Գիշերը՝ Վիշապալճի ու Աժդահակի միջև. արշավականը չի պատկերացրել, որ այսպիսի խուճապ կլինի

22/11/2019 schedule12:05

Գիշերն անցկացրել ենք Վիշապալճի, Սպիտակասարի ու Աժդահակի արանքում: Այս մասին «Հայկական ժամանակ»-ի հետ զրույցում ասաց «Խարույկ» արշավական ակումբի ղեկավար Գեղամ Օհանյանը: «Մենք հոգացինք, որ մեր անվտանգությունն ապահովված լինի: Հաշվի առնելով, որ տարածքում կենդանիները շատ են՝ որոշեցինք մնալ մեր խափանված մեքենայի մեջ, լույսը բացվի, նոր դուրս գանք կապի»,- պատմեց Օհանյանը:

Արշավականները չեն պատկերացրել, որ իրենց հետ կապ չունենալու արդյունքում «այսպիսի խուճապ կբարձրացվի»: «Առավոտյան այդ առումով երկրորդ սթրեսն ապրեցի»,- նշեց Օհանյանը:

Տղաների հետ կապ չի եղել շուրջ տասնվեց ժամ: Լուսաբացին նրանք բարձրացել են մոտակա գագաթը, որտեղից կարողացել են կապի դուրս գալ: Այն հարցերին, թե արդյոք մտածո՞ւմ էին ինչ անել, եթե կապի դուրս գալ չհաջողվի, սպասում էին, որ իրենց պիտի որոնե՞ն, թե՞ այլ ծրագիր ունեին, Գեղամ Օհանյանը պատասխանեց. «Եթե կապ չլիներ, մենք նախատեսում էինք վերադառնալ ավտոմեքենայի մոտ, վերցնել ուսապարկերը և իջնել Գեղարդ գյուղ, կհասնեինք մինչև երեկո, քանի որ 20-25 կմ ճանապարհ է»:

Փորձառու արշավականը նշեց նաև արշավի անվտանգության հիմնական կանոնները. «Ամենաառաջինն այն է, որ եթե մեկ-երկու հոգով են գնում, ոչ մեծ խմբով, պետք է իրենց կոորդինատները թողնեն ընկերների մոտ, նշեն այն ճանապարհը, որով նախատեսում են անցնել: Երկրորդը՝ պիտի ունենան անվտանգության միջոցներ. դեղատուփ, լուսային ազդանշաններ (հրավառության նման միջոցներ են), որպեսզի իրենց փնտրողներին կարողանան ազդանշան տալ: Մեզ մոտ այդ միջոցները կային, մենք ազդանշան տվեցինք, սակայն քանի որ արդեն լույս էր, ուղղաթիռից դրանք չէին նկատվել»:

Օհանյանի խոսքով՝ արշավականի կյանքը լի է արկածներով, ու նման դեպքեր հաճախ են պատահում. «Երբ արշավականն ընտրում է այս կյանքը, պիտի գիտակցի, որ արկածների միջով է անցնելու: Միայն թե «արկած» ասվածը չի նշանակում «արկածախնդրություն», այսինքն՝ անվտանգության կանոնները միշտ պետք է պահվեն»:

Ինչպիսի՞ն են արշավականները հարցին ի պատասխան՝ Օհանյանը հիշեցրեց, որ ամեն ինչ սիրելուց առաջ հարկ է ճանաչել: «Արշավականն առաջին հերթին բնության հետ կապ հաստատած մարդն է: Հայաստանի լեռնագնացները՝ մարդիկ, որ սիրում են շրջել լեռներով, անտառներով, ձորերով, միշտ պատրաստակամ են պաշտպանել ու պահպանել իրենց երկիրն ու բնությունը. վկա այսօրվա բնապահպանական պայքարները: Արշավականները երկիրը ճանաչելու միջոցով հայրենասեր դարձած մարդիկ են»,- նշեց նա:

Հիշեցնենք, որ նոյեմբերի 21-ին՝ ժամը 21:27-ին, «911» ծառայություն ահազանգ էր ստացվել, որ երկու քաղաքացի գնացել է դեպի «Աժդահակ» լեռ, և նրանց հետ չէր հաջողվում կապ հաստատել: Դեպքի վայր էին մեկնել ԱԻՆ ՓԾ մարզային փրկարարական վարչության օպերատիվ խումբը և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնից երկու փրկարարական ջոկատ: Որոնողական աշխատանքներին մասնակցել են 10 փրկարար-ծառայող և 15 քաղաքացի: Այսօր առավոտյան՝ ժամը 09:30-ի դրությամբ, որոնողական աշխատանքներին օժանդակելու նպատակով ներգրավվել էր նաև ուղղաթիռ:

Տպել
3224 դիտում

Մարզպետ Դավիթ Գեւորգյանը ծանոթացել է Արագածոտնի սպանդանոցի տեխնիկական հագեցվածությանը

Ոստիկանության բարեփոխումների կարևորագույն նպատակը ոստիկանություն-քաղաքացի նոր հարաբերությունների հաստատումն է. վարչապետ

Թել Ավիվում՝ ձյուդոյի «Գրան պրի» օլիմպիական վարկանիշային մրցաշարում, Ֆերդինանդ Կարապետյանը բավարարվել է արծաթե մեդալով

Երեւանում մայթով երթեւեկած մեքենան ու վարորդը հայտնաբերվել են (տեսանյութ)

Եվրամիության ղեկավարությունը ստորագրել է Մեծ Բրիտանիայի՝ ԵՄ-ից դուրս գալու համաձայնագիրը

Օգտագործել միայն լավ եփված սնունդ, շշալցված ջուր, չայցելել կենդանաբանական այգիներ. ինչպես խուսափել չինաստանյան վիրուսից

Մխիթար Հայրապետյանը զորակցություն է հայտնել Ադրբեջանի կողմից հետախուզվող Էլենի Թեոխարուսին

Հանդիպել են Հայաստանի եւ Վրաստանի արտգործնախարարները

ՊԵԿ մաքսանենգության դեմ պայքարի վարչությունը 2019-ին կանխել է թմրամիջոցների տարանցիկ տեղափոխման 6 փորձ

ԱԺ-ում տեղի է ունեցել Հայաստան-Նիդերլանդներ բարեկամության շրջանակի հայկական կողմի անդրանիկ նիստը

ՏԿԵ նախարարությունում քննարկվել են սպանդանոցների կառուցման ու սպանդանոցային պարտադիր մորթի հետ կապված խնդիրները

Գերմանիայում անհայտ անձը կրակ է բացել սրճարանում. 6 մարդ զոհվել է, կան տուժածներ

Տղամարդը ինքնասպանության փորձ է արել՝ ածելիով կտրելով ձեռքերի դաստակները. քաղաքացին հոսպիտալացվել է «Արմենիա» ԲԿ

Մհեր Գրիգորյանն ընդունել է Հայաստանում Ռուսաստանի Դաշնության դեսպան Սերգեյ Կոպիրկին

Հայրապետական սրբատառ կոնդակով հռչակվել է Բալթյան երկրների հայոց թեմը

Ռուբեն Ռուբինյանն ընդունել է Մեծ Բրիտանիայի եւ Հյուսիսային Իռլանդիայի ՄԹ գործերի ժամանակավոր հավատարմատարին

ՊԵԿ մաքսանենգության դեմ պայքարի վարչությունը 2019-ին արձանագրել է մաքսային իրավախախտման 202 դեպք

Արմեն Սարգսյանը դասախոսությամբ է հանդես եկել Հոլոնի տեխնոլոգիական համալսարանում

Պեկ հյուսիսային մաքսատուն-վարչությունը կաշխատի նաեւ հունվարի 27-ին եվ 28-ին

2019 թվականին 32 դեղատան լիցենզիա է կասեցվել. Լիցենզավորման գործակալությունն ամփոփել է կատարված աշխատանքները