Բացասական գնահատական ստանալու դեպքում ես էլ ստիպված կլինեմ չդասախոսել․ ՀՊՏՀ-ում կանցկացվեն ուսանողական հարցումներ

Հայաստանի պետական տնտեսագիտական համալսարանում (ՀՊՏՀ) ռեկտորի թափուր պաշտոնի մրցույթ դեռ չի հայտարարվել։ Համապատասխան օրենսդրությունը նախատեսում է, որ մրցույթն անցկացվելու է մինչեւ հուլիս։

Բուհն առայժմ ղեկավարում է տնտեսական գիտությունների դոկտոր, պրոֆեսոր Ռուբեն Հայրապետյանը, որը ռեկտորի ժամանակավոր պաշտոնակատար է նշանակվել նախորդ տարվա վերջին։ Իհարկե, սպասվում է, որ նա նաեւ հաղթելու է թափուր պաշտոնի մրցույթում։

Բայց մինչ այդ, Տնտեսագիտական համալսարանում սկիզբ է առել փոփոխությունների բավական երկար մի շարք, որի վերջին նորությունները վերաբերում են ժամավճարի խոստացվող աճին, պրոֆեսորադասախոսական անձնակազմի վերաբերյալ ուսանողների շրջանում անցկացվելիք էլեկտրոնային հարցումների հայեցակարգին։

Հայտարարվել է, որ այս տարվա սեպտեմբերից Հայաստանի պետական տնտեսագիտական համալսարանում ժամավճարային կարգով դասավանդման վարձատրությունը կավելանա շուրջ երեք անգամ՝ հասնելով 4 500 դրամի 1 դասաժամի համար: Սա նշանակում է, որ յուրաքանչյուր մուտքի համար դասախոսը կվարձատրվի 9 000 դրամի չափով: Այս պահին, դոցենտի դասախոսական 1 ժամի վարձատրությունը կազմում է 1 600 դրամ, իսկ գործնական պարապմունքինը՝ 1 400 դրամ: Այսպիսով նպատակ է հետապնդվում դասախոսական աշխատանքներում ներգրավել բարձրակարգ մասնագետների։

Ժամավճարի այս կտրուկ բարձրացումը հնարավոր է դարձել վերջին չորս ամիսների ընթացքում կատարված մասշտաբային տնտեսումների եւ անհարկի ծախսերի կրճատման հաշվին, որոնց գումարային մեծությունն արդեն մոտենում է 200 միլիոն դրամի:

Ինչ վերաբերում է բուհի մշտական դասախոսների վարձատրության չափի մասին «Հայկական ժամանակ»-ի հարցին, ռեկտորի պաշտոնակատար Ռուբեն Հայրապետյանը պատասխանում է․ «Մինչ այժմ մեր համալսարանում ժամավճարի չափը արհեստականորեն իջեցված է եղել, ինչը լավագույն մասնագետներին վանել է ՀՊՏՀ-ում դասավանդելուց, սակայն մեր կատարած տնտեսումների հաշվին այժմ կարողացել ենք ժամավճարով դասավանդման վարձրատրության չափը եռապատկել՝  այդպիսով Տնտեսագիտական համալսարանում դասավանդումը դարձնելով գրավիչ բարձրակարգ մասնագետների համար: Ժամավճարի վարձատրությունն այժմ համադրելի է հիմնական դրույքով աշխատող դասախոսների աշխատավարձերի հետ, որն ավանդաբար մեր համալսարանում բարձր է եղել եւ մնացել է անփոփոխ: Ձեւավորվել էր կրթության որակի անկումը խրախուսող մի ապակառուցողական համակարգ, որում բարձր որակավորում ունեցող մասնագետները հաճախ վարձատրվում էին շատ ավելի ցածր, քան մասնագիտական ակնհայտ թերություններ ունեցող որոշ դասախոսներ: Առաջիկայում նախատեսվում է նաեւ աշխատավարձերի տարբերակման նոր մեխանիզմների ներդնում, որի արդյունքում արդյունավետ աշխատող դասախոսները կստանան էլ ավելի բարձր վարձատրություն եւ հակառակը»:

Դասախոսների պարգեւատրման տարբերակված չափը որոշելիս բուհի ղեկավարությունն առաջնորդվելու է նաեւ ուսանողության կարծիք-գնահատականներով։ ՀՊՏՀ սովորողները մայիսի 14-ին հրավիրված են ռեկտորի պաշտոնակատարի հետ հանդիպման՝ քննարկելու էլեկտրոնային հարցումների հայեցակարգը, նաեւ ուսանողերի անմիջական մասնակցությամբ մշակելու հարցումների օբյեկտիվ ու անխոցելի մեխանիզմ։

«Էլեկտրոնային հարցումների միջոցով ուսանողների կողմից գնահատվելու են դասախոսները: Այդ գործընթացի արդյունքում ընտրված դասախոսների վարձատրության չափը տարբերակելու ենք, իսկ ուսանողների շարունակական դժգոհության պարագայում տվյալ դասախոսի հետ պայմանագիրը կլուծվի: Աշխատանքի այս պայմաններին պետք է պատրաստ լինեն Տնտեսագիտական համալսարանում դասավանդող բոլոր դասախոսները, այդ թվում նաեւ ես՝ որպես կառավարման ամբիոնի դասախոս: Հարցման արդյունքով բացասական գնահատական ստանալու դեպքում ես ստիպված եմ լինելու հրաժարվել դասախոսական ժամերից, եւ չեմ ունենալու որեւէ լծակ՝ ազդելու նրանց որոշման վրա»,- ասում է ռեկտորի պաշտոնակատարը։ Ի դեպ, էլեկտրոնային այս հարցումներին ուսանողները մասնակցելու են անանուն։ Սույն գործընթացը նույնպես նախատեսվում է մեկնարկել նոր ուսումնական տարվանից։

Ինչ վերաբերում է նախկինում բուհում կատարված անհարկի ծախսերին ու անցյալ ամիսների ընթացքում ունեցած տնտեսումներին, հետաքրքրվեցինք, թե այդպիսի ինչ օրինակներ կան, հատկապես ինչի հաշվին են եղել 200 միլիոն դրամի հասնող խնայողությունները։ «Մեր տնտեսումները եղել են մի քանի ուղղություններով աշխատանքների վերանայման արդյունքում գնումների գործընթացում կատարված տնտեսումներ։ Հետաքրքիր է, որ շատ դեպքերում ավելի ցածր գնով կարողացել ենք ձեռք բերել ավելի բարձրորակ ապրանքներ եւ ծառայություններ, վարչական ապարատի անհարկի ուռճացված ծախսերի կրճատում, ինչպես նաեւ հանրակացարանի («Տնտեսագետ» ուսանողի տուն) պայմանագիրը վերանայելով»,- փոխանցեց Ռուբեն Հայրապետյանը:

Ի դեպ, հանրակացարանը շահագործող ընկերությունը պատկանում է ՀՊՏՀ նախկին ռեկտոր Կորյուն Աթոյանի որդուն։ Ավելի վաղ հայտնի էր դարձել, որ ընկերության հետ կնքված պայմանագիրը վերանայվել է՝ կրճատվել է դրա գործողության ժամկետը, փոփոխվել վարձակալության վճարի չափն ու այլ պայմաններ։

«Հայկական Ժամանակ»-ը Telegram-ում
Տպել
3461 դիտում

Հայաստանը 2020-ից սկսած երբեք այսքան անվտանգ չի եղել. ուզում են ՌԴ-ի հետ մնալ, որ ինչ ուզի՝ թելադրի՞. Սարգսյան

Իրացվել որպես լիարժեք քաղաքացի՝ նպաստելով պետության զարգացմանը. ԿԳՄՍ նախարարը պարգևներ է հանձնել ՇՊՀ-ում

Գևորգ Պապոյանը Ուրուգվայի դեսպանին է ներկայացրել «Խաղաղության խաչմերուկ»-ը

Մեքենաներ են բախվել. 3 վիրավորներից մեկը տեղափոխվել է Երևան

Արփինե Սարգսյանը կգործուղվի Վրաստան

Համակարգչային շերտագրման ժամանակակից սարք` Կապանի ԲԿ-ին

ՆԳՆ շրջիկ սպասարկման գրասենյակները ծառայություններ կմատուցեն Շիրակի և Լոռու մարզերում. ժամանակացույց

Իդիոտ են, եթե դեռ կան մարդիկ, որ մտածում են՝ թուրքը հարձակվի, ռուսը դոշ է տալու մեզ համար. Քոչինյան. տեսանյութ

ՅՈՒՆԵՍԿՕ-ն Նեմրութ լեռան սրբավայրի պահպանման աշխատանքներ է սկսել

Տեղի է ունեցել «Քաղաքացիական պայմանագիր» կուսակցության վարչության նիստ. այն վարել է Նիկոլ Փաշինյանը. տեսանյութ

«Իմ քայլը» հիմնադրամի հոգաբարձուների խորհուրդը հաստատել է «Կրթվելը նորաձև է» շարժման աջակից նոր ծրագիրը

Հազարավոր երեխաներ զրկվել են մանկապարտեզ հաճախելուց. դրանցից մեկը Կասկադում սրճարան է դարձել. տեսանյութ

Արտասովոր ամպրոպային ամպեր. Սուրենյանը նոր հրապարակումներ է արել. լուսանկար, տեսանյութ

Վարշավայում քննարկվել է պաշտպանության բնագավառում Հայաստան-Լեհաստան համագործակցությունը

Մոսկվան ցանկանում է հասկանալ, թե ինչ է կանգնած Թրամփի սահմանած 50-օրյա վերջնաժամկետի հետևում. Լավրով

Քաղցրաշեն գյուղում ավտոմեքենա է այրվել

Տեղատարափ. Գագիկ Սուրենյանը տեսանյութ է հրապարակել

Համակարգչային հափշտակություններ կատարող հանցավոր կազմակերպություն է բացահայտվել. ինչպես են գործել. տեսանյութ

Վարդենիս-Մարտունի ճանապարհին BMW-ն դուրս է եկել երթևեկելի հատվածից, հայտնվել գազատար խողովակի վրա. կա տուժած

Շանը մեքենային կապած վիճակում վարելու դեպքի առթիվ նախաձեռնվել է քրեական վարույթ

Հայաստանը Ֆրանսիայում ռազմական կցորդ կունենա. նոր նշանակում

Հակոբ Սիմիդյանը կազատվի պաշտոնից

Պաշտոնանկություն Վայոց ձորի մարզպետի աշխատակազմում

Երևանի մի շարք խաչմերուկներում լուսացույցներ կգործարկվեն

Վերանշանակումներ ԱԱԾ-ում. վարչապետը որոշումներ է ստորագրել

Արգիշտի Մեխակյանը նշանակվել է Վաղարշապատ համայնքի ղեկավարի պաշտոնակատար

Իդրամը՝ Tech Week 2025-ի մասնակից

«Կրթվելը նորաձև է» նախաձեռնությունը շուտով կլինի հայաստանյան հեռուստաեթերում. տեսանյութ

Հայաստանում Միացյալ Թագավորությունը նոր դեսպան ունի

ՌԴ-ին վստահեցրել ենք՝ կլինենք թափանցիկ, մեր սերտիֆիկատը կլինի հավաստի, սխալվելու իրավունք չունենք. Պետրոսյան

Մեքենայում կարող էիք լինել դուք, ձեր երեխան, ծնողը. եթե սա ահաբեկչության պլանավորում չէ, ապա ինչ է. Ալեքսանյան

Ինչ փոփոխություններ է արձանագրել տարադրամի շուկան հուլիսի 15-ին

Սասնա ծռերը պաշտոնապես մաս էին կազմում Գալստանյանի շարժմանը ու հենց ըստ իրենց՝ ահաբեկիչ են. Ալեքսանյան

«Կրթվելը նորաձև է» շարժման առաջին փուլը կարող ենք հաջողությամբ փակել և թևակոխել երկրորդ փուլ. Աննա Հակոբյան

Մոսկվայում առատ անձրևների հետևանքով հեղեղվել են մի շարք փողոցներ, մետրոյի կայարաններից մեկը. տեսանյութ

Ալեքսանդրա Քոուլը նշանակվել է ՀՀ-ում Միացյալ Թագավորության դեսպան

Երևանում օգոստոսի 1-ից հասարակական տրանսպորտի տոմսային համակարգը կշարունակի գործել վճարման 3 տարբերակով

Հայկական մամուլը շարունակում է 3 մլն մարդու ուղեղ սղոցել միջանցքի մասին 3 մանեթանոց ողբ ու կականով. Աթանեսյան

Շանը մեքենայից կապած 62-ամյա տղամարդը ձերբակալվել և մեքենայով հանդերձ տեղափոխվել է ՆԳՆ ոստիկանություն

Անպաշտպան կենդանուն տանջելն ինչպե՞ս կարող է ձեզ հաճույք պատճառել. Հակոբյանը՝ շանը տանջելու դեպքի մասին