Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Կառավարությունը հավանություն է տվել ՀՀ կրթության, գիտության, մշակույթի և սպորտի նախարարության ներկայացրած՝ «Նախադպրոցական կրթության մասին» ՀՀ օրենքում փոփոխություն կատարելու մասին առաջարկությանը: Այս մասին հայտնում են ԿԳՄՍ-ի մամուլի ծառայությունից:

Նախարար Արայիկ Հարությունյանը, ներկայացնելով առաջարկվող փոփոխությունները, նշել է, որ նախադպրոցական կրթությունը երեխաների զարգացման գործընթացում առաջնային օղակ է ու նաև երկարաժամկետ դրական ազդեցություն է ունենում հասարակության և տնտեսության վրա:

Օրինագծի ընդունման, ինչպես նաև հետևողական և շարունակական  աշխատանքների արդյունքում  կմեծանա նախակրթարաններում երեխաների ընդգրկվածության թիվը: Նախարարի համոզմամբ` մինչև 2024 թվականը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում: Մինչ կառավարության հաստատմանը ներկայացվելը՝ նախագիծը շրջանառվել է և դրվել հանրային քննարկման:

Առաջարկվող նախագծով  թիրախային է դիտվում 3-6 տարեկան բոլոր, այդ թվում՝ կրթության առանձնահատուկ պայմանների կարիք ունեցող երեխաների համար ներառական և որակյալ նախադպրոցական կրթության մատչելիությունը և 5 տարեկանների առավել ընդգրկվածությունը:

Նախագիծը երաշխավորում է համընդհանուր ներառական կրթության միջոցով նախադպրոցական կրթությունը դարձնել մատչելի և հասանելի քաղաքաբնակ ու գյուղաբնակ բոլոր, այդ թվում՝ կրթության առանձնահատուկ պայմանների կարիք ունեցող և սոցիալական ու տնտեսական պատճառներով խոցելի երեխաների համար:

Նախադպրոցական հաստատություներում երեխաների ընդգրկվածության ընդլայնմամբ խթանվում է  նաև ծնողների զբաղվածության ապահովումը:  Այս տարի մարզերում բավական մեծ թվով նախակրթարաններ են բացվել, և այդ քաղաքականությունը, ըստ ԿԳՄՍ նախարարի, լինելու է շարունակական: Նախադպրոցական հաստատություններում երկարօրյա խնամքի հարցը կարևոր է աշխատող ծնողների համար: Օրինագիծը ենթաօրենսդրական ակտեր ընդունելու հիմքեր է նախատեսում երկարօրյա ռեժիմով աշխատող նախակրթարաններ ունենալու համար:

Նախագծի ընդունումից հետո ակնկալվում են նաև այլ դրական արդյունքներ. նախատեսվում է  նախադպրոցական ծառայությունների շարունակականություն և ընդլայնում, մանկավարժական կադրերի վերապատրաստում, նախադպրոցական հաստատությունների գործունեության  կանոնակարգման,  վերահսկողության իրավական երաշխիքների և օրենսդրական հիմքերի ստեղծում:

 Մասնավորապես, հաշվի առնելով, որ նախադպրոցական հաստատությունները հիմնականում գործում են ՏԻՄ-երի ենթակայությամբ` անհրաժեշտություն կա հստակեցնել գործառույթները` սկսած ֆինանսավորման մեխանիզմներից, մինչև կրթության առանձնահատուկ պայմանների կարիք ունեցող երեխաների նախադպրոցական կրթական ծառայությունների մատչելիության ապահովում: Ներկայում, ինչպես իր խոսքում նշել է նախարարը,  համակարգում բազմաթիվ բացեր կան` միասնական քաղաքականություն վարելու և արդյունավետ վերահսկողություն իրականացնելու առումով:

Փոխվարչապետ Տ. Ավինյանն ընդգծել է, որ  ժողովրդագրական  վիճակի բարելավման համատեքստում ևս նախադպրոցական ծառայությունների բարելավումը դիտվում է որպես առաջնահերթություն: Մարդու իրավունքների պաշտպան Արման Թաթոյանը կարևորել է նախագծի ընդունումը` երեխայի իրավունքների բարելավման համատեքստում:

Տպել
4419 դիտում

Իրանցի միջուկային գիտնականը սպանվել է արբանյակից կառավարվող զենքով. Իրանը վրեժ է խոստանում

ՀՀ-ում կա մեկ հանրային ճնշում եւ դա 17 ուժի քայլերի դեմ է. մարդիկ հիշում և ճանաչում են Վազգեն Մանուկյանին. Վ. Ենգիբարյան

ԿԳՄՍ նախարարը խոստացել է Երևանի մշակույթի և արվեստի պետական քոլեջի տնօրենի ժ/պ նշանակել աշխատակազմի առաջարկած թեկնածուին

62 ուսուցիչ ստացել է առաջին, երկրորդ և երրորդ աստիճանի տարակարգ․ ԿԳՄՍՆ

Երեւանի քաղաքապետարանի ենթակայության բոլոր ծառայությունները զբաղվում են իրենց լիազորություններից բխող գործունեությամբ

96-ամյա Սուրիկ Ղարիբյանը 3 տոննա կարտոֆիլը նվիրաբերել է Հայոց բանակին (լուսանկար)

Ավագ լեյտենանտ Արմեն Մանասյանը խոցել է թշնամական 8 տանկ, 4 հրամանատարական դիտակետ և կենդանի ուժ․ ճանաչենք մեր հերոսներին

Համանախագահները ԼՂ հարցում առարկայական բանակցությունների կոչ են անում

Ամերիաբանկը 2020թ. Տարվա լավագույն բանկն է. Մրցանակը շնորհվել է «The Banker»-ի կողմից

Վեդիում իրականացվում են շենքի ջերմամեկուսացման և էներգաարդյունավետության բարձրացման աշխատանքներ

Բարեկարգվում է Մաստարա համայնքի մանկապարտեզի բակը, կառուցվում է խաղահրապարակ

Նախագահի հրամանագրով տասը զինծառայողներ հետմահու պարգևատրվել են Մարտական ծառայության մեդալով

Ջավախքում չեն ուզում Նոր տարի անել․ դիմել են հրավառությունն արգելելու ու գլխավոր տոնածառ չդնելու համար

2300 հեկտար նռան այգուց տարածքների կորստի հետեւանքով մնացել է 500-ը. Արցախի գյուղատնտեսության նախարար

Համավարակով պայմանավորված ՀՀ սահմանին մուտքի եւ ելքի սահմանափակումները շարունակում են ուժի մեջ մնալ

Ֆրանսիայի ԱԺ-ն ընդունել է Լեռնային Ղարաբաղի ճանաչման հրատապ անհրաժեշտության մասին բանաձև

Ցուցարարները Մաշտոցի պողոտան փակել են կաղամբով եւ դդումով բեռնված սայլակներով

Նախագահն ու ՄԻՊ-ն անդրադարձել են ռազմագերիների ու պատանդների հարցին և նրանց վերադարձի ուղղությամբ ձեռնարկվող քայլերին

Այվազյանն ու Լավրովը կքննարկեն եռակողմ հայտարարության շրջանակներում ձեռք բերված պայմանավորվածությունների իրագործումը

Այս պահին չեմ կարող որոշում կայացնել Հայաստանի հավաքականի օգտին, բայց չգիտեմ՝ վաղն ինչ կլինի․ Տիկնիզյան