«Պարտքը լավ է, երբ ճիշտ ես կառավարում». Կառավարությունը հավաստիացնում է՝ էլ բյուջետային վարկ չի վերցնելու, սա վերջինն է

ՀՀ կառավարության նախաձեռնությամբ հրավիրված արտահերթ նիստում ՀՀ Ազգային ժողովը քննարկում է Վերակառուցման եւ զարգացման միջազգային բանկից (ՎԶՄԲ) 45.8 մլն եվրո գումարի չափով վարկ վերցնելու մասին համաձայնագիրը վավերացնելու վերաբերյալ հարցը:

Ներկայացնելով քննարկման առարկա հանդիսացող համաձայնագիրը՝ ՀՀ ֆինանսների նախարարի տեղակալ Արմեն Հայրապետյանը հայտարարեց, որ սա բյուջետային աջակցության վարկ է, որի մարման ժամկետայնությունը 25.5 տարի է, արտոնյալ ժամկետը՝ 14.5 տարի:

Չնայած որ վարկը նախատեսված է 2019-ի բյուջեով, սակայն սա չի խանգարում, որ ԱԺ-ում բուռն քննարկում ընթանա այս թեմայով: ԱԺ պատգամավոր Տիգրան Ուրիխանյանը հայտարարեց, թե բյուջեի դեֆիցիտը կանխատեսվել է 180 միլիարդից ավելիի չափով, ապա հետաքրքրվեց. «Սա նշանակո՞ւմ է, որ եթե չլինեն վարկերը, եթե պարտք չվերցնի պետությունը, ճիշտ այդքան գումար չի բավարարի պետական կարիքները հոգալու համար….Այն պարագայում, երբ տնտեսությունն աճում է, աճի տեմպեր են արձանագրվում, բյուջեն մեծանում է, հավելյալ մուտքեր են ապահովվում եւ կանխատեսվում, ո՞րն է պատճառն ի սկզբանե փողի պակաս արձանագրելու եւ պարտք վերցնելու»:

Ֆինանսների փոխնախարար Արմեն Հայրապետյանը պատասխանեց. «Դուք ճիշտ եք, մենք ունեցել ենք արդեն եկամուտների 62 մլրդ ավելի հնարավորություն, բայց ամբողջը ծրագրավորվել է ծախսերով իրականացնել, հետեւաբար, դեֆիցիտի մասով պահանջը մնացել է նույնը: ԱԱՀ-ի գերավճարների վերադարձ է հիմա իրականացվում, ընթացքի մեջ է, իսկ բյուջեով նախկինում նման նախատեսված ռեսուրս չենք ունեցել: Մենք սեպտեմբերին մի անգամ վերանայել ենք ձեր ասած կոնտեքստում՝ հնարավո՞ր է վարկերը չվերցնել, կանգնեցրել ենք, հետո հասկացել, որ այնուամենայնիվ, ֆինանսական միջոցներ անհրաժեշտ են»:

«Վատ է»,- արձագանքեց Ուրիխանյանը: «Ես առաջ ընկնելով ասեմ, որ էդքան էլ վատ չի…Պարտք-ՀՆԱ հարաբերակցությունը բավականին արագ է իջնում, քան մեր սպասումներն էին: Պարտքը լավ է, երբ իրեն ճիշտ ես կառավարում եւ իրենից ստանում ես արդյունք, որը քեզ հնարավորություն է տալիս իրեն սպասարկել, եւ մենք արդեն գնում ենք այդ ճանապարհով: Առաջիկայում մենք բյուջետային վարկերից հրաժարվելու ենք, սա վերջին բյուջետային աջակցության վարկն է, անցում ենք կատարում  նպատակային վարկերի, երբ կոնկրետ ամեն վարկի տեսքով պետք է ունենանք կոնկրետ արդյունք»:
ԲՀԿ պատգամավոր Սերգեյ Բագրատյանն ասաց. «Փաստորեն, 4 համաձայնագրով մենք 130 մլն եվրոյից ավելի վարկային ռեսուրս ենք ներգրավում ու խոստանում եք, որ սա վերջին բյուջետային վարկը կլինի: Հիմա սա կարո՞ղ ենք ամրագրել այս համաձայնագրի վերջում եւ քվեարկել, որ այլեւս բյուջետային վարկեր չեն լինելու: Թե՞ մտածում եք, որ մյուս տարի էլ կասեք՝ նա նախավերջինն էր, վերջինն էս տարի է լինելու»:

Փոխնախարարն ի պատասխան՝ ասաց, որ Ազգային ժողովն արդեն հաստատել է 2020 թվականի բյուջեն, որով հաստատվել է, որ այլեւս  բյուջետային դեֆիցիտը չի ֆինանսավորվելու նման վարկային միջոցներով: «Ես ոչ միայն հավաստիացնում եմ, այլ օրենքով ամրագրված են այդ հավաստիացումները»,- հայտարարեց Հայրապետյանը:

Տպել
862 դիտում

Ադրբեջանի և Հայաստանի ԱԳՆ ղեկավարների հանդիպումն այս ամսին է պլանավորված. Մամեդյարով

Ծեծկռտուք Նինոծմինդայի սակրեբուլոյի նախագահի և Գորելովկա գյուղի բնակիչների միջև

Հունվարի 20-ի գիշերը Հայաստանի մեծ մասում սպասվում է ձյուն, ջերմաստիճանը կնվազի 3-4 աստիճանով

Հայաստան ժամանած 32-ամյա ՌԴ քաղաքացին Զվարթնոց օդանավակայանում ձերբակալվել է՝ կասկածելի փաթեթ ունենալու համար

Մարմաշեն գյուղում այրվել է կուտակված անասնակեր ու անասնագոմի տանիքը

Երևանում կողոպտել են հայտնի բժշկական կենտրոններից մեկի տնօրենի 14-ամա տղային

Պոլսո պատրիարքարանը պարզաբանում է ներկայացրել Տ. Սահակ Բ պատրիարքի աղմկահարույց հարցազրույցի վերաբերյալ

Արսեն Ջուլֆալակյանը ոսկե մեդալակիր է դարձել Դանիայի միջազգային մրցաշարում

Թրամփի իմփիչմենտի՝ Սենատ ուղարկված գործը 111 էջից է բաղկացած

Փրկարարները Ծաղկաձորում արգելափակումից դուրս են բերել ավտոմեքենան

Ովքեր եւ ինչու են դիմադրում փոփոխություններին

Երեւանում Honda-ն տապալել է էլեկտրասյունն ու բախվել կայանված Opel-ին. վիրավորներից մեկին բեռնախցիկից են գտել

Կոտայքի մարզպետարանը ԱԱՏՄ-ի կողմից մարզի որոշ դպրոցների նկատմամբ վարչական վարույթի մասին պարզաբանում է ներկայացրել

Տավուշի մարզում ձյուն է տեղում, Սյունիքում տեղ-տեղ մերկասառույց է, կան փակ ճանապարհներ

Գյումրու «Մոր եւ մանկան Ավստրիական հիվանդանոց»-ում բրուցելոզով հիվանդ կովի արյուն է հետազոտվել. Տիգրան Պետրոսյան

Քարոզչական նախապատրաստման փուլն է

Մարալիկ-Լանջիկ ավտոճանապարհին մեքենա է կողաշրջվել. 29-ամյա վարորդը հոսպիտալացվել է

Արթիկում 46-ամյա էլեկտրիկը հոսանքահարումից մահացել եւ ընկել է բարձր լարման բջջի մեջ

Կուտոյանի մահը չի կարող ինքնասպանություն լինել․․․նա ինֆորմացիայի կենդանի կրող էր․ քաղաքագետ

ՀՀ ԱԺ նախագահ Արարատ Միրզոյանը զրույց է ունեցել Արցախի խորհրդարանի նախագահ Աշոտ Ղուլյանի հետ