Ես ինձ համարում եմ պատանդ քաղաքական իշխանությունների համար. Արսեն Բաբայան

«Իմ ապօրինի ազատազրկումը, նաեւ ինձ ես համարում եմ պատանդ քաղաքական իշխանությունների համար, ուստի օրենքով նախատեսված եւ չարգելված բոլոր միջոցներով պայքարելու եմ այս քրեական գործի վերջնական եւ արդարացի հանգուցալուծման համար, ինչը, ըստ իս, կլինի գործի կարճումը»: Այս մասին այսօր հրավիրված ասուլիսի ժամանակ հայտարարեց Ազգային ժողովի աշխատակազմի նախկին ղեկավար Արսեն Բաբայանը:

Վերջինս օրեր առաջ՝ նոյեմբերի 11-ին, «Իմ քայլ»-ի պատգամավոր Սիսակ Գաբրիելյանի եւ իրավապաշտպան Ավետիք Իշխանյանի անձնական երաշխավորությամբ ազատ էր արձակվել:

Նա մեղադրվում է պաշտոնեական կեղծիք կատարելու եւ իշխանության յուրացմանն օժանդակելու արարք կատարելու մեջ: Ըստ ՀՔԾ-ի տարածած հաղորդագրության՝ Բաբայանը, 2018 թվականին հանդիսանալով ՀՀ Ազգային ժողովի աշխատակազմի ղեկավարի տեղակալի պաշտոնակատար, օժանդակել է մի խումբ պաշտոնատար անձանց կողմից ՀՀ Սահմանադրական դատարանի լիազորություններին տիրանալուն:

Առաջադրված մեղադրանքում Բաբայանն իրեն մեղավոր չի ճանաչում: Նա ձերբակալվել էր հոկտեմբերի 21-ին: Երեք օր անց՝ հոկտեմբերի 24-ին, Երեւանի ընդհանուր իրավասության դատարանը՝ դատավոր Կարեն Ֆարխոյանի նախագահությամբ, որոշել էր կալանավորել Բաբայանին՝ միաժամանակ ոչ իրավաչափ ճանաչելով Բաբայանի ձերբակալությունը: 

Ասուլիսի ժամանակ Արսեն Բաբայանը, անդրադառնալով այն պնդումներին, թե ինքը քաղաքական գործիչ չէ, ուստի իր նկատմամբ չի կարող իրականացվել քաղաքական հետապնդում, ասաց. «Նման ձեւակերպումը չի ենթարկվում որեւիցե քննադատության, որովհետեւ քաղաքական հետապնդման ենթարկվելու համար պարտադիր չէ լինել քաղաքական գործիչ: Շատ ավելի կարեւոր է այն, թե իրականացվող գործողությունները որքանով են քաղաքական եւ որքանով՝ իրավական: Ի սկզբանե էլ գիտեինք այս քրեական գործի բուն իմաստը: Քաղաքական իշխանությունները մինչեւ քրեական գործերի այս շարքը սկսելը, հայտարարում էին, որ Սահմանադրական դատարանի ինչ-որ փոփոխություններ են՝ նախագահից սկսած, հետեւաբար բոլոր այն գործողությունները, որոնք իրենց մեջ կպարունակեն իրավական որոշակի հիմնավորումներ, այնուամենայնիվ, ելնում են քաղաքական նպատակներից»:

Բաբայանի խոսքով՝ սկսած քրեական գործի ամենաառաջին փաստաթղթից՝ քրեական գործ հարուցելու մասին որոշումից, իրականացվել են ոչ իրավաչափ գործողություններ. «Քրեական գործ հարուցելու մասին որոշումը չէր կարող գոյություն ունենալ այն պարզ պատճառով, որ «Համաներման մասին» օրենքի 2-րդ հոդվածի 5-րդ մասի 1-ին կետով՝ քրեական գործ չպետք է հարուցվի այն բոլոր արարքների դեպքում, որոնք նախատեսում են մինչեւ 4 տարի ազատազրկում կամ հարուցված քրեական գործերը պետք է կարճվեն: Այս օրենքն ամենաքիչն ինձ է հետաքրքիր, բայց քանի որ դա շատ քննարկվեց, ես խոսում եմ քրեական վարույթն իրականացնող մարմնի պարտականությունների մասին»:

Բաբայանը պնդեց՝ քրեական գործի հարուցումը ոչ միայն չէր կարող լինել, այլեւ դրան հաջորդող ձերբակալությունը խայտառակ ապօրինություն էր, հատկապես, եթե նկատի ունենան, որ դրա հիմքում դրվել էր փախուստը. «Եթե այնպիսի արարք է, որը որեւէ դեպքում չի նախատեսելու պատիժ, ո՞վ պիտի փախչեր եւ ինչո՞ւ պիտի փախչեր: Թեեւ ՀՔԾ ղեկավարը լրագրողների հետ հանդիպմանն ասաց, որ ես չեմ պնդել, որ իմ նկատմամբ համաներում կիրառվի, բայց ես հայտարարում եմ, որ նա, ինձ որեւէ մեկը չէր հարցրել, եւ հետո, ես չունեի նման պարտականություն, դա վարույթն իրականացնող մարմնի գործն էր»:

Նրա կարծիքով՝ այս ամբողջ գործողությունները միտված էին հասնելու Հրայր Թովմասյանի հրաժարականին կամ այլ եղանակով նրա պաշտոնից ազատելուն. «Դրա հետ կապված քաղաքական իշխանությունը կանգ չի առնում որեւէ միջոցի առաջ. կա նպատակ՝ ազատվել ՍԴ նախագահից, ապա նաեւ, ես ենթադրում եմ, ՍԴ մյուս անդամներից՝ բացառությամբ մեկ-երկուսի, եւ այս շրջանակում քաղաքական իշխանության համար միեւնույնն է, թե ով կլինի ազատազրկված կամ խոշտանգված: Երեւի թե ենթադրում էին, որ Արսեն Բաբայանը երկու օր կնստի, խելքը գլուխը կհավաքի, իրենց ցանկալի ցուցմունք կտա, բայց տեսան, որ 22 օր նստեց, պարզվեց՝ խելքը վաղուց գլուխը հավաքված էր»:

Ազգային ժողովի աշխատակազմի նախկին ղեկավարը, անդրադառնալով իրեն առաջադրված իշխանության յուրացմանն օժանդակելու մեղադրանքին, ասաց, որ դրա հարուցումն ինքնին խայտառակություն է. «ՍԴ լիազորություն յուրացնելը՝ ՍԴ մեկ դատավորի կամ որեւէ այլ մեկի կողմից, իրավաբանների համար ուղղակի ամենաաբսուրդային, այսպես ասած, իրավական «բեսպրիդել է», որովհետեւ Սահմանադրական դատարանի լիազորությունները սահմանված են Սահմանադրությամբ, եւ ՍԴ-ն Ընդհանուր իրավասության դատարան չէ, որ մեկ դատավորը հանդես գա որպես դատարան, եւ նախաքննության մարմինը այս փոքրիկ, պրիմիտիվ, իրավաբանության ֆակուլտետի առաջին-երկրորդ կուրսերի ուսանողի կամ նույնիսկ ոչ իրավաբանների գիտելիքները հավանաբար չունի կամ ունի, բայց նպատակներին հասնելու համար ոչ մի բանի առաջ չի կանգնելու»:

Արսեն Բաբայանը հայտարարեց, որ իր քրեական գործից բացի, այսուհետ զբաղվելու է նաեւ իրավապաշտպան գործունեությամբ. «Նպատակ եմ ունենալու թեւ ու թիկունք լինել այն բոլորին, ում նկատմամբ իրականացվում են այնպիսի ապօրինություններ, ինչպիսին իրականացվեցին իմ նկատմամբ»,- հավելեց նա:

Միլենա Խաչիկյան

Տպել
1815 դիտում

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ

«Ինկած բերդի իշխանուհին»՝ 6 մրցանակի դափնեկիր. հայտնի են «Արտավազդ» թատերական մրցանակաբաշխության հաղթողները

Գեղամ Մանուկյանը երբ լսեց կատարված աշխատանքների մասին, երևի ուրախությունից հուզվել է, և լացը կարող էր գալ․ Քոչարյան

Crocus City Hall-ի ահաբեկչության զոհերի թիվը հասել է 143-ի

Մտածում էի՝ այստեղ միակ հնդիկն եմ լինելու. գրող Արջուն Կրիշնա Լալիի արկածները Հայաստանում (տեսանյութ)

15 օրվա ընթացքում վճարելու դեպքում տուգանքը կնվազի 30 տոկոսով․ երբ կսկի գործել համակարգը

ՀՀ-ն պատրաստ է Ադրբեջանի հետ արդեն համաձայնեցված սկզբունքների հիման վրա գնալ խաղաղության պայմանագրի անհապաղ ստորագրմանը

Որևէ մեկի դեմ ուղղված լինելու պնդումները անհիմն և արհեստածին են․ ԱԳՆ խոսնակը ՀՀ-ԱՄՆ-ԵՄ բարձր մակարդակով հանդիպման մասին

Իրավիճակը հասարակներից չէ, մինչև ապրիլի 5-ը վտանգն առկախված է, ներքին առումով ևս հանգիստ չէ. Հարություն Մկրտչյան

Վերանորոգված և արդիականացված «Մհեր Մկրտչյան» արտիստական թատրոնն իր դռները կբացի առաջնախաղով (տեսանյութ)

ՀՀ-ն կարևորում է ԵՄ դիտորդական առաքելության տեղակայումը Հայաստան-Ադրբեջան սահմանին․ Ալեն Սիմոնյանը՝ Անն-Լորանս Պետելին

13-ամյա թոռը պապին հայտնաբերել է կախված վիճակում

Մոսկվայում պայթյունի սպառնալիքի պատճառով տարհանվել է «Щука» առևտրի կենտրոնը (տեսանյութ)