Գյումրու «Դվին» ռեստորանում զանգվածային թունավորման պատճառով հոսպիտալացվել է 46 քաղաքացի, որոնցից ինը՝ երեխաներ

Երեկ երեկոյան 21։35-ից հետո Գյումրու «Դվին» հարսանյաց սրահից թունավորման ախտանիշներով՝ սրտխառոնցով, փսխումներով Գյումրու ինֆեկցիոն հակատուբերկուլյոզային հիվանդանոց է դիմել ընդհանուր առմամբ 46 հիվանդ, որոնցից 9՝ երեխաներ։ Այս մասին ՀԺ-ի հետ զրույցում հայտնեց հիվանդանոցի տնօրեն Կարինե Տոնոյանը։

Նա ասաց, որ նախ մեկ-երկու քաղաքացի է դիմել հիվանդանոց, հետո արդեն շատացել են դիմողները, բոլորը եղել են հարսանքավորներ։

Թե որ սննդամթերիքից են թունավորվել հրավիրյալները՝ դեռ պարզ չէ։ Հիվանդանոցի տնօրենն ասաց, որ հյուրերը տարբեր բաներ են կերել, հիմնականում բողոքել են խոզապուխտից, հնարավոր է՝ թունավորվել են նաեւ աղցաններից։ Ինչպես մեր զրույցում նշեց Տոնոյանը՝ սանիտարական ծառայությունը վերցրել է սննդի նմուշներ, ուսումնասիրությունից հետո կպարզվի՝  սննդամթերի որ տեսակից է եղել թունավորումը։

Հիվանդանոցում գիշերը բոլոր հիվանդները ստացել են առաջին բուժօգնություն, ստամոքսի լվացում, աղիների մաքրող հոգնա, եւ այլն։ Թունավորվածների մեծ մասի առողջական վիճակը լավացել է, նրանք վերադարձել են տուն։ Կարինե Տոնոյանը փոխանցեց, որ այս պահին հիվանդանոցում է երեք հիվանդ, մեկը՝ երեխա, երկուսը՝  մեծահասակ։ Նրանց վիճակը բարելավվում է, բայց կա բուժումը շարունակելու անհրաժեշտություն։

Ավելի վաղ հայտնել էինք, որ Գյումրու Դվին հարսանյաց սրահում երեկ երեկոյան հարսանիքի ընթացքում զանգվածային թունավորման դեպք է արձանագրվել: Հարսանիքը դադարեցվել է, հարսանքավորները հոսպիտալացվել են Գյումրու ինֆեկցիոն հիվանդանոց: Մինչ այս պահն էլ նոր մարդիկ են դիմում բուժօգնության: ԱԺ պատգամավոր Կարեն Սարուխանյանը ՀԺ-ի հետ զրույցում ասաց, պատահական անցնելիս է եղել տարածքով, նկատել է, որ սրահի մոտ անսովոր կուտակումներ ու աշխուժություն է: Մեքենայից իջել, մոտեցել է: Տեղում պարզվել է, որ վատ ինքնազգացողությամբ մարդիկ կան: «Սկսեցին զանգել շտապօգնություն: Անընդհատ զանգում էին, որովհետեւ անընդհատ մարդիկ էին վատանում: Հետո եկան ոստիկաններն ու հարսանիքը դադարեցրեցին: Հենց ոստիկաններն էլ սկսեցին տուժածներին հիվանդանոց տեղափոխել: Շտապօգնությունը չէր հասցնում: Ներկա պահին ինֆեկցիոն հիվանդանոցում 29 թունավորված կա, 6-ը երեխաներ են»,-ասաց Կարեն Սարուխանյանը:

Թունավորվածների մեծ մասը կանայք եւ երեխաներ են: Սնունդն ամբողջությամբ ռեստորանն է տրամադրել: Հարսանքավորները միայն պահանջված գումարն են վճարել: Տղայի կողմը Փոքր Արթիկից է, հարսը Մուսայելյանից է: Հարսն ու փեսան այս պահին դեռ թունավորվածների թվում չեն:

Թունավորման դեպքի առթիվ հարուցվել է քրեական գործ ՀՀ ՔՕ 279 հոդվածի հատկանիշներով: «Կատարվում է նախաքննություն, նշանակվել են դատաբժշկական փորձաքննություններ, տարբեր սննդատեսակներից նմուշառումներ են առգրավվել, նշանակվել են նաեւ սննդային եւ այլ փորձաքննություններ: Նախնական վարկածը սննդային թունավորումն է, բայց թե ո՞ր սննդից, այդ հարցերի պատասխանը կտա փորձաքննական եզրակացությունը: Մեր նախնական տվյալներով ամբողջ սնունդը մատուցվել է ռեստորանի կողմից»,-ՀԺ-ի հետ զրույցում ասաց ՇՄ դատախազ Կարեն Գաբրիելյանը:

Տպել
3859 դիտում

Հայաստանից Վրաստան մեկնող մի խումբ ուղեւորների թույլ չի տրվել հատել սահմանը. մեքենայում գտնված 2 չինացիները ջերմել են

Մեջը ուժ չկա, առյուծի թևերը կապ չունեն կենդանու հետ, թրերը հայկական չեն. քննարկվում է ՊՆ նոր տարբերանշանը

Բժշկասանիտարական հսկիչ կետերը օդանավակայաններում մշտական հսկողություն են իրականացնում ՀՀ ժամանող ուղեւորների նկատմամբ

Տիգրան Ավինյանը Գորիսում մասնակցել է Հայոց բանակի օրվան նվիրված միջոցառումներին

Բերման ենթարկված Նարեկ Սամսոնյանն ազատ արձակվեց

Փոխվարչապետ Մհեր Գրիգորյանը Սիսիանում մասնակցել է Բանակի 28-րդ տարեդարձին նվիրված միջոցառումներին

Աշտարակում ջրի խնդիրն ապակենտրոնացված ձեւով են լուծել. քաղաքի ծայրամասերում մշտական ջրամատակարարում կա, կենտրոնում՝ չէ

Թրամփի փաստաբանները կարծում են՝ Զելենսկին ունեցել է հանդիպում ԱՄՆ-ի նախագահի հետ, նորի կարիքը չկա

«Էրեբունի պլազա» ներխուժած երիտասարդը ցանկացել է Սեդրակ Քոչարյանից պարզել, թե ինչու են իրեն ծրագրավորել. պաշտպան

Հայտնի են «Դեպի Եվրատեսիլ» նախագծի 20 մասնակիցները

Երիտասարդների բարեխոս Սուրբ Սարգսի հիշատակության օրն այս տարի կնշվի փետրվարի 8-ին

Բերման է ենթարկվել «Քաղաքացիական գիտակցություն» հկ նախագահ Նարեկ Սամսոնյանը. Արսեն Բաբայան

Ադրբեջանն արգելել է Ուկրաինայի ՆԳՆ հայ աշխատակցուհուն մասնակցել Բաքվում անցկացվող սեմինարին

Ավտովթար է տեղի ունեցել Սարատովի մարզում. զոհը եւ տուժածները ՀՀ քաղաքացիներ են

Ռուսաստանում սպանվել են Ռոստովի շրջանային պատգամավորն ու կինը

Դանակահարություն՝ Նուբարաշենի բանտում. 2 դատապարտյալ է տեղափոխվել «Էրեբունի» բժշկական կենտրոն

Արմեն Սարգսյանն Արարատում մասնակցել է Բանակի օրվան նվիրված տոնական միջոցառմանը

Ոստիկանության շենքից դուրս է եկել «Ադեկվադ» նախաձեռնության համահիմնադիր Արթուր Դանիելյանը

Երեւանի նախկին ոստիկանապետ Աշոտ Կարապետյանի մահվան դեպքով վկաներ կան. ՌԴ ՔԿ

Հրդեհներ են բռնկվել հանրապետության խոտածածկ տարածքներում, այրվել է 5.5 հա տարածք