Ծանրամարտի երիտասարդական առաջնությունից ՀՀ-ն վերադառնում է 35 մեծ ու փոքր մեդալներով

Հայ ծանրորդները մեդալների մեծ պաշարով են վերադառնում Եվրոպայի մինչեւ 20 ու մինչեւ 23 տարեկանների 2019 թ. առաջնությունից: Հոկտեմբերի 17-27-ը Բուխարեստում կայացած մրցաշարում թիմը նվաճել է 35 մեծ ու փոքր մեդալ: Մեծ մեդալներով թիմային հաշվարկում բոլորից առաջ է անցել: Առաջինն է 7 մեծ ոսկով, 2 արծաթով ու 2 բրոնզով: 2-րդ տեղում Թուրքիան է, որը 6 մեծ ոսկի է նվաճել: Ունի նաեւ 2 արծաթ ու 4 բրոնզ: Եռյակը եզրափակում է Ռուսաստանը 5 ոսկով, 8 արծաթով ու 8 բրոնզով:

Մինչեւ 20 տարեկանների պայքարում ՀՀ հավաքականի կազմում չեմպիոն են դարձել Լիանա Գյուրջյանը (81կգ), Կարեն Ավագյանը (89կգ), Արփինե Դալալյանը (+87կգ) եւ Վարազդատ Լալայանը (+109կգ): Արա Աղանյանը (89կգ) դարձել է փոխչեմպիոն, իսկ Ռաֆիկ Հարությունյանը (81կգ) նվաճել է բրոնզե մեդալ։ 

Գյուրջյանը 1-ական փոքր ոսկի է նվաճել վարժություններից յուրաքանչյուրում: Ավագյանը փոքր ոսկի է նվաճել պոկում ու փոքր արծաթ հրում վարժությունում: Պոկում վարժությունում նա 170կգ-ով նաեւ ռեկորդ է սահմանել: Դալալյանը 1-ական փոքր ոսկի է նվաճել վարժություններից յուրաքանչյուրում: Լալայանը, որը նույնպես փոքր ոսկի է նվաճել ամեն վարժությունում, նաեւ ռեկորդ է սահմանել ինչպես պոկումում (194կգ) ու հրումում (230կգ), այնպես էլ երկամարտում (424կգ): Աղանյանը փոքր արծաթ է նվաճել պոկում ու փոքր ոսկի հրում վարժությունում: Հարությունյանը նաեւ փոքր արծաթ է նվաճել պոկումում ու փոքր բրոնզ հրումում:

Մինչեւ 55կգ քաշային կարգում մեկ փոքր մեդալ է նվաճել Մոնթե Մխիթարյանը: Պոկում վարժությունում նա 111կգ-ով առաջինն է եղել:

Մինչեւ 23 տարեկանների առաջնությունում Եվրոպայի չեմպիոն են դարձել Հակոբ Մկրտչյանը (89կգ), Սամվել Գասպարյանը (109կգ) եւ Սիմոն Մարտիրոսյանը (+109 կգ): Տաթեւ Հակոբյանը (87կգ) նվաճել է արծաթե, իսկ Դավիթ Հովհաննիսյանը (89կգ)՝ բրոնզե մեդալ:

Մկրտչյանը նաեւ փոքր արծաթ է նվաճել պոկում ու փոքր ոսկի հրում վարժությունում: Հրումում (210կգով) ու երկամարտում (375կգ-ով) նա նաեւ Եվրոպայի ռեկորդ է սահմանել: Այս տարի սա Մկրտչյանի 3-րդ չեմպիոնությունն էր խոշոր մրցաշարում: Նա նաեւ չեմպիոն էր դարձել մեծահասակների Բաթումիում կայացած  Եվրոպայի ու Պատայայում կայացած աշխարհի առաջնություններում:

Գասպարյանը նաեւ փոքր արծաթ է նվաճել պոկում վարժությունում ու փոքր ոսկի հրումում: Այս տարի Գասպարյանը նաեւ փոխչեմպիոն էր դարձել Եվրոպայի մեծահասակների առաջնությունում:

Օլիմպիական փոխչեմպիոն, աշխարհի ու Եվրոպայի կրկնակի չեմպիոն Սիմոն Մարտիրոսյանը, որն այս մրցաշարում հանդես է եկել +109կգ քաշային կարգում, նաեւ մեկական փոքր ոսկի է նվաճել վարժություններից յուրաքանչյուրում: Պոկում վարժությունում էլ 198կգ-ով Եվրոպայի ռեկորդ է սահմանել: Ինչպես Մկրտչյանը, այնպես էլ Մարտիորսյանն այս տարի նաեւ մեծահասակների աշխարհի ու Եվրոպայի չեմպիոն էր դարձել:

Տաթեւ Հակոբյանը փոքր ոսկի է նվաճել պոկում վարժությունում: Հրում վարժությունում էլ նրան բաժին է հասել փոքր բրոնզը: Դավիթ Հովհաննիսյանը փոքր բրոնզ է նվաճել պոկումում ու փոքր արծաթ հրում վարժությունում:

Հայաստանը մրցավայր էր գնացել 21 հոգով: Ըստ Ծանրամարտի միջազգային ֆեդերացիայի պաշտոնական տվյալների՝ մինչեւ 20 տարեկանների պայքարին մասնակցել է 37 երկիր՝ 131 կին, 172 տղամարդ, մինչեւ 23 տարեկանների պայքարին՝ 34 երկիր՝ 75 կին, 110 տղամարդ:

Տպել
4733 դիտում

Արթուր Ալեքսանյանը չի մեկնաբանում հունահռոմեական ոճի ըմբշամարտի հավաքականի շուրջ բարձրացած աղմուկը

Մենք կորցրինք մեր լավագույն քաղաքացիներից մեկին, որն ուղենիշ էր. Արայիկ Հարությունյան

Փրկարարները մարել են Բարեկամավան գյուղի անտառում բռնկված հրդեհը. ԱԻՆ

Ոստիկանության և Քննչական ծառայություն իրականացնող պաշտոնյաների նկատմամբ վարույթներ են հարուցվել

Դարպասապահ Դավիդ Յուրչենկոն կխաղա Հայաստանի ֆուտբոլի ազգային հավաքականում. պաշտոնական

Հայկական պատվիրակության անդամները հանդիպել են Դանիայի Թագավորության Գերագույն Դատարանի դատավոր Աննա Լուիզ Բորմանին

Երբ փոթորկվում էին Երևանի փողոցները, հրապարակը, նա միշտ օրվա իշխանության դեմ ծառացած մարդկանց մեջ էր

ԱՀԿ տվյալներով՝ աշխարհում փետրվարի 20-ի դրությամբ արձանագրվել է կորոնավիրուսի 75,748 լաբորատոր հաստատված դեպք

Կոտայքի մարզի ֆերմերներին ներկայացվել են գյուղաջակցության ծրագրերը

Նախկին փոխնախարար Արսեն Դավթյանի գործով հարցաքննվեց «Էրեբունի» բ/կ-ի գլխավոր տնօրենի էկոնոմիկայի գծով տեղակալը

Հրդեհ է բռնկվել Վանաձորի Բազում թաղամասում

Նիկոլ Փաշինյանը տիկնոջ հետ մասնակցել է Երվանդ Մանարյանի հոգեհանգստի արարողությանը

Արայիկ Հարությունյանը հավատում է, որ մինչեւ 2050թ. Հայաստանը 25 օլիմպիական ոսկի կունենա

Մահակով և հակագազով ցուցմունք կորզելու քրգործով մեղադրանք է առաջադրվել ոստիկանության Արաբկիրի բաժնի ՔՀԲ նախկին պետին

Տեղի է ունեցել կին զինծառայողների հանդիսավոր երդման արարողություն. ՊՆ

Հովհաննես Շահինյանը կբողոքարկի իր տան խուզարկության՝ դատարանի որոշումը

Վարչապետի որոշմամբ Արթուր Շատվորյանը նշանակվել է ՍԱՏՄ ղեկավարի տեղակալ

Սահմանադրական բարեփոխումների հանձնաժողովը առաջին նիստն է գումարել. ձեւավորվել են խմբեր

Մհեր Գրիգորյանը մասնակցում է ԵԱՏՀ խորհրդի նիստին

24 տարի սպասում էի այս պարգեւներին. Հայաստանից նեղացած հեռացած օլիմպիական չեմպիոնին մեծարեցին