Վարչապետի վերադարձին այդ խնդրի առնչությամբ լուսաբանումներ կունենանք․ Գարեգին Բ-ն որոշ եկեղեցականների ծնկի բերելու մասին

Ամենայն հավանականությամբ վարչապետի Հայաստան վերադարձին այդ խնդրի առնչությամբ լուսաբանություններ կունենանք: Այս մասին այսօր՝ լրագրողների հետ զրույցում, ասաց Ամենայն հայոց կաթողիկոս Գարեգին Բ-ն՝ անդրադառնալով Լոս Անջելեսում՝ մամուլի ասուլիսի ժամանակ, վարչապետ Նիկոլ Փաշինյանի՝ որոշ եկեղեցականներին ծնկի բերելու վերաբերյալ հայտարարությանը:

«Մենք պարբերաբար հանդիպում ենք եւ քննարկում եկեղեցուն ու հայրենիքին հուզող խնդիրներ, հարցեր: Այդ առնչությամբ, հավանաբար, անդրադարձ կլինի այդ խնդրին»,-ասաց կաթողիկոսը:

Անդրադառնալով երկրի ներքաղաքական իրավիճակին՝ կաթողիկոսն արձագանքեց․ «Բավականին հարցեր կան, որոնք ծառացած են մեր երկրի առջեւ, որ հուզում են մեր ժողովրդին եւ այդ հուզումները, բնականաբար, իրենց արտահայտությունն են գտնում հայրենական մեր կյանքում, ինչպես եւ սփյուռքի կյանքում: Մենք լիահույս ենք, որ բոլոր խնդիրներն իրենց բարվոք լուծումը կստանան: Աղոթում ենք, որպեսզի մեր երկիրն ապրի խաղաղության մեջ, լինի կայուն եւ առաջընթաց ուղիով զարգանա»:

Հիշեցնենք, ՀՀ վարչապետ Նիկոլ Փաշինյանը, լոսանջելեսյան մամուլի ասուլիսի ժամանակ պատասխանելով եկեղեցու եւ կառավարության տարանջատման վերաբերյալ հարցին, ասաց, որ եթե պարզվի՝ հայ ժողովուրդն ուզում է եկեղեցին մտնի կառավարության գործերի մեջ, այդ հարցը կքննարկվի․

«Բայց երբ, օրինակ՝ ասում են՝ Հայաստանի Հանրապետությունում մամուլը պետք է լինի ազատ, առաջին ռեակցիան ի՞նչ է, դե, եկեք էս կառավարության ողնաշարը կոտրենք։ Երբ ասում ենք՝ դատարանները պետք է լինեն անկախ, մենք չենք միջամտելու, ասում են՝ դե, եկեք էս կառավարության ոտքի տակը քանդենք։ Սա իրավիճակի սխալ ընկալում է, հարգելինե՛րս։ Ես ուզում եմ ասել, որ մեր ժպիտները թող ոչ մեկը որպես թուլություն չընկալի։ Բոլոր նրանք, որ այդպես են ընկալել, փոշմանել են ու շարունակելու են փոշմանել։ Եվ երբ մենք ասում ենք, որ եկեղեցու ներքին կյանքի մեջ չենք մտնում, որոշ եկեղեցականներ դրանից եզրակացնում են ու ասում են՝ սա նախկին կառավարության նման չէ, սա թույլ կառավարություն է, եկեք քանդենք էս կառավարության ոտքերի տակը, շատ ուժեղ հակահարված կստանան։ Եվ ծնկի կբերվեն բառի թե՛ բուն, թե՛ փոխաբերական իմաստով»,- ասաց Փաշինյանը՝ նշելով, որ կառավարությունը չպիտի միջամտի եկեղեցու ներքին հարցերին, բայց դա չի նշանակում, թե կառավարությունը չի հաղորդակցվում եկեղեցու հետ։

Տպել
1668 դիտում

Բողոքի ակցիա Գյումրու լոկոմոտիվային դեպոյում. մարդատար եւ բեռնատար գնացքները չեն շահագործվի նաեւ վաղը

Բակո Սահակյանը հանդիպել է Ռոհինջա ժողովրդի առաջնորդ, նախորդ տարվա «Ավրորա»-ի մրցանակակիր Չո Լա Աունի հետ

Իջևան-Դիլիջան ավտոճանապարհի 5-րդ կմ-ի մոտակայքում այրվել է վագոն-տնակ

Սիրիայի հյուսիսում հրադադարից հետո 120կմ շառավղով տարածքը կանցնի Թուրքիայի վերահսկողության տակ

Յուրաքանչյուր զոհվածի հիշատակին՝ մեկ սոսենի. Արայիկ Հարությունյանի հայտարարությունը

Ապօրինի ծառահատման բացահայտում Սյունիքում․ հարուցվել է քրեական գործ (տեսանյութ)

Անցկացվել են մարտական պատրաստության համալիր պարապմունքներ

1,5 միլիարդ դրամ է վերադարձվել 2006 տնտեսվարող սուբյեկտի․ Նիկոլ Փաշինյան

Վթար Էջմիածին-Շահումյան ավտոճանապարհին. կա 2 տուժած

Ա. Միրզոյանը ցավակցական հեռագրեր է հղել ՌԴ Դաշնային ժողովի Դաշնության խորհրդի եւ Պետդումայի նախագահներին

Արման Սարգսյանի հրամաններով ոստիկանապետեր են ազատվել զբաղեցրած պաշտոններից

Երեւանում ծառի ճյուղն ընկել է ավտոմեքենաների վրա

ՀՀ ՊՆ վարչական համալիրում անցկացվում են հավաք-պարապմունքներ

Վարչապետն ընդունել է Ֆրանսիայի Օվերն-Ռոն-Ալպ շրջանային խորհրդի նախագահի գլխավորած պատվիրակությանը

Ա. Բաբլոյանը ներգրավվել է որպես կասկածյալ, իսկ Ա. Բաբայանին կալանավորելու միջնորդություն է ներկայացվել. ՀՔԾ

«Վանաձորի օր» տոնակատարության ծրագիրը պատրաստ է. «Գաթա բենդ», Արամ MP3, հրավառություն

Նախագիծ, որով զինծառայողն իրավունք կունենա իրեն տրված կարգապահական տույժը բողոքարկել. արդյո՞ք սա կգործի

Շատ ուրախ եմ, որ իմ լավ ընկերը հաղթեց ընտրություններում եւ շարունակելու է ղեկավարել բարեկամ Կանադան. վարչապետ

74-ամյա Եվգենի Պետրոսյանը մարզվում է 30-ամյա սիրելիին դուր գալու համար (տեսանյութ)

Նախարարների աշխատավարձ-պարգեւավճարը կկազմի 1.5 մլն դրամ, փոխնախարարներինը՝ 1 մլն դրամ. Կարապետյան