Մենք ամբողջ լրջությամբ պատրաստվում ենք. Լուկաշենկոն՝ ԵԱՏՄ նախագահությունը ստանձնելու մասին

ԵԱՏՄ բարձրագույն խորհրդի ընդլայնված նիստի ժամանակ ելույթ ունենալով՝ Բելառուսի նախագահ Ալեքսանդր Լուկաշենկոն նախ շնորհակալություն հայտնեց ՀՀ վարչապետ Նիկոլ Փաշինյանին եւ հայկական կողմին՝ այս միջոցառման կազմակերպման եւ ջերմ ընդունելության համար:

«Շնորհակալ ենք Հայաստանին՝ ԵԱՏՄ-ում իր նախագահության ընթացքում մեր ինտեգրացիայի ամրապնդման հարցերում ներդրված ջանքերի համար: Իր ելույթում խոսելով 2019 թվականի առաջնահերթությունների մասին՝ Նիկոլ Փաշինյանը նշել էր, որ նպատակներից մեկը երրորդ երկրների հետ առեւտրային հարաբերությունների զարգացումն է: Այս կոնտեքստում անհրաժեշտ է դրական գնահատել Իրանի հետ ազատ առեւտրի գոտու ստեղծման ժամանակավոր համաձայնագրի պատրաստ լինելը, որն ուժի մեջ է մտնում  հոկտեմբերին: Մեզ համար նույնքան կարեւոր է նաեւ Սինգապուրի հետ համաձայնագրերի փաթեթը, որը կնքվել է այսօր»,- իր ելույթում ասաց Լուկաշենկոն:

Բելառուսի նախագահն ընդգծեց, որ ուրախ է Երեւանում ողջունել նաեւ Իրանի եւ Սինգապուրի նախագահներին՝ նշելով, որ այդ երկրներն իրենց համար նշանակալի գործընկերներ են, իսկ նրանց հետ տնտեսական կապերի աճի պոտենցյալը՝ հսկայական:

Խոսելով ԵԱՏՄ շրջանակներում հանդիպող խոչընդոտների մասին՝ Լուկաշենկոն նկատեց, որ դրանք հատկապես մտահոգիչ են պետական գնումների ոլորտում: Նա ընդգծեց, որ այդ կապակցությամբ քաղաքական որոշում կայացնելու ժամանակն է:

Լուկաշենկոն խոսեց նաեւ ԵԱՏՄ-ում Բելառուսի սպասվող նախագահության մասին: «2020-ին Բելառուսը ԵԱՏՄ նախագահությունը կստանձնի: Մենք ամբողջ լրջությամբ պատրաստվում ենք: ԵՏՄ-ն երիտասարդ կառույց է, դեռ շատ միջոցներ ու ռեսուրսներ պետք է ներդրվեն՝ արդյունավետ տնտեսական միություն կառուցելու համար»,- ասաց նա:

Հիշեցնենք, որ այս տարի ԵԱՏՄ-ում նախագահում է Հայաստանը: Եվրասիական տնտեսական Բարձրագույն խորհրդի ընդլայնված կազմով նիստին մասնակցելու համար Հայաստան են ժամանել ԵԱՏՄ անդամ երկրների ղեկավարները՝ Ռուսաստանի Դաշնության նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղրղըզստանի Հանրապետության նախագահ Սոորոնբայ Ժեենբեկովը, Ղազախստանի Հանրապետության նախագահ Կասիմ Ժոմարտ-Տոկաեւը: Երեւանում է նաեւ Եվրասիական տնտեսական հանձնաժողովի կոլեգիայի նախագահ Տիգրան Սարգսյանը: Հրավիրյալ երկրի ղեկավարի կարգավիճակով այստեղ են նաեւ Իրանի նախագահ Հասան Ռոհանին, Սինգապուրի Հանրապետության վարչապետ Լի Սյեն Լուն: Մոլդովայի նախագահ Իգոր Դոդոնը նիստին մասնակցում է՝ որպես դիտորդի կարգավիճակում գտնվող երկրի ղեկավար:

Տպել
1320 դիտում

Հակառակորդի բոլոր փորձերը չեզոքացվում են, հայկական զինված ուժերը կորուստներ և վիրավորներ չունեն. ՊՆ խոսնակ

Կարևոր եմ համարում միջազգային համարժեք արձագանքը, այդ թվում ՀԱՊԿ–ի կողմից՝ ուղղված Ադրբեջանին․ Լիլիթ Մակունց

Հակառակորդը թանկարժեք թռչնակ էլ կորցրեց՝ ԱԹՍ. Արծրուն Հովհաննիսյան

Այս պահին Արցախի սահմանի ամբողջ երկայնքով հարաբերական հանգիստ է տիրում. Վահրամ Պողոսյան

Ադրբեջանական կողմը վերսկսել է հրետակոծել ՀՀ նույն դիրքի ուղղությամբ 82 մմ ականանետից և տանկից. ՊՆ

Հրապարակվել են ՀՀ ԶՈՒ կողմից սահմանին խոցված ադրբեջանական «ՈՒԱԶ»-ի լուսանկարները

Կորոնավիրուսն ու դրա դաշնակիցները

Փաստորեն մեր զինծառայողները շատ հմտորեն են ցավեցրել ադրբեջանցի զինծառայողներին. Շուշան Ստեփանյան

Պետություն-հասարակություն հարաբերությունների հիմնաքարը

Փրկարարները դադարեցրել են արդեն 3 օր կորած համարվող քաղաքացու որոնողական աշխատանքները

Նորմերի խախտման դեպքերով երեկվա դրությամբ կայացվել է 4372 կազմակերպության գործունեության դադարեցման որոշում

Շենգավիթ վարչական շրջանում վերահսկողություն է իրականացվել հանրային տրանսպորտում

Կուրթան համայնքի 5 բնակիչ սնկային թունավորմամբ տեղափոխվել է հիվանդանոց. 2-ի վիճակը ծանր է

Ադրբեջանի ՊՆ-ն հայտնում է 2 սպանվածի ու 5 վիրավորի մասին

Նուբարաշենի աղբավայրում hրդեհաշիջման աշխատանքները վերսկսվել են. աշխատանքներ են տարվում արդեն մի քանի օր

Ինչպես է բերման ենթարկվել «Վստրեչի ապեր»-ը. ոստիկանությունը տեսանյութ է հրապարակել

Շենգավիթ վարչական շրջանում խախտումներ են արձանագրվել միայն մեկ խանութում

Ադրբեջանի ԶՈՒ զինծառայողները ՈՒԱԶ մակնիշի ավտոմեքենայով Տավուշի սահմանը հատելու փորձ են արել. ՊՆ

Ոստիկանությունը հուլիսի 11-ին հայտնաբերել է արտակարգ դրության իրավական ռեժիմի խախտման 3516 դեպք

Հայաստանը ներկայացրել է ՄԱԿ-ի կայուն զարգացման նպատակների իրականացման Ազգային կամավոր գնահատման երկրորդ զեկույցը