերի համար, քան կառավարության համար, դրանք առնվազն նույն չափով կարեւոր են մեզ համար»,- ասաց վարչապետը եւ հավելեց, որ կրթությունը մեզ համար ռազմավարական ուղղություն է, եւ պետական ներդրումների ծավալները պետք է մեծացնեն, բայց պետք է առաջնորդվենք «ավելին՝ ավելիի դիմաց» սկզբունքով:

«Փողից չպետք է սկսել խոսակցությունը, այլ թե ինչ խնդիր ենք լուծում»,- ասաց վարչապետը: Նախագիծն ընդունվեց:

Տպել
633 դիտում

Սիսիանում պայթյունի հետեւանքով կա մեկ զոհ․ նրա ինքնությունը հայտնի է․ ԱԻՆ

Սիսիանում նռնակի պայթուցիչը ամրացված էր անասնագոմի դռան բռնակներին, ինչի հետեւանքով քաղաքացին մահացել է

Ռուբեն Վարդազարյանն ընտրվեց Բարձրագույն դատական խորհրդի նախագահ

Ամեն ինչ պետք է բացատրե՞մ. Ռոբերտ Քոչարյանը մասնակցում էր իր գույքի վրա դրված կալանքի գործով բողոքի քննությանը

Սիսիանում պայթյուն է տեղի ունեցել․ պատգամավորը հայտնում է մեկ զոհի մասին

ԵՄ-ն Շիրակի մարզի համար․ Ամասիայի նորաստեղծ բրդի գործարանը շահագործման է հանձնվել

Հայոց բանակն այն հիմնական տեղն է, որտեղ ՀՀ քաղաքացիներին սովորեցնում են հաղթելու արվեստն ու հմտությունը․ վարչապետ

ԱԺ նախագահը հանդիպել է ԱՄՆ կոնգրեսականների հետ

Սիրիայի Մեծ Մուֆթին շնորհակալություն է հայտնել Հայաստանին հումանիտար օգնության համար․ ԱԳՆ

Երեւանում ընթացող Եվրո 2019-ում ՀՀ-ն այլեւս շանսեր չունի, կիսաեզրափակչի 1-ին մասնակիցը Ֆրանսիան է

Երբ ինքնաթիռի սրահում ծուխ լցվեց, ուղևորները խուճապի մատնվեցին․ Մոսկվա-Երևան չվերթի ողևոր (տեսանյութ)

Վերաքննիչը մերժել է Վահագն Հարությունյանին չկալանավորելու որոշման դեմ գլխավոր դատախազության բողոքը

ԲԴԽ անդամներն այսօր կհանդիպեն Դավիթ Գրիգորյանի հետ, քննարկելու՝ խուզարկությունն ինչպես է ազդել դատավորի անկախության վրա

Քաղաքապետարանը անորակ ճաքալցում արած ընկերությանը ստիպել է սեփական միջոցներով ասֆալտապատել փողոցը (տեսանյութ)

Իսկ «Հայանտառ» ՊՈԱԿ-ի տնօրենը կամ որոշ բարձրաստիճան պաշտոնյաներ տեղյակ չե՞ն եղել անտառահատումներից․ բնապահպան

Դատավոր Դավիթ Գրիգորյանի աշխատասենյակում քննչական գործողությունների վերաբերյալ տրվել է սուտ տեղեկություն․ պարզաբանում

Ջերմաստիճանը բարձր է լինելու․ ՀՀ-ում սպասվում է բարձր կարգի հրդեհավտանգ իրավիճակ

ԲԴԽ անդամ Նախշուն Տավարացյանի լիազորությունները չեն դադարեցվի. ԲԴԽ-ն հրապարակեց որոշումը

Մեկնարկում է «Մարդու իրավունքները և կանայք Հայաստանի զինված ուժերում» ծրագիրը․ հանդիպում ՊՆ-ում

Աննախադեպ. 3 հայկական թիմ Եվրոպա լիգայի որակավորման 2-րդ փուլում