Չի լինի՞, որ կառավարության անդամները գան նիստին, տեղյակ լինեն, թե ինչ է քննարկվում. վարչապետ

Այսօր՝ կառավարության հերթական նիստում, Տարածքային կառավարման եւ ենթակառուցվածքների նախարար Սուրեն Պապիկյանը ներկայացրեց որոշման նախագիծ, որով առաջարկվում է Երեւանի հիմնադրման 2801-ամյակին նվիրված «Էրեբունի-Երեւան» տոնական միջոցառումները կազմակերպել եւ իրականացնել 2019 թվականի հոկտեմբերի 19-ին։

Պապիկյանը նշեց, որ, կառավարության որոշմամբ, տոնը հոկտեմբերի երկրորդ շաբաթ օրն է նշվում եւ, ըստ այդմ, հոկտեմբերի 12-ին պետք է նշվեր, սակայն հաշվի առնելով, որ բազմաթիվ զբոսաշրջիկներ, օտարերկրացի հյուրեր են եկել մասնակցելու, աշխատանքի կազմակերպման համար ցանկալի է, որ օրը լինի ճկուն։

ՀՀ կրթության, գիտության, մշակույթի եւ սպորտի նախարար Արայիկ Հարությունյանը նկատեց, որ նախագծում կա կետ՝ ուղղված ԿԳՄՍ նախարարին Երեւանի քաղաքապետի կողմից՝ տոնական միջոցառումներին աջակցելու վերաբերյալ եւ ասաց. «Ո՛չ տոնական միջոցառումների ցանկ ենք տեսել, ո՛չ քաղաքապետարանն է մեզ դիմել, ոնց ենք պարզելու՝ մենք համապատասխան ծրագրին աջակցե՞նք, թե՞ ոչ»:

Պապիկյանը պատասխանեց, որ այս միջոցառումներին աջակցելն իրենց յուրաքանչյուրի պարտքն է. «Կամա, թե ակամա մենք մեր նպաստն ունենում ենք»,- ասաց Պապիկյանը՝ հավելելով, որ նախագիծը շրջանառվել է:

Նիկոլ Փաշինյանն արձագանքելով ասաց. «Այդ պրոբլեմը ինչո՞ւ չի լուծվում, որ ամեն անգամ պարզվում է, թե ինչ-որ տեղ չի գնացել նախագիծը»:

Կառավարության աշխատակազմի ղեկավար Էդուարդ Աղաջանյանը նշեց, որ միջոցառման օրը փոխվել է՝ պայմանավորված մրցութային ընթացակարգերի թերի լինելով. «Քաղաքապետարանից նախագիծը ստացել ենք ուշ, եւ քանի որ ժամկետների խնդիր կա, նախագիծը ներառվել է օրակարգ»:

Փաշինյանը նշեց, որ այս հարցերը պետք է լուծել. «Չի՞ լինի, որ կառավարության անդամները գան նիստին, տեղյակ լինեն, թե ինչ է քննարկվում»:

Փոխվարչապետ Տիգրան Ավինյանն էլ ասաց, որ հարցը նախարարական նիստին ներկայացված չի եղել. «Կարեւորը՝ օր ֆիքսել այս մասշտաբի միջոցառման համար»,- նշեց Ավինյանը՝ հավելելով, որ այս տարի կարող են բացառություն անել, սակայն մյուս տարիների համար անհրաժեշտ է հստակ օր ֆիքսել, որպեսզի խնդիրներ չառաջանան այլ միջոցառումների ժամկետների հետ:

Նիկոլ Փաշինյանը կոչ արեց ընդունել նախագիծը եւ այս տարի բացառություն անել: Նախագիծն ընդունվեց:

Տպել
443 դիտում

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության

Նիկոլ Փաշինյանն այցելել է Գյումրի՝ ծանոթանալու ավտոմաքսատան շինաշխատանքների ընթացքին (տեսանյութ, լուսանկարներ)

ԿԳՄՍ նախարար Արայիկ Հարությունյանի հանդիպել է ՅՈՒՆԵՍԿՕ-ի բարձրաստիճան պաշտոնյաների հետ

Անցնող շաբաթ Ադրբեջանն Արցախի հետ շփման գծում հրադադարի ռեժիմը խախտել է ավելի քան 150 անգամ՝ արձակելով շուրջ 1100 կրակոց

«Էրեբունի-Երեւան 2801» տոնակատարության միջոցառումների կազմակերպման համար փակ կլինեն մի շարք փողոցներ

Հայաստանի մայրաքաղաքն այսօր տոնում է հիմնադրման 2801-րդ տարեդարձը

ԱԱԾ ստորաբաժանման ղեկավարը նախապես փորձել է ՍԴ աշխատակազմի ղեկավարի միջոցով կապ հաստատել անձամբ Հրայր Թովմասյանի հետ

Երեւանում ոստիկանների վրա հարձակում գործած եղբայրները կալանավորվեցին․ դատարանը բավարարել է քննիչի միջնորդությունը

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու