Ցանկանում եմ, որ հայրենիքը երբեք բժիշկների հավելյալ օգնության կարիք չունենա. Նիկոլ Փաշինյան

ՀՀ վարչապետ Նիկոլ Փաշինյանը երկար ու փառքով լի ճանապարհ է մաղթում Երեւանի պետական բժշկական համալսարանի շրջանավարտներին: Այսօր՝ հուլիսի 12-ին, նա մասնակցել է ԵՊԲՀ ռազմաբժշկական ֆակուլտետի 25-ամյակի ու հանդես եկել ելույթով.

«Հարգելի՛ ներկաներ, պետական այրեր, դիվանագիտական կորպուսի ներկայացուցիչներ, պարոնայք սպաներ, հարգելի՛ շրջանավարտներ,

Շնորհավորում եմ մեզ բոլորիս այսօրվա իրադարձության կապակցությամբ: Առաջինը ռազմաբժշկական ֆակուլտետի եւ շրջանավարտների վերաբերյալ խիստ խորհրդանշական է ավարտել բժշկական համալսարանը եւ հանգել զինվորական համազգեստ, խիստ պատասխանատու է ծառայել կրկնակի երդման ներքո՝ Հիպոկրատի երդումը եւ զինվորական ծառայության երդումը: Եվ այս պատասխանատվությունը եռակի մեծանում է մեկ ուրիշ հանգամանքով: Ընդհանրապես ՀՀ-ում, հայ ժողովրդի շրջանում յուրաքանչյուր բժիշկ պացիենտի հետ առնչվելիս զգում է նրա ընտանիքի շատ ուժեղ ճնշումը: Զինվորական ռազմաբժշկական գործի մասնագետների համար այդ ճնշումը տասնապատիկ է, որովհետեւ յուրաքանչյուր զինվորի, յուրաքանչյուր սպայի, յուրաքանչյուր հայ ընտանիք համարում է իր անդամը, իր անբաժանելի մասը, եւ հետեւաբար մեր այս շրջանավարտները, որոնք կայացրել են միանգամից կրկնակի երդման եւ կրկնակի համզգեստի ներքո ծառայություն ստանձնել, այս մարդիկ աներկբա ուժեղ եւ պատասխանատու մարդիկ են, եւ ես նրանց ցանկանում եմ պատվով կատարել իրենց պատասխանատու առաքելությունը:

2-րդը բժշկական համալսարանի շրջանավարտների, ինչպես ասում են, քաղաքացիական բժիշկների մասին. դեռ այն ժամանակ, երբ Հայաստանում չկար ռազմաբժշկական ֆակուլտետ, այդ ժամանակներում մեր երկրի բժիշկները ճակատում էին Արցախյան հերոսամարտի ընթացքում եւ ճակատում նրանք բուժօգնություն էին ցույց տալիս մեր ազատամարտիկներին, մեր զինվորներին: Բայց ես մեր քաղաքացիական բժիշկներին ցանկանում եմ, որ նրանց աշխատանքը լինի ամբողջությամբ քաղաքացիական կյանքում, որ հայրենիքը երբեք հավելյալ օգնության կարիք չունենա:

Ես ցանկանում եմ, որ նրանք մասնագիտանան մեր քաղաքացիներին ստեղծարար կյանքի վերադարձնելու, արժանապատիվ ու երջանիկ կյանքի վերադարձնելու գործում: Եվ ես ցանկանում եմ, որ Հայաստանում բժշկական ստանդարտները, բժշկական ծառայության որակը ամեն օրվա, ամեն տարվա հետ բարձրանա, եւ ՀՀ յուրաքանչյուր քաղաքացի զգա, որ բժշկական այդ ծառայությունները հասանելի են իրեն եւ այդպես լինի իրականում: Եվ ինչպես տեսնում եք, մեր կառավարության համար սա առաջնահերթություն է, որ որեւէ քաղաքացի որեւէ առողջապահական հիմնարկի մուտքից ձեռնունայն չվերադառնա:

Ես ցանկանում եմ, որ մենք միասին կարողանանք ստեղծել այնպիսի իրավիճակ, որ յուրաքանչյուր բժշկի ձեռքը մշտապես պարզած լինի եւ օգնության պատրաստ ոչ միայն դե յուրե, այլեւ դե ֆակտո, այդ պատրաստակամությունը իրականություն դարձնելու իրական հնարավորություն լինի: Եվ սա մեր հավաքական գործն է, որ պետք է անենք:

Երորդը՝ մեր օտարերկրյա շրջանավարտների վերաբերյալ. ես հույս ունեմ, որ նրանք ՀՀ-ում ստացել են անհրաժեշտ մասնագիտական գիտելիքներ, հմտացել են բավարար պրոֆեսիոնալիզմով եւ այս տարիներին ապրել են հարազատ միջավայրում: Եվ ուզում եմ հավատալ, որ նրանք այսուհետ դառնում են ՀՀ դեսպանը իրենց երկրներում: Ես ուզում եմ հավատալ, որ նրանք իրենց երկրներում կհասնեն այնպիսի հաջողությունների, իրենց ժողովուրդների կմատուցեն այնպիսի ծառայություններ, որ իրենցով հպարտ կլինեն ոչ միայն իրենց ծնողները, ոչ միայն իրենց հարազատներն ու բարեկամները, այլեւ ընդհանրապես Հայաստանի Հանրապետությունը: Եվ ես հույս ունեմ, որ նրանց օրինակը, պրոֆեսիոնալիզմը տեսնելով, նրանց ավելի ու ավելի շատ հայրենակիցներ ՀՀ-ում բարձրագույն կրթություն ստանալու հնարավորություն կունենան:

Եվ 4-րդը ԵՊԲՀ-ի վերաբերյալ. նախորդ տարի էլ այս օրվա առիթով ասել եմ, որ բժշկական համալսարանը, ըստ էության, այսօր միակ կամ ամենահաջողված պետական բուհն է, որ արտահայտում է մեր բարձրագույն կրթական համակարգի ապագայի վերաբերյալ մեր պատկերացումը: Խոսքը մեր բարձրագույն կրթական համակարգը միջազգայնացնելու մասին է, որպեսզի մեր բոլոր բուհերը ունենան շոշափելի տոկոսով արտասահմանցի ուսանողներ: Եվ մենք հույս ունենք, որ ԵՊԲՀ-ը ոչ միայն իր այս պրակտիկան կընդլայնի եւ կշարունակի, այլեւ Հայաստանի ավելի ու ավելի շատ բուհեր ավելի ու ավելի գրավիչ կլինեն օտարերկրացի ուսանողների համար:

Հարգելի՛ ներկաներ, ԵՊԲՀ հարգելի՛ դասախոսներ, հարգելի՛ աշխատակիցներ, շրջանավարտների սիրելի՛ ծնողներ, սիրելի՛ շրջանավարտներ, շնորհավորում եմ ձեզ այսօրվա կապակցությամբ, բժշկի բարձր մասնագիտական ճանապարհին առաջին քայլը անելու կապակցությամբ, եւ ես հույս ունեմ, համոզված եմ, որ ձեր առաջին քայլին կհաջորդի 2-րդը, 3-րդը, ձեր մասնագիտական ճանապարհը կլինի երկար եւ կպսակվի փառքով: Շնորհակալ եմ»,- ասել է վարչապետը:

Տպել
3968 դիտում

Մենք կցանկանանք, որ ԱՄՆ ճնշում չգործադրի Հայաստանի վրա՝ իրանական պատժամիջոցների օրակարգում ներգարվվելու համար. Միրզոյան

Հակառակորդի կրակոցների հետեւանքով Նախիջեւանի սահմանին հրդեհ է բռնկվել. հայկական կողմը մարել է այն (տեսանյութ)

Նպատակը՝ անվտանգ երթևեկությունն է. ՀՀ-ի հյուսիսում եւ հարավում մասշտաբային ճանապարհաշինական աշխատանքներ են ընթանում

Անասնագերեզմանոց Գյումրիում. ոսկորներն ու գանգերը տարածված են բաց դաշտում

Նոր ՋԷԿ-ի պայմանագիրը վերաբանակցվել է. տարեկան 6.4 միլիոն դոլարի խնայողություն է ապահովվել

Նախշուն Տավարացյանի լիազորությունների դադարեցման պահանջով ԲԴԽ նիստ է գումարվելու. Բեքմեզյան

Հայբիզնեսբանկը միացել է EARLYONE հաճախորդների հոսքերի հեռահար կառավարման համակարգին

ՎՏԲ-Հայաստան Բանկի Թիվ 33 մասնաճյուղը կգործի նոր հասցեում

ՀՀ-ում ընթացող Եվրո 2019-ի B խումբը միանձնյա առաջատար ունի

Քաղաքացին կարող է իր գույքն ու հողամասն օտարել առանց եկամտահարկ վճարելու․ ՄԻՊ-ի բարձրաձայնած խնդիրները լուծվել են

Խոշոր չափերով շորթում և ծեծ. ՔԿ-ն մանրամասներ է ներկայացրել Սամվել Կարապետյանի եղբորդորդուն առաջադրված մեղադրանքի մասին

Հայտնաբերվել է մաքսային հսկողությունից թաքցված հեռախոսների ներմուծման դեպքեր. ՊԵԿ-ի բացահայտումը

Հայաստանը դարձնում ենք դրախտ՝ տաղանդավոր մարդկանց համար. Նիկոլ Փաշինյան (տեսանյութ)

ՀՀ պաշտպանության նախարարը մասնակցել է ԵԿՄ ուսումնամարզական ճամբարի բացման արարողությանը

Աննա Հակոբյանն պետական տիկնիկային թատրոնում ներկա է գտնվել բարեգործական ներկայացմանը

Աբովյանում 34-ամյա տղամարդու սպանությունը բացահայտվել է, կասկածյալը ձերբակալվել է (լուսանկարներ)

Երեւանի բնակարաններից մեկում հայտնաբերվել է 77-ամյա տանտիրոջ դին

Արփիին ու ինձ սկսել է դուր գալ իրար հետ աշխատանքի գնալը. Աննա Հակոբյան

Սամվել Կարապետյանի եղբորորդուն մեղադրանք է առաջադրվել. ըստ մեղադրանքի՝ նա գործարարից 10.000.000 եվրո գումար է պահանջել

Վթար Գետափ-Մարտունի ավտոճանապարհին. 3 հոգի հոսպիտալացվել է