Հերթ պահող քաղաքացիները երբեմն իրենց հերթերը վաճառում են. շահագործվեց Գյումրու ավտոմաքսատան առաջին հատվածը

Այսօրվանից սկսած Գյումրու նոր ավտոմաքսատունը փուլ առ փուլ շահագործման կհանձնվի: Փուլ առ փուլ, քանի որ ամբողջական կառույցը դեռ պատրաստ չէ: Իրականացվող շինարարական աշխատանքներին զուգահեռ նոր մաքսատանն էլ հենց կիրականացվի մաքսազերծման գործընթացը: Առաջին օրը բացված մաքսատունն աշխատանքային առաջին ժամերին արդեն սահմանը հատած եւ Գյումրի հասած 100 մեքենա էր մաքսազերծել:  Այսօրվանից սկսած, այսինքն նոյեմբերի 18-ից, սահմանը հատած ավտոքարշակներով մեքենաները ևս կմաքսազերծվեն Գյումրու նոր մաքսատանը: «Սահմանը հատած ավտոքարշակներով մեքենաները տեղափոխվելու են այս տարածք, բայց դեռ տեղ չեն հասել, ինձ թվում է վաղն առաջին ավտոքարշակն այստեղ կլինի: Ավտոքարշակներին ամբողջովին սպասարկելուն պատրաստ ենք, դրանք ձեւակերպող 12 տեսուչ կա Գյումրիում: Այն պահին, երբ հավելյալ գործառույթ կտեղափոխենք այստեղ, աշխատակիցների թիվն էլ կավելացնենք: Մենք կադրային ռեսուրսի առումով ամբողջովին պատրաստ ենք եւ ինչպես հայտարարել ենք, նոյեմբերի 25-ից ամեն ինչ փորձելու ենք անել, որ բեռնարկղերով եկած մեքենաներն էլ կարողանանք այստեղ սպասարկել: Բեռնարկղերով սահմանը հատած մեքենաները միակն են, որ մնացել են այսօր Երեւանում: Այսինքն, այն պահից, երբ որ բեռնարկղերով մեքենաներն էլ կտեղափոխենք այստեղ , իսկ դա կլինի մոտ ապագայում, կարող ենք հայտարարել, որ արդեն մաքսազերծման գործընթացը տեղափոխեցինք Գյումրի»,- լրագրողների հետ զրույցում ասաց մաքսային ծառայության գնդապետ, ՊԵԿ նախագահի տեղակալ Շուշանիկ Ներսիսյանը:Նորագավիթի մաքսատունը դեռ շարունակում է գործել: Այն հավանաբար մինչեւ տարեվերջ չի դադարեցնի աշխատանքը, քանի որ այն մեքենաները, որոնք ի սկզբանե ուղղորդված են եղել Երեւան եւ արդեն տեղում են, պետք է այնտեղ էլ մաքսազերծվեն: Այս պահին ՀՀ մաքսակետերում օրական 1000 ավտոմեքենա է սպասարկվում, քարշակներով մտնում է մոտ 250-ից 300 մեքենա, բեռնարկղերով մեքենաների թիվն օրական մոտ 200 է: Այդ ամբողջ ծավալն, ըստ ՊԵԿ նախագահի տեղակալի, հնարավոր կլինի առաջիկայում Գյումրիում սպասարկել:

Ներկա պահին մինչեւ ժամը 18:00-ն Գյումրի մտած բոլոր մեքենաները սպասարկվում են հենց նույն օրը: Բանկերի մասնաճյուղերի հետ ձեռք է բերվել պայմանավորվածություն, որպեսզի մի փոքր երկար աշխատանքային օրվա գրաֆիկով աշխատեն, որպեսզի ժամը 18:00-ին մեքենայի մաքսազերծման փաստաթղթային փաթեթը ստացող վարորդը նաեւ վճարումները կատարելու, մեքենան տարածքից վերցնել, հեռանալու հնարավորություն ունենա: Մաքսատան տարածքում երկու բանկի մասնաճյուղ կա 12 աշխատակցով: Թիվն, ըստ Ներսիսյանի, ավելի  շատ է, քան Նորագավիթում:Լրագրողների դիտարկմանը, թե տարածքում մշտապես հերթեր են գոյանում, Ներսիսյանն ասաց՝ նորմալ է: «Ասում ենք հերթեր են, բայց մենք ինչ ենք հասկանում հերթ ասելով: Այսօր մաքսատան աշխատանքային օրը սկսվելուն պես դռան մոտ արդեն կանգնած են լինում 300-ից  350 մեքենա: Եվ, եթե մենք ուզում ենք, որ այդ 350 մեքենան 15 րոպեում սպասարկվի, ուրեմն ժամը 09:00-ին ՊԵԿ-ը պետք է 350 ձեւակերպող տեսուչ ունենա, ինչն այս կարճ ժամկետի համար արդարացված  չէ»,- պարզաբանեց Ներսիսյանը:

Խոսակցություններ կան, որ քաղաքացիներ կան, որոնք որոշ դեպքերում 500 մեքենա են բերում մաքսազերծման: Եվ միայն այդ մեկ անձն է սպասարկվում ողջ օրը: Կա՞ նման խնդիր: Ներսիսյանն ասաց՝ ոչ. «Կան քաղաքացիներ, որոնք  բերում են 100-ից ավելի մեքենա, բայց դրանք հո մի օրում չեն գալիս, լինում է, որ մեկ հոգի 5-6 մեքենա մաքսազերծի, բայց ոչ թե 500»:

Գյումրիում խոսակցություններ կան նաեւ, որ մեքենայի հերթերը վաճառվում են: Այսինքն հերթ պահող մի քանի քաղաքացիներ իրենց հերթերը բավական բարձր գումարով վաճառում են ավելի հեռվում կանգնած մեքենաների վարորդներին: Նրանց, ովքեր ցանկություն չունեն Գյումրիում գիշերելու եւ ուզում են մինչեւ ժամը 18:00-ն գործարքն ավարտել: ՊԵԿ նախագահի տեղակալ Շուշանիկ Ներսիսյանն ասաց՝ ՊԵԿ-ն այդ մասին լսել է, որոշակի քայլեր ձեռնարկվել են ոստիկանության հետ համագործակցելու առումով. «Մենք էլ ենք տիրապետում նման տեղեկությունների, մեզ էլ են դրանք հասել, բայց այդ ամենը կատարվում է փողոցում, մաքսատան տարածքից դուրս: Մենք համագործակցում ենք ոստիկանության հետ, եթե չեմ սխալվում մի քանի քաղաքացի արդեն հրավիրվել է ոստիկանություն»:

ՊԵԿ-ն այս պահին նախատեսում է ՀՀ-ում ունենալ Արտաքին տնտեսական գործունեության երկու կենտրոն՝ հյուսիսում՝ Գյումրիում եւ հարավում՝ Գորիս-Սիսիան հատվածում: ՊԵԿ նախագահի տեղակալն ասաց  գուցե եւ երրորդի մասին էլ մտածեն:

Արմենուհի Մինասյան

Տպել
2204 դիտում

Պողոս Պողոսյանի սպանության գործով հարցաքննվել է նաեւ նրա եղբորորդին

2008-ից հետո խլել են բիզնեսներս, բայց իրավապահ համակարգը այսօր էլ դիմադրում է հեղափոխությանը. բաց նամակ վարչապետին

Տավուշում որեւէ արտառոց դեպք չի գրանցվել, պայթյուն չի եղել, Ենոքավան գյուղում էլ ինքնաթիռ չի ընկել. Սիփան Փաշինյան

Բրիտանական դատարանը սկսել է Իրանի նկատմամբ ունեցած պարտքի գործով լսումները

«Honda CR-V» մակնիշի ավտոմեքենան հարվածել է պատին. 23-ամյա վարորդը հոսպիտալացվել է

Մխիթար Հայրապետյանը հեռախոսազրույց է ունեցել Լիբանանի երիտասարդության և սպորտի հարցերով նորանշանակ հայ նախարարի հետ

Թբիլիսիում 1,5 տարվա դադարից հետո ԱՄՆ դեսպան է նշանակվել

Երիտասարդի ներքնազգեստի մեջից բյուրեղանման զանգվածների 105 փաթեթ է հայտնաբերվել. ՀՀ ոստիկանություն (տեսանյութ)

Լիբիայի ազգային բանակի հրամանատար Հաֆթարի ուժերը ռմբակոծել են Տրիպոլիի օդանավակայանը

Գագիկ Խաչատրյանի եղբորորդին՝ Կարեն Խաչատրյանը, 20 միլիոն դրամ գրավի դիմաց ազատ կարձակվի

Խնդիրն իր կարեւորությամբ եւ աննախադեպությամբ գտնվում է Խորհրդի եւ իրավապահ մարմինների առաջնային ուշադրության կենտրոնում

2019-ի հունիս-նոյեմբեր ամիսներին Սեւանի թերակղզի են այցելել մոտ 158 հզ. զբոսաշրջիկ

Սուբվենցիոն ծրագրով Վանաձորում ասֆալտապատված 15 փողոցներից առայժմ միայն 1-ն է դրական գնահատակ ստացել

ՀՀ ՊՆ-ն ամփոփել է ՄԱԿ-ի բնակչության հիմնադրամի հետ համագործակցության 2019թ. ծրագիրը

Բացահայտվել են Աշտարակի դպրոցի տնօրենների ապօրինությունները

Հաջորդ Ամանորին կառավարությունը տոնակատարությունների համար ավելի մեծ գումար կհատկացնի

Ձեռք չեն բերվել այնպիսի տվյալներ, որոնք կվկայեին դիտավորությամբ արձակված կրակոցի մասին. Գոռ Աբրահամյան

Մենք բանակցում ենք Ադրբեջանի հետ՝ անկախ նրանից, թե ով է ադրբեջանական կողմում․ ՀՀ արտգործնախարար

ՀՀ եւ Ադրբեջանի արտգործնախարարները հանդիպելու պայմանավորվածություն ունեն. Զոհրաբ Մնացականյան

Գործընկերս նոր տեղեկացրեց, որ հրապարակային կերպով մահվան սպառնալիքներ եմ ստացել. Արեն Մկրտչյան