Բողոքի ակցիաներ Գյումրու լուծարվող գիշերօթիկներում. ու՞ր են գնալու երեխաներն ու գործազուրկ մանկավարժները

Գյումրու գիշերօթիկ խնամքի հաստատություններում խառը իրավիճակ է: Նախ «Գյումրու երեխաների խնամքի և պաշտպանության թիվ 1 գիշերօթիկ հաստատության» աշխատակիցներն ու ծնողներն, այնուհետ «Գյումրու Ֆրիտյոֆ Նանսենի անվան երեխաների խնամքի և պաշտպանության թիվ 2 գիշերօթիկ հաստատության» աշխատակիցներն են բողոքի ակցիա կազմակերպել: Նրանք ընդդիմանում են կառավարության առաջարկին, որով նախատեսվում է լուծարել Գյումրու այս երկու հաստատությունները: Առաջարկը դեռ որոշում չի դարձել, սակայն բոլոր քննարկումները, որոնք իրականացվում են ներկա պահին Աշխատանքի եւ սոցիալական հարցերի նախարարությունում, կշեռքի սլաքն ուղղում են դեպի լուծարման նժարը: Երկրորդ նժարին դրված է երեխաների ճակատագիրը:

Այսօր բողոքի ակցիա կազմակերպած աշխատակիցներն անհանգիստ են, քանի որ այս որոշմամբ իրենք դառնում են գործազուրկներ: «Գյումրու երեխաների խնամքի և պաշտպանության թիվ 1 գիշերօթիկ հաստատություն»-ը 75 աշխատակից ունի, 63 խնամվող երեխա: Նրանցից 35-ի վերադաձն ընտանիք՝ հաստատության տնօրեն Գինուշ Զատիկյանն անհնար է համարում: «Ես մտածում եմ, որ պետությունը երեւի չփակի մեր հաստատությունները, դա ինքնաոչնչացման նման կլինի, վերջը երեխաների ճակատագրերի հետ գործ ունենք, չէ՞: Հաստատ մի այլ տարբերակ կմտածեն սրա հետ կապված: Պարզապես, որ ասեցին սեպտեմբերի 2-ին այլեւս երեխաներ չենք ընդունելու, դրա համար ավելի բորբոքվեցին եւ խառնվեցին իրար: Այս պահին դեռ ամեն ինչ քննարկվում է, վերջնական որոշում չկա»,-ասաց նա:Գյումրու Ֆրիտյոֆ Նանսենի անվան երեխաների խնամքի և պաշտպանության թիվ 2 գիշերօթիկ հաստատություն»-ում գործազուրկ դառնալու ճանապարհին է 73 աշխատակից: Խնամվող երեխաների թիվը 69-է: «Մեր աշխատակիցներն էլ են վրդովված, մտահոգված, որ մնում են առանց աշխատանքի: Դրանից բացի մենք ունենք երեխաներ, որոնց տուն ուղարկելն անհնար է տարբեր օբյեկտիվ հանգամանքներով պայմանավորված: Ռիսկային խմբերի երեխաներ ունենք, ընտանեկան խնդիրներ կան: Իրականացվել է խորքային գնահատում, նախարարության դիրքորոշումը հետեւյալն է. մինչեւ վերջին երեխայի խնդիրը չկարգավորվի, լուծարում չի լինի: Մեր ծնողներն ահավոր մտահոգ են, որովհետեւ  տարբեր խնդիրներ կան: Թե ինչ է լինելու չգիտեմ, սպասում եմ կառավարության որոշմանը»,-ՀԺ-ի հետ զրույցում ասաց Ֆրիտյոֆ Նանսենի անվան երեխաների խնամքի և պաշտպանության թիվ 2 գիշերօթիկ հաստատության» տնօրեն Անահիտ Կարապետյանը:«Կառավարությունը դեռ մեզ վերջնական ոչինչ չի ասել, Շիրակի մարզպետարանը չունի որեւէ փաստաթուղթ, որով ասի սեպտեմբերի 1-ին երեխաները գնալու՞ են, թե ոչ իրենց հաստատություններ: Դրա համար ես չեմ կարող հստակ պատասխանել, դեռ առկախ է վիճակը»,-ՀԺ-ի հետ զրույցում ասաց Շիրակի մարզպետարանի Ընտանիքի, կանանց եւ երեխաների իրավունքների պաշտպանության բաժնի պետ Լիլիթ Գորգինյանը: Ըստ նրա, այս թեմայից ե՛ւ երեխաներն են իրազեկ, ե՛ւ ծնողները, ե՛ւ հաստատությունների ղեկավարները: 2016 թվականից սկսած իրենք էլ են աշխատանքներն այնպես կազմակերպել, որ հնարավորինս նվազեցնեն հաստատություններում խնամվող երեխաների թիվը: Բայց որ կան երեխաներ, որոնք չեն ուզում վերադառնալ ընտանիքներ, անհերքելի է: «Երեխաներն ունեն կապվածություն հաստատությունների, մանկավարժների հետ, ունեն ընկերներ: Բայց պետական քաղաքականությունը երեխայի ընտանիքում ապրելու իրացմանն է ուղղված: Ամբողջ խնդիրն այն է, որ այդ իրավունքը պետք է իրացվի ի շահ երեխայի, որ նա ունենա բավարարա կենսապայմաններ, ծնողներն ունենան բավարար ծնողավարություն, որ երեխան վերադառնա ընտանիք եւ ոչինչ չկորցնի»,-ասաց Լիլիթ Գորգինյանը:

Մեծ է հավանականությունը, որ  ընտանիք վերադարձած երեխաները կրկին կհայտնվեն փողոցում,ՀԺ-ի դիտարկման հետ Լիլիթ Գորգինյանը համամիտ եղավ: Ավելին, այս կտրվածում մտածելու շատ բան կա: «Ռիսկայնությունն էլ ենք մենք հգնահատել եւ ներկայացվել է նախարարությանը: Այսօր Շիրակի մարզում մենք մուրացիկ հաշվառված երեխաներ չունենք, թափառող երեխաներ չունենք, հանրակրթությունից դուրս մնացած երեխաների թիվը չափազանց փոքր է, 15:  Եթե սեպտեմբերի 1-ից գիշերօթիկները լուծարվեն մենք տեսնում ենք հետեւյալ ռիսկը. Այն երեխաները, որոնք չունեն ծնողների կողմից բավարար ուշադրություն, կամ ընտանիքը չունի անհրաժեշտ կենսապայմանները, այդ երեխաները կհայտնվեն փողոցում, կբարձրանա հանրակրթությունից դուրս մնալու վտանգը, թափառող երեխաները կավելանան, ինչու չէ, նաեւ կա ռիսկ, որ այս երեխաները կարող են հայտնվել տարբեր միջավայրների ու վտանգավոր խմբերի մեջ ներգրավվել եւ ավելանա անչափահաս հանցագործների թիվը: Այս ամենը մենք տեսնում ենք, եւ դրանց ուղղությամբ կանխարգելիչ աշխատանքներ տարվում են: Բայց թե ինչ կլինի, չեմ կարող ասել»:

Գիշերօթիկների աշխատակիցները նաեւ իրենց հաստատություններ էին այսօր հրավիրել ԱԺ պատգամավոր Սոֆիա Հովսեփյանին: «Ինձ զանգեցին, կանչեցին, ես Մարալիկի թիվ 1 դպրոցում ներառական կրթության վերապատրաստման էի գնացել մասնագետների հետ: Էնտեղից անմիջապես եկա եւ հանդիպեցի նրանց հետ»,- ՀԺ-ին ասաց Սոֆիա Հովսեփյանը:  Ըստ նրա, արդեն գնահատումն արված է եւ հստակ է, թե որ երեխաներն են մնալու տանը, որոնք՝ խնամքի հաստատություններում: Նշենք, որ երեխաների հիմնական մասը ներկա պահին ամառային արձակուրդներով պայմանավորված ընտանիքներում են: Այն երեխաները, որոնց համար որոշվել է, որ մնալու են ընտանիքներում, այլեւս սեպտեմբերին չեն գա գիշերօթիկ՝ ավելորդ սթրեսի չենթարկվելու համար, քանի որ նրանք հունվարին ընդմիշտ են վերադառնալու տուն: «Առաջարկը եղել է նախարարությունից: Քանի որ ամառվա ընթացքում երեխաները ընտանիքներում են եղել, այնտեղ էլ կմնան, իսկ այն երեխաները, որոնք շարունակել են մնալ գիշերօթիկում, կմնան այնքան, մինչեւ հաստատությունը կվերակազմավորվի որպես խնամքի կենտրոն: Երկու գիշերօթիկներում խնամվող նման կարգավիճակ ունեցող 50-ից 70 երեխայի մասին է խոսքը: Կմնան այնքան մինչեւ կձեւավորվի մեկ աջակցության կենտրոն եւ սեպտեմբերին այդ երեխաները կգան այդ կենտրոն: Սա քանի որ ենթադրում է մասնագիտական կադրերի ընտրություն, արդեն սկսել են բոյկոտել, բողոքել: Բայց այս մասին վաղուց էր ասված, դեռ հուլիսից խորքային գնահատումներն արված են, ավելին, սա տարիներով իրականացվող ծրագիր է, որն այս տարի հասել է մեր մարզ»,-ասաց պատգամավորը:

Սոֆիա Հովսեփյանը նաեւ նշեց, որ խոսել է նախարարության հետ եւ ասել, որ անկախ ամեն ինչից պետք է լուծել գիշերօթիկների մասնագետների աշխատանքի խնդիրը, օգտագործելով թե ներառական կրթության համընդհանուր ներառման բաժինը, թե հնարավոր այլ տարբերակները: «Հենց նոր եմ խոսել, իրենք էլ են համաձայն սրա հետ, առաջիկայում քննարկում կլինի, երկու հաստատություններից էլ կներկայացնեն դիմումներ, որոնք ես կուղարկեմ նախարարություն, կստանանք գրավոր պատասխաններ եւ ըստ այդմ էլ կհասկանանք, թե ինչ ենք անելու»:

Եթե որոշում կայացվի թողնել ընդամենը մեկ խնամքի կենտրոն, ապա կմնա կամ Գյումրու երեխաների խնամքի և պաշտպանության թիվ 1 գիշերօթիկ»-ը, կամ  «Գյումրու Ֆրիտյոֆ Նանսենի անվան երեխաների խնամքի և պաշտպանության թիվ 2 գիշերօթիկ հաստատություն»-ը: Բայց թե ո՞ր մեկը, ի՞նչ կազմով եւ ինչպե՞ս, երկու տեղից հավաքագրված մասնագետներով, թե` այլ, կհստակեցվի  մինչեւ սեպտեմբեր:

Տպել
4936 դիտում

«Սուրբ Աստվածամայր» ԲԿ տեղափոխված 14-ամյա աղջիկը դուրս է գրվել հիվանդանոցից

ՀՀ-ում ԱՄՆ դեսպանատունը ցավակցություն է հայտնել «Սուրմալու»-ում տեղի ունեցած պայթյունի կապակցությամբ

Հրշեջ-փրկարարներն ապացուցում են, որ ցանկացած պահի մեր քաղաքացիների կողքին են. ԱԻ նախարար

Թուրքիայի հատուկ ներկայացուցիչը ցավակցություն է հայտնել «Սուրմալու»-ում տեղի ունեցած պայթյունի կապակցությամբ

Այս տխուր պահերին մենք հոգով ու մտքով երևանցիների հետ ենք. Ստեփանակերտի քաղաքապետ

«Սուրմալու» առևտրի կենտրոնում պայթյունի հետևանքով զոհված 6 քաղաքացիների ինքնությունը հայտնի է

Կազմակերպած պայթյունի մասին բոլոր խոսակցությունները անիմաստ են. Դանիել Իոաննիսյան

ԱԱԾ-ն հորդորում է չտարածել ահաբեկչական սպառնալիքների վերաբերյալ չճշտված տեղեկություններ

1 զոհ, 4 վիրավոր. վթար Երևան-Երասխ ճանապարհին

Արցախի Հանրապետության ժողովրդի և անձամբ իմ անունից ցավակցություն եմ հայտնում զոհվածների հարազատներին. Հարությունյան

Կուրղինյան փողոցի բնակիչները 10 ժամ ջուր չեն ունենա

«Սուրմալու» կենտրոնում պայթյունի գործով ՔԿ ծանր հանցագործությունների քննության բաժնում նախաձեռնվել է քրեական վարույթ

Փլատակների տակից դուրս են բերվել 10 տուժած, 6 դի, 21 տրանսպորտային միջոց, որոնողական աշխատանքները շարունակվում են․ ԱԻՆ

Պայթուցիկների տեղադրման մասին ահազանգերը փոխանցվում են հիմնականում էլեկտրոնային փոստի նամակների միջոցով. ՀՄՏԿ

Առողջապահության նախարարությունը նոր տվյալներ է հայտնել «Սուրմալուի» պայթյունի հետևանքով զոհվածների և վիրավորների մասին

«Սուրմալու» առևտրի կենտրոնի տարածքում անհետ կորած համարվող քաղաքացիների թիվը 16 է. ԱԻՆ-ը անուններ է հրապարակել

Նիկոլ Փաշինյանը ժամանել է «Սուրմալու» առևտրի կենտրոն

ԱԻՆ-ն ահազանգեր է ստացել տարբեր օբյեկտներում ու կենտրոններում պայթուցիկ սարքերի տեղադրման մասին

«Սուրմալու»-ում տեղի ունեցած պայթյունի հետևանքով տարբեր հիվանդանոցներ են տեղափոխել 51 քաղաքացի

«Սուրմալու»-ի պայթյունի հետևանքով բժշկական կենտրոն է տեղափոխվել տասը անչափահաս․ ԱՆ-ն տվյալներ է հայտնում

ՀՀ տարածքում ավտոճանապարհներն անցանելի են

Պայթյունից տուժածներն այս պահի դրությամբ 34-ն են. ԱԻՆ-ը նոր տվյալներ է հաղորդել

«Սուրմալու» առևտրի կենտրոնում պայթյունի հետևանքով 5 տարեկան երեխա չի մահացել. ԱՆ

8 օրում Սյունիքի մարզում կշռվել է 1082 տրանսպորտային միջոց, 104 վարորդի նկատմամբ կազմվել է արձանագրություն

Պայթյունի հետևանքով «Սուրբ Աստվածամայր» ընդունված քաղաքացիներից մի քանիսը ստացել են առաջին բուժօգնություն և գնացել տուն

Պայթյունի հետևանքով 26 տուժած բուժօգնություն է ստանում տարբեր բժշկական կենտրոններում

Պայթյունի օջախ պահեստը վերջերս էր ՔՀՏԱ տեսչական մարմնի կողմից տուգանվել և պարտավորվել վերացնել խախտումները․ Հակոբյան

Ամառային դպրոց` Ազգային ժողովում, մասնակցելու համար ներկայացնել բարձր առաջադիմության թերթիկ․ Զարուհի Բաթոյան

Ըստ նախնական տվյալների՝ տեղի է ունեցել պայթյուն՝ հրդեհի բռնկմամբ․ կա մեկ զոհ և քսան տուժած

«Սուրմալու»-ում պայթյունը տեղի է ունեցել հրդեհի բռնկմամբ, կան տուժածներ. ԱԻՆ-ը մանրամասներ է հայտնում (լուսանկարներ)

Սուրմալու շուկայում պայթել է հրավառությունների նյութերի համար նախատեսված պահեստը

Կոչ եմ անում արագ ընթացք տալ հրավառությունները և ճայթուկների վաճառքը արգելելու նախաձեռնություններին. Արսեն Թորոսյան

«Սուրմալու» առևտրի կենտրոնում տեղի է ունեցել պայթյուն (լուսանկարներ)

Առաջիկա օրերի եղանակային կանխատեսումը

ՀՀ Երկրապահ կամավորականների միությունը ցավակցում է գեներալ-մայոր Սեդրակ Սարոյանի մահվան կապակցությամբ

Ձորաղբյուրի վերջնամասում մեքենան շրջվել է․ կա զոհ և վիրավոր

Ծանրորդ Սերյոժա Բարսեղյանը՝ Եվրոպայի Մ15 տարեկանների չեմպիոն, Ժորա Գրիգորյանը՝ պատանիների փոխչեմպիոն

Ջրասուզակները հայտնաբերել են մեկ շաբաթ առաջ ջրահեղձ եղած եռամսյա հավաքի 31-ամյա մասնակցի դին

Օգոստոսի 10-14-ը հրշեջ-փրկարարները մարել են ընդհանուր մոտ 30,8 հա տարածքում բռնկված հրդեհները

Կառավարության 3-րդ մասնաշենքի մոտ անկարգությունների դեպքի առթիվ ևս մեկ մեղադրյալի մասով նախաքննությունն ավարտվել է